鼎泰豐﹝黃埔美食坊﹞ (已結業)

食左幾樣野都係蟹粉小籠包最好食,係去鼎泰豐0既必食之選!品質同品道都同台北店差唔多.另外蝦肉蒸餃同豆漿都好好味!不過菜肉餃同春卷味道就普普通通.兩個人食到飽飽,$168落樓,都算抵食.

以前食佢d小籠包覺得好好食, 但唔知係咪食慣左, 覺得佢已無咁多人排隊, 應該係話我一入去就有位, 都唔洗排, 講番食物, 已$48 10隻的小籠包, 本人覺得又唔係唔好食, 不過一年無來, 又係呢d, 無新菜式, 可見頗久創新, 味道不覺特別好食, 比出面既上海菜館清潔, 服務好d罷了, 難怪食客少了很多, 而價格在這些食物的質數和份量下的確貴了點, 我們三人叫了1小籠包, 三個排骨麵, 1 個小食, $220 落樓。

我去過台北總店果間,地點都不昜搵,入到去環境都吾錯,梗係即點馳名小籠飽,發覺到皮夠薄多汁,但略為吾夠熱(D汁),跟住食埋豆沙小籠飽,味道吾錯,賣相都OK....返到香港就去試埋黃埔間分店啦,那小籠飽D皮好似冇禁薄,不過D汁就夠熱,跟住食埋豆沙飽,OH NO!冇豆沙味吧!不過下次仍會去,同未去過D FRIENDS去...因這裏消費尚算經濟而且不算人多.

今天跟朋友到這裡吃飯,點了小籠包,雞絲粉皮,和台灣担担麵,那個担担麵好像欠了一點湯似的..像撈麵呢? 很乾涸呀! 而雞絲粉皮不錯啦! 輪到小籠包了.我都有同樣感受就是食極都唔覺得"漏". 因為在某些上海店供應的小籠包會是很多肥肉呢!! 服務ok啦! 但係少左好多人來食啦!

聽左鼎泰豐個名好耐前日路經黃埔當然要同朋友去試下啦我地叫左蟹粉小籠包但係完全唔會覺得自己係食緊蟹粉小籠包!!味道唔得個樣更加唔得好似翻蒸再翻蒸咁春卷我地都覺得唔錯食既時候仲好熱黃黃金金又夠脆只係食左一小舊因為對炸既冇興趣食完一次唔會有第二次未試過去台灣總店so冇得compare有咩分別對蔡瀾所介紹既鋪頭全部都有所保留佢係唔係推介呢d食店俾我地令到我地去搵d更加好既食店出黎.....

食過好多間的小籠包,始終都是覺得這間最好食!肉新鮮,夠湯汁,皮夠薄,樣子也好看!我覺得,大家不應將這間同台灣的總店比較,始終台灣是台灣~香港是香港!我覺得只純粹以香港的上海店作比較,這間的小籠包是最好食的!!

今天才第一次訪這著名食店,發覺食物不外如是之外,很多細節都令我們一家人失望.今天我和家人及親戚共十人到鼎泰晚飯.這家館子內近窗的"靚位"都是12人的大圓桌.可是他們的食品和設備卻缺乏對大客的關注.a.餐牌內都是細細份的菜式,一客蝦仁炒飯,只是1/2個快餐飯盒的份量.大size的酸辣湯都只能分到八小碗.雞絲粉皮份量只足夠每人吃一湯羹.害得我們要repeat order才每人都嘗到每道菜....既然有大的擺設,為甚麼沒有供大order的manu?b.可能老人家都慣了"酒樓"的一套,他們埋怨大圓桌怎會沒轉盤,為了令他們吃得安心一點,我們幾個年輕的,唯有不斷將碟子傳來送去,免得每每要飛象過河.c.室內冷氣不算過大,但除了炸春卷外,沒一道菜是"熱辣辣"的.甚至最出名的小籠包也未見熨咀.油豆腐粉絲應該很能保熱,可是像放涼了五分鐘的外賣菜.d.一杯熱茶對老一輩來說是很重要的\"配菜"尤其是到館子.鼎泰用不鋼茶壺,茶葉"局"不濃之外,更加片刻變涼了...但有趣的是,當長輩們在用餐後要求一杯暖水送藥時,侍應生端來一杯連杯子也熨手到拿不起的滾水.我本想再叫侍應給點冰塊調開,但老人家怕冰是生水,最

之前在香港吃過，覺得水準還可以，不似是大家寫得那麼差，雖然仍然覺得店子有點名過其實的感覺。後來，最近去了台北，發覺真的好吃很多很多倍。台北的總店重新裝修過後，很新淨。我們點了小籠包，真的很好很好吃。而且，其他餸也很好吃。香港的店嘛，還是不要去，免得有比較。如果在香港吃小籠包，我會推介去東海吃。順帶一提，張相是在台北總店拍的，不是香港。

去過台北老店在先, 好自然就將之比較. 兩地之招牌小籠包, 實在無得比. 黃埔之小籠包遜色得很, 蟹粉小籠包明顯不新鮮, 食落有陣腥味, d蟹粉咬落似咸魚, 包皮不夠彈性, 又唔白. 唔係在台北食過果種入口好似食糯米糍既軟棉棉感覺. 果次特登外賣幾打搭飛機返唻同家人分享, 即使雪入冰箱幾日, 美味彈性依然. 呢次仲話專登去黃埔重溫回味一番, 點知令人失望.

