影片
話說我住响新蒲崗都好多年，大部分都係街坊經營，好有人情味。哩間齊記兩餸飯而家成為左我嘅晚飯必選5名之內。一星期一家幫襯最少一次，佢哋唔只食物又大份又好食（$36兩餸，$42三餸，又可以買淨餸，$50兩款淨餸），同埋好有人情味，對客人好似朋友咁！首先想講佢哋店舖好乾淨好光猛，令我覺得好安心。但係因為鋪頭細，最多只有16款選擇。但係每一樣都好好味我真係好少見賣兩餸飯嘅全部店員咁有互動性，佢哋會不停介紹餸菜，大家互相幫助，見到多人姐姐應付唔切，廚師會上前幫手，大家好有活力，見到熟客又會傾下計，有時會問候下，真係好窩心。我自問有選擇困難症，次次去到都唔知食乜，姐姐每次都落力介紹各款菜式，比佢哋推一推又會揀到。我最欣賞佢哋係肯聽意見，應該有好多人反映個生炒骨骨多過肉，佢哋已經轉左咕嚕肉啦！ 果次我唔想揀，比個肥妹仔介紹下先知轉左咕嚕肉 真係啖啖肉呀！正呀！仲有佢哋個 蓮藕土魷煎肉餅， 3樣材料都好合符比例，超正！大大塊勁抵食！仲有南瓜排骨同蝦醬豬肉，正到無人有。不過佢哋個位置都幾偏僻，所以無乜人知，希望哩間小店有更大嘅生存空間！香港人幫香港人！加油呀！我食兩餸飯無乜點影相呀，只係影左一張咋 真係勁大盒！ 真心推介，值得一試再試！
繼續閱讀
齊記美食🌭💛淨雙餸 （$50@1盒） 生炒骨🍗好多骨好少肉，好甜好酸，都好油膩😿滑雞蒸雞🐥啲雞好滑，但成個餸都好油好鹹。如果撈餸還好，就咁食會腎虧😿三杯雞🐥佢個三杯雞好甜，但都好食嘅。只係唔係三杯雞嘅味，冇麻油香又冇九層塔味，又冇鹹味😿椒鹽豬扒🍗豬扒炸粉偏厚，有啲位冇肉淨係得炸粉食。椒鹽味係0呀，得少少少少鹹之外，冇味架😿Extra comment🖍:•佢係齊柏林副線，但佢嘅熱狗同雞塊真係好食好多，雙餸飯唔得掂😿
繼續閱讀