黃珍珍泰國菜館 (已結業)

天氣甘差，決定去食餐好嘅。朋友提議去食泰菜，最後撰左黃珍珍。 頭盤叫左個金柚大蝦沙律，開一開胃。呢個沙律，食落柚子完全無苦味，而且加埋椰絲、蝦米一齊食，口感好有層次，而且好惹味！酸酸地、辣辣地、甜甜地、鹹鹹地，好過癮！主菜當然吾少得，叫佢地嘅皇牌-咖喱炒蟹，鮮甜、惹味，啖啖肉，正啊

一行十三人到黃珍珍晚飯。咖喱蟹1隻 ：d蟹有7，8件，好新鮮，個味充滿椰奶同蛋皇香味，加上大量洋䓤同唐芹，用豬仔飽或蒜蓉飽點汁一齊食，一絕。串燒豬雞牛各半打，雞串就吾熱所以令到食落囗有d硬，牛串肉汁豐富，入口鬆軟。燒雞一隻，份量大，今次燒到有點乾，所以肉質有d死實，味道就一般。蒜子胡椒鮮尤（叫了2碟）水準依然，外脆內裏又軟又多汁，尤魚夠厚身又彈牙，伴碟嘅波蘿亦都好甜，吾系都吾冼追加多一碟麵醬炒通菜，好惹味又夠獲氣，麵醬吾太鹹，同通菜好夾。鹹魚椰菜苗，又系炒到好多水，魚露味太重啦，這個有點差。乾炒海鮮炒河，好多蝦同尤魚，好有獲氣同好香口，d蝦又爽囗，但d河粉真系好碎濕濕。甜品拼盤淨系食左杧果糯米糍，外面糍米黏囗軟熟，入面原粒杧果肉好甜，保持到水準。蝦羔炒飯，豬肉生菜包冇試。泰啤4支，可樂2罐，白飯1個，埋單 $2000

有朋友由德國返港，今晚訂了5位6點半吃晚餐。咖喱蝦，平常多數食咖喱蟹，但朋友喜歡蝦多d，所以叫了咖喱蝦，大頭蝦好新鮮好大隻，個汁依然好多葱、芹菜，與豬仔飽一齊食，好！蒜子胡椒鮮魷伴鮮菠蘿，水準依然，菠蘿甜，鮮魷又厚又大件，勁多蒜蓉墊底，十分香口。炒金邊粉，有好幾隻蝦球，d粉炒得好乾身，仲有少少魚露香味添。串燒豬、雞一打，燒得剛剛好，外面有少少焦，裏面肉汁豐富，伴碟有d酸蘿白、青瓜同吃，可以中和一下。鹹魚炒椰菜苗，炒得有d水，味道就帶點魚露鹹香，幸好今次椰菜苗都尚算幼嫩。甜品併盤，杧果糯米糍，米糍個皮好軟，中間有粒杧果肉，聽講是黃珍珍的名物，椰青水大菜糕，這個好清，好香椰青水味，口感扎實，不知不覺又食了2件，椰汁/杧果/咖啡西米糕就冇試到。埋單 $880，坐得舒服，價錢合理，是請客的好地方！

澳洲表弟來港，約左尋晚去黃珍珍晚飯。6點半左右到，大約6，7成客。叫左咖喱蟹1隻 $338 ：今次個汁有d浠，加上大量洋䓤同芹菜，都好好味，用豬仔飽點汁一起食，簡直欲罷不能。蒜子胡椒鮮尤併波蘿 $108 ：藓波蘿好甜，尤魚炸到外脆內軟，大量蒜粒墊底，起好食但又好邪惡呀！鹽燒海中霸（即燒魚）$188：好大條，燒到個皮好香好脆，個魚肚入面放左d香料，d魚肉就好滑，但好似貴左少少。海鮮干炒河 $98 ：有青口，鮮尤，大蝦，旦絲，材料好豐富，應該加左d魚露炒，炒得獲氣也夠，吾錯。咸魚炒椰菜苗 $98 ：椰菜苗並不太苗，有點老，咸魚切得好大粒，仲炒到好多水，味道就一般，這個差少少。杧果糯米飯 $61 ：白糯米硬身左d，黑糯米就軟硬適中，加上大量椰漿，鮮杧果好甜及份量也不少，需然好飽，但也食不停手。埋單6位 $990，價錢ok，坐得也舒服。

