點心到 (鴻星大廈)

營業中

休息中

以前細d好中意出街食西餐，依家有個左反而中意食中式野。點心一向都係我好喜歡既，不過好多時都起唔到身飲茶，近來發現油麻地新開左一間點心，岩晒我放工都可以黎食。2個人叫左7份點心都唔過份啊XD 有最中意既燒賣，整得好靚，食落去隻蝦仲好爽口，d豬肉都好多汁。我朋友指明要牛肉球，佢話勁好食、好滑。我覺得腐皮卷係必點之選，入面餡料滿滿，仲要係超級脆皮，食食下放到晾左都仲係好脆！！腸粉皮唔會好厚，每碟有2條，都唔錯。雞扎其實我平時唔會嗌，不過又心思思想試下，每卷有芋頭、雞肉、棉花同蟹柳，其實食既時候都係拆散晒哈哈哈

耐唔耐都會想食下點心…不過就好少去酒樓…因為有點心供應時間。而家坊間好多點心專門店…我最喜歡就係佐敦既點心到…知道油麻地開左分店就過黎試下呢度位置都算方便…如果你係搭地鐵…油麻地站行幾分鐘就到油麻地分店感覺比較闊落…又有卡位。我地比較夜到…生意都唔錯…啱啱有人走可以坐到卡位每次黎呢度都點差唔多野…因為我好少食包點…不過我點既都係飲茶最受歡迎既點心…呢度都做得唔錯。全部野都即叫即做…每樣野黎到都熱辣辣出哂煙…除左明蝦角…出煙就會著火😝😝最鍾意呢度既蝦餃…足料又薄皮…個皮又煙韌…每次必點耐唔耐都會想食下點心…不過就好少去酒樓…因為有點心供應時間。而家坊間好多點心專門店…我最喜歡就係佐敦既點心到…知道油麻地開左分店就過黎試下呢度位置都算方便…如果你係搭地鐵…油麻地站行幾分鐘就到油麻地分店感覺比較闊落…又有卡位。我地比較夜到…生意都唔錯…啱啱有人走可以坐到卡位每次黎呢度都點差唔多野…因為我好少食包點…不過我點既都係飲茶最受歡迎既點心…呢度都做得唔錯。全部野都即叫即做…每樣野黎到都熱辣辣出哂煙…除左明蝦角…出煙就會著火😝😝最鍾意呢度既蝦餃…足料又薄皮…個皮又煙韌…每次必點其他仲點左燒賣…沙律明蝦

放長假同屋企人黎左e間新開嘅點心店嘆返一盅兩件☺️我地最鐘意食主打即叫即蒸嘅點心😆覺得e間店滿足左我地嘅要求👍🏻餐廳環境闊落，坐得舒服，枱與枱之間都有距離🤓同埋都勁乾淨☺️餐廳提供QR code 落單，好方便又環保🤓🌸晶瑩鮮蝦餃蝦餃大大粒，皮簿🤤又多蝦😋食落好彈牙❤️🌸原隻蝦燒賣上面有大大隻蝦仁，燒賣食落唔油膩🤤入面有肉汁🥰🌸卡通流心芋蓉包芋蓉包熱辣辣入面係香香嘅芋蓉🤩上面仲有可愛嘅卡通😍🌸沙律明蝦角蝦角炸得香脆🥰咬開係大大隻嘅大蝦👍🏻點埋沙律醬，味道更上一層😍🌸籠仔煎蛋牛肉飯我地將煎蛋與飯拌埋一齊，飯粒帶荷葉清香及蛋香，牛肉蒸得岩岩好，成個配搭好夾☺️🌸榴槤雪媚娘係榴槤糯米糍黎🤤𥚃面係香香濃濃嘅榴槤肉🤓👍🏻榴槤控必試🤗

