點鍋

營業中

休息中

香港人365日都要打邊爐！小叉最近好想食麻辣嘢，所以今次約埋一班朋友嚟咗食點鍋！🍲呢間點鍋原來係社企嚟嘅，請咗聾啞人士做樓面，佢哋全部都好有禮貌而且態度好好，值得支持！💕講到食物方面，湯底選擇非常多。我哋選擇咗麻辣同蕃茄雙拼。麻辣湯底非常足料，見到有一大堆辣椒花椒係湯入面！味道係想念中嘅四川麻辣味！🌶🌶🌶火鍋配料非常多，小叉就介紹吓值得推薦嘅幾款啦！海鮮🦐入場會按人頭送海鮮拼盤，有蝦、帶子、斑片同蜆。海鮮算新鮮，不過份量唔算多。牛肉🥩打邊爐最緊要有牛肉！每台會送一客頂級牛肩脊肉。佢嘅牛肩片同肥牛片肥瘦比例適中，而且入口一D都唔鞋，仲好有牛味！手打芝士丸／自家製水餃🥟手打墨魚丸非常彈牙，中間仲包住芝士流心，淥完一咬開芝士就會爆出黎，非常推薦！要自家製水餃非常推薦黑松露蝦蟹餃。黑松露味好夠，鍾意黑松露嘅朋友記得叫黎試吓！金沙鹹蛋炸魚皮/即炸手工紫菜響鈴🫔依兩樣香口野又係打邊爐必要！鹹蛋炸魚皮非常野味，唔淥就咁食都好好味。另外佢地自家制響鈴中間包左紫菜，即叫即炸非常脆口，唔會有油益未！朋友們都不停encore ！ ！飲品/甜品🧃飲品係任飲嘅，都係一般市面嘅罐裝同紙包飲品。而甜品就係奉送迷你雪

真心推介呢間火鍋店！相比起其他任食打邊爐，呢間真係算高質又唔貴，每樣野都係好食，我至愛：蜆，黃金炸魚皮，豬頸肉，餃子同手打丸！環境方面我覺得好ok!平時兆萬樓上啲食店坐得好迫，呢間寬敞度適中，地方乾淨，廁所衛生情況理想（相比起創興樓上啲任食火鍋真係真心ok)重點係員工都好nice，服務態度好好，又會聘請聾啞人士👍🏻又有良心，食物又有質素，一定會再幫襯！唯一提醒既係，因為佢湯底好足料，建議唔重口味既選擇番清啲既湯底，我今次食沙嗲湯底就偏濃

好耐冇打邊爐喇🙌🏻 上星期五去咗朋友介紹嘅呢間位於旺角兆萬中心嘅「點鍋」坐低冇耐已經覺得員工服務態度好好😳 老闆會週不時行黎我地到傾偈🤣 最impressive嘅係佢地有聘請聾啞人士 (勁盡社會責任!!)✨✨餐廳亦好響應環保♻️ 用tablet落單之餘 丸可以叫兩粒 其他食物份量仲可以叫半份🤣 上菜速度好快 呢到落完個頭已經拿拿聲黎曬 而且冇漏單💨👍湯底方面 我地+$20叫咗個鴛鴦鍋 分別係香濃沙嗲同四川麻辣🌶 兩款都夠濃郁惹味 麻辣味唔會太辣 平時譚仔食十小嘅都食到😂每枱會送一客頂級牛肩脊肉同海鮮拼盤 其他任叫嘅食材都新鮮 選擇多樣化🤗 除咗打邊爐基本要食嘅肥牛、豚肉、羊肉同雞肉之外 仲有一啲新穎嘅手打丸類同自家製餃揀 例如芝士墨魚丸、黑松露蝦蟹餃、芝士紫菜蝦蟹餃都好好味😋朋友最鍾意食台灣麻吉湯丸🤣🤣 我都係第一次打邊爐食湯丸 但估唔到又幾正😳 煙韌嘅外皮包住入面嘅花生餡料 我地total叫咗接近30粒 連老闆都行過黎問我地係咪真係食得曬😂 (最後係食得曬架!!!🤣😝) 老闆同員工都比我地嘅戰鬥力嚇親🙈🤣星期一至四有7折好抵 不過星期五至日都有8折✨我地折咗之後 連加一同湯底 每人$2

