黃珍珍泰國菜館

營業中

休息中

海南雞飯藏著溫柔功夫，雞皮冰滑如凝脂，雞肉嫩得能掐出汁，雞油飯粒顆顆分明，拌著姜蓉與特調辣椒醬，每口都是肉香與米香的熨帖相擁。蒜蓉炒通菜是煙火氣的點睛，通菜梗脆葉軟，吸足了蒜蓉與魚露的咸鮮，鍋氣催出微微焦邊，辣度藏在尾調里，清爽解膩得恰到好處。青咖喱羊腩是濃墨重彩的主章，椰漿湯底裹挾著香茅與青檸葉的芬芳，羊腩燉得酥爛脫骨，連筋帶肉吸飽咖喱的辛辣，配一塊熱脆的法式麵包，掰開來蘸湯汁，脆韌與濃醇碰撞出絕妙火花。泰式海鮮炒金邊粉裹著焦糖色的甜辣醬，大蝦彈牙、魷魚鮮嫩，米粉爽滑帶嚼勁，撒上花生碎與香菜，酸甜鮮辣在舌尖層層炸開。收尾的芒果糯米飯是甜蜜終章，芒果肉飽滿流汁，甜得像熱帶陽光，糯米裹著椰漿香，淋一勺濃稠椰汁，果香與米香纏綿成溫柔的余韻。

先生知我中意食泰國菜話呢間九龍城黃真真係好出名的泰國菜，今日帶我一試，呢間係我咁多年求其食過的一間餐廳都好食過呢間，吾知點解仲咁多人好評仲要排隊！真係吾明！我哋一齊5人個個都話難食！大家千萬吾要踩坑，！！！！！！

好耐冇食泰國菜,九龍城係有最多唔同格調嘅泰國餐廳. 呢間係算最老字好,環境最好,有三層,座位set得比較寬敞,侍應啲人數都比較多！星期六都唔使等位, 坐低叫杯啤酒飲吓先. 好想食串燒, 點咗半打豬肉,再點燒就魚. 配啤酒💞之後點一客咖哩大頭蝦配法式硬未包. 汁調味👍再點一客菜同泰式炒粉絲. 幾味菜式都好食👍之後叫多個芒果糯米飯,芒果唔太甜,都算好食嘅🥰

好多年冇去過，今年生日就去食返餐一早book位，環境都唔錯，食物質素都唔差，唯一令我唔滿意嘅，就係叫一個我最愛嘅咖喱蟹！個蟹感覺唔係原隻蟹以我食蟹咁多年嘅經驗，唔可能一隻蟹裏面嘅殼有硬有軟好似有啲唔老實，欺騙客人！🙄另外，蟹鉗實在太硬，應該一早要扑碎啲先至給客人食，就算舖頭給我們嘅蟹夾，都無法夾開，重要整到成手咖喱汁總括嚟講係情意結，未必返去再食喇！

約左朋友黎九龍城食lunch，泰式奶茶好impress個冰係奶茶凍出黎嘅，海鮮濕炒河粉大份又好好味，最鍾意泰式串燒，個肉多汁沙爹醬都好香，豬頸肉pretty good少少乾但都好香，份量足個環境都算好坐，唯一美中不足係無左lunch 套餐兩個女仔專登走嚟九龍城食咩都想試吓，單點食左6舊水但食到咁多嘢都算係咁

