黃明記粥粉麵家 (已搬遷) 新店位置

i was bored few days ago then i went there cause is quite close to my place so i have a walk to there, the 墨丸was nice, the texture so good, taste the smell of 墨魚with a bit of waterchessnut the best i have so far good stuff and not pricy at all, if u dont order the greens

早兩星期經開九龍城, 見好耐無食過就走入去食, 7點幾唔係好多人, 同朋友二人叫4寶粗同4寶河, 河粉幾滑而粗麵算彈牙爽口, 味道和手勢都無走樣, 但後來一時大意將魚露當醋落, 搞到成碗麵得個咸字, 如下次再經過, 一定會再幫襯

經過九龍城,唔想食得太貴,突然間醒起朋友話依間既墨魚丸好食,就去試一試.一路行都覺得幾靜,終於行到啦!入到去,都幾多人喎!墨丸魚餃粗麵($16)--雖然係雙拼,只係十六蚊,都幾平呀!墨丸比出面個d有多d既墨丸味,但我就覺得唔係咁特別,魚餃亦都係,湯底都幾野味,但味精亦都應該幾多.雲吞魚餃河($16)--雲都係冇乜特別.樽裝汽水($7)--好耐冇飲過樽裝汽水,覺得比罐裝多汽d同好飲d咁.

素聞呢間舖大明星都黎幫趁, 今日唔駛返工, 一於午飯時間去試試!除了粉麵外仲有粥, 但通通都是潮式的, 還有咖啡奶茶.只試了魚蛋粉, 河粉係正宗潮洲幼身河粉, 很滑口, 湯鮮甜, 但偏淡, 配上炸蒜片及芹菜粒, 不錯! 主角魚蛋片都算彈牙, 亦有口感!粉麵$16 一碗, 油菜$10一碟, $26埋單又一餐~

猶記得中學時代lunch 時間都會花十分鐘時間由新浦崗走黎食碗墨丸河,王明記既墨丸河確係一流..王明記既墨丸由於係新鮮打成,所以細細粒,的的色咁..輕輕咬一口..唔~~一陣鮮墨魚味,咀嚼時重有d碎既墨魚粒..正!試一試個湯...雖然幾濃味,但係又真係幾咸,不過後生細仔話之佢味精定雞精,好味就成碗飲哂入口啦~口渴既飲多幾杯水,重健康啦~數年後入內又一試,味道依舊~再望向旁邊卡位既幾個學生哥,彷彿見到自己既從前..

黃明記以往有兩樣野出名，就係魚皮餃同墨丸，而家實在係有少少退步，加上靓墨丸都唔係難搵，所以生意無以前咁好啦！

同意~ 我住左九龍城20年﹐黃明記真係由細食到大﹐水準亦的確明顯差左。上次去食(半年前)﹐食墨丸河同淨雲吞。食完之後的三個鐘我不停飲水。自此以後都怕怕﹐少左幫襯了。

由於在親戚家樓下，由細食到大，舖頭前的抽氣扇永遠不斷地噴出香噴噴的湯底香味，行過一定忍唔住入去食番碗麵！以前很多明星幫襯的，周慧敏同劉青雲拍大時代時，都去過呢間舖度拍戲......由於永遠只鍾情食招牌墨丸河，從未試過選擇第二個，所以只能提供墨丸河意見！十多年前，舖裏好裝橫很古老，一個個中式走馬燈掛在每張檯上，機場未搬，那時很多人幫襯，想搵個位都難，而且那時還是六元碗，一碗墨丸河，配料及湯香濃（我朋友話因為有豬油），墨魚丸有鮮墨魚及馬蹄粒又入味，碗中仲有鮮墨魚粒，墨魚及豬肉剢成的一小粒一小粒的肉，河粉又滑又幼，食完一碗真想又食一碗（以前幾表兄姐妹成日落去食，一定連湯飲嘛，以前的炸魚皮也不錯）近一兩年，裝修後走馬燈不見了，食物款式多了，而且真的退步了，依家十六蚊碗墨丸河的墨丸中的馬碲，鮮墨魚粒及墨魚加豬肉剢出的肉粒己欠奉，但河粉的麵質及湯底還能保持質素.......我本人就極度懷念以前的墨丸河......我帶過我多位朋友去食，佢地都話好好食的......依家周不時一有機會都去食番碗!但食完後真係要勁飲水........一支樽裝可樂細汽水好貴的（4/9/03 先同表哥幫襯完），七蚊支....

食完之後口渴到爆,以前d湯邊係咁,魚皮又腥又硬,仲要張臺勁dirty!

我懷疑黃明記近兩年轉o左手，以前湯底正，墨魚丸彈牙，而家差好多喇。以前專食墨魚丸，應該冇雲吞食，而家有都一定唔係佢強項。墨魚丸尚算ok，但已比以前退步了。雖然退步了，但仍有中上水準，味道比旺角不少粉麵茶餐廳仍好得多，不過環境實在太差，及千節祈唔好食雲吞。

今晚公司炒魷......都無咩心情去找食肆....就求其揀左間粉麵....之前聽說話呢間麵店唔錯.....就試下,.,,,,但都唔係想像中咁好,,,,,,,,,,,,,特別是雲吞......沒有雲吞味.....蝦無味.....無鮮味..... 雲吞湯只得乾蒜味.....濃而唔似雲吞湯味.......差~~~墨丸就算ok la...... 我就比較喜歡吃墨魚鬚....... 幾特別..... 間舖人客唔算多.... 約7:30pm..... 可能由於世界杯.......生意靜晒....

原來呢度0既薑蔥牛腩撈都幾好食0架.仲有粽都好正,D 糯米好香,整體0黎講又好味.以後唔食豬肉丸都有其他0野食~~

呢度最出名係墨魚丸同豬肉丸,但我個人認為墨魚丸不及樂園,因為又細粒又唔夠爽(雖然睇得出係用靚墨魚做),所以建議大家都係食豬肉丸算

以前機場未搬之前, 做地勤o既朋友成日推薦o黎呢度買o野打邊爐, 話佢D 墨丸魚片豬肉丸好正, 結果, 外賣就無試過, 堂食就幫襯o左幾次, 真係幾得喎, 樣樣都有咁上下, ......如果o黎呢頭食o野, 見週圍都要排隊, 就要搵佢囉!

經濟實惠，豬肉丸特別美味。