訂左1月2日晩12位6點半，去到都有6，7成客。叫左個鹽燒魚，條魚好大條，燒到個皮脆肉嫩，好juicy。燒雞1隻，伴左d蝦片，隻雞都吾細，燒得好香口，雞皮好脆但好邪惡。蒜子胡椒鮮尤伴波蘿，剛上枱時好香，入口件尤魚外脆內裏仍好彈牙，波蘿好甜，夾在一起食，prefect。串燒豬，雞，牛各半打，伴碟有些青瓜，木瓜酸，夾了串燒一齊食，可以平衡一下，試左牛肉，肉有少少香茅味，點些沙爹醬，真是欲罷不能。咖哩蝦，好大份，d汁入面有好多洋蔥，唐芹，至於d蝦就好大隻，又彈牙，伴豬仔飽及蒜蓉飽同吃，食到後尾，好快d汁比大家食曬，反而d蝦就仲有。泰式炒金邊粉，d粉切得好幼，應該用左d魚露炒，炒得好均渾，加少許青檸汁一齊食，good。原個波蘿炒飯，馬拉盞炒通菜，冇試。鹹魚炒椰菜苗，這個炒得太多水，不是太有獲氣，好一般。杧果糯米飯（黑白），杧果份量有1個，好甜，白糯米比較硬，黑糯米就軟硬適中，最重要系個椰汁好好味，我們食完一客再叫多一客，共食左2客。甜品拼盤，有杧果糯米糍，外面個皮軟度剛好，有粒杧果肉在中間，一啖一粒，正。椰青水大菜糕，這個以前食覺得佢冇乜味，但今次試左少少，好香椰青水味，都吾錯，椰汁、班蘭、杧

今日一行5人食晚餐，多年前食過，諗住親戚聚會食飯都唔差，點知中大伏！我想比負分。。。五人食叫左10樣野1.生蝦唔差嘅，幾好食，d蝦大隻夠彈牙，幾鮮甜。2.金柚大蝦沙律非常奇怪，無柚子應有ge清新苦澀味，甜得出奇，應該浸過蜜糖水。尚算可以接受3.泰式鳳爪全晚最好食就係佢，夠辣夠爽口。4.生菜包-豬肉都可以接受，但係豬肉偏瘦，而且沒有泰國特有的香料味，如果你食過比較地道嘅泰國菜就會明我講咩。5.蒜蓉炒芥蘭不過不失。6.馬拉盞炒通菜比較鹹，沒有馬拉盞味。7.明爐烏魚實在太差，肉質差，好梅，湯底完全無味！冇香茅無菇無肉碎無海鮮，淨係放d葱係上面！得幾粒湯圓咁大嘅肉丸！條魚係好大條，但係食剩半條。呢度真係太淡，清湯一樣。8.串燒-豬牛雞全晚排第二，燒得剛剛好，唔會太乾，而且入味，旁邊嘅配菜酸酸甜甜，幾清新。9.鮮蝦炒飯泰國炒飯唔會好乾，微微帶濕，但呢個炒飯口感實在太失望，林到冇牙婆都食得，而且又同一個問題，無味。其實如果我要食無味野，我唔會選擇泰國菜OK？10.冬陰公湯 (應該叫真陰公先岩！)全晚最失望！應該改名叫真陰公，坐低開始放定湯碗，直至全餐飯最後先上。而且個湯係微暖ge，d蝦係梅ge，個

