點鍋

營業中

休息中

近排天氣涼涼地，除非BBQ之外，打邊爐爐就岩哂啦！簡直係冬天必食呀！同一班朋友一路烚下烚下，一路吹水講是非就最好不過！今次嚟到位於旺角兆萬中心嘅火鍋黃店——點鍋，我同朋友們一共有兩個鍋，試左佢地3款湯底，分別係香濃沙嗲、豬骨濃湯&蟲草花雞，3款都好食夠濃，我自己私必推介會係豬骨濃湯，真係有兩舊大大豬骨系入面，好足料！佢會送每台一小盆海鮮拼盤，有蝦、帶子、鯇魚片&蜆，樣樣味道都好新鮮👍🏻另外全程都會用平板電腦點菜~肉類都正常，牛肉脂肪比例都平均。仲有佢地有唔少特色配料都值得一試，例如手打丸(部分丸有芝士夾心)、唔同味既炸魚皮和響鈴、自家製餃等等，同其他火鍋店嘅配料唔同。自助飲品都多選擇，雪糕就係香港品牌Cocoberry😋因為呢間火鍋店系旺角人流多嘅位置，所以都好多人walk-in等緊位，記得book左位先就唔洗等咁耐喇！另外係店員服務態度都好好，比我地傾到差唔多閂門先走🤣p.s. 間店閂門前會播「走先喇🎵係咁先喇🎵下次再玩啦🎶」🤣好搞笑🤣

用8折吸引顧客無問題, 但質素極大進步空間坐底落單後肉類上枱勁慢是事實. 特别牛類慢到。。。。話2個鐘。1.5已cut 單。最尾落單D野直情唔嚟。埋單每人$300 係旺角大把選擇。冇下次。

一早喺Openrice 網上訂位放題任食時間係2小時，比起大部分任食火鍋限時90分鐘嚟講，時間鬆動d當日有預先打電話嚟Confirm訂位早咗少少到都畀我哋立即入座員工非常有禮貌咁講解落單程序亦有提醒我哋佢哋有聽障嘅同事為我哋服務湯底種類都有5、6款可以鴛鴦煲、都係加$20度每檯都有一個tablet 畀客人落單運作都簡單方便醬油同配料嘅選擇大約6-8樣飲品就簡單d, 紙包嘅茶品、罐裝嘢飲都有d上菜都好快速，食物新鮮員工收碟好快，每次都好有禮貌見我同朋友著白色衫、員工主動提供即棄圍裙畀我哋可能知道我哋係輪盡仔? XD總之非常細心食物種類都幾多牛舌呀，鴨血、豬紅都有wor!牛肉就得鮮牛同肥牛~ 不過劃一價錢嚟講，質素算好好連響鈴都幾隻款畀你揀而家全單8折，兩個人食到好飽都唔洗$600, 好抵食

呢間任食火鍋已經食過好幾次 之前都想寫好評不過太懶無寫到 每次約fd係旺角想揀任食火鍋呢間一定係首選🌟 要記得提早訂位因為好full! 一開始店員好親切咁介紹湯底 佢推薦卜卜蜆煲 不過我哋想叫兩個湯底所以無試到 最後揀咗鴛鴦鍋+$20 好足料嘅湯底1.🍅蕃茄牛腩 - 幾濃郁 入面有新鮮蕃茄 薯仔 同好多舊牛腩2.🌶麻辣 - 無問我哋揀咩辣度 都好食嘅唔算太辣不過無咩麻味 入面仲有好多豬皮同豆卜 食物方面都好多選擇 有d其他店少見嘅食物 最推薦紫菜響鈴 我哋四個人total食左12個😂 仲有好多特色餃 試左黑松露蝦餃 韭菜餃同魚皮餃 每款都好大粒！丸類都有好多 最鐘意芝士墨魚丸 細細粒一咬入面真係有芝士噴出嚟 不過會辣親😂 每枱仲會送一個海鮮拼盆 有鮮蝦 帶子 魚片同蜆 d蜆好大粒 我食左兩三粒係甜嘅 不過fd話佢個粒有沙 服務方面都超好！除左一開始入門口reception 個位店員態度就一般 同我哋講嘢時語氣幾惡 之後有兩個fd填紙完紙仔無主動比返佢因為以為有人會黎收 點知佢行過黎點數個時發現佢哋無交就有少少大聲咁呼喝話要一入嚟就要交紙 但係其他店員都超級nice 上菜同收碟都勁快！

