黃明記粥粉麵家 (已搬遷) 新店位置

是夜九龍城晚餐之一想試試這兒的牛腩、墨丸墨鬚。原來是一間舊式茶記，環境衛生一般，食完都唔想留好耐。兩碗都配了米粉，食落都幾爽，唔係好淋果種。可惜份量不多，睇怕滿足不了一個正常男人的食量，但女的就剛好了。湯底好有味，應該有落少少師傅，食完都唔太口喝。談回今次試食重心。牛腩實在很入味，經湯浸一段時間再食，都仍然很入味；是不算難咬開的肉質，亦夾有幾舊牛筋，都很入味。整體來說，是很不錯的牛腩了。墨鬚墨丸，普通之作。墨丸不是爽的，但真的很有墨魚味，中規中距罷了；墨鬚則是普通灼熟不經調味吧？但火喉還好，吃落不太「老」，都幾易入口，也是中規中距。有機會再來。

今日去左九龍城食lunch,本來想食清真牛肉館的牛肉餅,但係實在太多人等,於是男友提議去黃明記,反正未試過,當然要去試下喇.男友推介呢度既墨丸.佢叫左個四寶銀針粉,我就叫左個牛腩墨丸河,一個油菜.我覺得d牛腩整得唔錯,好入味同好林.而且無花辣八角既味道(我自己好怕).墨丸都ok,只係林左d,唔夠爽.我睇到部份食評話d墨丸水澤下降了,仲有一碗面都係$16.其實都幾抵.會再黎食過.

聽聞黃明記好出名，好多明星都專程黎食，我耐不耐都會同同時黎食架﹗我食過豬潤面，d豬潤好好味好爽口，食落去名不虛傳，大家值得一試~~~

食過兩次都唔錯~~第一次牛腩面$16菠蘿冰$12第二次墨丸墨SO河$18什果冰$12個人鍾意牛腩面多D~~牛腩入味又淋~面好爽~~不過湯有太多腩汁...飲完好口乾~菠蘿冰唔太甜~唔似罐頭~好多菠蘿~好解渴~而墨丸墨SO河都幾好~~墨丸(有3粒)係自製~有墨魚味~~不過淋淋地~~唔爽~墨SO(好多下)幾爽~~不過無咩特別~~河好滑~~湯好清~~加左蔥菜,炸蒜蓉,芫茜~唔會口乾~~不過太少湯(被河吸晒)什果冰唔太甜~唔似罐頭~好多水果~好解渴~都幾好味~~值得一試

黃明記係一間好出名麵食店, 而師傅我都有好幾年冇黎喇, 其真尋晚都唔係特登黎, 係咁行過又見仲未食飯咪入去回味下囉!入到去都幾多人下, 好唔容易先搵到個卡位, 坐底二話不說就叫左個牛腩河, 淨雲吞同埋一杯菠蘿冰!牛腩河河粉好滑, 牛腩好腍好香好入味, 而湯底又係好香柱侯味好好味呀; 淨雲吞有八粒, 皮都算薄但係個餡唔得, 唔香唔吸引, 都算差; 菠蘿冰夠凍, 菠蘿汁唔算好甜, 菠蘿粒都幾多下, 好解渴!其實都預左個雲吞唔得, 佢最出名都莫過於墨丸同墨鬚, 都有少少後悔冇食到呀, 不過諗起膽固醇咁高都係少食為妙, 唯有下次再食過啦!個笑面依然會比因為佢個牛腩真係好得!

位處橫街盡頭嘅黃明記，一般都會被到九龍城嘅一眾食客忽略。無他，睇牌面只係一般麵舖而已，都係一般雲吞、牛腩。如果真係因為牌面而唔去試，損失嘅其實係自己。有乜好？簡簡單單，佢嘅柱侯牛腩可能係响香港數一數二。柱侯本身已經係好香，但係要做到好似呢度咁入味就真係要炆好多個鐘頭至得。好多時我食清湯腩都要加辣油，但呢次個湯已經香濃而又適中，完全無需要另加調味。特別些少，豬腰、豬潤好多地方都有，但係豬什而家又係响香港無乜幾多度可以搵到。佢就有，而且做得好好，仲要係其中嘅豬腰、豬潤比好多地方好好多，係真正做到淋滑但又同時爽脆。是次食咗牛腩河加淨豬什，個河係牛腱腩，d腱簡直就係完美，只係其中有一兩塊腩有d硬。個淨豬什係加咗d芽菜，去平衡返個d膽固醇。

