龍皇酒家 (開源道) (已結業)

其實這餐不是為慶祝父親節, 而是升職加薪賀飯, 順道當為父親再慶祝吧!過橋青邊鲍片 (此包連一支白酒) – 湯底呈奶白色, 鮮甜濃香, 配以銀芽及炸得脆脆的油條片, 十分香口惹味, 鲍片嫩爽不韌.孖寶米鴨和湯浸炸海班 – 米鴨肉嫩但肉味不算濃郁; 湯浸炸海班配菜有涼瓜和紹菜, 湯同樣鮮甜, 海班炸得香口又不失其嫩滑質感.日本金瓜焗龍蝦伊麵 – 汁是金黄色的南瓜汁, 自然而不過杰, 日本南瓜煮得軟淋, 但又不是十分香甜吧! 龍蝦肉地十足, 爽口彈牙, 炸漿薄薄, 有點似天婦羅的外皮, 整碟弄得不油不膩, 還不錯.鲍汁扣煮龍躉皮 – 吃到魚香, 膠質甚重, 煙韌彈牙.蝦子海參煲 – 蝦子味不算濃, 但也十分惹味, 嫩滑腐皮反而最覺好味.紫薯湯浸油麥菜 – 湯是漂亮的紫色, 很香蕃薯味, 十分特别的一味菜.奶皇卷 – 糯米卷煙韌軟熟, 奶皇味再香些更好.

3月29日媽咪生日，訂了觀塘的龍皇，我們預訂了一席12人餐$3,999（由於是特價餐，星期六要加$1,000，由於有13人，所以加多一位要加$280）。地點都算方便，地鐵站行幾分鐘就到。論環境，頗優雅，由於不太多客，所以不會嘈雜，侍應招呼亦非常週到。1.乳豬隻豬上枱時還是微暖的，皮很脆，肥膏不多，很惹味，可惜得16件，每人分不到2件。2.原隻鮑魚上鮑魚時是成煲上的，賣相吸引，每人有一隻鮑魚及一隻鮑魚菇，要用刀叉享受，隻鮑魚炆到剛剛好，好煙韌，好溏心，我地個個都比好高分。3.XO醬炒翠玉瓜花膠海參這個小炒有小小辣，味道不錯。4.雞湯燉肘子菜膽魚翅上這個翅之前，侍應生將一小碗湯底先給我們試味，我們覺得咸了一點，侍應生再拿第二碗湯底給我們試，我們認為可以了，主角就出場了，上湯和一煲翅是分開上的，那些翅真材實料，份量十足，簡直可以用筷子夾起，還有湯底有雞、金華火腿、雞腳都一併上碟，見到個樣都已經好滿足，因為未試過食翅是一大煲分開上，味道當然是齒脥留香，甘香鮮甜，正！5.炸杏仁芋頭芒果條這個菜雖然做得不錯，但實在有點失望，因為通常這類炸物，都係蝦蟹類，但這個餡是芋頭蓉，最中間是芒果粒，吃起來味道

星期日，又係嘆茶的時候，就選擇此處，裝修比隔鄰陶源及金龍船雅致，須然沒有大水晶燈，主要用射燈，黑色木中國式錭花屏風，配以光滑淨色大花瓶做裝飾，紅色及灰色絨面椅，當然再加白色枱布及白色食具先至舒服。我們已預先頂枱，並叫咗:香菇雞飽仔$18 (有薑汁，好!)卥水豬腳仔$38 OK潤燒妙齡鴿$38 一般卥水豆腐$22 嫩滑，底食窩燒鮑魚粒炒飯$98 (油麻地間好的，此處唔夠乾身，料少)五香牛展現$38 汁,好味，要推介!(灣仔間無咁好)蜜汁叉燒飽$19 ，好受歡迎，得!茶芥$8但侍應時常落錯單!

