點心到 (鴻星大廈)

營業中

休息中

優點- 有幾種點心可以叫兩件，適合一兩個人，如果所有都有半份，貴小小都OK。- 所有食物都非常熱辣辣。蝦餃 兩粒（ $16）4分- 都算大隻，皮薄同滑- 涵料應該大部分都系蝦，都算鮮味燒賣兩粒（$15）4分- 一大隻蝦系燒賣面，蝦味比蝦餃更好更爽- 肉應該系切肉吾系免治豬肉，有咬口，系肥左小小。山竹牛肉（$21）4分- $21蚊有三大粒，賣相都幾好- 牛肉味系有，但比原茜味蓋過吾少- 牛肉吾夠彈口。牛肉腸粉（$25）（4分）- 皮吾算食過最薄，但好滑- 牛肉都幾厚同滑碳燒山楂鴨絲包（$28）（$2分）-哩個系賣相同名呃到人的包，因為好多檯都有叫- 表面系乜真系吾知道，包皮有小小黐口- 涵料同汁非常吾滿，空洞洞- 一D 山楂味都無- ”鴨絲”質感一D 都吾似鴨，好似午餐肉，又無鴨味。

今日放工同女朋友去現時點行下街，路過見倒有點心專門店。見最近都有幾個星期無同屋企人飲下茶，試下夜晚入去過番個飲茶癮。呢間" 點心到 " 坐低之後係唔洗叫茶，因為佢會預設得普洱，不過我同女朋友都係普洱愛好者，所以係無問題~見倒佢餐牌都好多選擇，有炸有腸粉有傳統蒸點心，都好齊全下。懷舊混醬腸粉:  腸粉本身都幾夠熱同幾滑，甜醬同花生醬都比得好夠。蝦餃: 個皮都算幾薄，蝦肉彈牙可以食得出係新鮮上海小籠包: 汁水都有，舊肉調味亦無過咸 黑松露菜苗餃: 呢個出面茶樓好少有得食，餃入面蝦肉同菜都好夠味，黑松露為點心加左少少新鮮感黑金流沙包: 呢個推薦，有D茶樓係做到流心個款反而唔係太喜歡，佢流沙個口感食得黎唔會好麻煩四寶滑雞扎: 雞肉好嫩，加埋有我超級喜歡嘅蟹柳呢排好熱氣，少少可惜無試佢D炸野食，下次可以再黎!!

行街經過見佢街外野食相廣告幾吸引入黎試入座洗埋野等咗5分鐘唔叫都唔比張qr code落單紙黎😓籠仔金銀蒜海蝦飯味道可以但d飯得1cm高食完一定唔夠飽，太少薑蔥牛柏葉都可以千萬不要點凍檸檬茶，完全大伏，似d茶溝咗好多水落去放2塊檸檬就算，難飲過街邊茶記食完好似趕收工，收哂d野，連筷子碗都收埋我心諗我都未食飽諗住再點野食見佢咁做唯有賣單冇下次，因為同類型嘅店舖都仲有好多，所以同我標題一樣，野食可以，但服務唔得既一間店舖

「點心到」開左油麻地新分店，好近公司，收工黎嘆點心。👉🏻蝦餃蝦肉存在感好高，爽滑彈牙。有得叫2粒，可以試多幾樣點心。👉🏻金沙脆皮銀蘿腸⭐️好推介呢隻腸粉，雖然餡料只有手切白蘿蔔幼條，但裏左層脆漿炸得好香好惹味。👉🏻潮州粉果細細粒好的式，內餡都唔少，有好多爽口嘅沙葛粒粒🙌🏻點辣椒油幾和味。👉🏻三絲鮮蝦舂卷⭐️驚喜～非常多蝦肉，熱辣辣即叫即炸。👉🏻豉汁蒸鳳爪、薑蔥牛柏葉呢兩樣都正常水準，大碟抵食。👉🏻榴槤雪媚娘⭐️黎到最期待嘅甜品，薄薄糯米皮包住忌廉同榴槤夾心，唔甜唔漏，唔怕肥的話我可以食3個🥳

