鼎泰豐

營業中

休息中

第一次食鼎泰豐係去台灣旅行，之後耐不耐想食小籠包就會諗起鼎泰豐。銅鑼灣分店疫情之前係鼎盛時期，遊客人山人海，依家已經唔使點排隊。佢哋嘅點心，全部都係好新鮮，現場即包，可以喺門口位任你欣賞佢哋嘅製作過程🤭小籠包：一口咬落，皮薄多汁，肉嫩新鮮，係我食過最好味嘅小籠包🥰蝦肉煎餃：餡料飽滿，餃底仲煎到卜卜脆，一啲都唔油膩👍蝦仁燒賣：每粒燒賣上面都有一粒原粒蝦仁，但下面餡料似小籠包入面嘅肉，感覺就係蝦仁x小籠包🤣蝦仁蛋炒飯：鑊氣一流，炒飯粒粒分明，蝦仁爽脆，食完都唔會好似中式炒飯咁成碟油，好味👍

以前啱啱鼎泰豐嚟到香港，會興致勃勃去排隊食。今時今日想食小籠包，附近又大間，質素又唔錯，坐得OK舒服，就諗到鼎泰豐啦。夜晚七點幾嚟到都唔使排隊，不過入面呢都好多人，好多外國人同埋遊客，果然係做遊客生意。我哋坐低就用點心紙，叫咗小籠包，擔擔面，酸辣湯，上海炸豬扒面。由於太肚餓，酸辣湯同個豬扒麵冇影相就已經食咗落肚😂咁多樣嘢都係小籠包同埋酸辣湯最好。小籠包有一定水準皮薄，多汁，熱辣辣啱啱整好。不過去呢度就要茶錢，$12一位。間唔中食吓都幾開心。#hkfoodsuggest

鼎泰豐這間台灣老店已超過三十年歷史，以做上海菜馳名，很多外國遊客到來這裡品嘗精緻點心。餐廳座位寬趟，舒適環境，菜色水準很高，食物即製，有很多菜餚可供選擇，可以滿足不同人的口味，雖然價格略費但也物有所值。小籠包就是鼎泰豐的招牌菜了，一籠六小件，皮薄餡靚，肉汁鮮嫩，大力夾都不會穿，皮厚薄適中，內含少許湯汁，肉餡亦不會十分飽滿，食多兩粒都不怕膩。除了小籠包，我較喜歡是這個台灣口味的奶皇包，軟綿綿的口感，非常鬆化，甜甜絲絲衝擊味蓄。蒸餃，咬落去依然會有爆汁感，內餡有豬肉及韭菜。炸雞香口，入口鬆軟，不會太油膩和過鹹，依然都是啖啖肉。雞件夠大件亦浸得很入味，充滿肉香。

我一直是鼎泰豐粉絲， 他們的每間分店我也去幫襯過 我覺得最好吃是銅鑼灣分店最不好吃的是沙田分店，因我以前愛吃他們的絲瓜蝦仁小籠包。今天特別去了他們銅鑼灣分店，打算再吃 絲瓜蝦仁小籠包， 無奈去到才被告知他們已有一段時間沒有賣絲瓜蝦仁小籠包， 因為一個人吃，我叫了蟹粉小籠包和蕃茄肉沫乾拌麵。蕃茄肉沫乾拌麵先上，份量和味道ok和往常一樣有點咸，我加了點醋便好。 接着上小籠包，但剛上桌我便發現六粒有一粒明顯穿咗，啲餡料都留咗出嚟。我便叫服務員過嚟話俾佢知，她話換個粒便你唔好意思， 我反問點解唔成籠換過，佢冇答我，跟住去佢一位同事過嚟夾走個粒便走， 我跟住食埋淨返嗰五粒，食過先發現剩下五粒其中兩粒都穿咗，只不過穿得冇咁明顯，入面啲汁都流走了。 我無再話俾個服務員知，因為食都食咗講嚟都冇用。食完嗰五粒，等咗陣食，新個粒嚟咗，新嗰粒明顯比之前嗰五粒好，至少呢粒入面有湯汁無穿。以前我覺得鼎泰豐以嚴謹出品見稱， 所以我對今次服務和食品好失望， 虧他們還收$146/6粒 蟹粉小籠包。 以米芝蓮餐廳來說他們的服務說不上好， 員工很疲勞，沒有笑容， 回答人很機械式。 其實正常應該整籠換過，因為穿咗代表出品有