上星期五15/2年初八，一行四人再去龍皇食lunch，我地茶都未開，有個中級部長叫我地一定要食個1688嘅套餐，甘我地都係普通飲茶......使乜叫甘貴。佢又話我地一定要叫小菜，先可以比我地坐，又乜又物。跟住介紹我地飲老火湯，我地唔啋佢就即刻(黑面)，然後就用對講機同D同事講：睇住16號張枱，佢地要嗌小菜......嘩！？！大佬飲餐茶姐，使乜甘呀！幟哥唔該教下你班啦

Lunch吃過幾次都覺得外表扮得很好味，由裝俢至食物也一樣，至於內在美就欠奉了。好多菜式的味道都很搶，掩蓋了不夠新鮮的食物！●蝦腸＞很有派頭，亦很浪費。蝦，爽口得一吃就知沒有鮮味。●吊燒雞＞算很好，雖然咸了一點，但肉嫰皮脆。價錢比利園還要貴，食物質素差一大截，為何要在這裡吃！

2007-09-20朋友在附近上班﹐早陣子中午來飲茶時拿了他們特價鮑翅燕肚參套餐的單張﹐一直想找我一起去試試﹐不過因公事繁忙﹐延至這天才能陪她﹐有點歉意。去到發現檯上的宣傳單張跟我們手中的單張有少許出入﹐遼參變了普通的海參﹐另外東昇班也變成了普通海班﹐但價錢一樣﹐便向一女部長查詢﹐換來的答案居然是一樣的。怎麼會一樣﹐價錢就一樣﹐但用料分明的降班了。後來繼續追問﹐她才很不情願的承認是將貨就價﹐但還堅持是一樣﹐非常不專業。套餐中所有的食物味道都好一般﹐令我們都很失望﹐尤其我的朋友﹐她平時來午飯飲茶覺得質素也不賴才來試試他們的晚飯套餐的。不過我就覺得一分錢一分貨﹐實在也不能抱太大的期望。其中最離譜的是就算是一樣的套餐﹐兩份都有不同的水準。我朋友那份的花膠較厚(差不多是兩倍)﹐海參也較大﹐我那份的花膠太薄﹐無甚口感﹐海參細而且太爽口﹐感覺極不佳。另外散叫的魚子醬焗蠔亦不夠肥美﹐用的所謂魚子醬其實是三文魚子弄出來的醬汁﹐不是我們平時見到的魚子醬(cavier)﹐有取巧的成份。生意手法不坦誠﹐一次就夠了﹗

今日去左試呢間新茶樓,味道ok,不過冷氣頗凍...食左:1. 馬拉千層糕- 好滑好好食,同大榮華既奶皇馬拉糕有得比! YUMMY!2. 錦鹵雲吞- 唔肥膩又唔會好乾好熱氣咁,幾好食... 3. 鮑粒燒賣皇- 呢個普普通通啦...4. 香芋流沙酥- 呢個幾特別,好香口,芋蓉加熱辣辣流沙蛋黃,幾好食...5. 蜜汁义燒腸- 皮薄涵ok...6. 蒸鳳爪- 呢個普普通通啦...7. 蛋撻仔- 呢個普普通通啦...8. 福建炒飯- 呢個麻麻地,飯有點硬,味道有點鹹...大致上食物ok,服務都冇話特別有問題,都會再黎飲茶既!

跟家人提早共享中秋佳節。首次嚟呢度，相信水準會比以往常去嘅粵翠軒好，正所謂"一分錢一分貨"ma...book咗成間房，可以舒舒服服慢慢嘆...餐前小吃竟然係久未品嘗嘅仁稔，先聲奪人....差唔多一個人包辦成碟...先嚟乳豬。芝蔴皮style，皮極脆，豬呈一層皮一層肥膏一層肉，有如燒肉嘅三層肉，食得極過癮；可惜並唔係即燒即食，端上枱時已經凍咗...龍躉兩食，蒸頭腩及炒球。火喉控制得宜，魚膠質極重，肉頗滑。稍嫌油落得極重手，食到個口油淋淋...雞湯翅。翅仲多過湯，不惜工本，但自己最欣賞個湯，加入豬骨及雞而煲，極甜，但味又好清，極出色。自己情願飲湯多過食翅...特別一提嗰個一品煲。所謂一品煲，入面有木瓜、腐皮、用豬肉、馬蹄及蝦膠打成嘅丸及木耳等。感覺好清，但有D覺得同其他菜式格格不入...時菜係浸覓菜，但敗筆在鋪面嘅木瓜，跟前面嘅一品煲有少少overlap嘞 (因又有木瓜ma)..甜品以桂花椰汁糕最出色。桂花味濃之餘亦食到椰香，忍唔住連啪幾嚿....食物及service皆有水準....

