點點心 (已搬遷) 新店位置

We ordered: spring roll chee chong fun, truffle xiao long bao, siew mai, lotus leaf glutinous rice, carrot cake, custard bun, milk tea and snow pear dessert.Too much food for 2 of us definitely, although we were super hungry, having walked to the shop from You Ma Ti station.the dim sum were really average, service was great and they were friendly to foreigners which made it memorable as it was our first encounter with HK people other than hotel staff.The must trys are:-fried spring roll chee cho

聽聞拎左好多獎既點心鋪，今次去旺角呢間鋪試下先。點選左呢幾樣點心：「蟹籽燒賣皇$26」、「晶瑩鮮蝦餃$29」、「脆皮鮮蝦腸$29」、「燒汁釀茄子$21」、「芥末咸水角(素)$19」。「蟹籽燒賣皇」有四粒，都算係大粒，味道不錯，亦有原隻蝦係入面，但蟹籽不平均略少。「晶瑩鮮蝦餃」有四粒，較燒賣細小，皮薄蝦肉都好入味。「脆皮鮮蝦腸」有三條，都算係夠滑身，不過蝦就比較少。「燒汁釀茄子」賣相好靚，三件既茄子上面釀入肉，仲有企身咁樣，好有心思，大件又抵食，味道岩岩好，不會太鹹，真係要再叫多碟！「芥末咸水角(素)」有三件，好特別既點心炸物，出面真係好少見，一食落口就好重芥末味，味道好好，真係會標眼水，推薦試食呢款！

A nice and very clean dim sum restaurant. In case it is crowded you can wait outside, while waiting for your order. The staff is really nice and helpful

點點心係一間比較算係新式d既中式既點心專門店比起傳統既有少少似快餐速食店既感覺我地一行二人,嗌左五個點心同一杯野飲山竹牛肉球($19)牛肉球大大粒既,入面都幾juice,口感唔會好粉!!正金銀蒜鮮魷($25)呢個d汁真係一流,鮮魷仲好彈牙既,不過鮮魷份量算少,蘿白個d仲多黑松露小籠包($22)呢個小籠包就差左d,皮厚,而且黑松露既香味就有,但味道唔係好食得到,而且因為佢皮太厚既關係,食既時候都幾leihea薑蔥牛柏葉($21)呢個又係汁一流既點心,牛柏葉keep到爽口!!口感一流花菇滑雞飯($26)望落去好似好dry咁,加左是油,成個飯好味左2倍,d雞都幾入味,已經蒸到綿哂!冰鎮奶茶($15)呢個好明顯係抄太x,但係呢因為佢d奶茶本身都麻麻,飲落除左唔夠味之外仲唔夠凍,我建議野飲方面大家飲番茶好d,呢個係貪得意嗌,冇下次!! 

D粥好棉，味道唔錯唔會太咸，但皮蛋有d少腸粉粉皮做得較厚，但口感好滑好Q好彈牙！入面牛肉味道都唔錯，加埋甜鼓油好好味！蒸排蒸得剛剛好，肉質好滑，排骨下面仲有南瓜，蒸完吸收晒肉汁精華好甜好入味馬拉糕好鬆軟，清清地唔會好甜，不過要趁熱食成隻豬仔咁既樣好得意！個包本身好鬆軟，入面奶黃做倒流沙效果，不過奶黃份量略嫌少左d

星期一做完正經野喺旺角搵野食，原本對點心興趣不大，不過發現同男朋友無飲過茶（weekend 起唔到身（≧∇≦））就拍板食點點心啦！雖然星期一至五兩點後入座有7折，但男朋友太餓所以都係正價去食啦先黎一客鳳爪排骨飯頂下肚先，鳳爪好入味 排骨都滑，下面嘅飯粒粒分明，對一個鐘意食硬飯嘅人黎講絕對係中上好食嘅飯，唔會蒸得過老淋晒。加埋少少甜鼓油成碗飯都好香，值7/10。流心豬仔包，炸蝦腸粉卷（唔記得exactly 個名）豬仔包雖然個樣怪怪地，不過都叫有心思整到豬仔樣咁XD 重點係，真流心！！唔係流極都係固體嘅假流心！流心餡可以多少少，包皮太厚啦，值得讚嘅係佢甜而不膩，我食左兩個都無問題(=´∀｀)人(´∀｀=)炸蝦腸粉，特別在好似腸粉皮包住一條天婦羅炸蝦咁，中間炸網好脆口，隻蝦口感都鮮脆，整體咬口好好，接連食左四五舊。。素餃同韭菜餅素餃好啱口味清淡嘅人，喺咁多炸野之中都需要食下啲蔬菜中和下嘅。韭菜餅好香口，稍微油膩，底下成張紙都係油，所以我都係食左個餡，意思意思試左味就算，正常韭菜餃嘅味，若果你中意食炸韭菜類，都應該會喜歡嘅～男朋友見到椒類就會不能自己叫黎食XD都好食嘅，個醬有啲似照燒汁。服務都