疫情下餐廳非常難做，特別係火鍋店。今年因為禁晚市堂食，令到唔少火鍋店都執笠，所以要揀好嘅質素餐廳都唔容易。餐廳最大特色係聘請聾啞人士工作，有做過餐飲業嘅都知道，呢一個係一個好大嘅挑戰。餐飲講求速度、聆聽顧客需要，人手絕對係好重要！但呢間餐廳竟然願意聘用佢地，而且其他同事都好包容，真係好難得！以為火鍋來來去去都係嗰幾樣，但係呢度就有好多意外嘅驚喜，例如：芝士墨魚丸、芝士蝦丸、即炸紫菜響鈴、油炸鬼。呢幾樣都令我好驚喜，絕對係有質素有好服務嘅餐廳。今時今日能夠生存到嘅餐廳真係要支持一下，特別係呢一種又有意義、又有質素嘅同路人！

地點非常方便 電梯上3樓大部份枱都係卡位 坐得好舒適老闆落手落腳幫手 餐廳員工請聾啞人士 好有心❤️而且所有職員都非常之有禮貌 服務好貼心⭐️當我想搵紙巾嘅時候佢直接將成盒紙巾奉上 ，見到我哋着白色衫，亦有將即棄圍裙比我地免費送海鮮拼盤👍🏻**必食雞煲雞夠滑 汁濃味 非常惹味!半隻雞（$88)足夠兩至三人份量食⭐️重點必點佢哋嘅蟲草雞湯火鍋(鴛鴦鍋加$20)放食物之前 可以先飲湯 用料好足 有人蔘味 味道好夠另一邊係麻辣湯底 湯底味道正常⭐️另一必點 避風塘炸魚皮 👍🏻👍🏻⭐️鹹蛋炸魚皮 全部即炸仲係熱 超好味👍🏻👍🏻⭐️紫菜響鈴自家製都不錯最後甜品有幾款雪糕(其中一個係白兔糖味🤩)同3款糯米糍我亦見到老闆見到有老人家嘅枱 用一隻碟display唔同味道嘅雪糕拎去嗰張枱比老人家揀 CS服務細心都好多fine dining餐廳都做唔到 值得一讚!總括嚟講一定會再去嘅餐廳 P.s : cp值高既黃店!

今次見朋友po既相覺得幾靚，所以黎試下，不過希望越大失望越大環境方面唔算大，不過坐落都係舒服既，加上舖頭有請聾啞人士，其實好有良心。不過啲嘢食既水準慘不忍睹，兆萬既餐廳都真係好伏。我地叫佐鴛鴦湯底，蕃茄加麻辣。蕃茄湯真係唔錯，不過麻辣就真係有啲遜色，有啲太麻又唔夠辣。我地一坐低送佐一個海鮮拼盤同牛肩肉（好似係），送既龍躉好腥！！我咬佐一淡就扔佐... 蝦都唔好食... （不過送既就唔計啦）講翻放題既嘢食，肥牛好薄，但係煮兩下食都係好hi又冇牛肉味，豬肉都係同樣問題...🌚 另外，啲餃真係難食！特別係個隻紫菜餃，隻味難以形容，同埋餃子皮好厚。諗住餃伏姐，手打丸冇事既，主推既手打丸，我試佐墨魚滑同蝦滑，蝦滑都算ok，不過唔鮮甜，平平冇奇，墨魚滑我食到腥味，失望... 仲有！最唔開心係炸枝竹真係好硬...唯一好食係牛栢葉同魷魚，係特別爽口～ 同埋海鹽雪糕幾好食～價錢方面，星期一至四有7折，唔包任飲酒，要收醬油費同加一，其實都258一個人。以價錢黎講，同嘢食質素唔成正比。呢間餐廳冇下次，我寧願去支持其他小店。不過，唔介意嘢食質素，想食服務可以一試。啲staff好nice，上次亦都好快，呢個係抵