依家愈嚟愈多依類型嘅點心舖，依間好似都幾新淨企理。卡通流心芋蓉包 $22佢個卡通表情造型真係呢🤣🤣😅😅 有啲情願佢冇造型...lol不過個味道係ok嘅，芋蓉餡個味有啲似係飲品店個啲芋頭奶茶，同埋唔會太甜，所以都幾好味。韭黃鮮蝦腸 $28個腸粉皮幾滑，不過有啲厚，有原隻蝦同埋幾爽口。燒汁釀虎皮椒 $24味道冇咩特別，魚肉幾厚。燒賣 (2粒) $15蝦餃 (2粒) $16蝦餃，燒賣佢可以揀兩粒，好岩一個份，兩款味道都唔錯，肉質唔會太腍。醬皇金錢肚 $25有啲驚喜，金錢肚每一舊都大大舊，而且都幾入味同幾腍! 紅油抄手 $25個皮有少少厚，呢度扣咗少少分。不過佢個味道有啲驚喜，甜甜辣辣，個辣又唔會好搶喉。香煎蘿白糕 $20好抵食呀! 20蚊竟然有5舊蘿白糕! 其他舖頭都係3舊,味道口感都正正常常,想食蘿白糕嘅話記得要嗌!

行經油麻地發現「點心到」又開多咗間啦，之前食過旺角及佐敦店都好滿意，今次試吓新店質素茶錢每位$5️⃣，全日免加一小館裝修簡潔明亮，感覺衛生舒適，設有卡位==========🔹黑蒜螺片燉肉排湯 (盅) $38燉湯非常足料，加入淮山、紅棗、杞子、圓肉、雞腳及唐排等飲落味道濃郁鮮甜，螺肉細滑彈牙，淡淡黑蒜香卻不搶去其他材料味道推介指數：9/10==========🔹黑松露菜苗餃 $27賣相非常精緻得體蝦肉爽口鮮味，配合菜苗及黑松露味道上佳，餃皮做得薄身帶點煙韌感而不帶水氣推介指數：8.5/10==========🔹原隻蝦燒賣 (2粒) $15面頭放上小小的原隻蝦及蟹籽蝦肉質素不錯；豬肉嫩滑爽彈有鮮味，肥瘦比例適中推介指數：8.5/10==========🔹蜜汁叉燒腸 $25腸粉皮厚薄適中不黏牙；叉燒蜜汁味豐富，選用部份不乾不柴推介指數：8/10==========🔹鮮竹牛肉球 $21加入蔥花、芫茜及馬蹄粒，以麻油及胡椒等調味牛肉球軟滑彈牙口感不錯推介指數：9/10==========🔹燒汁釀虎皮椒 $24魚肉加入芫茜及蔥，味道更有層次魚肉非常飽滿又緊實彈牙；虎皮椒新鮮爽口帶微辣推介指數：9/10

夜晚放工搵嘢食近地鐵站 唔遠有一間叫點心到 嘅地舖就好想入去 裏面裝修乾淨 新開張感覺好年輕而且齊餐牌唔算太貴有好多選擇 所以有入去啦晚市好忙要排隊 真係好高人氣 啲枱凳都坐得舒服嘅 感覺裝修乾淨個 點咗最鍾意食嘅蝦餃 有兩粒 蝦好彈牙新鮮適合香港嘅味道另外我最鍾意食嘅春捲鮮蝦春捲 脆點喼汁啱曬 仲有呢度人氣嘅黃金流沙包外面有金色嘅裝飾感覺高貴 名貴裏面個包好好流沙蛋黃醬 好香係呢度人氣嘅嘢食燒汁釀虎皮椒係我最愛好開胃嘅小食正道熱辣辣上有魚肉茄蔬菜感覺健康香茜牛肉腸 熱辣辣上 即叫即整夠 曬飽肚有我最鍾意嘅燉湯等 唔錯冇味精沙參玉竹燉土雞湯飲完氣管好舒服又唔太鹹感覺啱啱好冇味精甜品 楊枝甘露芒果都唔算太甜份量都好多一人一會啱啱好呢度裝修乾淨 食物種類勁多 重開到十點添啱曬夜晚可以飲茶食個包

