點心居 (已搬遷)

今天和阿媽去KOWLOON CITY飲晚茶, 因阿媽冇煮飯, 但忽然有想食點心, 好彩間店是收晚上2點, 多麼方便, 現飲茶不用一定要在酒樓.很喜歡個牛肉腸粉, 鼓油最正, 牛肉都OK馬拉榚就太SWEET, 不得.排骨都一般, 因很大雩味.燒賣好食.個場有電視看, 都OK.價錢不算貴, 都算抵的, 食完再去附近飲埋糖水才回家.…查看更多

另一間我好鍾意去食點心嘅地方。點心居舖面比較狹窄，得好少地方，所以每逢禮拜六日都多人排隊。以前間舖開喺衙前圍道，九龍城中心地帶，交通好方便，但宜家已經搬咗去近太子道嗰邊 (唔清楚實際地址，淨係識去)，宜家去就好唔方便，不過都值得山長水遠去食嘅。點心居嘅芝士鮮蝦春卷真係好好食，去親都必食嘅一道點心，皮脆之餘芝士唔太溜，啱啱好。另外就係佢地嘅鳳爪排骨飯同埋小籠包，鳳爪好軟滑，小籠包皮薄，入面仲有好多湯不得不提呢度最出名嘅流沙奶皇包，一咬落去入面餡即刻流晒出嚟，好香濃嘅蛋黃味令人食完之後仲會喺口腔入面保留嗰種味道一陣!…查看更多

「點心居」個個食開九龍城既都會推介點心居，因為真係幾好食。今次叫左九款點心，燒賣、蝦餃。腸粉。流沙奶黃包、蛋散、小籠包、腐皮卷、 粉果、鳳爪，加埋茶錢都係170左右。好味得黎重要一啲都唔貴，真係好抵食好值得推介我覺得佢既流沙奶黃包做得唔錯。我認為流沙包有兩個重點，第一當然系要有流沙既質感，第二系除左奶黃香之外，要有多一份蛋黃香味。好多時坊間只能做到第一點的流沙質感。呢度既流沙包除左鬆軟和擁有熱辣辣既流沙奶黃外，奶黃又香又濃，真係一試難忘，可是蛋黃的香味仍然爭少少 腸粉系其中一樣最難整得好食既點心，皆因腸粉皮之好壞，足以影響整體的口感和味道。這裡雖然未能做出香滑的腸粉皮，還有一點點厚，但也好比很多地方，算是不錯:):):)…查看更多

放工路過 見有D肚餓就想搵下野食望過對面街見到有間點心居見好耐無試飲茶食點心 就心郁郁入去食因為得一個人就叫唔到咁多款試叉燒包個面果層好稔可能放得耐左少少燒賣都唔算太特別個腸粉就真係最好食皮薄餡正唔似出面果D食到成口粉呢間一定要試D腸粉…查看更多

一個人係九龍城搵野食，又想食點心，無理由自己一個走入茶樓咁ODD架嘛。九龍城點心居簡直岩哂我呢啲單身寡佬食點心。綿花雞---雞都幾大件，有2-3舊，雞件有啲脂肪位岩哂我口味，可惜雞肉味唔夠，可以再濃味少少會更好。至於綿花(豬皮)，都係唔太夠味，但咬落幾稔幾爽，試得過。豬肚燒賣---都可以，無論分開黎食定一齊食都係好味既！仲幾創新添小籠包---正野，包入面仲有汁，記得攤凍啲先食，如果唔係就燙親。一啖食哂佢真係好滿足！豉汁排骨---好好味，肉味同咸味都適中，排骨都好足料，用黎撈飯都仲得！總括黎講，點心居既野都幾抵食，每樣野都係十零廿蚊，如果約埋朋友一齊黎飲茶係真心抵。飯、粥都有，你想黎食飽或者口痕都滿足到你既願望。如果佢開得再近啲九龍塘，就好喇！…查看更多

有點事要到附近探病，因利乘便，就在附近找吃的。老實說，自從舊機場搬走以後，真的少了機會過來，但畢竟點心是在下心水食物，見店內客人不多，一試無妨。先來一盅煎蛋牛肉飯，荷包蛋仍有少許生蛋黃，刻意剌穿，好等蛋漿滲落牛肉，再伴和飯粒，滋味更豐層次，只可惜飯粒有點濕，未夠飽滿。牛肉腸的腸粉皮夠薄，甚至有少許晶瑩剔透，牛肉不過不失，可以的話，下次再試其他點心。…查看更多