【黃店推介 -任食邊爐點鍋@旺角🍲】🐷🐷💭呢排天氣開始轉涼，最啱就係去打邊爐啦！今晚就去咗呢間位於旺角嘅任食邊爐，咁先餵得飽我地幾隻為食豬仔架嘛🤗🐷🐷💬假日任飲任食2小時 (折後$230), 雙拼+$20呢間邊爐湯底好正唔求其, 拍得住出面懶係養生嘅台式邊爐, 我地揀左海鮮喇沙，同養生蟲草花雞湯, 特別係喇沙湯好濃加左幾次上湯都仲好夠味, 食牛肉海鮮就岩晒! 湯底入面有十幾隻蜆同幾隻蝦, 而蟲草花雞湯就有好濃藥材味, 同大量蟲草花同雞肉~至於野食嘅款式都唔少, 肉類熱烈推介豬腩片, 牛舌, 超薄又好食, 肥牛同雞髀肉🍗都唔差, 小食就唔少得炸午餐肉, 油炸鬼同埋黃金魚皮, 仲有炸紫菜響鈴都好特別!! 叫辣湯嘅就一定要試鴨血!! 仲可以試佢地自家制手工餃同多款麵類, 例如波菜麵, 墨魚汁麵等等, 送湯一流, 係略嫌海鮮類少左啲, 最吸引嘅班片賣晒🥺可能太多人啦! 不過每枱都送海鮮拼盤, 而且喇沙湯底本身又有海鮮, 所以都好滿足, 最終食到捧住個肚走!! 場內冇雪糕甜品, (🐷咁唯有食多幾碟肉啦!!) 但有汽水同紙包果汁任飲, 啤酒另外加錢!

預先訂咗所以有折。一邊揀咗麻辣湯底另一邊揀左芫茜皮蛋清湯。個麻辣湯底都算幾香，可以揀BB辣。食材方面，大致上都算新鮮。牛嘅質素都不錯，但係丸同滑嘅選擇比較少。飲品選擇都唔算好多。不過整體而言質素都OK，可以一試。服務態度亦都非常之好！

天氣凍要打邊爐，朋友話呢間好多好評，決定黎試一次。任食，加50蚊有清酒卜卜蜆湯底。 個人覺得除非你好鍾意食蜆，否則揀返其他湯底。因為附送海鮮拼盤已經有 🤣海鮮拼盤雖然送，但一啲都唔hea: 有魚 有蝦 有帶子（正) 有蜆，過下海鮮癮一張相都冇影過但都想上黎寫食評係因為要力推咸蛋炸魚皮，平時出面好少食到加料炸魚皮，第二系佢即叫即炸，即食配酒/當小食同朋友高談闊論一流；第二呢度有聘請聾啞人士，要知道唔多餐廳願意聘請殘障人士，要多多支持。 其實大家身體語言都可以同佢地溝通到👍👍👍

呢間encore多次最終都一定要寫個食評比佢好多人對任食火鍋都好低評價但呢間我絕對推介首先講下佢個湯低 我最愛係胡椒豬肚湯唔重味精 食之前一定要先當湯咁飲返兩碗另外佢嘅避風塘魚片都真係每次必叫係食物未黎之前可以醫一醫肚脆脆地 食到停唔到而我就係牛舌嘅忠實fans 黎之前都冇諗過 牛舌打邊爐都可以薄得黎有口感又好食真係可以叫返五六碟不停食整體環境乾淨企理又光度十足 而且最值得一讚嘅係佢地嘅服務生每清一碟佢地就會第一時間過黎收碟等你張枱乾淨 唔會一碟二碟咁係外面任食好少做到 所以好值得一讚

良心企業💛會請聾啞人士做樓面工作。服務好好，早訂位，安排咗窗邊卡位俾我哋，傾偈舒服。💰$288/位 任食任飲(一至四7折；五至日8折)✨味道80分，環境75分，服務90分。.湯底好多選擇，亦好新穎，揀左兩個湯底都十分推介！🔸鹹酸菜胡椒豬肚⭐️一滾起，即刻飲咗碗湯，夠濃味又夠香。非常足料，好多豬肚同鹹酸菜。🔸黑松露雜菌(+$20)⭐️⭐️黑松露迷必嗌！估唔到可以咁香，咁濃味，所有餸料煮完都覆蓋住濃濃既黑松露味。.每枱送一客🔸頂級牛肩脊肉: 牛肩脊肉牛味重🔸海鮮: 龍躉，蜆，蝦，幾新鮮。.任點材料方面，特別推介幾樣比較出色嘅食材。🔸金沙鹹蛋炸魚皮⭐️炸魚皮好脆，外面包住邪惡嘅鹹蛋黃去炸，惹味香口。🔸芝士墨魚丸⭐️外層墨魚丸彈牙，咬開，包着流心芝士，好夾。🔸萵筍⭐️其他店好少有得嗌，清甜得黎，吸晒湯底嘅味。🔸台灣鴨血⭐️咬落軟熟又帶點煙韌。.🔸雪米糍⭐️最後值得一提！嘅係佢會送件小甜品。絕對唔係我哋平時一般食開嗰種，呢個入面係有餡，有朱古力餡，紅豆餡等等，一啲都唔hea。