🇹🇼台式/中式 🧳遊客店——————銅鑼灣呢間鼎泰豐主要都係遊客去食多，唔知🐻🐻‍❄️兩個香港人去，又會有咩感想呢？小籠包$70皮非常薄👍🏽標準小籠包嘅餡，每粒都有湯汁😋幾好味😋台式香蔥拌麵$60食落味道好似「印尼撈麵」🤣🤣不過不失～高湯蒜蓉菠菜苗$78賣相立立呤👍🏽不過食落就比較油荔芋小籠包$58咬落有淡淡荔芋味，皮一樣好薄，食落幾乎唔覺有皮嘅存在，所以亦唔會覺得唔夾或者奇怪🤣，但🐻🐻‍❄️都覺得只係一個比較平穩嘅荔芋甜品，無咩驚喜～🫃份量🤰比較適合小鳥胃，叫咗4樣個肚仲有位食甜品🤣🤣💁‍♂️服務💁🏽‍♀️幾好，荔芋甜品會自動後上，服務員會留意住進度，見🐻🐻‍❄️食得七七八八就主動問甜品係咪可以上，仲會換晒餐具、碟俾我哋食甜品👍🏽結論：整體食物水準平穩，無話邊樣食物會伏，但🐻🐻‍❄️都覺得無咩驚喜，如果好鍾意食小籠包嘅，可以一試👍🏽

失望喔😞食物方面及格都講唔上，還指望可緩解工作後嘅身心疲累，可惜⋯果然冇期望就唔會有失望😑服務水平🙄基本嘢都算做左，呢個我從來冇期望過難道真的要走一趟台灣？🤔

台灣鼎泰豐進軍香港當然要order必食名物✨招牌小籠包🤩細細一粒，但粒粒爆汁，啖啖肉充滿香濃湯汁仲有台灣另一地道美食台灣牛肉麵，牛味十足嘅濃濃湯底，麵條煙韌有彈性，咬落彈牙，牛肉入味

欸，朋友介紹我去呢間鼎泰豐，話說就係飲茶嘅升級版喲！🥢 我一入去個氣氛正，好多人忙來忙去，都好有活力。一試佢嘅經典小籠包，啊〜那個肉汁，真係鮮到彈牙，一啖咬落去皮薄內餡多汁，嗲咗！😋 再嚟啲黑松露小籠包，松露香氣撲鼻，嗰個滋味，豪邁得嚟又有個高級feel，食得出廚師嘅用心。試完點心，我就改吃啲靚野。醉雞、豆干呢啲反正冇得踩，食落味道滋味，微微酒香嘅醉難好滑，好惹味！而經典紅燒牛肉麵就真係有嚼勁，牛肉炆得軟綿綿，湯頭夠哂深度，啖啖肉質感一流。當晚我哋又點咗擔擔撈同香蔥拌麵。擔擔撈嗰香濃麻醬，話你知辣得剛剛好，攪一攪，啊～滋味超正！香蔥拌麵就清新得黎帶點溫潤，食落一啲都唔膩口，完美。最後，忍唔住順便叫咗迷你荔芋包，嗰層皮食得出係手工整，同埋赤豆鬆糕，甜而不黏，真係perfect ending！🍮 總之啦，喺呢間鼎泰豐食一頓，唔單止肚皮滿足，連心都暖笠笠。係好適合同三五知己一齊搓一頓嘅地方，真係食得嘅幸福感滿分！

個friend話請食飯，所以去咗呢排都好想食嘢鼎泰豐！自己就好少會食，因為覺得太貴啦，所以今日有機會就過來啦哈哈 而且唔想諗有咩食下晝兩點唔使等位，銅鑼灣呢間好大好似大過沙田！唔知平時使唔使等。個Menu我都唔使點睇就嗌到。 因為根本冇變過咁滯係好似多咗蟹粉系列不過我都係食返平時食嘅嘢，最想食就係紅燒牛肉麵不過唔記得影相海蜇，清甜蘿蔔絲牛肚質素好似好過以前喺沙田食 唔會咁重醬油，而且好似新鮮啲切得冇咁薄豆苗勁怪，但係太想食$130白灼走油朋友話嗰個雲吞湯麵餃太清，我都覺得係所以俾咗少少紅燒牛肉湯佢做湯紅燒牛肉是最正的！不過好似途中咁少㗎咋🥹