餐廳：點心到地點：油麻地彌敦道菜式：中式點心餐牌：餃點類，酥點類，生滾粥，小食，中點類，包點類，腸粉類，飲品，蔬菜類，原盅燉湯，甜點類，籠仔蒸飯類。價錢親民。茶位每位$5。落單用QR Code。蝦餃 (2粒) $16呢度可以選擇叫蝦餃燒賣4粒或者兩粒，價錢除返每粒係一樣，好貼心！蝦餃塊皮厚薄適中，入面餡料爽口，無辣椒醬食都唔錯。燒賣 (4粒) $30燒賣真係有大大粒蝦係面，面頭再加上蟹籽，下底係啖啖肉爽脆唔肥，仲有冬菇味，皮薄餡靚之表表者。豉汁蒸鳳爪 $21豉汁蒸鳳爪一客大概有6件鳳爪，整得好淋，面頭都多豆豉，味道都唔錯。下底加左幾粒花生，面頭有一片紅椒同綠椒裝飾。醬皇金錢肚 $25醬皇金錢肚大概有5塊，口感係完美爽口彈彈地牙又滑滑地，個汁少少辣，好惹味，唔會太油或者重口味，面頭加上一片辣椒。下底居然有4粒冬瓜粒，可降低油膩感。金沙脆皮銀蘿腸 $28金沙脆皮銀蘿腸兩大條，一開六件容易食。金沙脆皮銀蘿腸其實係厚身滑溜雪白腸粉包住一層酥脆皮，入面係滿滿一條條白蘿蔔絲，好特別。雖然係素菜，不過口感好特別，外滑內脆最入面就清甜爽爽地，食完唔覺油膩。面頭仲有一大條長菜心。燒汁釀虎皮椒 $24燒汁

📍#油麻地 #點心到點心時間到😋今次趁假期去咗新開嘅點心舖試下，結果都幾滿意😙點心到本身已經出名，宜家開埋第三間分店就知幾好味啦✌🏻✨晶瑩鮮蝦餃(2粒) $16睇落去細細粒，但係爆哂餡咁🫢蝦冇雪味，仲幾彈牙😬✨原隻蝦燒賣(2粒) $15呢個相反比較大粒，除咗出面有蝦，入面都有蝦🦐感覺同蝦餃幾似，但燒賣有埋肥豬肉，會爆汁正啲😆✨黑松露菜苗餃 $27菜苗唔係主角，似蝦餃變奏版🤔黑松露味唔太出，反正就是普通😗✨蜜汁叉燒腸 $25呢個好味，腸粉好薄皮，食落有啲彈牙😜另外啲叉燒係靚叉，唔係茶記啲乾到爆嘅叉燒🤡✨蜆蚧鯪魚球 $26幾正，應該落咗幾多魚肉，好香魚味，唔點醬都好夠味🐟size都有乒乓波咁大，咁嘅價錢有6粒好抵🤑✨黑金流沙包 $25流沙包最忌就唔流沙，唔係咗食奶黃包唔好🤪呢個真係流沙，熱辣辣咬落去小心辣到咀🥵唔算好甜，但係都好滿足🥰✨鮑汁鳳爪 $27滿滿膠質，凍咗仲會凝固就知咩事🤫鳳爪好入味，鮑味好濃郁，啲汁撈飯幾正🤤✨豐料糯米雞 $30唔太豐料，仲要肉好乾😖最慘係啲米熟唔均，有啲位係有啲硬同乾🫠✨籠仔煎蛋牛肉飯 $35幾好味，牛肉幾香口🤗煎蛋仲會有啲流汁，撈飯一流🫶🏻✨濃湯杞子浸時蔬