因為同事推介卜卜蜆🥘所以來吃了～清酒湯 有大量的蜆都幾大隻 食極都有 個人覺得幾清甜😋不過有啲沙另一款係喇沙湯底勁濃 不斷加湯都係咁濃唔錯！雖然我覺得似沙嗲湯放題形式有Drinks有雪糕任食玄米茶雪糕幾特別😙宇治金時嘅雪米糍就麻麻地火鍋配料正常牛舌唔錯～ 雞髀肉同卜卜蜆湯好夾牛肉同豬肉一般 有點太肥蝦🦐都okay ga 雖然得少少帆立貝煮完變左乾瑤柱😂Hmmm 好Dry…啲餃嘅餡勁實淨 成粒肉丸咁吃了太多 點評唔晒了😛

而家8折就食到2小時任食火鍋喇! 湯底肉類選擇都非常豐富 湯底有十種以上 沙爹,麻辣 杏汁木瓜,野菌清湯 配料仲有咸蛋魚皮墨汁腸食呀!食材用電話落單,唔會漏單仲上得好快!仲有海鮮!肉類有黑毛豬腩片,牛肚肥牛,滑牛,雞,牛舌片等等 自家出品先係出色之作 彈牙手打丸 有芝士墨魚丸 蟹肉墨魚滑 蝦滑 牛丸等等自家炸物都超好食 金沙咸蛋魚皮超脆口好食!另外仲有自家包既新鮮水餃 黑松露蟹蝦餃 鮮甜皮薄口感好仲有芝士紫菜蝦餃 魚皮餃等等 湯底足料又濃又香 麻辣勁香辣勁持續另外仲有幾十種任食配料真係多到數唔完!CP值超高!牛肉唔會太肥之餘燙完食落個肉味夠濃夠滑旺角西洋菜街1號兆萬中心3樓301舖平均消費$300評分8/10

揀左蟲草雞湯底同沙嗲湯底湯底幾好味 幾足料 都真係有蟲草同雞有好幾款特色餃子例如：黑松露蝦蟹餃、芝士紫菜蝦蟹餃etc手打豬肉丸唔錯牛肉方面 只有滑牛 冇肥牛鐘意牛 但唔鐘意肥既朋友應該覺得唔錯有豬頸肉食 都幾好要改善既地方係...食材唔太新鮮食物啲款真係比較少飲品款式都唔多雪糕...更加唔洗揀7折左 每人都要258🤑算係咁啦但應該唔會有下次🤭因為真係mama地食完冇乜滿足感最重要既係食材真係唔新鮮好似放左好耐咁又冇乜得揀

呢間火鍋真係想食好耐 但可能期望太大 食完覺得應該唔會再encore首先講湯底 嗌咗麻辣湯底 一開始食就唔覺辣 但越食都慢慢開始辣 湯底本來就有豬皮豆卜芽菜 個豬皮越煮越入味 正！但重麻人士表示唔夠麻啊！到醬料 醬料選擇都多 有特色麻辣醬 麻醬等等 除咗生蒜 仲有熟蒜油 加咗令成個醬料更香而火鍋配料 選擇好多 特別係丸同餃 有好多自家製嘅丸同餃 因為丸細細粒 嗌多啲都唔怕飽 鐘意芝士嘅人一定好鐘意呢間嘅丸 因為手打丸都有加入芝士 熱辣辣嘅芝士 咸咸香香 好惹味 而餃 個人認為飽肚感更高 食3-4隻已經有啲飽 所以嗌之前要諗清楚 廢事用咗肚啲quota啦其他配料都略嫌普通 除咗任嗌配料 餐廳仲會送海鮮拼盤同一碟牛 咩部位就唔記得咗 但印象中係好食嘅 好重牛味 但口感同雪火肥牛真係差唔多 而海鮮都係普普通通 口感都正常 唔算腥 但個人認為最後埋單都接近300 呢個價位 如果有海鮮任食會抵啲最後 野飲同甜品方面 野飲種類都係汽水同紙包飲品為主 甜品就得3款雪糕 個人認為真係太少了 整體嚟講 呢間野食質素普通 雖然有特色丸同餃 但亦唔算太有驚喜 雖然早咗去食 有折 但都覺得唔值個價

