麻酸樂米線專門店 (都會駅) (已結業)

話說今日要去將軍澳工業村做d野, 然後我個friend就教我去調景嶺度搭車, 因為預早咗時間所以就早咗到調景嶺站, 於是就喺都會駅度周圍搵野食, 搵搵下就發現呢間野好似都唔錯, 於是就入咗去, 叫咗個牛魔王米線餐, 加埋杯奶茶都係40幾蚊, 所以其實都唔算太貴, 而且味道都唔錯,湯底清清地幾鮮甜米線亦都唔會好淋40蚊都算係咁，可以考慮下次幫襯!

這是我其中一間經常來吃午餐的飯堂，估唔到竟然有驚喜！講真他們的米線我反而覺得唔好味，可能因為我本身唔喜歡吃太清啖的味道，所以只試了一次便唔會再吃，實在淡而冇味。我每次去反而是吃他們的午餐《黑椒牛肩胛》，套餐包括有西湯及牛角飽，還有餐飲，以這個價錢就算平及好味，真的唔错。但今天我試了他們的《青咖喱豬頸肉米粉》，估唔到他們的青咖喱竟然有泰國餐廳的水準，咖喱很好味而且真的很辣，米粉全部都有青咖喱的香辣味，套餐還包括有一杯湅柚子蜜都只是$50，喜歡吃辣的朋友可以試試。

因為係調景嶺番學既原故，所以又去左麻酸樂😥😥上次因為份量唔夠，所以有啲失望，今次又同朋友食，眼見吉烈豬排係佢地招牌菜，所以簡左$12既餸(吉烈豬排)，加底就無加啦，希望會夠飽啦，食成塊肉嘛😛😛金銀蛋芫茜湯，味道雖然清清地，但配料味道濃，所以整體好配合，味道岩岩好，唔想食辣，又要戒口既朋友，真心可以一試呢款，味道濃得黎都健康豬排真係即炸，仲要炸到金黃色，油就一定有，但唔算好油，而且都未話可以做到勁脆口，抵讚既係炸粉勁少，入口會多肉感feel，所以真係做得唔錯，而且價錢唔算太貴喔👍整體黎講，呢個吉烈豬排米線$35，真係幾抵食，感覺比起上次魚腐米線更加飽

lunch去左調景嶺呢間食，平時食過呢間既下午茶，記得幾抵食，所以lunch就簡呢間食自選米線，有4款湯底簡，餸都有好多，所以整體呢講，都多選擇👍結果我簡左番茄湯底魚付米線湯底味道濃郁，配料都算多，可惜米線份量唔多，食完都未飽😱😱下次食，都係加底啦，加$5魚付唔錯，大大件，有4粒，有魚味，可以吸到湯底既味👍整體黎講，自選米線既份量太少，餸既味道唔錯，價錢中等，如果份量多番啲，咁就好啦><

2月22日~ 下午TEA時間又到了~心掛掛想吃辣的面,就會想起麻酸樂下午茶由2:30pm-6:00pm店內真的很多食客,我今天都是一位,可趕時間地慢慢地看了餐牌米線對對碰:有四款小食就有六款價錢$26有我點了最喜愛的蒙古雞翼,和迷你豬牛戀人米線我點了大辣,還有一柸凍綠茶

我有4個fd 一齊食lunch ，諗住趕時間就試下呢間野！點知第一次食亦都係我地最後一次食！我同我啲fd 就火都黎埋！我本人就好鐘意飲冬陰公的見佢有呢個湯就試下啦!點知一黎到我最先梗係試下湯先啦！冇冬陰公味啲料又小到喊咁我見到佢舖有買冬陰公醬！一睇就知個湯係溝出黎架啦!諗住叫佢俾啲醬我自己溝啦!點知佢話冇得溝架wo !39蚊！我食譚仔好過！火我個4個fd 都係食扒餐！佢地諗住有据扒啦！點知黎到我地o 曬咀！用筷子食都得囉係！細到溥到牙媽都吾認得！食完呢次我地發誓吾會再俾機會呢間野

去開調景嶺探朋友,見有少少肚餓去咗去呢間米線専門店幫襯,下午茶都算抵食,個餐包一碗米線,小食及玄米茶,仲要轉凍飲唔加錢,比起"太刻薄"都算抵,米線都算好食,不太淋,最驚喜係雞亦大隻之餘仲炸得脆卜卜又夠熱,服務唔錯,下次經過會再幫襯

放學去食。。。咖哩吉列豬扒飯 (Ｄ豬扒一D都吉列又唔脆又唔香口，仲要切到舊舊都有骨) (普通既咖哩)熱檸茶 (得3片薄切檸檬，篤左都冇味，有色冇茶味的茶，＝飲緊清淡檸檬味的水)下次買麵包好過去食。waste $$$