點心到新分店食個lunch~ 1400到有小人潮要等等！新型茶樓有埋wifi小卡位，感覺到舒服新淨。燒賣 $15好buy依套有兩粒四粒既叫法。燒賣繼續飽滿多肉~ 燒賣皮都唔馬虎實淨！豉椒蒸排骨 $22芋頭係底。都幾多排骨，唔會有豬腥味道，啖啖肉。每次必叫之一🐖沙薑汁燴鮮淮山 $22木耳、西芹同淮山素食之物，清淡健康。而家嘅綠色食物都幾貴，依款性價比幾好。品種多又唔會難入口。燒汁釀茄子 $23好大件大大鯪魚肉！比燒汁釀虎皮椒叫得仲多，企身新鮮！燒汁釀虎皮椒 $24煎香多肉，唔怕有少少辣就好叫啦！除咗綠椒之外，仲有紅椒😀 椒皮走油好香口！香茜牛肉腸 $25薄皮中間多牛肉，牛肉重！就咁咬唔覺，咬多啖就滿滿肉啦。豉油可以另上，幾好！店員個個都helpful唔會黑面嫌麻煩。籠仔金銀蒜海蝦飯 $42蒜加蝦既飯🤪 夠濃，飯軟淋少少咬左汁！

我其中一間最常幫襯既點心鋪係油麻地開左分店！即刻同媽咪黎支持下😍，油麻地站出黎3分鐘唔使就到，超方便！鮮蝦腐皮卷煎到好脆口，蝦肉夠哂多，好正！金沙脆皮銀蘿腸腸粉皮幾滑，唔會過粉，入面包住既蘿蔔絲春卷好正，食落好有層次😂！鮑螺片滑雞粥粥夠綿，好多雞，略嫌唔夠熱。燒汁釀虎皮尖椒有紅綠兩款椒，入面釀滑魚肉，可以再辣D就更加正！燒賣每人一粒岩岩好，肉質彈牙👍🏻。卡通流心芋蓉包造型可愛！好香芋頭味，飯後甜點岩哂！估唔到新開張無耐咁好生意，全院滿座😂，好彩上菜速度同味道好都OK，會繼續支持！

油麻地新開佐點心店，感覺比較乾淨入去試下冇Menu可以睇 電子落單不過呢，坐得比較入收得唔好，睇menu 好慢，可能用番紙好D點心需要時間等 感覺新鮮嘅☺️D相係食到一半先影，所以感覺比較少😂🤣因為材料脆口，唔係蒸好耐入面林晒果種感覺乾淨～ 蒸飯時間要等比較耐，我地食到比較後先有，所以如果要食就最好早叫好D炸春卷新鮮有料到，唔係翻炸，good good有叫其他嘢，冇影相就唔講了🤣招呼就唔知了，因為冇咩交流🤣

唔知幾時開始，點心到已經成為咗我同屋企人嘅飲茶之選，大大話話食咗四五次都唔厭。燒汁釀虎皮椒係我每次必點，魚肉足料彈牙，煎得好香口。 其實釀茄子都好食，但虎皮椒更加惹味，正過普通煎釀三寶好多皮。沙律明蝦角酥脆皮薄，同平時炸雲吞得一粒仔餡唔同，呢個明蝦角有差唔多兩隻蝦餃嘅蝦量，爽口彈牙好滿足。叉燒腸腸粉皮晶瑩透亮，叉燒都唔錯唔會乾。 平時食開齋腸加混醬都好正，成家人爭住食。鳳爪同金錢肚好惹味，鳳爪炆得好腍，大大件食得好過癮，我自己輕鬆啪哂成籠。燒賣正常發揮，勝在大大粒，仲有原隻蝦係面。馬拉糕蒸得岩岩好，唔會太腍或者太濕，甜度剛好。黑金流沙包流到好似食緊小籠包咁，望少眼都流到成手都咸蛋黃，非常邪惡，岩哂我。榴槤雪媚娘都係必點，皮薄餡靚，真係包左真材實料嘅榴槤蓉，食一啖把口已經好臭。 留意到唔同分店嘅做法都有少少唔同，旺角店比較多cream，佐敦店同油麻地店就啖啖榴槤肉，一流。