連續2年屋企人都係到食生日飯，整體黎講雖然貴少少但啲嘢食水平都幾好又坐得舒服！必食！🌟咖喱炒蟹$488呢個咖哩勁香仲要有啲蟹味！仲要無論單食咖哩定蟹都好好食🥲如果啲汁加埋法包仲正（飯都得！調味啱啱好咖哩唔出太特出搞到個汁無蟹味，但單食隻蟹又唔會無咖哩味。隻蟹又大隻又鮮味！必食呀！！！冬蔭功湯-中 $228主要既配料都有，蝦都幾大隻😋我地6個人飲中份都夠分。不過就覺得酸佐少少🥲什錦串燒-1打$276串燒原本啲肉都有醃製過，所以唔洗沙嗲汁都好好食！不過嗰沙嗲汁都好出色✌🏻唔會太濃搞到啲肉味無曬！酸辣脫骨鳳爪$86呢個就辣味太重，無乜酸既感覺🥲個人覺得一般般。辣椒羔炒蜆$148蜆勁大隻肥美又唔會炒到好老😋醬汁都好好食！海膽鮮蝦炒飯$138唔係太食到海膽味😂不過呢個價錢黎講當海鮮炒飯食會開心啲！飯粒都粒粒分明既，唔會炒到好濕！

黃珍珍泰國菜館 ，其實呢間餐廳由細聽到大，都仲未食過。今日終於難得有朋友肯陪我食啦！ 今日我地兩個人食 ，就叫左一個例牌泰式海南雞 + 馬拉盞炒通菜 + 香葉肉碎炒飯泰式海南雞，去之前我地打定電話問仲有無海南雞。因為我朋友話超好食。佢的確好嫩滑，又冇骨，仲啖啖肉，仲要係唔肥。而個通菜真係好正，炒得唔多油。仲要係我最中意食空心菜，每一下咬洛都會脆卜卜，好清爽，炒到岩岩好唔會太老。而個香葉肉碎炒飯，都算好味，不過就辣左小小。總括黎講價錢合理 。

閨蜜為契女慶生，安慰的卻是閨蜜渴望泰味的舌頭，因她備受呵護。不知餐廳是否曾經裝修？感覺泰式風格沒有以往的濃烈。生蝦為壽星而點，上枱時煙霧瀰漫，因健康理由，只嚐了一隻，生蝦爽彈但味道則倚賴泰式醬汁的加持。串燒有豬、牛及雞，各種肉類都醃得非常入味，表面還刷上了帶甜的醬汁，很適合喜愛偏甜口味的人士。燒魷魚的肉很厚，燒得火候剛好，軟硬適中，蘸泰式酸辣汁同食，十分醒胃。辣肉碎生菜包的辣度不容少覷，但味道確實刺激吸引，一面喊辣一面又繼續大口的吃。咖喱炒蟹帶少甜，咖喱椰香濃郁但辣味非常輕，肉蟹的鮮味不錯，蟹膏也軟滑富脂香，咖喱醬汁與蛋花混為一體，是法式麵包或白飯的良配。蒜蓉炒通菜竟然也帶甜味，大衆可能喜歡，卻不是我的一杯茶。青檸梳打是閨蜜專屬，不單清新解渴也可以清除泰菜濃烈的氣味。

小泰國九龍城泰菜雲集就人人皆知，但好多質素參差，價格亦都有好大差距。今次介紹呢間老字號對比同區其他泰國餐廳，算係相對貴價嘅，但喺環境同食物上我就覺得物有所值，最起碼呢度乾淨企理，地板同埋門面都唔會油淋淋，餐廳有兩層，上菜速度幾快，服務態度中上，用料均真啲🙌🏻🦐 生蝦刺身我朋友最鍾意食生蝦，幾乎食親泰國菜嘅佢都會嗌，即刻覺得有比較😆 雖然呢間比出邊坊間嘅貴少少，但真係食得出每隻鮮蝦都好fresh，爽口又大隻，中間有乾冰襯托，成個層次出晒嚟👍🏻 好值得試😋酸辣脫骨鳳爪呢碟無骨鳳爪相對地失色，酸辣味唔平均，辣味有啲太出，味道麻麻，雖然食得出去落足料，好多沙律菜，但鳳爪醃得唔夠，成碟色水一般。椰汁青咖喱羊腩 配法包🥖唔鍾意食咖喱嘅我，都會覺得呢碟嘢係全晚精髓，佢個青咖喱香香甜甜，椰香味十足，加上佢個羊腩炆得好適中，既有咬口又夠淋，咖喱同羊腩做到混和一體，簡直係一絕😋好彩我哋嗌咗個脆口乾身法包，沾少少青咖喱，味道一流。泰式炒粉呢間有好多唔同形式嘅炒粉麵飯，最特別嘅係大部分粉麵就可以俾我哋選擇以豬、牛或蝦作用料，餐廳非常細心，碟碟都係即炒出嚟，夠囇鑊氣，而我哋就嗌咗佢嘅招牌炒粉（只可配蝦），大大碟