前晚去旺角食宵夜，選擇左食點心，整體對於呢間食失望的，點左七樣野，大部份都吾係幾食😔 當中，鮮蝦餃同桂林牛肉腸係好食的！可以再次食。果個''金沙肥豬仔''好得意🐷 蛋黃奶皇夾心黎 正！同埋果個名為''真係菠蘿包'' 入面真係有菠蘿粒！ 夠搞笑😂 但比較細個 頹頹的 味道都麻麻三人行 食左$170

A good place to go when you crave for some dim sum. Low price and good food. Has a great deal especially with hagau. My personal favorite dim sum, xiu long bao, though was too rough and little juice. Probably not the best place to eat if you are looking for a high quality dim sum. But definately a decent place to eat for a casual lunch! Place was crowded and had bad service.

唔去茶樓都食到點心既點心店，啱哂唔係太餓又想食下點心既人燒汁虎皮釀尖椒，份量可以，有5條，條條熱辣辣蝦滑夠彈牙唔粉，尖椒微辣，加埋燒汁好夾味。錦滷海鮮配鍋巴，甜酸汁好夠味，但料不多，海鮮也沒什麼味道但鍋巴香口，粒粒圓大有口感。章魚肉餅飯，細細盅估唔到都幾大碗，不過就麻麻地，唔多推介金沙肥豬仔，賣相都幾可愛，味道尚可。黑松露香菇包，個樣都幾似花菇，仲有埋個掟啡色果啲係朱古力粉，甜甜地都幾搞怪，個包都幾有彈力個啲料實在太少，又冇咩黑松露味

黎點點心飲夜茶都有幾次，餐牌隔一段時間會創新點心。桂林牛肉腸 - 牛肉份量唔少，皮亦很薄身。個人覺得比蝦腸及叉燒腸味道好一點.......友人點的馬拉糕，雖然唔係一上桌就馬上食，不過質感依然鬆軟，咬落口很軟綿，不錯！蟹籽燒賣 - 裡面不是全肥豬肉，都算真材實料，大大粒熱食一流。黑椒金錢肚 - 金錢肚份量很少，不過吸收曬啲醬汁精華，很淋身入味。潮州粉果 - 足足等左20分鐘先黎，略嫌皮太黏身，內裡的餡料好易夾穿，試一次便可以。之前飲過陳皮蜂蜜燉雪梨，覺得很滋潤喉嚨很舒服。今次想試試冰鎮奶茶，看看奶茶味道如何？不過味道十分失望，感覺似淡版阿華田多過一杯奶茶。看來還是飲番茶或者再次叫燉雪梨會比較好一點..........😅😅😅

台灣朋友來了香港旅行，說想食點心，所以是夜晚飯帶他去吃點心。原選了老點，但因為那裡職員態度待慢，所以台灣朋友說不如改吃其他，所以我們找到了點點心。因為時間已不早，因此去到門口都唔算多人排，阿姐立刻安排到張4人枱俾我地。地方唔算大，但都坐滿左。因為可能轉頭去飲野，所以我們三人沒有點很多，只點了6款點心。糯米雞，金錢肚，炸蝦腸，牛肉球，燒賣同蜂巢糯米雞大大份，好入味，啲糯米好有咬口，唔會一pat pat，金錢肚份量就少左啲啲，但都係好入味，好好食。炸蝦腸我就不太欣賞了，因啲腸好糊，食pat 漿咁，蝦又唔係特別爽。其他都正常水準，我最鍾意件蜂巢糕，因為好香黃糖味，甜度剛好，而且質感好煙韌，真係好好食，推介!！埋單160有找，個個都食到飽晒。阿姐服務都好好，不時酙水，唔想等老點，值得一去呢間。

