龍泉私房菜 (已結業)

一般好少會去食呢啲私房菜，適逢老細榮休晚宴，就訂咗呢間私房菜包咗間房慶祝喇。我哋揀咗嘅係$308一位嘅鮑蔘翅肚海鮮餐（都係招牌餐！）金銀蒜粉絲蒸元貝帶子蒸得啱啱好天下第一雞呢個招牌第一雞，果然係皮脆肉嫩，個皮仲有好多好脆嘅芝麻，同平時啲炸子雞唔同level!花雕蛋白蒸蟹好香花鵰味，食多兩啖都驚醉呀！招牌三式蝦極力推介，果然係招牌。入面嘅芝士蝦丸係最好食嘅，黃金蝦都好食！清蒸游水海斑原隻鮑魚冬菇扒時蔬瑤柱扒時蔬飄香炒飯可惜係甜品芒果布甸唔好食，求其咗少少，臨尾香！

一大班朋友，總要耐唔耐聚下，當然食私房菜啦，龍泉又有VIP房。靜靜地，方便傾計我地一行20人，叫咗『龍蝦燕窩海鮮餐』先嚟就飲個蟹肉金山勾刺，湯底夠火喉，濃濃金華火腿香，魚刺分量十足！金銀蒜蓉粉絲蒸元貝，比較失色，蒸得過火，有d韌，粉絲較乾身芝士龍蝦十分好味！芝士汁濃厚。龍蝦肉爽口招牌三色蝦，有芝士蝦丸，美極蝦。最正係黃金蝦，炸到脆卜卜。連殼都得埋東星班，正到無辦法表達！蒸得剛熟剛離骨，肉甜又甘香。我KO埋個魚頭！仲有蔬菜，第一雞，炒飯，布丁 etc...但我太飽食唔落喇！

慶祝同事脫苦海👏🏻👏🏻👏🏻👏🏻👏🏻加上happy Friday ，一早就約好今日成班人去同佢食餐好既賀一賀佢。就去左尖沙咀食私房菜。睇價錢就知抵食啦！我地order左個E餐-龍蝦🦞燕窩海鮮餐，一聽個名就知正啦菜色有：生拆蟹肉扒金山勾翅金銀蒜粉絲燉螺頭天下第一雞芝士龍蝦🦞（伊麵底）原隻鮑魚扣山珍海味招牌三式蝦清蒸游水海星斑瑤柱扒時蔬飄香炒飯杏仁燕窩份量啱啱好，又好味，環境舒服，交通方便！

我地選擇左D(招牌套餐），5個人價錢係$1694好快就有菜上啦，金銀蒜粉絲蒸扇貝～粒貝好大粒呀！完全唔係發育不良個啲，個汁調得好好味，粉絲要加埋啲汁一齊食，正！之後就黎花雕蛋白蒸蟹！極推介！個蛋滑到好似豆腐花咁，加埋淡淡的酒香味，好味～再黎係天下第一雞，皮好鬆脆，雞肉都嫩滑嘅，不過脂肪略為多左啲。下一道菜係原隻鮑魚扣山珍海味，燘得好入味，啲花膠燘得好稔！招牌三式蝦（炸蝦球+黃金蝦+蔥炸蝦），黃金蝦同炸蝦炸到好酥脆，連個殼都食得，鹹蛋香/蔥香都唔會覺得好鹹，味道岩岩好！炸蝦球裡面係有花士咖！清蒸游水石斑，魚蒸得啱啱好，肉質好嫩呀！好鮮！瑤柱扒時蔬，醬汁滿滿都係瑤柱！不過菜心太硬了，略為失色。飄香炒飯，啲飯粒係炒到一粒粒咖！完全冇痴埋一齊，而且炒得好香口！芒果布丁中間是真果肉，仲有好多花奶，好味道！所有野全部食晒呀竟然！記得訂位時選擇湯定翅～同埋如果唔熟路，地鐵係R出口出去比較容易搵同唔洗係地鐵到行咁遠去到L啦，又或者如果近L 出口就L3出啦～

自從龍泉由尖沙咀搬咗去觀塘，少咗過去，因為觀塘對我黎講真係唔係咁方便。見佢尖沙咀開返分店，當然要搵時間黎食。咁多年黎，一講起私房菜都會諗起龍泉，一方面因爲第一次食私房菜就係食佢，另一方面，佢地水準咁多年都保持得好好 嘢食方面，有好幾個 menu 選擇，應該唔難搵到合適嘅。分量十足，我地一行 9人（6大3細）訂咗個 7人餐都剩咗好多。尖沙咀分店地理方便，唔難搵，上到樓上，地方闊落，坐得好舒服，開開心心愉快嘅晚餐