星期日或節日放假，不是去旅行，就去邊處好？屈在屋企，有時候在下都會悶了點，執屋都執完無耐，又要多少時間？不如走出城，飲杯茶吃個包算了吧！不久之前在九龍城譚點飲茶，行出來原來先至發現又有另一間點心店，點心店咁流行，幾乎每區都有，只是多與少問題。上次經過後，就心想下次才來看看它吧，上次說下次，竟然是今天，哈是否這麼恰巧呢？菇勿論怎樣，走入去試試看，好不好點都要試吓先至知道。向侍者開了一壼香片，是在下喜愛的茗茶之一，貪其香味清新，帶有回甘味道，香片亦是苿莉花茶，就是花茶一種。第一道上桌的是雞札。這雞札是傳統的雞札，由腐皮卷著芋頭，雞件，魚肚和火腿。從前在下還是學生的時代，上茶樓吃這款點心，例必大點，學生時代是一名窮光蛋，沒甚多大洋可吃到這點心，只有和家人去飲茶時，才有機會吃到。今天可以吃到從前的點心，都唔錯了。今天吃到的，便是魚肚吸收了汁，芋頭也很腍很粉，雞件雖未至於滑溜，但也幾滑的，與學生年代吃過的也沒有太大分別，只是從前用豬肚，今天卻用了腿而言。有次饞餵妹對在下說，腸粉的皮要薄才會好吃，皮厚了就是不好吃。在下也認同女友的說法。今趟來的牛肉腸，粉皮厚了一點，確實沒有這麼好吃，但是卻有點米香，而牛肉也算幾滑，抵銷了粉皮的弱點。上次去豪隍飲夜茶，叫來流沙包，就點知真的流沙，令在下十分狼狽，今次這個流沙奶皇包，同業流晒嘢，幸好在下有備而來，不會弄污在下的手，這個流沙包挽回不少分數，亦與豪隍的流沙包同樣流出了奶皇，抵食指數簡直爆燈啦！整體味道不過不失，流沙包確實真的幾好食。服務上也幾滿意，只是枱面和坐位很狹窄，坐得有點不舒適。…查看更多

記得小時候相當挑食，一家人到酒樓飲茶，每每看到點心手推車，父母都會貼心問我想吃甚麼。「豬潤燒賣」不吃，因為不愛吃內臟；「網油牛肉卷」不吃，因為油淋淋，唯有一道永遠是我心頭好，那就是「鵪鶉蛋燒賣」。問我「鵪鶉蛋燒賣」有何特別，我也說不清楚，大概小時候覺得鵪鶉蛋好得意，比一般雞蛋小，仿佛專為小朋友而設，就自此慢慢愛上。是日和友人分享兒時點滴，我倆生於九十年代，雖沒有經歷港式點心最光輝的時代，對老一輩的點心不算熟悉，但也發現我們小時候常吃的「芝麻卷」、「蝦丸豆腐」都已買少見少。我倆一說，點心癮即起，立即動身到附近的「點心居」，回顧一下兒時味道。「點心居」在九龍城區頗有名氣，是附近大學生的熱門宵夜食店。是日下午四點才來，人不算多，隨便挑張桌子便坐下來，桌上茶水已準備好，喝一口茶，是濃而無味的普洱，兩元茶位，也不能要求太多。這裡的點心即叫即蒸，上菜時都熱辣辣，感覺不錯。鵪鶉蛋燒賣（$18）先說主角，看到久違的點心，實在有說不出的喜悅。燒賣蒸煮時間把握一般，鵪鶉蛋略嫌過熟，不夠彈牙，蛋味亦不夠香濃；豬肉球用料正宗，有蝦仔和冬菇，肉質新鮮，但肥肉欠奉，不夠咬口。豉汁鳳爪（$13）鳳爪顏色紅潤，賣相不錯，加上煮得軟腍入味，頗有驚喜。灌湯小籠包（$16）平日到酒樓，我不會主動點小籠包，因為要做到皮薄餡靚，肉汁豐盈，實在考廚師功夫。是日友人想吃，就只好從命。甫送上來，先看看摺痕，不分明，再看看包身，飽滿但皮厚，最後看看隨附的香醋，竟是色素紅醋，已知不對辦。小籠包肉汁頗多，但滑進喉嚨有刺痛感，估計下了不少味精，而豬肉球非常腍口，一咬即爛，水準的確麻麻。蔥花炸兩腸粉（$15）這道腸粉是「點心居」的名菜，兩年前吃過覺得不錯，但今日再吃卻發現不復當年勇。完美的「炸腸」應外嫩內脆，是日蒸粉皮依然口感滑嫩，不算太厚，但炸兩就不夠脆，大大影響口感。流沙奶黃包（$13）不知何時開始，以前固體餡的奶皇包變得式微，相反流沙餡大行其道。這裡的奶皇包相當「流沙」，輕輕撕開黃澄流沙便傾巢而出，視覺效果甚佳。個人較喜歡杰身一點的流沙，這裡的流沙奶香濃郁，但欠缺鹹蛋黃的香，只有一股奶甜味，不算太過出色。提提大家，這裡平日二至六時，提供自選孖寶套餐，任選兩款指定點心只需$23元，相當划算。這裡另設外賣服務，服務範圍不詳，估計主要服務附近大學生，不設最低消費，外賣費每款點心只需五毫。是日吃了五款點心，雖然水準一般，但能與好友回顧兒時味道，又能忙裡偷閒，說說近況趣聞，開懷大笑一番，食物質素如何，已不重要。…查看更多