朋友自外國返來，好掛住亞洲美食，尤其是豐富菜式及風味的泰國菜。一直以來對黃珍珍印象不錯，今次都打算再來幫襯，中午打電話book咗檯，二人晚餐。個位置都近之前佐敦分店，不過裝修就新凈好多，又寬闊，又高級左D。七點幾到，大概2成客人，好多張大檯，不過近8點之後好快full。。。打開menu，樣樣嘢都想叫添，不過得兩個胃，都喺要取捨~主食好早來到，喺泰式炒粉，超大份量。金邊粉一向喺我的最愛，條粉細細幼幼，一D都唔油膩，味道好濃，卻唔會好咸，反而有小小甜香，我好快食咗兩碗！泰式生蝦刺身又喺我去襯泰國餐廳必食。今次又來，果然夠酸夠辣夠爽！一入口就喺驚人酸辣汁衝擊味蕾，未幾就咀嚼到超新鮮滑嫩嘅蝦身，好似食緊日本壽司。廚師貼心俾咗D涼瓜片可以平復下味覺，不過我又喺連續食咗三件，這種刺激完全不能自拔！喺新加坡期間最鐘意食沙爹，今次終於俾我搵到可以相匹敵嘅好嘢。朋友一試邊大呼贊到唔朋友。我試咗豬肉先，醬汁一流，豬肉都肥瘦相間，口感豐富，少少肥油香味溢出，完全無燒烤果種乾身感，好似食緊豬頸肉~ 雞肉都好食，牛肉我最後食，不知是因為冷氣太勁吹乾or本身就喺咁，覺得稍遜色。（插曲是過程之中冷氣愈來愈大，對住個

昨晚和朋友一行8人又到新鋪晚餐。可能因為星期六関係，6點半左右到達，有8成客，但樓面人手明顯不足，落單，換碟，加水，取調味架（辣椒粉）都要叫上幾次才處理。叫左以下食物：-大蝦柚子沙律：份量不少，夠凍，柚子又味，好一個開胃菜。豬肉碎生菜包：肉粒炒得好juicy，有點魚露，包著生菜一起食，好味。串燒1打（豬，牛，雞）：燒得剛剛好，尤其牛肉，配上伴碟的酸木瓜同吃，很快就清碟了。燒雞1隻：燒得好香，好大隻，肉也不太鞋，有點蝦片伴碟，不錯。咸魚炒椰菜苖：炒得好有獲氣，又夠味，但份量略為細小。蒜子胡椒鮮魷 ：好香口，咬落魷魚好旦牙，伴碟有鮮波蘿，簡直是絕配！泰式炒金邊粉：有獲氣，冇失水準，好好味。海鮮炒河粉（干炒）：這個後加，不知是否漏單，我們差不多食完了甜品才到，一上枱，又系好香，好有獲氣，鮮魷，大蝦，青口不少，但河粉略為太淺氣，可能上色調味下得不夠。蒜蓉包：又系好耐至到，全部餸都上了，包包才出現，冇食。甜品拼盤（包括有3款）有芒果糯米糍，這個一向都是黃珍珍的名物，糯米軟軟香香，內𥚃大粒杧果肉，椰青大菜糕，這個好清香，但若然食左其他先，又會覺得佢冇味，三色椰汁糕，傳統甜點，冇食。芒果糯米飯：這個

黃珍珍搬左家，9月1日晚去試試新環境。新地點好寬躺，又開揚，枱與枱之間好鬆動。因沒有套餐的關係，叫左：冬陰功（細）好足料，又夠味。咖哩蟹（細）個精華系個汁度，很多洋蔥和蔥，用汁點豬仔包，勁好味。咸魚椰菜苗，好有獲氣，食得出有d魚露，咸魚又多，幾好食。泰式炒金邊粉，這個粉炒得不太干也不太濕，剛剛好，吾錯。串燒1打 （雞，豬，牛）每串份量不少，燒得剛好，不太老，加上沙爹醬，好好味。蒜子胡椒鮮尤，上枱時，剛炸起，外脆尤魚肉又彈牙，配上伴碟的鮮波蘿同吃，簡直邪惡又好味。燒雞半隻，份量也大，伴了些蝦片，燒雞脆到可以連骨食，香口非常。杧果糯米反，黑白糯米，軟硬適中，配上杧果同吃，很快大家又清了這一碟。大致上，環境、食物也比在舊佐敦好，各款食物份量也大，坐位也很舒適，只可以用抵食來形容黃珍珍。不愧我們由拾多年前銅鑼灣廣場開始食到依家！所以立刻再訂左12號再次到訪。埋單1行7人，共$1180。因新張期內有8折，好似做到9月10日