點心到 點心.蒸飯 (已結業)

同朋友去新世紀廣場睇戲，還有一小時就開場，但又有點肚餓，那麼就走到food court 先吃一點東西才進場。行了一個圈，見到有即蒸點心，造型又可愛，價錢也不貴，那麼就點了個點心拼盤B 試一試。 $42，共有六件點心，當中有兩款可愛的造型包點，十分可愛。傻豬叉燒包賣相相當可愛，不過包內的餡料較乾，叉燒有點嚡，但味道可以接受的。金沙熊貓包熊貓包其實是流心奶黃包，加上卡通造型後，真係可愛百倍，奶黃包的內餡香濃，滑順綿密，一咬就爆流出來，吃的時候真的要小心燙口呢！

之前未食過，今日中午買飯叫鳳爪排骨飯、炸雲吞、流沙包、蝦餃，跟住俾錢105元，睇吓張單午餐55元，之后流沙包20元、蝦餃28元，於是問收銀姐姐：點解午餐唔系飯同蝦餃而係炸雲吞？咁係收多左我9蚊喎？(因为兩樣都可跟餐，而炸雲吞係19蚊)跟住亞姐話咁你順住叫我咪落單囉！點知你咁叫！俾佢串完仲冇錢回以后都唔再食佢

今日打風後預告中午落波要返工，早少少出門食啲野就開工。我想幫襯果間茶餐廳12點幾仲未開，於是上旺角新世紀食代館試下搵食，行左個圈揀左呢間點心，佢有好多幾吸引嘅點心，於是試叫兩籠，燒汁釀茄子&芥末咸水角。職員態度麻麻，唔想做咁，一邊玩手機一邊傾計又一邊落單，所以要重重覆覆咁落單，扣晒分。先講芥末咸水角，外皮夠脆，粉粘糯，略厚，餡用菇粒加微微芥末味，整體只算合格。至於燒汁釀茄子，睇見就流口水，食落有點失望，肉實，汁太多所以略咸，建議汁另上，隨食客喜好自己點燻點。總結: 唔好期望咁高，有機會我會再試下其他點心。

$46一個蒸飯、一個點心、一碟油菜，價錢在moko來說算是幾抵，免治牛肉蒸飯: 像山竹牛肉的味道，多肥肉，食到好濟，食了一半已放棄。鮮蝦菜苗餃: 皮厚，多菜少蝦，味道還可以接受，但不會覺得好味。油菜: 正常，份量少，但送的就算了。員工服務很差，餐牌寫著加$6有飲品，但沒有寫有什麼選擇，我問員工飲品有什麼選擇，她說: "我點知呀，咪又係個d，你咪唔好飲囉"，我問咁即係有沒有菜蜜? 她好大聲說: "你問我點知姐! 都話唔知咯!"，隨即是一連串被她用普通話罵我。我好嬲，但怕她會加料，所以只好一直站在counter前看她拿食物給我。

因為趕住之後要睇戲,平平地又易搵位既, 係Food Court搵食, 就試左呢間新開既點心店本黎抱住"隨便吃點東西"既心態,點知有驚喜啊滑雞真係好夠滑~好味呀! 而北菇都有鮮菇味。菜本身有走酒煮, 好健康!呢個超好味, 即叫即煎, 一咬落去d油熱到燙口!!茄子又夠林,肉夠彈牙。朋友點了糯米雞, 好足料又夠味道。估唔到跟餐隻糯米雞都咁大份,好抵食!再有下次,想試埋其他小食點心

被可愛中式包點吸引外表像冬菇(牛肝菌包)-牛肝菌好香，可惜牛肝菌份量少左d，包本身有少少苦澀味(但神似度99%)味道清淡左少少豬頭包(超級可愛)流心度80%味道比較淡魚翅撈飯，味道不錯，飯的軟硬度適中，仿魚翅足料價錢合理