呢間絕對係我食過咁多間最高質既任食火鍋！平時啲任食火鍋通常食材同服務都麻麻，但呢間係每一樣食物都高質，而且服務好好，樓面雖然係聾啞人士，但效率超高！啲食物送得好快收碟又快。食物方面，佢選擇好多，魚皮都要好多款😂叫左咁多樣食物每樣都唔錯，無伏野，同埋係新鮮😋佢叫蟲草花湯底超正！甜得黎無落味精，當湯飲飲左好多😂最中意佢送嗰個海鮮拼盤，真係喜出望外！平時出街係唔會食海鮮因為通常麻麻😂但佢啲海鮮好新鮮好正😍😍環境都係一個加分位，兆萬好多餐廳都超逼，但呢間可能因為新，好新淨同埋唔逼，啲擺盤好靚！我最中意佢好乾淨企理，呢點依家最重要！真心值得推薦！其實好味過+抵過牛大人😂

11/11/20206人限聚，所以5人的我們可以聚會了，為9月及10月生日之友慶生。友人選咗‘劣食之塔’兆萬中心3/F的‘點鍋’（黃店）打邊爐，$288 任食2小時。（而家做緊七折優惠）我哋選擇食埋雞煲 （半隻雞$88/一隻雞$168），我哋叫咗半隻雞⋯⋯⋯ 但係其實份量好少，斬件之後都冇乜肉食。之後我哋打邊爐叫咗芫荽湯底 （本身如果食雞煲之後打邊爐，要加$20先可以有另外嘅湯底打邊爐，如果唔係就直接加水落去個雞煲度🤪🤪） 任食嘅嘢就用pad 去落單⋯⋯ 嘢飲出邊拎⋯一坐低會送一碟牛肉、海鮮拼盤（蝦、蜆、帶子，魚塊）⋯⋯⋯食物來講就唔特別出色，都係啲普通貨色，款式亦都唔算多。真係唯一唯一最驚喜嘅就係鹹蛋黃魚皮 ，佢真係新鮮炸㗎，仲比好大碟。服務都唔錯 （店舖有雇用殘障人士👍🏻）、但係座位就有少少迫，食物質素就真係好一般。最後埋單五個人$1318⋯⋯我相信呢個價錢旺角有其他選擇。

我第二次同朋友嚟點鍋打邊爐。首先呢間餐廳服務一流，店員好有禮貌同細心；雖然有啲應該聽障人士，但佢哋都用心服侍。另外餐廳環境衛生令人舒適，乾淨，沒有其他火鍋店咁焗促、擠迫同污糟。食物方面真係好食！尤其係炸魚皮，有幾款味道選擇，尤其係蒜香炸魚皮，連我朋友一向不太好炸魚皮，佢都話食唔停口！

同朋友抓住食肆限聚令嘅尾巴，嚟到朋友大推嘅點鍋任食打邊爐。除咗係OpenRice book位有7折，去到先知原來仲送海鮮拼盤同埋一份牛，好有驚喜，送咗蝦、蜆、帶子同魚，全部都好新鮮湯底就揀咗酸菜湯同麻辣湯，兩個好香好入味，啱晒重口味人。點餐時都係用tablet叫，除咗某啲小食，大部分都唔洗加錢，不過任食嘅選擇都已經好多款。特別想推薦朋友介紹嘅咸蛋黃魚皮，好香超正，唔洗點湯直接食已好夠！另外，呢到好多員工都係聾啞人士，一定會再支持下間咗有良心餐廳！