龍苑中菜廳

營業中

休息中

繼續回味過去的生日飯這天是跟認識了二十多年的好姐妹到金域假日酒店的龍苑中菜廳吃點心，有睇開我博文的朋友都應該記得早在 六月時候已到過酒店吃這個為慶祝酒店三十週年推出的{最真}懷舊點心 ，好友看完我的博文後深深記在腦裏待我生日又請我來大拆一餐！ 這天兩個女人仔就只點了數款點心但已經吃得非常滿足了！ 水滾茶靚係時候開餐喇！這兒的茶葉質素十分不錯，整場茶聚沒有添加茶葉底下到最尾仍然富有茶香，唔會像酒樓貨色變得淡而無味！ 先來香脆蝦春卷微暖的春卷吃下仍然脆口，內裏有不少爽口蝦肉而且炸得不油膩真不錯。 既然均一價錢又點可以放過我最喜歡吃的特點北菇棉花雞呢！絕對沒將價就貨的情況發生，內裏滿滿高質素的魚肚及滑雞吃得我倆甚為愜意！ 飲茶當然唔少得我必吃的豉汁鳳爪啦，這兒的醬汁剛剛好唔會太過杰身，入口亦都唔會過鹹炆得好淋滑美味喔！ 很久沒吃過懷舊鵪鶉蛋燒賣，雖然不算太愛吃但也點一籠回味吓先，燒賣肉質唔會太過結實吃下很飽足呢！ 當然要重溫這個松露帶子餃依舊外皮爽滑，而內裡的帶子餡亦豐足非常。 薑蔥牛柏葉吃落不會痴牙而且蒸得很入味，但戾略嫌油了少許！ 山竹牛肉是好姊妹的心頭愛我就不能跟她

早係6月尾係報紙見到龍苑為慶祝開業30周年而推出懷舊點心，因為只有星期一至五先有，所以專程攞咗日假陪阿爸阿媽諗住去懷舊下。是日星期五，佢11:00開始，我地11:00就到，點知點心紙上已經劃走咗砵仔雞蛋焗魚腸，咁跟本唔係限量供應，而係無得供應先啱囉侍應唔算少，不過成日都圍埋一角打牙骹，好難先叫到一個過黎收點心紙點心紙上嘅款式唔多，連蝦餃都無，除咗豬膶/鵪鶉蛋燒賣，糯米卷同蛋散之外，其他都係任何一間酒樓都叫得到嘅普通點心，一啲都唔特別糯米雞 - 咸叉燒包 - 包皮唔合格豬膶腸粉 - 最好食算係呢樣鳳爪 - 勁咸，要用水洗下先食得合桃糊 - 開粉，仲要開唔暈呢種水準嘅野食加上叫極都唔應嘅服務，雖然係4星酒店嘅中菜廳，收$19.8一碟點心還是有d貴囉

睇到Facebook一啲廣告彈出嚟，好似好吸引，所以立即去訂位，等咗個幾月，今日卒之有機會試！如果呢間係一間酒店嘅酒樓，就一D都唔合格啦，大家睇吓個茶壺嘴崩晒嘅未試過去酒店飲茶個茶杯碟污糟到咁，卒之又係要洗碗洗碟洗筷子，19蚊一位茶，真係差個美心好味小食38蚊一碟呢個陳皮牛肉，都可以炸芋角，大家都睇到油咗D，尺寸只係平常嘅一半大小潮州粉果就係呢D點心每款19.80，不過一定要訂位，如果唔係你嚟到有位，都無特價！整體來講原價又食過，特價又試過，都係二、三線酒樓質素

之前七月份見佢推出推廣，$19.8點心，覺得非常抵食。所以就打咗去book。呢度食嘅都係傳統點心比較多，例如，餣春蛋燒賣，松露帶子餃，豬潤燒賣，焗魚腸，叉燒餐包，黃沙豬膶腸等等。松露帶子餃以翡翠綠色嘅外皮包住帶子蝦膠，外形非常討好。另外蠔皇鮮竹卷非常惹味。仲有材料非常豐富。雖然我哋11點度到，但係原價＄108嘅焗魚腸已經無曬，所以試唔到，有啲失望。茶位＄19一位，另有前菜收費＄28，係一碟腰果，不過以佢點來講兩位我哋食咗八碟點心，除翻都算抵，因為都係酒店貨色。

因為見到宣傳特登一試， 結果令人失望。 專程去試佢哋嘅招牌魚腸， 11點鐘已成功入座， 因怕魚腸賣曬，所以11:02 交單給夥記落單， 結果喺11：09 夥記返嚟通知魚腸賣曬， 最奇怪嘅就係我見到遲嚟嘅客人居然可以成功落單攞到魚腸 。向經理查問，但佢嘅態度非常惡劣， 令你愈問愈激氣， 反而叫我哋教佢點做， 話今日早上只準備六碟魚腸， 再查問之下，話後嚟嘅客人係06分落單，我哋反而係09分落單， 完全解答唔到我點解早交單反而冇得食嘅問題。 其他食物嘅質素亦只屬一般， 所以不值一試。

