鼎味叉燒冰室

北角鼎味叉燒冰室係一間好有本土味道嘅港式冰室，門面醒目，用色鮮明，裡面係懷舊又帶少少新派feel嘅裝修風格。牆身多用綠色、白色瓷磚，配上卡位同圓凳，燈光偏暖，成個環境有種舊式茶餐廳升級版嘅感覺，坐得幾舒服，無壓迫感，啱街坊慢慢食餐飯，又啱上班族快快趣醫肚。招牌叉燒係必食，叉燒油脂分佈平均，瘦中帶肥，入口軟腍帶少少焦香，甜味適中唔會死甜，白飯都忍唔住多添一碗咁款。叉燒飯或叉燒撈公仔麵只係$45-55，叉燒雞拼盤約$68，價錢超大眾化，無論係叉燒飯定拼盤都好好送飯，食完有種好滿足嘅邪惡感。除咗叉燒，佢哋啲雞都好出色，用鹽焗或白切做法，雞肉好滑嫩、唔鞋口，雞味都幾濃，配上少少豉油或油蔥更加惹味。整體嚟講，鼎味叉燒冰室環境舒服、有懷舊氣氛，叉燒夠香口、雞又滑，價錢親民實惠，係一間會令人想再回頭嘅街坊叉燒冰室。…查看更多

蛮不错的，食物大份，奉送饮料。点了奶茶，味道非常足。环境算干净卫生。调料全部都是一包一包，非常符合卫生。叉烧有一点点小咸。位置靠近酒店，偶然就走到了店面。menu选择也蛮多。…查看更多

抵食又大碟。肉質合格又多份量。食得出用心炒，餐種類好多。款式多，又有燒味，朋友食叉燒腩仔，脆卜卜，唔貴，好難得，大眾化，地方舒服又大，適合泊車，親友們大班人都可，得閒再影相介紹多點人黎試先…查看更多

兩個人星期日午餐， 肯定要試標榜十二道 風味嘅叉燒啦 ，叫咗招牌梅頭叉燒飯，OK唔錯， 只係唔好期望有咩特別風味。另外一碟咖哩牛腩飯， 大中伏！ 從來未食過咁差勁嘅，得兩細舊完整嘅牛腩肉， 其他全部係啲咬都咬唔到嘅筋皮，定係唔知乜嘢！同侍應反應， 話明白幫我跟下，但直到我哋埋單走都完全冇下文。同埋咖哩入邊薯仔粒，炸過，油益味重！…查看更多

經開附近，諗住貪方便喺呢度食個午餐，第一次試呢間餐廳，叫咗個雞扒太陽蛋公仔麵，咬開第一啖入邊竟然未煮熟仲係帶有粉紅色，我仲要已經唔小心吞咗一啖，非常可怕😤😤😤舊雞本身都已經比較鞋同冇味，公仔麵亦都好腍，估唔到連嚿雞肉都煮唔熟😤😤😤非常失望😤鼎味叉燒冰室 (北角)北角堡壘街10-16號華曦大廈地下B號舖…查看更多