龍尾軒

營業中

休息中

今日天氣涼涼地，天朗氣清，胡老闆請去大美督汀角路龍尾村私房菜食飯，準時6:30到達，進入門口，環境優美，裝修與別不同，先在涼亭嘆吓功夫茶，之後7:30左右起菜。菜式如下：鴨腿燉湯，夠火候。蟹肉桂花翅，配上銀芽，十分之滋味。蕃茄煮星班，蕃茄清甜配上新鮮油浸星班，味道好有驚喜。之後上雙冬羊腩煲，炆得香滑不鞋兼且好入味。最後魷魚肉餅煲仔飯，飯香粒粒分明。甜品結尾是美點雙輝，超水準！薑汁棗皇糕和黑糖馬拉糕，並有蛋白杏仁茶結尾，呢一餐好味，珍味，超滿足！馬上和年青經理史堤芬拿卡片，後天就是除夕，馬上訂一圍10 人席賀賀2023新年。

環境舒服只有四圍枱服務友善食物好味囡囡主動食飯蒸水蛋好滑炆米好夠鑊氣羊腩煲，可以半份上，好夠食，炆得好入味，馬蹄爽脆，冬菇超大只，生菜好新鮮有個佈置古色古香的前院，涼亭，食完飯可以散步

今日同屋企人踩單車入大尾督，見到大美督條食街有個好靚嘅花園，一開始仲唔知道係餐廳嚟㗎，點知行近啲有個餐牌喺門口，見到價錢合理，決定同屋企一家大細入去試一試。菜式一個比一個有驚喜，估唔到喺新界地方有咁好食嘅中餐，後來同服務員傾偈先知過處喺福臨門做咗13年大廚。服務員話佢哋仲做埋寫菜單的形式，有大枱留俾商務客人。真係估唔到大美督都比我搵到一間你當我咁多驚喜嘅中餐。