片皮鴨生日飯！因為屋企人鐘意食中菜，咁就黎試下龍苑中菜廳~可能今日星期四weekday 所以一打電話黎book就有位, 講講環境先，因為係酒店入面既中菜廳所以裝修設計都幾雅致，係樓底唔太高但坐落都舒適。我地叫左個主打片皮鴨既套餐，味道唔錯，鐘意佢有三色皮感覺特別d,可以輕微刺激一下視覺，片皮鴨熱辣辣送上枱所以仲係好皮脆既好好食~真係煮得唔錯~另外值得推介既係佢個炸帶子伴京都骨都做得唔錯！其他菜式都ok!

月初在網上無意中發現這間中菜廳正在做30周年點心優惠，款款$19.8，覺得價錢ok,第二天就立刻打電話去訂位。可能已經有很多人知道此優惠，一早已訂位，因此我打去時已經每一天都只剩下2點後的位置。當天，我們大約1:45到達，等1，2分鐘就可以入座，立即看看有甚麼東西吃。我們叫了鵪鶉蛋燒賣，薑蔥牛栢葉，懷舊綿花雞，鮮蝦脆春卷，龍苑炸兩腸，即焗蛋撻仔，我最想試的砵仔焗魚腸因限量供應已售完⋯⋯鵪鶉蛋燒賣，自小就愛吃這個點心，難得這裡有當然要試薑蔥牛栢葉十分惹味，有一點微辣，但份量有點少懷舊綿花雞，又是我另一最愛，味道清淡，不會有很多味精，適合我這些不喜歡很咸的人鮮蝦脆春卷，裡面有很多蝦，外皮酥脆，不錯龍苑炸兩腸，我是叫給媽媽吃的，不是我喜歡的點心，但裡面是脆的，而且不會很油即焗蛋撻仔，有3個，味道還可以

某日睇飲食專頁介紹金域假日酒店嘅中菜廳30周年誌慶，推出多款$19.8點心優惠。由於媽媽一直想試酒店嘅中菜廳，七月頭打電話book 位無人接聽，唯有Walk-in 去碰碰運氣啦！結果當然是Full booking , 咁就立即book 定兩星期後嘅位再帶婆婆媽媽去飲茶。酒店商場的宣傳板～食物真係如實描述門面都幾有氣派，左右兩旁有中式大花瓶擺設侍應安排咗我地坐卡位因爲兩老行動不便，呢個安排妥當，坐得舒適一入座檯上已有一壺熱水，而下面係蠟燭保溫器，不過當時無點著。餐前小食-腰果，都幾香口，但可惜無其他選擇。碗筷都好整潔，中式檯墊感覺好雅緻。好啦～睇吓$19.8點心有咩選擇先？wow選擇都唔少喎，雖然無招牌蝦餃，但有燒賣同松露帶子餃都好吸引。仲有多款舊式酒樓甜品選擇，唯一失望嘅係無咗袖珍缽仔魚腸蒸蛋聽聞係必試架。未知係咪成本太高Cut 咗？Any肥，叫點心先！先叫松露帶子餃，食物同海報一樣架～皮薄而且新鮮熱辣，皮唔痴筷子，做得好靚綿花雞清清地黃沙豬膶腸粉豬膶夠爽滑叉燒焗餐包就普通d，後來仲點咗鳳爪、合桃露。合桃露清甜都唔錯嘅～如有提供迷你粉麵飯就Perfect啦！因為30周年誌慶座位較緊張，

物有所值，係碟腰果貴啲要廿幾蚊，必食👍雞粒芋角，👍🏾帶子松露餃，👍🏿豬膶燒賣，本來想試埋雞蛋焗魚腸，不過好早就無晒，據早係限量，雖然要早兩星期book先有位，都值得一試

難得有特價，所有點心HK$19.8，點都去試下BOOK 左下午兩點，一去到就有得入座不過呢個鐘數去到，4款點心 （松露帶子餃，焗叉燒餐包，鮮蝦脆春卷，同袖珍砵仔雞蛋焗魚腸）都已經無晒...試唔到皇牌嘅袖珍砵仔雞蛋焗魚腸...點心姐姐話如果想食到呢幾款點心最好就11點黎飲鐵觀音，茶嘅品質唔錯，飲落有回甘點心叫左豬潤滑燒賣、蜜汁叉燒包、懷舊棉花雞、香茜牛肉腸粉、同荷香糯米雞燒賣個人覺得塊豬潤太薄身，食唔到豬潤個種爽嘅口感叉燒包不錯，包食落唔黐口，餡料企理棉花雞上檯時非常夠熱，雞件夠滑身，最精彩嘅係吸左上湯嘅魚肚，湯汁無多無少，夾起魚肚後完全無多餘湯汁留於碟上腸粉做得好好，個粉唔怕糊口糯米雞就好一般，去呢到唔駛食佢

