影片
適逢生日，今日唔自己煮就出街食，一向留意開既龍城雞煲可以趁呢個機會試試。訂左枱同老婆去食，2人枱2個人坐，坐係廚房隔離，位置一般，去廁所啲人出出入入其實都幾煩。講返食物，雞煲啲雞係幾好食，雞件夠多肉，件數都唔少，個雞煲既汁好濃厚，睇得出有放心機落去。雞煲之後就點火鍋料落去雞煲既汁加湯煮，點左好多火鍋料唯獨是手製墨魚丸，脆鯇腩比較好食，呢兩樣其他舖都比較少有。不過有啲例如牛骨髓，魚皮餃呢啲點左沒黎，可能沒貨啦。總體黎講，食物選擇都多既，$188任食黎講算係唔錯。唯獨有一樣要改善係個店員，唔知老細定店員啦全間舖得兩個人，好多時攞點餐紙，加水要自己黎，明白既，舖仔細細自助形式我都覺得合理既，始終請多個人支出又多左。但係全程沒咩主動問需要啲咩同幫手之外，最主動就係夠鐘趕人走俾錢，最後果下其實好bad feeling，其實我都熄哂爐準備走，銀包都拎左出黎，都唔差左幾秒，出面又沒人等，其他枱又空既，真係唔需要咁。如果想食一餐正常既雞煲火鍋，加上地點近，再加上個店員helpful啲，唔好咁摺講野沒咁掘呢，或者會考慮再黎。
繼續閱讀
屯門好似唔多任食雞煲，係openrice見到有龍城雞煲，雖然食評唔多，都決定一試。六點去到成為第一枱食客，餐廳唔算大，大概三十個座位。龍城招牌雞煲(小麻小辣)平時既雞煲都係煮得比較乾身同少汁，尼間既雞煲就好多汁，辣度適中，之後打邊爐唔使點豉油都好夠味，唯一唔滿意既係，d雞件係炸過既，雞皮變得好難食，雞肉就一般，同埋雞件好少，唔似有半隻雞。以雞煲泥講，我會俾3分，勉強合格。火鍋配料方面，特級雪花肥牛有驚喜，唔係連鎖快餐店既質素，係正常ok好食既肥牛，第一轉仲有雪花，幾有牛味，有趙口；牛柳粒有牛味但太un，好難趙開；美國黑毛豬無乜豬味，但唔難食；黑草羊肉片幾有羶味；日本廣島生蠔正常，叫左兩轉都有來；花枝片同墨魚仔幾爽口；白鱔片有鱔味，唔錯；脆鯇魚片同脆骨魚腩比普通任食火鍋好食；手打芝心蝦丸有少少芝士係入面；蟹籽鵝肝墨魚丸唔覺有鵝肝；手打墨魚滑同手打蝦滑都幾彈牙，唔錯；午餐肉係好食既午餐肉；日本蟹棒唔錯，唔係cheap cheap蟹柳；響鈴望落唔夠脆，不過都可以接受；金菇正常。竹串鮮蝦點左兩轉都無來，可能無貨？(第一轉)(第二轉)(個人口味：3.8+3.8/10)飲品選擇唔多，只有一個雪櫃，例如可樂，荔枝紅茶，啤酒。整體而言，雞煲既雞件係差少少(唔鐘意炸過既雞件)，好彩配料比其他平價($128-$158)任食雞煲高質。餐廳只有一個侍應(可能係老板?)負責接待同傳菜。雖然侍應比較沉默寡言，表現得唔太熱情/好客，但都能夠提供基本服務。如果有下次，我會叫麻辣火鍋，然後再叫雞件。
繼續閱讀
幫趁左多年，越做越好188任食都有新鮮脆骨鯇牛肉好有鮮牛味，雲吞同埋韭菜餃好好食，任食仲有樽裝大青島任飲，出邊真係未見過，唔怪得知仲keep到咁多人流，地方就細咗啲
繼續閱讀
第一次嚟呢度食飯，味道唔錯。 本來想去食良景雞煲嘅點知佢唔再做自助餐所以就嚟咗景峰。開頭以為係逐碟逐碟點，点知道原來係188蚊人任食所有食物好新鮮，飲品任飲，好多嘢揀，下次會再來。
繼續閱讀
未食過如此難食的雞煲零味道雞質差真係非常非常非常非常難食去天悅打個邊爐都冇咁嬲真係有啲懷疑以上七個留言都係打手無一樣野係值得欣賞!！勇士可以去試下.....絕無半點虛假
繼續閱讀