位於九龍城的泰式餐廳。曾經提及過，小時候家住九龍城，搬走後甚少回到九龍城這區，主要是，沒有甚麼值得留戀的地方；然而最近因電影的熱潮，與朋友重遊此地，便順便在九龍城區覓食；而提起九龍城區的餐廳，無人不提的大概都是泰式餐廳吧。而其中「黃珍珍泰國菜館」也是另一間由細聽到大的老字號泰國餐廳，多年來仍然屹立於此，既然是重遊舊地之行，便選了這間作為當日晚餐了。⋆_____ᴛᴏᴛᴀʟ ᴏʀᴅᴇʀ______⋆ ❅ 泰式辣肉碎生菜包 $139❅ 鮮椰汁雜菌雞湯 (細)  $118❅ 泰式海南雞 (例牌)  $88❅ 海鮮濕炒河 $128 ___⋆ ⋆ ___  ✿ 泰式辣肉碎生菜包辣肉碎的份量超多，根本不用擔心肉碎不夠包。以翠綠的生菜包著香辣惹味的肉碎，入口爽脆又惹味，口感豐富。.✿ 鮮椰汁雜菌雞湯(細)  本來就很偏愛椰香的食物，雞湯呈奶白色，入口椰香味濃郁，鮮甜無比。加上大量的雞肉及雜菌，連雞肉也嫩滑不柴，瞬間便喝光一碗湯了。絕對是必點之選。.✿ 泰式海南雞餐廳招牌菜式之一。海南雞無骨嫩滑，即使連雞胸部位也不柴，雞皮部分也爽脆不油；惟略嫌雞油味不足，如雞油味更突出會更完美。.✿ 海鮮濕炒河澱粉控的

最近興九龍城寨，黎得城寨梗係要食泰國嘢啦！幾年前已經好鍾意食黃珍珍，但係每次都好多人今次嚟到終於唔使點等位。今次兩個人叫左個二人餐$588，出乎意料地非常抵食。套餐有金柚大蝦沙律、馬拉盞炒通菜、冬陰功2人份、雜錦串燒沙嗲4串、椰汁青咖喱牛腩配法式麵包兩個、泰式炸蝦餅同埋甜品拼盤。聽到都知兩個人食完係飽到飛起🤫但係樣樣都好好食所以又唔忍心食淨🫣🫣聽老闆講就算九龍城依家都少咗好多人，希望大家趁着城寨嘅熱潮多啲嚟幫襯吓本地嘅泰國菜💪🏻