為什麼要放我半天假，有很多原因。 因為工作太累，因為抱恙，因為有好野食，因為有平野食? 係，所以難得我在放假前的周中來到龍苑吃過這個我會說是時光倒流二十年的價錢。 這個龍苑誌慶是由是星期一至五，糖水，點心，經典點心都係十九個八，仲要有好多都係非常好味又少見的。 就帶大家睇下今日食左乜。 陳皮牛肉球是最經典的飲茶選擇，牛肉新鮮連帶幽香陳皮，加上底部的蔬菜，最可惜沒有腐皮。 豉汁蒸鳳爪又係典型必吃的食物，那個豉油入味得很，鳳爪又蒸得淋淋，質感一流。 我愛這個薑蔥牛栢葉的原因係香氣四射，還有牛栢葉的爽勁，那個汁我覺得可以撈飯食。 我不特別好炸物，鮮蝦脆春卷卻出奇地令我喜歡，不油但脆得可口，大大隻的鮮蝦加上即炸的感覺是新鮮得很。 舊式的鵪𪂹蛋燒賣是朋友P的最愛，我自己就覺得係歷史感重要多過口感，我自己可能有點怕鵪𪂹蛋，燒賣卻是令人欣賞的，做到非常正宗。 牛肉腸的晶瑩剔透和那個龍苑炸両腸是顯示其腸粉的高超技巧，不過牛肉腸夾著的是滿滿的牛肉，配上豉油和滑到不行的腸粉，是必點的。 蛋撻仔係即焗的，你不能和什麼檀島對比，只能說，這裡的蛋撻仔係酒樓吃過的，蛋味濃郁，那皮又脆又香。

早前响網上見到龍苑周年紀念有優惠，所有懷舊點心都係$19.8. 酒店中菜廳有呢個價錢既點心真係好吸引！之前亦試過呢度既點心，覺得實在唔錯，就打電話黎訂位啦！1個星期前book位，侍應姐姐話我選既日子只有11:00-12:30，都好啦！10:45已到達，龍苑仲未開門，唯有等到11:00啦！坐低就即刻想叫魚腸蒸蛋，點知發現呢個食物被劃走了！好失望喎！唯有睇其他點心啦！劃完點心，等左一陣，好多點心就出現啦！今次覺得D點心不過不失，但冇之前咁好食。個叉燒餐包唔夠軟熟，同其他酒店中菜廳比較就差好遠啦！一輪點心之後，望望個錶已經12點啦！係時候要叫甜品呢！糖水既種類都算幾多！全部都係$19.8。不過，我就覺得同點心比較，糖水唔係好抵！特別係其中一碗合桃露只有半碗滿，有點過份！整體上，坐既環境夠舒服，食物就一般，比以前差了。而且，侍應人手不足，服務好一般，講唔得上達到酒店水平！價錢方面，$19.8既點心算抵，但茶錢每位$19，5個人要比2碟腰果，又要$56，未食野已經要比$150了！而且限時個半鐘，值唔值就見仁見智啦！

I went there twice recently with prior booking. However, booking was quite tough that you have to call since 11am. I tried to get there once without booking, I was simply rejected by waitress outside that no seats are available.Recently there is a great discount for 19.8hkd per dim sum. Food quality is great. Service quality deviates though: I had once enjoyed wonderful hospitality at 1.30pm on Friday, yet at 1pm on next Monday, the service became poor. The situation of missing order happened t

因為推廣關係,經某網站訂購此酒店的中菜套餐,可享有半價優惠,覺得幾抵,跟住訂咗.整體來說食物質素很好, 脆片皮鴨較為少,其他菜式份量很足夠及美味但環境就一般, 樓底較矮, 加上有強國人的關係，所以聲音較為嘈雜.另外,侍應笑容欠奉, 連經理亦沒有笑容, 到結帳時, 連一句多謝thank you亦沒有. 每碟餸與餸之間 , 沒有停頓,總之就將所有嘢推曬出嚟,務求盡快上曬啲菜, 感覺上好像不太歡迎食客光顧這個特價餐, 我第一次在酒店餐館遇到如此差的服務, 美x,稻x的侍應也較親切, 起碼有笑容,會識講多謝. 雖然食物如此美味,但我也不會再幫襯

放假前食好dd襯放假前同朋友相聚 今次揀左間有coupon優惠的酒樓 原價$738一個人Coupon 價$427 (連加一和茶錢) 有8道菜 包括有鮑魚海參燕窩等等食材絕對無因為用coupon 所以偷工減料👍🏼👍🏼黃金蝦球好惹味 蝦球用咸蛋黃包住 咸香味十足 每人2隻岩岩好蟹肉扒西蘭花 啖啖都食到蟹肉燕窩燉北海道鮮奶 奶味濃而且啖啖都食到燕窩 真係好正啊😍 服務質素好好而且座位舒適絕對係一個同朋友一邊食飯一邊傾計的好地方🙂