位置勁方便係兆萬雖然佢係任食火鍋但大多數既野食都真係高質好味👍🏻👍🏻送個海鮮拼盤份量都幾足夠個人推介就係個豬腩片好正 同埋個咸多魚皮勁好味👍🏻👍🏻好食到我地叫左4碟😍😍重點職員個個都勁有禮貌👍🏻👍🏻我地有個教主蛋糕 職員重勁鬼馬同壽星女講教主愛你😂😂😂重幫我地放到勁靚又放埋蠟燭比我地成晚勁開心又滿足👍🏻👍🏻👍🏻重有折頭絕對會再返來食過👍🏻👍🏻👍🏻

提早左15分鐘到達，即時可入座。侍應服務好有禮貌，詳細解釋湯底可以點樣配搭。啤酒一落單好快就送到👍食物質素不太差，任食黎講很好。火鍋配料枱都多選擇，但蔥有一段時間可能補充不及。座位如果再闊多少少於完美

全程係勁滿意～店員好友善，有個哥哥成日笑住搞到我地心情勁輕鬆🤣🤣🤣嘢食方面真係好滿意！麻辣同番茄湯底都好好味，麻辣係真心辣，唔係其他鋪頭嗰啲虛假嘅辣，番茄湯底有好多牛肉粒，勁好飲，餃子們都好正！送贈嘅海鮮雖然我同友人都唔食，但擺得好靚，同埋睇得出幾新鮮👍🏻👍🏻👍🏻好重要係啲醬料真係好好味！極度推薦佢地嘅辣椒油！真係好香！同埋嗰到嘅view整體黎講算唔錯，食落真係好梳芙～同友人都好滿意～會再幫襯！❤️❤️❤️

呢間係聽啲friends介紹黎食嘅 個個食過都話好 禁岩又約到friends 地點又好 一齊食下飯吧 果然冇令我失望 首先經openrice訂位有Asia miles25分 象徵式啦 要黎養住個戶口都好 用恒生卡埋單有7折 之後仲有10蚊cash dollar回贈 招乎出品都十分之好 出野快 料又新鮮 之前叫位上菜員工轉頭加水冇應我 我個friend先話呢間有請聽障人士 哦 禁ok冇所謂 叫過個員工 都已經好快手幫到手加水 過程又輕鬆寬容 呢個價錢有靚料氣氛好的任飲砌邊我真係覺得十分之滿意 但如果可以坐得再鬆啲就好啦 上多幾碟菜 已經冇曬位 好鬼死迫

呢間黃店邊爐係兆萬中心入面，夜晚好多人，所以記得要book定枱！首先，我地揀左鴛鴦湯底：黑松露雞菌&芫茜皮蛋，兩個都好香好濃味🤤🤤👍🏻超級推薦大家試呢兩款湯！跟住餸方面有好多選擇，我地基本上咩都要左啲🤪當中，避風塘炸魚皮同埋黑松露蝦蟹餃都好特別，好好味！😍😋😋整體上菜嘅速度都好快👍🏻店員亦好nice~跟住甜品有CoCoBerry嘅港式奶茶雪糕，真係第一次試，都幾香濃！最後埋單都係每人$200左右（連埋加一），因為佢星期一至四咁啱有七折優惠。

蟲草花雞好鬼正，四川麻辣湯就冇得選擇辣度，不過好野味（唔食得中辣既人士量力而為）cp值爆燈♥️♥️♥️♥️♥️D食物好新鮮、好新鮮、好新鮮，重要的是要講三次，真心冇得頂 ， 魚皮全部即叫即整熱辣辣♥️♥️會再食過 📢📢📢社企但不能看小員工嘅能力，D員工好nice ，上菜又快 ，冇得頂♥️♥️♥️♥️

同朋友打的爐，見到兆萬已經驚驚地，不過又無中伏喎。先黎一個海鮮拼盤(4人份量) ，有蝦，蜆，魚，呢個海鮮唔係仼食，幾新鮮，寧願限住份量都唔想食唔新鮮既腥臭海鮮。食物選擇唔多，但每樣都幾好，質素唔錯，黃金炸魚皮好食，encore左😁😁牛肉ok 唔會落水就散哂同縮，都係仼食。