突然想吃點心，就跑來了。爆汁牛肉餅：筷子插入，馬上爆汁，感覺入面係牛肉球，汁係多，味道唔可以話唔好食，只係同個皮唔係咁夾；蟹粉小籠包：好大隻，夾開好香O既蟹粉味，一隻都要$14，食落好鮮味，唔錯；炸雲吞：食到一大隻蝦，饀好足，新鮮炸，無得輸；叉燒包：一樣！所有點心都是即制/蒸，有水準，座位和點心款式不多，但兩口子足夠有餘，環境和服務都會街坊一點，注意力放在食物吧！…查看更多

也不知多久沒有品嚐過飲茶之味，走在 九龍城大街上、遠遠發現足跡，把心一試、治療一下想思之念... 點心居是一間近年才興盛的港式茶居模式，即只設有茶芥、而沒有醬油及加一服務收費之 點心舖舖面是簡單之裝修、茶芥就只收$2.要上三款 點心做午餐...鮮蝦九菜餃/九王蝦腸及鯪魚球先講鮮蝦九菜餃$16.入口啖啖粗粒九菜，蝦肉就咬不上反而混和上較油豬肉、整體一語'普通'來形容最貼切不過九王蝦腸$20.腸粉未沾上鼓油汁時已油光滿面，入口之腸粉口感糊糊將將全無味道可言、蝦肉雖爽，但也毫無鮮香、大大的繼續失望，挑上兩筷也終告放棄鯪魚球$16.可算是死而後生之作，混和立腸粒之野味、魚肉也打做得有口感，雙管發揮之下味蕾終於得到上第一口雀躍、在沉睡中給唤醒，可惜已是終結時…查看更多

晚上走到九龍城一家泰國餐館吃晚餐，卻因為店裡的廚房正在裝修，有很多炒菜的食物沒有，所以隨便在那裡點了一些小吃，吃不飽，便走過來這間 "點心居" 吃幾籠點心。大約十時半多甫進店裡，裡面還有很多人正在用餐，我們便選擇坐在四人卡位。店裡的裝橫簡單撲索，多以玻璃鏡為主。牆壁上掛了很多山水墨畫和貼滿很多店裡的點心相片，感覺很特別。店外掛滿了用人手寫的點心名牌 ，好讓客人一目了然。點了四款點心分別有，䜴汁鳳爪，筍尖鮮蝦餃，潮州粉果和富貴黃金糕。豉汁鳳爪：賣相偏向很重的染色。鳳爪吃下軟腍，咸甜適中，輕輕一吮即可肉骨分離，而腳筋卻甚有嚼勁，連骨頭都有醬油香味，真是惹味十足，回味無窮。筍尖鮮蝦餃：蝦餃是港式點心必點之一，瞐螢剔透的外皮包著大大粒的蝦肉和筍，餃皮彈性十足，不黏筷也不易破。吃下很鮮甜爽脆，不錯！潮州粉果： 外形脹卜卜的粉果，皮薄也是晶瑩剔透，但皮做得比較黏。餡料有炸花生，蝦米粒，沙䈓，豬肉碎和蔥。味道和出面吃開的潮州粉果沒分別，如果能加點菜脯會更加吸引。富貴黃金糕：端上枱時還以為是煎菠蘿，有很濃郁的焗牛油麵包香味。吃下有彈性而且有點乾韌，有點像濃縮了的馬拉糕。味道可以接受，但質感卻一般。…查看更多