🇹🇭九龍城泰好味泰菜名店🇹🇭-成日都想食下啲夏日風情嘅東南亞菜😋 呢日就同屋企人去咗九龍城食呢間開咗好多年嘅地標級泰菜名店感受吓啲夏日風情🤣 宜家佢地仲好與時並進咁有得用飲食優惠平台App做埋會員 呢排仲做緊滿額送嘢食嘅優惠 好吸引呀😛-❤️2024年5-6月餐廳會員優惠：會員消費滿$5️⃣0️⃣0️⃣送辣椒羔炒青口🌶️滿$8️⃣0️⃣0️⃣送香酥炸軟殼蟹🦀滿$1️⃣5️⃣0️⃣0️⃣送招牌咖哩大頭蝦優惠期內仲可以無限次使用㗎！-🐖泰式燒豬頸肉 $138呢份量真係睇見都好興奮 兩大排豬頸肉 燒烤味好出好香噴噴 肉質都多汁 加埋佢個泰式醬汁 好惹味😎-🐓泰式去骨海南雞 $88雞肉鮮嫩彈牙 好淋好滑😝 蘸上佢地自家製嘅醬汁 撈飯一流🤓-🐑椰汁羊腩青咖哩$128另外我地都叫咗咖喱 羊腩烹調得恰到好處 入味之餘好淋但唔會散哂😙 咖哩仲有濃濃嘅椰香 而且係温和嘅甜味 怕太辣嘅朋友仔都唔驚😍-🥖法式麵包 $20Size手掌心大啲啲 外面焗到好酥脆 入面軟綿🤓 配咖哩一流呀🥸-🥭香芒椰汁糯米飯 $78食泰菜甜品一定要叫芒果糯米飯😜 佢糯米都幾香 加埋椰漿好香甜😎 而且芒果好清甜好多汁 正呀-

九龍城一向係香港泰菜集中地🇹🇭自從有左宋皇臺站之後幾係方便唔洗轉小巴或巴士 鐵路直達係云云餐廳中 揀左黃珍珍試下裝修以傳統泰式 悠閒木調為主較九龍城其他泰菜餐廳大 座位亦比較闊落坐得舒服啲 可以慢慢享受 😎傳統泰式食品相當齊全設有幾抵食既多人共享套餐 亦可以自己揀前菜主食 餐飲 甜品等🥰好多小食辣野都想食奈何朋友咁岩唔太舒服 唯有叫d清d 既野 下次再黎大食一餐😆💥鮮椰汁雜菌雞湯泰式做法 椰香味好突出啖湯飲落 清 濃 滑 配料十足雞肉同雜菌令到滑身既湯 多左種口感 層次分明😆💥薑米鹹菜肉碎炒飯幾特別既炒飯 炒得香噴噴 ☺️鹹菜同肉碎同埋d飯都炒得粒粒分明薑味幾出 食落幾舒服好有口感🥰💥辣椒蝦膏炒河好多隻蝦 蝦膏味爆香河粉唔係中式果種 而係大大片既但火喉好好 炒得夠乾身好惹味 ☺️💥粉絲雜菜煲大大煲上枱 夠熱夠鮮用料豐富 好足料好多種菜 仲有蘿蔔 粟米仔粉絲咁整都好乾身 正😇

其實睇相都可能已經感覺黃珍珍泰國菜館嘅嘢食係非常之優質👍🏻我係超級欣賞佢個「鮮椰汁雜菌雞湯」，呢個每次嚟都一定要嗌！佢個煲底蠟燭暖住個碗湯，我哋飲完一碗又一碗⋯ 之後先至捨得開始食個菠蘿炒飯 😂佢個海鮮炒河粉都炒得好夠鑊氣，蝦餅更加唔使講，完全冇失禮！平日夜晚呢一間嘢其實都好多人，最好一定一定要預先book位！埋單三個人食咗八百幾蚊左右，我哋因為頭盤嗰度 已經飲到成肚都係椰汁雞湯，😂😂所以就冇嗌椰青或者其他嘢飲。

九龍城雖然有好多泰國餐廳，但個人比較鍾意去黃珍珍，因為座位比闊落，裝修格調以木色同綠色為主，感覺比較舒適。兩個人嚟，散叫左3款食物：🍽️明爐烏頭-烏頭好大條，足夠4個人食，加上有好多香茅，食落唔覺得腥，就咁食都好夠夠味，仲可以配埋醬汁，不過對我嚟講就辣左少少。🍽️麵醬炒椰菜苗-味道其實唔錯的，可惜椰菜苗咬落有啲硬，如果炒淋少少會更好。🍽️辣椒膏炒河-好多蝦，味道好惹味，呢個都幾好食。兩個人埋單接近$500，呢個價錢就不過不失啦！