上網睇到食評 談論流心芋蓉包同榴蓮雪媚娘好正 實在太吸引啦大概7pm入座 榴蓮雪媚娘已經售罄啦🤓我地點左卡通流心芋蓉包 蝦餃 (2粒) 燒賣 (2粒) 金沙脆皮銀蘿腸 香煎蘿白糕💁🏻‍♀️卡通流心芋蓉包賣相相當趣致 每個包既表情都唔同芋蓉味好突出 仲有芋泥粒粒甜度岩岩好 雖然無流心效果 芋蓉相當香滑好味🫰🏻💁🏻‍♀️蝦餃/燒賣 各兩粒可選擇兩粒或四粒一籠蝦餃同燒賣d 蝦都好爽口 但冇鮮甜味 蝦餃餡有蝦仲有有一細舊豬肉 味道好奇怪 唔識用文子形容 燒賣餡肥豬肉偏多 💁🏻‍♀️香煎蘿蔔糕蘿蔔糕賣相煎到微金黃 相當吸引 面層煎得薄脆 但質感麻麻 一夾就散而且配料相當少 只有少量蘿白絲同臘腸粒💁🏻‍♀️金沙脆皮銀蘿腸脆皮銀蘿腸入面有足料蘿蔔絲 西芹碎同香茜碎 腸粉皮夠薄身算滑 但脆皮炸得好油唔脆 仲有一陣油溢味 已經影響整體味道除左芋蓉包好味 整體黎講點心味道比較普通而且同市面上既點心價錢相若 熱茶只有一款提供 無其他選擇 食物: 6/10環境: 6/10服務: 6/10性價比: 5/10

平日朝早無折，叫3碟點心埋單$82, 貴到飛起。沙律明蝦角有洗潔精味，又炸到過火。鳳爪以為自己係街市買個D雪床，唐記都好食個佢。腐皮卷油淋淋餡料又差。無得選咩茶只有普洱。中伏伏....

在油麻地看到新開的點心專門店，相約朋友吃去午餐。店內檯與檯的距離較近，兩旁設有卡座，行人的通道窄，送點心的手推車也是剛好能通過。我們進店時剛好有卡座，三人可以坐得較舒適。全店的食物品種就在一張餐單紙上，數數看有49樣。茶錢每位5元，只供應潽洱，用一個大的保溫壺放檯上。店內用掃碼下單，不過我用手機把點心款式點選後卻不能送出，向店員查詢，店員也解決不了，於是改回紙本在餐單上剔選。炭燒山楂鴨絲包，包面黑漆漆的，包內鴨絲混和著醬汁，口感非常軟熟，熱度足夠。黑松露菜苗餃，賣相像一顆鳳眼，內裏有爽口結實的蝦仁，黑松露量多，味清香，材料充足。潮州粉果，爽口馬蹄，香脆花生，芹菜粒和肉粒均衡分布，餃型大大隻。金沙脆香銀蘿腸，腸粉上放了一條大菜芯，如果能剪斷成幾段可以大家分享就更好。腸粉皮包著脆脆的油條，油條內又釀入不少的蘿蔔絲，入口層次脆中有軟，軟中有脆，腸粉皮滑滑易入口，味道相配。籠仔金銀蒜海蝦飯，金銀蒜味道香濃，蝦開邊蒸，有五隻，蝦不是很大隻，但也美味。每粒飯都吸收了蒜味，用油泡過的金銀蒜，令飯粒油光滿滿帶上濕潤。榴槤雪媚娘，大大個雪米滋放在紙盤內，入口綿密，內層充滿忌廉和絲絲榴槤肉。楊枝甘露，用料

點心到油麻地新開咗點心到都未去試過，今日想食點心就諗起佢。店舖空間感比佐敦店好，座位闊落，坐得更舒適。用QR code 落單，好方便，慢慢叫都唔怕麻煩到員工。因為冷氣都幾大，我唔想啲嘢食凍晒，所以分咗三次叫。兩個餓底叫咗8樣嘢：蝦餃燒賣沙律明蝦角豊料糯米雞香茜牛肉腸鮮蝦腐皮卷沙薑汁燴鮮淮山蜆蚧鯪魚球佢燒賣同埋蝦餃可以叫兩粒，其他嘢就冇分大細。推介：沙律明蝦角 燒賣 蜆蚧鯪魚球沙律明蝦角，好飽滿，全部都是蝦，又香趣。燒賣好足料，唔會成口肥豬肉。蜆蚧鯪魚球好抵食，一碟有6粒，即叫即炸熱辣辣。點心到啲點心款式選擇多，全部即叫即蒸/炸，上枱出晒煙，大部分都好滿意，價錢又唔貴。食咗咁多嘢，埋單$200總結：會回頭。