上個月尾聲收工去九龍城買野....行過點心居茶癮發作入去食吓廣東茶點...填好張order單叫左一盅飯..一個牛柏頁..一碟油菜..但等左5/6分鐘都無一個樓面來睇吓你要乜野..? 當時店內連我只有5個客...我仲係最新到ge客..其他食客都食緊野...終於有人收order紙..打好單..盅飯好快就來...撈勻豉油"不"D飯想放入口...點知D飯一朕"行"味..未到口先到鼻...一聞就知係倉底米...唉..算啦慢慢食囉....盅飯食到完左..碟油菜都未到..唔通咁喬無菜出去買??淥碟菜心都要你等十幾分鐘*@*%#/&##$......得我一個客有order都要等咁耐...多幾個咪要成粒鐘????牛柏頁來喇....個兜好大好高身..以為好大兜啦點知一挾舊牛柏頁..即時見到墊兜底ge竽頭...x+y+z*@#...挾左四舊牛柏頁..個兜底就全部係竽頭..一共五舊竽頭...有無搞x錯???竽頭多過牛柏頁..仲要賣18大元??食完埋單走向店員反映吓意見...對住你就口講"唔好意思"...擰轉頭出門就在你背後"妙嘴妙舌"...妹妹..我眼尾有稍到你架...第日又有人投訴...你等個客走遠左..再x我我都唔之嘛.....…查看更多

之前去常到九龍城另一點心店吃點心已覺不錯,怎料一山還有一山高,吃過了點心居的點心,滿意滿意當然,每個店子有好吃的貸色,也會有一般一點的貨色.上兩次在此吃過蝦餃,一般一般啦,我還是喜歡吃到咬下去會有蝦汁走出的那種現在是難得找到的了. :(可是這裡的燒賣,卻是難得的好吃.大顆大顆的鮮蝦,混在有豬肉雞肉和香香鮮菇粒的美味燒賣裡,真讓人吃得歡樂.熱呼呼熱騰騰的,光是聞着沒得吃到,會是活活的折磨囉. 菜心是 ok 的,但不是最好的素質.我要的是白灼的,吃得出本來面目.雞扎也是十分的讚.腐皮包着絕不吝惜的餡料;有雞肉, 芋頭,"豬皮"...好吃好吃 加單再要了咸水角.噢...這個叫我有點失望了,餡料味道不錯的,用料也別具一格,青用上了久菜!!!但最重要的皮,卻拿扼不到應有的平均熟的程度,沒有先慢炸後高溫炸吧?外面看似脆但咬下是"煙u-n"得可以,而皮裡面像未熟似的 (其實皮一點都不厚,只有5公分吧),我還是喜愛傳統的厚厚的有口感. …查看更多

1. 雞絲粉卷$12 ~ 一籠三件,皮很薄,肉又唔肥膩.2. 荔芋魚肚雞扎$14 ~ 雞及魚肚都沒有平時酒樓般的肥膩,厚切火腿又新鮮.3. 蜜味叉燒腸粉$12 ~ 正過酒樓多多聲,皮薄通透又彈牙,叉燒饀又多. 不嗜咸的我也覺此店豉油好味.4. 鳳爪排骨飯$16 ~ 多汁鳳爪配豉香排骨,飯身粒粒挺.5. 蜜汁叉燒包$10 ~ 較為普通,因為叉燒醬好甜6. 米網煎窩貼$14 ~ 等了45分鐘先上枱,廚司話第一碟煎燶了. 灌在餃內的湯也很美味.…查看更多

濫粗製造同用心製作真係可以有好大分別,九龍城嘅譚點點心同此店正正係一個好好嘅例子.前者點心賣相精緻,款式特別,味道可口,價錢實惠,此店剛好相反,加上服務態度勁差,食完一肚氣,要我再次幫襯都好難.講回味道方面,詳細介紹如下:蔗糖桂花糕味道太甜,質感太爛,一夾即散,冇乜桂花香,好彩係送,要比錢嘅話想我食都難呀.米網煎窩貼,味道勁差,餃皮質感太腍,煎得唔夠香脆,豬肉餡料太少,皮與餡嘅空間太多,一食之下成口油,係我食過咁多間最難食嘅一間.香煎黃金糕味道超甜,口感煙韌有椰香,可惜此店嘅油有少少油膉味,影響哂成件糕嘅味道.流沙奶皇包味道算好,包皮鬆軟,餡料甜度適中,可以接受.鵪鶉蛋燒賣好難食,豬肉餡料好多肥粒,質感好腍,味道過鹹.北菇滑雞同鳳爪排骨飯味道啱啱好,唔加豉油都可以,不過飯嘅質感太腍,可能加咗太多水煮嘅關係啦!!排骨過肥,雞肉算嫩滑,冇乜問題.蝦餃味道一般,蝦肉唔夠彈牙,冇乜鮮味,十六蚊貨仔就唯有接受吧!!炸兩腸粉算係全餐最好食了,腸粉算滑,油炸鬼香脆,兩者配埋好好食.本來後加嘅煎蛋牛肉飯等咗二十分鐘都冇嚟,叫侍應跟跟,竟然叫我等吓,勁冇禮貌,到最後都係取消走人.食過一次已經夠哂,永冇下次.…查看更多