雖然係係工廠區, 但用得以個名, 有得個d 價錢, 就唔該有返d 正常高級中菜館既質素, 比起附近個d 高級中菜真係差到無人有..之前老細請食飯黎龍皇都覺得唔好食, service 晏晝反而都ok... 但尋日因為屋企人生日黎試下以間, 真係唔覺得佢無乜人係有問題.1. 上翅個時, 因為話係生拆龍蝦燴翅, 咁應該我估會有龍蝦肉呱, 點知黎左一碗白色湯, 問個waitress 咩黎架, 佢話"翅囉"..再問"龍蝦呢" .. 佢話"龍蝦用黎肴湯架咋". 以d 完全唔係一間出名食翅既酒樓既有腦waitress 講得出既囉我覺得2. 叫個啫啫菜, 話想要蝦"將", 個waitress 竟然係用一個串人既態度講" 啫啫菜唔會有蝦將個喎, 係用蝦米爆既個左喎", 好似當我地咪食過野咁, 好d service 既都會問下廚房做唔做到, 或者一句話唔做咪算囉, 洗乜同個客理論者...3. 有一樣菜都未黎, 就放定d 將係度, 都未到, 另外一個waiter 就問仲要唔要,4. 人地淨係去左toilet, 就拎走人地條餐巾5. 都未食哂就趕住換茶同問上甜品未完全係接受唔到....

我並非第一次來,爹娘昨日在此店請客,一行6人,已預先訂位.未夠8點入座,先叫2份翅,再想叫呢度0既招牌菜,什麼"米鴨",經理話賣晒(8點未夠,客又唔算多),叫我食雞,我話想食鵝,又話要電話預訂(XOXO).我問:點解打電話訂又唔講?佢又答唔出(XOXO).我再問:你有d乜?佢居然答"鮑參翅肚"...(XOXO),我作為客人,覺得好有挑釁性...(XOXO),最後叫了個拼盆.想叫"乜乜禪譏佛語"又話賣晒(真的只有鮑參翅肚)...吃飽飽後經理係咁催我order甜品(趕收工???),叫了4客蛋白杏仁茶,1客香芒布甸同1客椰汁桂花糕.呢度d甜品碗已經比一般細,居然仲得半碗(成20蚊碗)...黑店黑店!個經理聽到我講點解碗杏仁茶得一半?佢都當聽唔到(XOXO)其實這店的食物質數不錯,但員工須再教育教育.龍皇可用"百無"來總結,除食物外(叫乜無乜),連員工都係(無應有的對答技巧同無應變力).

3個人~食左6樣野+一個飯講真d野幾好食個鮑汁鳳爪最好味又"林"又滑~個馬拉千層糕又好好味~好香好鬆由於遲到ge關係冇食到脆瓜如意餃同埋飯但係爸&媽都話好好食其他香芋流沙酥就係炸ge~一般啦個椰汁桂花糕就麻麻喇~甜得滯總括黎講~幾好味同好靜好舒服~同同區ge x 彩比較仲好味d不過就少d野食同其實都幾貴3個人$228