星期三去黃埔，之前在台灣食過幾好味，試試香港呢間點。2個人點咗酸辣湯、小籠飽、蟹粉煱貼、紅燒牛肉麵、雞絲粉皮和蒜泥青瓜。酸辣湯味道怪怪地，唔似上海舖食果D。小籠飽仍然係夾極唔穿，不過好似唔多夠肉汁和皮厚咗少少﹔仍不過不失。蟹粉煱貼幾香，幾好味、香口。紅燒牛肉麵好香，Ｄ牛肉好腍。雞絲粉皮普通。蒜泥靑瓜香和爽，可以一試。服務殷勤，咁嘅價值算好好。可以再試！

星期四晚朋友突然好想食小籠包, 身在紅磡, 唔黎呢度仲可以去邊呢~ 兩個人去到叫左~蟹粉小籠包; 我本身唔鍾意食, 所以覺得麻麻; 但朋友勁覺得好食...~小籠包; 我都係鍾意傳統野, 水準保持, 我一個人食左八隻, 真係唔明點解佢的小籠包食極都唔覺得"漏"~鍋貼; 佢似炸多過煎, 但係味道ok~酸辣湯; 麻麻, 味道怪怪的~麻油海蜇頭; 我唔食蔥, 入面好多蔥, 味道相對都係麻麻

上星期放假遊左深圳一圈周圍玩前同朋友仔去試下深圳分店食個午飯叫左蟹粉小籠包,鹵肉飯,擔擔麵,涼拌筍絲同凍檸茶蟹粉小籠包～只係38蚊,己經有8隻,皮薄餡足,即叫即蒸,好味到令人一再回味,可惜凍左味道無咁好鹵肉飯～只係8蚊,分量大約有一個飯碗咁多,但味道絕不欺場,肉碎夠而且唔太鹹,半隻蛋仍然係熱,比起香港好多舖頭做得細心擔擔麵～雖然無濃濃既花生醬o係面,但係仍然食到啖啖既花生味,麵質好好,浸得耐都唔會淋涼拌筍絲同凍檸茶比較普通無乜特別好在凍檸茶既糖水係分開上而且待應服務細心又有禮唔收加一仍然好有禮貌同耐性香港就無呢d地方喇

本來男友同我今晚去marriott食buffet補祝生日,但胃口話比我知今日吾系食buffet既日子, 於是我地上左深圳鬆鬆.路經此店,男友毫不猶豫話要試試大陸既鼎太豐.我地叫左小籠包$16/8隻,鍋貼$12/6隻,鹵豆腐$3/4件小籠包---合格但始終同台灣果間比仲差一截,皮雖夠薄,但豬肉餡不夠鮮,肉汁亦吾夠清.鍋貼---反而比小籠包好得多,炸得相當脆,皮薄,肉餡有鮮味!鹵豆腐---都可以,豆腐十分juciy亦吾過油膩.環境及服務同香港台灣比仲有一大段距離,但勝在價錢平,埋單$31,無加一,吾洗比tips,可以一試!

上次品嚐蟹粉小籠包已經係半年前上海城隍廟，今次就去到鼎泰豐試試。是日菜單：....失望，上海好食好多，台灣鼎泰豐好食d，估唔到差咁遠！唉....算係咁啦，唔係驚喜之作！還是喜歡北京酒樓味道ok，唔會難食，略嫌麵質較差！.....冇感覺....黑椒過多，唔太辣!!(<--唔記得有冇豆腐!!)好難唔好食!!一句講晒......失望!!

被流放前，放了一週假。到土瓜灣辦事後，乘公車到這兒跟女友吃午餐。週四兩點三，大大的餐室，僅三枱客而已。可能跟外頭下大雨有關。點了小食、小籠包、拌麵各一客，埋單$114/兩位，比想像中便宜，可接受。 a. 雞絲拌粉皮（$20）：有許多青瓜、雞絲、粉皮、涼拌醬，算足料抵食。 b. 小籠包（$48/10隻）：唔夠熱，皮偏厚，肉亦唔鮮。個人覺得，跟酒樓點心的質素沒兩樣，名過於實。 c. 菜肉雲吞拌乾麵（$28）有五隻菜肉雲吞和一份乾麵。雲吞皮「厚、硬」如手掙上的死皮。餡料雖菜量多，但肉餡因不夠新鮮而覺得淡而無味。乾麵則算彈牙。 d. 茶（$2/位）。以平價名氣店而言，服務算好。唯主打食物，小籠包和菜肉雲吞等滬食，實在差得有點過分。慕名而來，失望而回。