熱辣辣點心～方便快捷香港都多咗啲唔係淨係喺茶樓食嘅點心舖頭啦，平時喺地舖都可以食到好多點心，點心到，到咗油麻地。點心熱辣辣，好新鮮，叫咗六至七款點心，滿漢全席，擺滿張枱。茶位每位$5。各款點心中價水平。蝦餃皮薄，唔黏筷子，啲蝦都幾滑。燒賣都十分大嚿。蝦餃同燒賣都可以兩粒兩粒咁叫就唔使浪費。鮮竹卷，湯底好清，一啲都唔油膩，有杞子補眼，腐皮冇炸過感覺食落唔油膩好清爽，好易入口我覺得好好。平時食鮮竹卷食完一舊即刻滯住個胃，但係呢啲唔會。牛肉腸方面呢，粉皮爽滑唔削口，肉餡料同皮嘅比例都幾適中。炸鮮蝦腐皮卷呢趣卜卜，不過有少少驚熱氣，點埋喼汁其實香脆可口。炸鯪魚球，配醬汁通常有蠔仔酒，我覺得鯪魚球都好大粒，有咬勁，不過醬汁方面我覺得佢有啲太多其他調味又加咗啲辣落去，有啲混濁，所以可以改進一下。通常配搭會更加想清啲嘅蠔仔，同埋有個酒清味就好啲，突出返蠔仔嘅味道。都見到四寶雞扎入邊嗰個芋頭好大舊，多數四寶雞扎都係有腐皮卷住，然後有芋頭，雞肉，魚肚，蟹柳。唔使我講啦，入邊都幾好食😋其實雞扎點樣食個人傳統係一種用筷子去夾住個腐皮然之後捲個腐皮出嚟食嘅，唔知大家係咪都係咁食㗎呢？

店內環境座位舒服, 地方夠大尤其卡位.首推黑金流沙包流心熱騰騰,外形古典優美,內餡美味。流心熱辣辣, 甜度剛剛好, 招牌菜必點!黑松露菜苗餃,皮薄馅多,黑松露的香氣隱隱透出,初嚐之下便立馬令人垂涎。懷舊鵪鶉蛋燒賣以鵪鶉蛋代替傳統的豬肉,蛋馅滑嫩Q彈,包裹在外酥脆的炸糕皮中,滋味特出。醬皇金錢肚以特別醬料醃製而成,金錢肚份量多值得欣賞, 現在很多點心金錢肚都很少份量。醬汁夠濃, 好味!香煎蘿蔔糕片皮酥裡嫰,甜而不膩。配上店內辣醬更好味!叉燒腸皮十分之滑, 必點菜之一, 叉燒半肥瘦剛剛好, 外皮內餡均正.整體感覺店內菜式不僅強調味蕾體驗,更注重視覺和情感上的享受。點心到可說是點心及懷舊菜的集中體現,值得專程前往,以懷舊之情,品嚐與回味。

有時飲茶要多人先得，因為可能很難嘗試各種各樣的菜餚，🥰每碟通常有四份，而點兩到三款已經很容易讓你吃飽。.好好嘅係呢度蝦餃可以選擇2隻叫，一到兩個人都可以enjoy，🦐整隻蝦和豬肉的口感，一口美味，又令人滿意。.尋找懷舊選擇的朋友來說，👍燒賣是一個不錯的選擇。.如果您想吃點甜食，🔥流沙包必點要試，包鬆軟且蓬鬆，內餡是流沙鹹蛋黃，甜度恰到好處。.鮮蝦拉腸配上甜醬油，帶有韭黃芳香。.這家餐廳的點心菜單豐富，🤩多種菜品可供選擇。