鼎泰豐係香港都開業左好多年，菜式雖然十年如一，但味道品質都keep得好好😌岩晒一家人帶埋老人家又或者帶遊客品嘗，不過最大缺點係無得訂位，要現場等位。🐄滷水牛肚牛肚份量頗大碟，雖然係預先整好再放係雪櫃，但口感仍然好爽口。淡淡既滷水汁令牛肚唔會過鹹，仲保到牛肚既鮮味。🥢蘿蔔絲拌海蜇最鍾意嗌既涼拌菜🥰蘿蔔切成一絲絲，加上有咬口既海蜇，調味好清新又夠冰凍，令人忍唔住一啖接一啖，不過份量比以前細碟左又加左價🙈🥢蒜香粉皮肉蒜泥白肉既溫和版😂，面頭鋪左大量芹菜同蒜蓉，撲鼻而黎既蒜香味🧄滑溜既粉皮墊係最底，加上鹹甜平衡既特製醬汁，入口蒜味特出又掛到汁，都幾過癮。豬肉用左五花腩，肥瘦適中，不過粉皮先係主角！🥟乾拌蝦肉餛飩餛飩皮有小小厚度，入口更煙韌同更索汁，餡汁同酸酸甜甜既醬汁好夾，賣相好似好濃郁，但食落意外地清新唔滯，酸甜味帶出鮮蝦🦐既鮮味，拎個汁黎點其他餸菜都好match！🥢小籠包🥢蟹粉小籠包適逢秋天係食蟹既季節，叫左一籠蟹粉🦀小籠包嚐鮮。有一塊黃色蟹形既粉團作辨別，除此之外，小籠包包皮會透出淡黃色！蟹黃好甘香，中和左豬肉餡既濃味，食多幾粒都唔怕滯！至於一般小籠包，外觀有十八摺夠晒精緻，皮薄饀靚，熱

I guess 鼎泰豐 is a familiar name to all hongkongers, especially being the first place you may think of when mentioning Xiao Long Bao. I have visited the one in Taiwan before, and the quality was quite impressive, even tho it's on the pricy side. This time, I explored various of dishes in the Hong Kong Branch and see if the quality is up to their headquarters.---Overall, the food was good in average, but both the presentation and the taste were just straight forward. It gives the feeling of standar

曾經係我係愛吃的炒飯，十多年來質素都10分高。 以前每逢唔開心都會去食。 今天不幸食到我此生吃食過最難食的炒飯 — 不熱，火候油溫控制差，粒粒不分明，飯硬，蛋不香，喼喼嘅感覺。 10分失望。

🔹️四人行出動了👭👭🥳又係時候去"鼎泰豐" 食小籠包 🥢店內地方寬敞, 空間感十足, 服務稱心😊🔸️小籠包🥟皮薄餡靚, 回味無窮😋🔸️四喜烤麩🧆份量精緻, 十分惹味、開胃🥢🔸️香菇素餃🥟清香菇味, 皮薄多餡😋🔸️香菇素包🥠熱辣辣包包, 質感鬆軟👍🔸️紅燒牛肉湯麵🐮🍜湯底香濃, 以腍滑牛筋和牛 Yummy🤤🔸️清燉山藥菌菇湯麵🍜濃郁菌菇味道, 湯麵幼滑😊🔸️酸辣湯🌶🥣足料酸辣湯, 味道不太辣😋🔸️迷你豆沙包🥙迷你精緻, 甜度剛好🤤🔸️核桃鬆糕🥧味道香甜, 補腦有益👍🔸️杏仁豆腐🍲口感香嫩幼滑,濃郁杏仁香😋🔸️豆漿🥛由於冷氣唔夠🥵所以飲杯冰凍豆漿😆

忽然想飲茶, 但銅鑼灣好似冇咩經濟茶樓, 睇睇下突然醒起有間鼎泰豐, 見咁耐冇食, 一於就揀佢! 好彩夠大, 我哋一行十人等咗五分鐘就有枱.小籠包係必食, 一於整兩籠,整多龍黑松露小籠包. 試埋佢個香菇素餃同菜肉蒸餃先. 叫啲菜呀, 豆干,醉雞這些都是必須的. 咁多人嗌多幾個面啦. 經典紅燒牛肉麵, 清燉雞湯麵, 擔擔撈, 香蔥拌麵. 好似冇菜喎, 炒多個菠菜苗. 甜品叫個迷你荔芋包同赤豆鬆糕不過唔記得影相.價錢貴台灣兩倍， 但係好食嘅. 質素keep到, 連埋茶位加一每人埋單200. 午市嚟講係有啲貴, 不過食咗咁多嘢, 大家好似開party咁, 又幾開心嘅～

忽然很想吃小籠包，於是便到了鼎泰豐。這𥚃的小籠包外觀精緻，皮薄麵嫩，內餡豐富。每一顆小籠包都包含了精心調製的豬肉餡和湯汁，一口咬下去，湯汁在口中爆開，帶來了豐富的味道和質感。接下來是紅油抄手。這些抄手皮薄餡多，散發著誘人的香氣。咬下去時，抄手的香味在口中彌漫開來，帶來了一種辛辣的愉悅感覺。擔擔面條煮得剛剛好，有著彈牙的口感。擔擔醬帶來了濃郁的辣味和豐富的口感，與面條完美地結合在一起。花生醬和蔥花，為整個菜品增添了額外的層次和風味。總的來說，鼎泰豐是一所管理極好的餐廳，品質絕對有保證。