影片
今天去平時去開的餐廳吃早餐，可能時間關係，已經全滿，忽然想起這裡便來了。我點了個B餐$28，沙爹牛肉麵，火腿/煎蛋，牛油方包。沙爹牛肉麵，沙爹不算濃，牛肉一般，麵就尚可。如果要求不高，是可以一吃。
繼續閱讀
其實已經有一段長時間，沒有來到這裡，因為由屋企行到這裡比較遠，之前來是因為上鄉道那間茶餐室在轉手裝修。今天來是因為那間無位，想起這裡很久無吃，來食早餐。早餐有八様，我㨂了沙爹牛肉麵，配火腿、蛋及方包，另涷央＋$2，共$29，區內大部分都係咁嘅價錢。沙爹味道不算濃，牛肉普通，麵質尚可，最好係配上一片生菜而已，唔知點解餐牌上係牛油方包，上枱係多士，其實可能放了一段時間，多士已經沒有咁脆，凍央奶太多，味道好淡。我都沒有太大期望，所以沒有失望。
繼續閱讀
是日放工回家無住家飯食，於是去了附近這間茶記睇睇有咩食，之前都介紹過呢間茶記夜晚有$98韓式部隊鍋任飲任食食放題，但今晚唔想食得咁飽咁邪惡，於是就試試老闆話最近推出的呢個韓式泡菜肥牛拉麵～很少茶記會有呢款韓國泡麵所以就試試佢～泡菜湯底幾辣的但很香很惹味，而泡麵有別於一般的茶記公仔麵，佢麵條粗的口感好d，配上湯底同肥牛都十分match～老闆話肥牛是每日入貨晚市火鍋放題用的所以很新鮮。重點係呢個麵只係$28一碗同食個常餐沙爹牛麵差不多價錢，算好抵了，平靚正咁就搞掂一餐
繼續閱讀
呢間位於一條徧靜的橫街，而係近街市，是毫不起眼的，我因為行過見到，貪新鮮試一試。叫了一個豬扒麵連咖啡，共＄30。豬扒都幾大件，好味，而公仔麵唔係一般茶歺廳用的麵，比較硬身，而咖啡都算濃，整體是可以一試。
繼續閱讀
茶餐廳係土瓜灣周圍都係，一個月每日去唔同既都食唔哂，要做到突圍而出，除左價錢，質素都唔可以參差早餐的款式同一般茶餐廳無唔同，價錢夠大衆化沙爹牛肉米粉（早餐，hk27）火腿炒蛋多士茶走少甜米粉份量適中，牛肉唔係一般煮到散亦唔係香口膠既肉，係有咬口而味道不錯既沙爹牛肉。米粉煮得夠惗身，仲要有兩條菜芯（差在無摘去菜花），好窩心。沙爹味道一般炒蛋份量幾多，應該加水炒，但好滑同埋熱辣辣，一大塊火腿放底。再加埋塊烤過既多士，都係熱既，中間有牛油，味道非常好。其實成本唔大，不過真係好少餐廳有咁做茶走少甜做得好好，少少煉奶係底，攪勻左杯茶都有濃香既茶味，飲落一啲唔甜，帶到茶走應有既茶餐廳特色，明顯茶葉比起其他茶餐廳有分別總括價錢已經大衆化，食物材料雖然普通，但每樣做多少少就能夠將平凡既都變不平凡，滿意既早餐
繼續閱讀