食點心唔一定要去酒樓既，無理由下下都走去大圍飲夜茶，今次係旺角搵到間點點心，試下值唔值得推介比大家。識食一定要食燒賣，試一間點心既燒賣就可以大體知道食物的質素。除此之外仲叫左牛柏葉，鳳抓排骨飯，雪梨湯水同糯米飯。點點心的上菜效率有點嚇人，坐左20分鐘都有都上唔到一樣點心，如果肚餓真係等到想發脾氣，但阿姐話因為即叫即做，無辦法，咁我都無理由要阿姐難做，唯有好肚餓咁等落去。燒賣幾好食，略咸一點，肉唔會實，而且都有蝦係入邊，最驚果種得一舊肉的燒賣。牛柏葉就好得人驚，好似香口膠咁，平均一舊我可能咬左五分鐘都吞唔落，未食過咁既牛柏葉，奉勸大家唔洗試。鳳抓排骨飯不過不失，同唐記包點既差無幾。米飯水準麻麻，一大籠但D飯又實又爛，真係唔係幾食得落，是但一間酒樓既都好食過佢。最後雪梨甜水唔錯，不過陳皮味略重，睇返你本身喜唔喜歡。總結係點點心點心好參齊，唔係話樣樣OKAY，但某幾種點心又食得下。

一向喜愛中式食品的我終有機會重臨這裡可惜的是第一個感覺是 店內都被遊客佔領了點點心點心專門店蟹子燒賣皇燒賣整體結實，用料亦足，口感不覺鬆散蟲草花綿花雞蟲草味濃，但略為有點蓋過雞肉味，但「綿花」索了油則十分入味金沙肥豬仔較為差的一味點心，雖然熱度足夠，但包中的「流沙‘」份量太少，沒有流出脆皮鮮蝦腸脆皮香口，蝦味亦新鮮，但要由於脆皮太脆，想試香滑腸粉的不建議揀選介苿咸水角介苿配製的咸水角，咬起來有陣陣微弱的介茉味，感覺特別，亦不會太辣鳳爪排骨飯個人認為點心必備的一道菜，雖然味道不算特別，但算是自已的情意結

今日過去揾個朋友，要同佢請教工作上嘅問題，咁就順便系佢附近食埋晚飯，佢話想去食點心，咁我地就嚟到附近嘅點點心專門店，呢間店品種都算多，但唔系每一樣都咁好食，比較有特色嘅點心仲系幾唔錯嘅，今日等時間短左，15分鐘就有空臺喇。豬仔流沙包，個造型系咪好得意呢?唔好以為佢凈系得個樣，內在都好好食架，餡又做得唔甜，一個人食兩個都唔覺得膩，而且包身做得好松軟。蘑菇包造型都同樣咁可愛，不過我覺得就無豬仔包咁好食，帶小朋友嚟嘅話，點呢兩個一定好鐘意。蟹籽燒賣，賣相一般，味道都一般，蟹籽分量感覺有D少，蝦唔夠新鮮。蝦餃味道幾好食，蝦餃嘅蝦又好新鮮，不過就系皮比較厚，燒汁茄子，其實就系釀茄撤，肉餡仲系比較有味道，但茄瓜無吸收到醬汁嘅味道，感覺有D失色，不過就比較特別。

唔知係我地好彩定係點，無定位去到還啱啱有位，好luck，呢度點心真係夠曬抵食，十幾蚊就有一碟，平而且正吖！蝦餃係我最愛，不過呢度蝦餃不太滿意，覺得比稻香都不如，皮一點都不韌。本來有D失望，不過食咗燒麥皇又覺得好美味，蟹仔很脆，粒粒彈牙吖，裡面的鮮蝦很大顆很鮮，肉肉很滑，全滿分吖！豬仔流沙包，裡面嘅流沙真係會流嘅，豬仔形狀有得意，裡面餡又好味，色香味俱全吖！豉汁鳳爪也很不錯，很入味很軟，骨頭都好有味道吖，仲有茄子釀肉，軟軟的茄子吸收了肉的鮮味甜味，加上茄子本身的細膩口感，強烈推薦吖！得閒可以約埋三五知己一齊來歎杯茶吖！