其實呢間粉麵開左好耐,我細細過媽咪已經帶我黎幫襯佢,不過後來一家搬入新界區已經少左好多黎食,佢出名係墨魚丸同魚餃都好好味!!近呢幾年人客越黎越少,初時以為次次黎親咁啱唔多人,但經我上次既遭遇,終於知道點解..事發上年11月尾同朋友一齊去黃明記度食,一入到門口見到佢有邊卡位有位,不過未執好,咪諗住坐低等佢執野囉!當睇緊食d咩至際,個男侍應唔小心將佢執緊枱面果碗野d湯倒瀉晒落我條褲度,係倒瀉晒!!!點知個侍應仲好串咁話sorry播..之後我咪叫佢比條濕毛巾比我抺,佢就事但拎左條放0係枱度沖都無沖過既毛巾比我!後來個老闆娘再走黎問我地食咩,我原先好好聲氣同佢講:<下次叫你伙記小心d啦,如果碗野係熱辣辣整到人,實比人告!!> 不過我咁講換黎比返佢鬧我咁..佢話:<係呀~咁你下次小心d喇!見到枱面仲有野就唔好坐落去住,等人執好先喇!!> 我咁講係提醒你,但你地居然掉返轉黎講,之後我咪同朋友走囉..個老闆娘仲好大聲咁講:<發脾氣行遠d> d客人個個都好無奈咁對住我...邊個啱邊個錯明眼人睇到~你咁樣做真係唔怪得之無人黎食啦!!渡好以為有d明星黎食下就

落到九龍城，想食碗粉，陳南記當然冇咁早開。諗嚟諗去都係食呢度...雙丸河。墨魚丸依然唔錯，墨魚味濃，仲食到煙靱嘅墨魚粒，一食就知係佢哋嘅出品，同坊間嗰D普通貨唔同；豬肉丸就普通，河粉亦只係交嚟嘅普通貨色...On the whole都係普通嘢....

好耐無去呢度食,因為搬左過香港,以前在附近酒店做經常幫襯,星期四路經此地,與雙丸河再續前絃,可惜墨丸跟以前變了,色澤及彈牙程度跟以前相差甚遠,機場搬左佢地生意及生準都好差,唉!相信以後不再光顧了!!

本來,目的地並非黃明記,而是陳南記.心癮起想吃柱侯腩,首選必是陳南記.去到門口,時辰未到.唯有去闊別多年的黃明記,吃其墨丸墨鬚.計落都有好幾年無來,記憶所及係墨丸同墨鬚最得手,其次到豬肉丸同魚皮餃.好一間典型潮式老麵店.今次亦不例外,來個墨丸墨鬚雙拼.闊別多年,墨丸入口,咦?點解同以前差咁遠?昔日的黃明記墨丸,做得很彈牙,墨魚味濃郁,今日,了無神氣.無甚味道,連累個湯底,淡如白開水,阿們.又一間可以在棺材蓋上打口釘去.

星期日去了九龍城, 天氣嚴熱, 想吃得清淡些, 忽然想起黃明記的墨魚丸, 便與朋友光顧, 我們點了淨墨丸, 豬什麵和方魚肉碎泡飯. 墨丸爽滑彈牙, 豬什麵麵質爽口, 而值得一讚的是方魚肉碎泡飯. 肉碎頗多, 而泡飯的湯非常甜, 配合泡飯一起吃, 十分開胃. 有機會必會再吃.

今日下晝去九龍城食飯，原本諗住去陳南記食牛腩，點知去到先知未開門，於是就行過幾間鋪嚟依度食。都好耐無嚟食，一坐低就叫咗四寶河及炸魚皮。魚皮水準相當高，香口之餘有魚味，一D都無"透風"，作為餐前小食真係無得頂。四寶河嘅河粉都頗滑，不過湯底比較油，但頗香，斷定係落咗D豬油。四寶包括豬肉丸、魚皮餃、墨魚丸及魚蛋。豬肉丸及墨魚丸係自製嘅，豬肉丸比較軟身，裏面有D梅菜粒吊味，味道不太濃，幾清，但相比下都係樂園好食D(因比較有咬口); 墨魚丸就無得頂la，夠鮮味，仲食到墨魚粒，亦無加太多粉，淨係食呢個都OK la..魚皮餃嘅餡內有D葱，幾香，不過皮不夠煙靱；魚蛋應該係交貨嚟嘅，普普通通。食咗三十一蚊，都算ＯＫ..

拍拖已經食黃明記, 記得以前好多人, 擺到出門口, 通常都係一碗墨丸河加可樂同大量辣椒油。好多年無食, 今晚飯後經過, 買廿元墨魚回家, 有10粒, 都算底食。佢的墨丸同外面的顏色有明顯分別, 灰灰地色有少少似貢丸和豬肉丸。但是就有粒粒明顯紫色的墨色粒。食落口感不是太爽, 但係我覺得豬肉味較墨魚味濃, 好像和以前吃過的不一樣。唔係唔好食, 只不過無以前咁好味, 特別版的墨魚丸囉!

細細個已經幫襯“黃明記”，於門口已嗅到內裡傳出的香氣。舖頭環境較為殘舊、久裝潢，但證明歷史悠久。特別推介“豬什河”，湯底清而味濃、豬什爽口彈牙，尤其喜愛豬心、豬潤，略嫌豬腸較多。湯味清香，令我每次幾乎見碗底才收口。$16碗，便宜，一日食兩碗都不是問題~~最近幾次去食，發現湯底較為不定，時濃時淡，但不改我對它的支持！

誤打誤撞, 黎左食粥; 喂, 真係唔錯! 叫左個肉碎蠔仔粥, 好好食; 魚片粥, 粥底夠滑身, 好香~ 生菜例牌, 冇咩特別..會再encore ^^