影片
更多
2014-06-16
2314 瀏覽
私房菜？？ 認識我較深的朋友應該都知我對食有一定的要求，平時的我較喜歡“報喜不報憂”，但今次為左真理，我一定分享呢個中伏的經驗俾大家知……話說我大概兩星期前幫個老友訂餐生日飯，諗住成班金蘭姐妹一齊食好啲坐得舒服啲，可以慢慢傾慢慢成，所以我揀左私房菜，仲要試新嘢，喺openrice上見到啲相都ok嘅，跟住打去訂好哂菜單同人數，仲指明問實係有獨立房先幫診。終於到尋晚就滿心歡喜咁去，（張枱訂左七點半）點知七點二左右，個私房菜老細send個whatsapp嚟俾左張咭片我，仲要係勁蒙的，係第二個地址……我已經覺得奇怪，個地址係地舖嚟呢嘅？都算，去到再算。去到竟然係一間叫“有口福”食雞煲的茶歺廳囉，話有房俾我哋，要行入去嗰條又濕又滑又跣嘅走廊再上樓梯，點知見到嘅，就好像個俾員工包雲呑嘅工塲一樣的飯堂，仲有幾部碎肉機放左喺地下，我自問都算eq高的人，但我嗰刻心內嘅火，簡直就好像森林大火咁，燒到“化化”聲！！我梗係即刻問點解成個地方都貨不對辦？訂位嗰時完全無講過話會喺呢個咁嘅工塲度食囉，如果係咁我一定唔會來。個老細仲要喺度扮無知話“下？係咩，乜我無講過咩”……其實真是好想走的，但人哋又買哂送，走又好像
話說我大概兩星期前幫個老友訂餐生日飯，諗住成班金蘭姐妹一齊食好啲坐得舒服啲，可以慢慢傾慢慢成，所以我揀左私房菜，仲要試新嘢，喺openrice上見到啲相都ok嘅，跟住打去訂好哂菜單同人數，仲指明問實係有獨立房先幫診。終於到尋晚就滿心歡喜咁去，（張枱訂左七點半）點知七點二左右，個私房菜老細send個whatsapp嚟俾左張咭片我，仲要係勁蒙的，係第二個地址……我已經覺得奇怪，個地址係地舖嚟呢嘅？都算，去到再算。
去到竟然係一間叫“有口福”食雞煲的茶歺廳囉，話有房俾我哋，要行入去嗰條又濕又滑又跣嘅走廊再上樓梯，點知見到嘅，就好像個俾員工包雲呑嘅工塲一樣的飯堂，仲有幾部碎肉機放左喺地下，我自問都算eq高的人，但我嗰刻心內嘅火，簡直就好像森林大火咁，燒到“化化”聲！！我梗係即刻問點解成個地方都貨不對辦？訂位嗰時完全無講過話會喺呢個咁嘅工塲度食囉，如果係咁我一定唔會來。個老細仲要喺度扮無知話“下？係咩，乜我無講過咩”……其實真是好想走的，但人哋又買哂送，走又好像好衰咁，主角都話試下先，唯有硬住頭皮頂落去……
送嗰方便輕輕講下，湯唔夠味。鮑魚太un.無咩味。魚唔滑。辣酒煮花螺唔香。最勁係豉油王大蝦，啲肉霉霉哋，蝦頭腥到嘔咁濟，唯獨我覺得個炒帶子叫做我會食多舊，其他全部嘅送我都不敢恭唯……同我喺我真心覺得我煮或我工人煮嘅都一定好食过他尋晚煮出來嗰啲，仲要講到好有誠意咁。
最後環節，埋單，他仲好意思話“好啦，酒水方便唔計，我請你哋，咁就收翻每位三百蚊。”
他真是好意思講得出……最後用9折作左個ending...其實我只是覺得無論對朋友或做生意，誠信真是好緊要。如果他肯老實同我講，我對呢間嘢嘅評價一定唔會咁差，呢間嘢真係喺我的美食道路上蒙上一個污點……
好彩成班老友都傾得超開心超爆笑，喵……
張貼