假期過後仍然要營營役役，本應得閒飲茶嘅朝早，就留喺office，一盅兩件變一疊文件就留返放工先歎茶，油麻地呢間點心店晚市都幾旺大胃作為澱粉怪，腸粉、飯盅、包點都走唔甩呢度嘅炸脆蘿蔔腸粉超綿，內裡卜卜脆排骨飯超大籠，用荷葉墊住蒸，鳳爪排骨嫩，白飯粒粒爽口平時啲包點不外乎叉燒包、奶皇包、雞仔包等等，呢間有鴨絲包用鴨肉做餡都唔錯，外皮嘅雪酥係黑色，甜甜地脆脆地蝦餃燒賣一籠四粒，對於兩個人嚟講又太多，menu有得揀兩粒一籠兩款都熱辣辣，蝦肉幾新鮮腐皮卷驚喜爆分，表皮勁脆一咬爆香芫荽味，蝦肉好鮮嫩甜品榴槤酥好大份，啖啖果肉但又唔會太甜

看到食評不錯，今天就過來一試，來到時等了一會就能入座，毋須久等，但已見餐廰坐滿了食客，還留意到有韓國遊客在座，想必是看到食評而來。落點心是手机落單，但等候上桌時間較長，人手顯然不足，周時看到有客人招手也沒員工理會，有些還看到很焦急的樣子，索性自己出去拿取杯子和茶，結賬也是要等員工忙完，否則就要乾等。點心質素一般，並未覺得突出，而且份量偏小，性價比不高，而且餐廰空間不大，坐起來感覺迫狹，比起酒樓的空間感差太遠。

當午餐吃得特別豐富，晚上不太肚餓的時候，既可吃多，也可吃少的回轉壽司店與點心店，就是我最常吃的兩個選擇，就好像這晚，我便與太太在這間「點心到」吃了一頓簡單的點心晚餐 。其實這間「點心到」的佐敦店和旺角店，我之前都有幫襯過，不過這間最新的油麻地店，我就是第一次光顧。這油麻地店的環境光鮮明亮，感覺新淨，不過桌子與桌子之間的距離就比較近，感覺就沒有那麼舒服。「四寶滑雞扎」（$30）是我兒時與婆婆、姨姨上茶樓飲早茶時的最愛，這裡的雞扎雖然再不是我在童年時吃到的「淮山雞扎」，不過質素都算中規中矩，芋頭粉腍不硬，腐皮與魚肚索了湯汁後，味道也好。另一款我喜歡的點心是「燒汁釀虎皮椒」（$24）。這晚的釀辣椒辣度適中，夠刺激而不太辣，配以燒汁，味道挺好。「蜜汁叉燒包」（$20）則是另一半的最愛，一籠三個的叉燒包，不用我幫口，她一個人都可以盡數把它們收歸肚中。還吃了「晶瑩鮮蝦餃」（$16/兩隻）和「濃湯杞子浸時蔬」（$20），都不錯。蝦餃皮薄，可以看見裡面的鮮蝦豬肉餡，菜心嫩綠，加上嫣紅的杞子，浸以上湯，爽口味美。兩款燉湯，我就揀了「黑蒜螺片燉肉排湯」（$38），這湯湯色深濃，湯味也濃，螺片雖只得指甲大小

今日跟朋友約咗在油麻地「點心到」飲茶後再去Shopping 🥰「點心到」好處是蝦餃燒賣等可以點2粒，不用一定4粒😜而且不用加一和茶位只是$5一位🙂人少飲茶另一選擇🥰沙參玉竹燉士雞，湯料足，味道鮮甜，不錯！晶瑩鮮蝦餃, 蝦肉質鮮嫩，口感彈牙😁蜜汁叉燒腸，一碟2條叉燒腸，還有一條靚菜，皮夠薄夠滑，餡料足！味道不錯👍原隻蝦燒賣，原隻蝦，肉質口感鮮嫩！潮州粉果，粉果皮薄，味道好香，不錯！其他如香煎蘿蔔糕蜆蚧鯪魚球等也不錯🥰

