龍悅 (沙田商業中心商場)

營業中

休息中

星期日晚上的火炭，除了牌檔外，要找吃的可不太易！龍悅是區內唯一的酒家，大夥兒開會後，自然地走上這酒家「吹水」去！也許是唯一之選，酒家內也食客不少。坐下來點菜，先叫了個班兩味及蒸鮑魚餐，然後再叫了個豆腐和燉湯，4個人也差不多了😃豈料10分鐘後獲告知，燉湯沽清！正在躊躇好一會，待應又來告知班鮑孖寶也沒有了！哈哈！難道4個人吃一碟豆腐？商量下，便加了個煎藕餅、白鱔煲和芥蘭炒鮮魷。千呼萬喚才找了個忙不迭的侍應落單！好一陣子，最早上桌的竟然是鮑魚，我們都呆了好一會！不是説沽清嗎？若是孖寶來了，倒要減些菜式啊！當下吃抑或不吃呢？侍應們這次干呼萬喚也不來：）總不能眼巴巴的看著鮑魚冷卻，於是我們決定舉箸斉吃，然後再努力喚侍應減單！剛吃過鮑魚，豆腐來了！我們仍忐忑地告知侍應剛才情況，並要求減單，侍應也有點不知所措地告訴我們，她新來的，不知就裡，要到廚房看看及請示經理。轉身後，經理來了，原來孖寶中的班實在沒有，鲍魚卻蒸了錯拿出來。吃了的不計數，未吃的收回！就這樣擾擾嚷嚷的一頓晚餐，烏龍百出的酒家請了我們每人吃了隻鮑魚！白鱔切的太薄，蔥多也香口，熱騰騰的佐飯也不錯藕餅夾雜臘味同煎，香脆惹味，只是稍嫌油膩豆腐

陪外國返港嘅朋友玩咗一日，本想到沙田新城市廣場食晚飯，但諗起人多又要排隊又要限時就怕怕，諗住就喺沙田週邊搵食喇。上網搵到火炭呢間酒樓，相信會少人，就駕車前往，可能到嘅時候時間略早，只得幾枱客，雖然有啲心驚驚，怕會中伏，但因為怕咗新城市廣場嘅等位情況，就決定冒險試一試 。由於我們到得早，可以選擇角落的座位，比較舒適寧靜，傾偈都方便啲。餐牌送到嚟，見到有個晚飯推介 --- 絕配孖寶，只收$228，已包括海斑二食和燒雞一隻，三個餸再加一個芥蘭炒牛肉 ，四個人夠哂食。翠玉炒斑球翠玉瓜幾爽脆，斑球算新鲜，份量都好多，顏色和味道都合格。雲耳蒸頭腩斑頭腩都有好多肉，唔會淨係得啲骨，不過如果雲耳嘅份量多啲就更好。秘製燒春雞春雞係炸嘅，但隻雞肉滑皮脆，牛肉炒芥蘭牛肉炒得嫩滑，芥蘭爽脆，味道都唔錯。埋單$410，算好抵。

5.1放假瞓得晏，唔知食咩好，去了附近的酒樓飲下茶。其實呢…區內冇乜酒樓可選。2個人叫了5樣點心，味精就一定有的，食完都係要勁飲茶。衛生環境，裝修普通，雖然場地很大，但都有少少屋邨酒樓feel，不過值得一讚係冇果種酒樓味。服務就同譚仔阿姐果啲服務咁啦…都o k的。講番野食，佢有懷舊乾蒸牛肉，唔係間間酒樓有的，都ok好食。炒米炒就多炒極炒配料，味道ok。椒鹽豆腐好食，可再encore蜆芥鯪魚球，極咸，唔駛食。牛肉腸都ok埋單$147，假日午餐飲茶，呢個價錢都ok。

同屋企人食飯但費事響沙田咁迫, 所以去左火炭呢間新酒樓, 見佢價錢唔貴, 所以一於試下.平日夜晚唔太多人, 唔訂位直入都無問題. 環境幾大夠寬敞, 而且好光猛.要左個燒腩仔(例牌), 肥瘦一層一層隔開既, 夠平均. 咬落個皮幾脆卜卜, 肉質腍身夠嫩滑, 唔會太咸且富肉鮮味.雙菇扒蔬, 菇菌份量幾多, 小唐菜新鮮爽口又乾淨. 個汁杰身可以撈飯, 唔會太咸, 剛剛好. 成個雖然無肉鮮味, 較素, 但唔會覺得好清淡, 反而仲更加惹味.