上星期六相約父母麻雀耍樂,耍樂前呀娘話想食翅,星期六食翅呢度抵!中午12點人客不算多,但與之間有點逼,私隱沒有了.拿起點心紙求其點了幾款(不多提,味道同款式沒有特別),平時爹娘最愛叫油菜,但今天改叫小菜,油菜38蚊碟,得幾條,唔抵!叫了個小菜,有菜有菇有魚腐都只係78蚊.主角魚翅...$298(4-5位用),湯底算味鮮但比魚翅城還差一點,魚翅幾多,很軟滑,較魚翅城的粗.唯隔油功夫差一點,可以好D添!這兒晚飯的菜式也頗特別,上次試了"千葉豆腐"同"XXXXX佛語"(好蹺口),口味清新,蠻不錯!要提提這店的侍應更換碗碟次數太頻密,小小鳳爪骨也立刻更換(應該是公司指示),環保D好嗎?

預早慶祝爸爸節, 一行五人拜會幟哥.要了個四人餐另加兩個餸.燒味拼盤–有海哲, 叉燒和乳豬. 叉燒最正, 肉爽嫩唔鞋, 似豬頸肉質感.海鮮羹–有蝦, 花膠絲, 鮮味唔太杰.鮑魚扒鵝掌–每碟有三分一隻鮑魚, 煙勒唔實, 也算鮮甜, 鵝掌淋度掌握得好, 但汁略咸.翡翠炒龍躉球- 龍躉球肉爽鮮, 唔錯.魚湯什菌浸油麥菜–菇油泡成金黃色, 外表似炸魚片, 但唔會太乾身.桂花椰汁糕–造成一層椰椰汁糕一層桂花糕, 但椰汁味太搶, 蓋過桂花清香.另加:薑葱油泡龍躉皮, 瓦煲上, 只有六塊龍躉皮, 但皮厚膠質重, 很正!瓦煲豉油雞- 豉油很香, 有乾蔥, 薑片, 雞胸肉也算嫩.埋單大約$1350, 物有所值吧!

上個星期六去咗飲茶，見佢新開張推介三両大碗翅$89叫了一個，雖然唔係一d靚翅不過都真係足三両，口感都幾好．另外叫咗一個蟹炒麵$98，D蟹好鮮味，不過嗰麵個底就肥咗D．又叫了一個蝦餃，D蝦都幾旦牙，其他點心D價錢都唔算好貴，可以再去幫陳．味道方面都唔算好淡，幾適中呀！

見間酒樓新開兩個月，成家人一齊去試吓，結果笏物非所值！！１）環境勁差冷氣唔夠，酒樓通風勁差，唔知點解成晚都有煲燶嘢味，叫伙計開大冷氣都無改善，結果小朋友話嗅，老人家仲咳。男廁又濕淋淋，個梘液機爛咗又無人理！！２）服務勁差除了寫菜時好殷勤，其他時間要叫好耐先有人理，仲有伙計掛住睇電視！！３）最重要，價錢勁貴，超唔抵餐牌上沒８人以上套餐，經理熱心地寫菜，＄１８００十二人用，個個餸個名同煮法都「懶」特別，結果令人嚇一跳！第一味：竹庶芧根煲沙魚骨味道好甜，但過份杰，有人仲以為飲粟米忌廉湯！第二味：象拔蚌炒荷蘭豆沒特別，味道尚可！第三味：竹苼東瓜扒莧菜竹苼少到離譜，個汁仲杰到一pat pat。第四味：蕃薯煮大白菜個賣相都幾嚇人，一pat pat 紫色蕃薯溝埋D 大白菜，味道怪怪的，完全唔夾！第五味：紅燒海班比較好味的一個餸，但老人家話條魚唔新鮮！第六味：燒雞最好味，皮脆肉嫩，肥瘦適中，但隻雞個size 得一般白切雞三分二，六個人食就ｏｋ，十二個就唔多夠!最後仲有荷葉飯，壽包同糖水。荷葉飯同壽包要食完所有餸再等四十五分鐘先到，期間催過多次都無用！荷葉飯內竟然無料，只是一碗有味飯！糖水又要再等多十五