新鮮出籠 • 點心到〰️點心到一向性價比高，無加一，茶介$5 一位～油麻地開咗新分店，空間大咗，座位闊落坐得舒服咗👍🏻蝦餃（2粒）$16有2隻蝦係入面，爽口彈牙燒賣（2粒）$15肥瘦適中，肉汁飽滿上海小籠包 $24嘩！勁高質👍🏻勁多肉汁，一夾起肉汁向下墜，皮又超簿，一定要推介😝濃湯鮮竹卷 $19鐘意呢度嘅鮮竹卷腐竹皮冇炸過，相對冇咁油膩～ 而且個上湯真係好濃郁，奶白色好鮮甜😍沙律明蝦角 $28呢樣又係勁正，好似珍寶蝦餃咁，超多蝦係入面😍炸過勁香口卡通流心芋蓉包 $22造型滿分！好得意😛入面嘅芋蓉好幼滑，唔會太甜，鐘意芋泥嘅朋友仔一定唔可以錯過😝籠仔鳳爪排骨飯 $35香煎蘿白糕 $20呢2樣都正常發揮～整體點心高質抵食！ 有下次😆點心到 (油麻地)油麻地彌敦道484號鴻星大廈地下

前後去過幾次點心到都是光顧晚上提供小菜的旺角分店，得知油蔴地新開了一間點心專門店就特意於星期六晚帶同喜歡飲茶食點心的婆婆來吃晚餐。晚上大約7:15pm，到達時竟然座無虛席，幸好剛有客人離開我們才不怎麼需要等位，但想不到新店的人氣會那麼高，大概不要低估點心到這招牌的影響力。第一款送上的點心也是我最想試試得蝦餃4粒($32)，而這裡的蝦餃和燒賣可以2的倍數落單，因此無論你想食多食少也沒有問題，彈性高蝦餃的皮算是薄，質地煙韌，裡面的餡料飽滿，有大大隻爽脆蝦仁，基本上是每檯客人都有叫的點心同時間上菜的黑松露菜苗餃($27)則明顯比蝦餃遜色。一般食到的菜苗餃外型通常如蝦餃的那樣把餡料完全包在裡面，而這裡的餡料是半露在外，上面放上一些「黑松露」，令人感覺精緻一點。可是，裡面的餡料少，菜苗的比例亦低，上面的所謂松露我們也丁點吃不到可以與黑松露有聯繫的味道，大家可以把quota留給其他食物。鮮蝦腐皮卷($28)剛剛炸起熱得燙嘴，味道正常，知道這道菜式會比較多油，若餐廳在食物底部放一張吸油紙會更佳，不會那麼肥膩。同是炸物的三絲鮮蝦春卷($25)的質地比較乾身，漲卜卜外皮香脆，只是餡內的蝦肉不明顯，或許蝦

📍 餐廳：點心到 (油麻地)地址：油麻地彌敦道484號鴻星大廈地下最近點心到響油麻地開咗新分店，即叫即蒸，夠曬新鮮，而且無加一，茶芥都係$5位。1️⃣ 晶瑩鮮蝦餃(2粒) $16蝦餃皮夠薄，蝦肉爽口彈牙。2️⃣ 原隻蝦燒賣(2粒) $15蝦仁大大件，加上豬肉嘅鮮嫩多汁，絕對係必食推介。3️⃣ 炭燒山楂鴨絲包 $28炭燒嘅外皮配合脆皮嘅口感，帶有輕微嘅燶味，食落有少少似叉燒餐包。雖然外觀黑麻麻，但整體嚟講都真係唔錯，我覺得特別得嚟，又帶點驚喜。👍4️⃣ 蜜汁叉燒腸 $25幼滑嘅腸粉包住滿滿嘅叉燒餡料，用料講究，豐富又抵食。5️⃣ 薑蔥牛柏葉 $26牛柏葉份量都真係幾多，薑蔥味道濃厚，底下仲有蘿蔔，好甜好入味。6️⃣ 懷舊鵪鶉蛋燒賣 $26呢款懷舊點心依家真係比較少見，同細個食嗰種差唔多，鵪鶉蛋就放響表面，入口彈牙，食落充滿蛋香味。7️⃣ 籠仔煎蛋牛肉飯 $35呢個飯應該足夠兩個人食，牛肉鋪滿表面，爽滑又厚實，加上滑溜溜嘅煎蛋，蛋黃滲入牛肉同飯內，特別美味。