今日約了一班舊同事收工Happy Friday, 我地兩星期前已訂咗食私房菜，今次亦係我人生中第一次食私房茶呢。。。我有朋友去過呢間嘢，佢地話好食，底食！但我亦有朋友食過，話唔好食！唔底食！以我估計，係睇吓叫咩餐而已🤔今日我地食嘅，係鮑參翅肚海鮮餐🤤價錢係308+1三式蝦， 有三種不同做法嘅蝦，都炸得好出色，我自己就中意黃金蝦💕粉絲元貝，我覺得煑得熟嗰頭，60分花雕蛋白蒸蟹🦀, 酒味好濃，好入味，但冇乜蟹膏。芝麻雞，起正！勁入味，又多芝麻，加上雞好新鮮，全晚最好食的一道菜❤️❤️❤️🤤魚翅。。。勁👍🏻好足料，睇相就知，不用多講😗游水海班，雖然條魚細細，但火喉剛剛好，$300食個海鮮餐，真係算係咁👍🏻原隻鮑魚😬仲有花膠❤️瑤柱扒時蔬，味道剛好，不咸，靚菜👍🏻👍🏻👍🏻炒飯好乾身，又少油，炒得好靚，值得一讚👏🏻芒果布甸，全餐完。老闆好好人，仲送多半打啤酒俾我地。呢間私房菜係唔收開瓶費同切餅費，所以呢一餐，我覺得係超值👍🏻👍🏻👍🏻

獻出我人生第一編OpenRice 食評俾呢間嘢，睇完其他食評book左呢間嘢，講真$400一位，料唔靚唔緊要，但真係難食，我寧願你用平料但用心做，好過你堆砌出鮑參翅肚又燕窩龍蝦咁嘅材料然後做出一堆垃圾有啲菜式可惜無影相，不過都相當精彩清蒸游水海星斑 ： 全晚最正常呢樣，俾佢四星瑤柱扒時蔬：啲菜芯老過阿婆，有渣杏仁燕窩：呢個精彩，碗嘢碎燕都唔多見，唔緊要，你俾碗正常糖水我吖，啲杏汁溝左水無煲過咁，無嘢好講甜品送芒果布甸：無芒果的，難食過大菜糕，唔送仲好生日飯另外訂了一打壽包$120， 顏色形狀奇怪不在話下，皮硬嘅，啲蓮容好似燶味咁，可能佢都係買返嚟，但你收我$120，一定要訂足一打，生日俾啲咁嘢人真係唔好囉總之呢間嘢令到人對私房菜都無哂信心，上菜又慢，仲要個服務員由頭到尾戴住同一對乳膠手套，無論上菜，收枱，清理啲蝦殻，幫你影相，都戴住個對手套真係好唔衛生🤮無下次

尖沙咀樓上鋪隱藏咗無數的食店，能做到貨真價實，保持水準，留住食客的心，循環推廣，這也可能就是龍泉的真本領，一般私房菜都以西餐為主，這間主打的是中式套餐以《鮑參翅肚海鮮餐》為招牌餐 濃香的蟹肉湯底拌咗一梳梳太太塊的翅，份量相當足料如果刺身元貝我从來沒敢嘗試過，但看似普通的一碟蒸元貝，火喉控制得岩岩好，真的想再來一隻雖然一直我不太愛食蟹，是因為怕麻煩，但今次食了蛋白蒸，反而我愛上了它，蛋白吸取了花雕酒的香味和蟹肉的鮮味，食完蛋白之後慢慢拆蟹肉其實係芝麻炸雞，比起外邊食的炸子雞好味得多多一般宴席少不了鮑魚這味，但今晚的菜式好似去飲的感覺，每人一焦鮑魚之余還有冬菇，花膠份量十足一式三味吾同味道的蝦，各有特色，個人最愛咸蛋黃蝦看其簡單的清蒸海斑，賣相一流之余火喉控制得非常到位本是清淡的小菜一碟但配上濃厚的瑤柱醬汁幾秒清曬普通的一碟炒飯，炒得色香味具全，飯粒干身少油不但賣相一流，也給整個套餐划上圓滿的句號。

身為‘吃貨’既我，weekend平日得閒都中意落街食，日韓料理，各式西餐樣樣都食到‘暈’，至於私房菜中式菜對於我黎講雖然比較陌生，但又並非零經驗！！！！之前都有幫襯過龍泉一兩次，第一次系尖沙咀華源大廈個邊個間，第二次幫襯竟然換左look，搬到官塘駱駝漆，專業度，場地寬闊度，裝修外觀度大大提升至5星星而今次book位聽何太講尖沙咀又新開多左間系漢口道，之前第二次覺得間鋪搬左官塘坐車都要半個鐘，依家認真零射方便，龍泉零射照顧油尖旺區既客，而依間新開既尖沙咀分店裝修，門面，場地，都系值得大大加分，完全拋棄原本第一間尖沙咀既‘窄’，換左新環境，新裝修，零射唔同！！從第一間（尖沙咀）裝修簡陋既龍泉一直都唔系以裝修排前，而系將菜色味道排系最為前，而依家一個又一個既新裝修鋪頭陸續興起，裝修度同菜色味道度都保持系同一條水平線上（雙高）奉上令我幸福感爆棚既相，另外，想講花雕蛋白蒸蟹真系無得彈，系我認為今次菜色中既皇冠級