麻辣風雲 (已結業)

我一直都知道麻辣風雲嘅酸菜魚非常之唔錯但係今日唔係咁想食酸菜魚想試吓出其他嘅小菜，機緣巧合之下就比我喺Menu見到！以下幾款食物，等我逐一介紹啦！首先係黑松露煙燻糖心蛋，呢個糖心蛋令我太意外了，首先一上到枱已經聞到佢嗰種黑松露嘅香味，食落口煙熏味融入於口中。糖心蛋嗰種少少留心嘅狀態令我非常滿意。其次就係麻辣雞翼尖！因為實在太耐冇去過元朗x仔，所以其實我自己都已經好耐冇食過雞翼尖啊，佢竟然可以做到勁過x仔，實在是非常佩服。最後我仲叫咗一碟秘製麻辣炒薯粉，叫得秘製就梗係用咗佢哋自家條配嘅辣醬！香濃嘅麻辣味😍實在太吸引了，仲有佢嘅薯粉軟硬適中我覺得麻辣風雲嘅小食同樣好食。

我想講呢間特色川菜餐廳除咗環境非常別字之外，嘢食亦都係用盡心思去製作。仲要超級好味真係令我加晒分呀！除此之外店舖仲有好多唔同嘅特色擺設，環境都好好地方好乾淨！今日嚟到呢間餐廳食咗佢嘅招牌水煮牛肩肉！我只可以同你講好好味！哈哈可能你話我好似亂噏咁，但係我係真心㗎。因為佢嘅水煮牛肉係我心目中攞咗滿分。牛肉嘅肉質好滑㗎一啲都唔老，好足料多辣椒勁多配菜。我最鍾意就係萵筍同埋芽菜！最緊要最緊要仲有薯粉啊！啲薯粉吸晒水煮嘅辣汁！非常惹味！最後我哋唔夠飽所以再嗌多咗一個秘製麻辣炒薯粉。呢個薯粉真係好夠辣啊！食到我個嘴紅卜卜？首先係因為佢個薯粉賣相都尚算可以，食落去都係煙煙韌韌。

中意食川菜嘅我bookmark咗哩間麻辣風雲已經好耐，今次終於有時間一試，仲系旺角全新分店👍🏻👍🏻，內裡座位闊落，光線充足，坐得好舒服👍🏻。▶️炸饅頭($58)經常被ig洗版嘅就係哩個氣勢非凡嘅炸饅頭，上枱時仲有仙氣縈繞，真系好似從大江大河中破浪而來咁。靚還靚，佢唔係得個樣架，外面炸得非常脆口，雖然裡面略乾但系點上煉奶食用，我竟然食咗三隻，諗返起都覺得要減肥😂😂。▶️酸菜魚($268)好大嘅一盤，魚肉鋪咗滿滿一層，魚鮮肉嫩，底下系海量嘅寬粉、萵筍、香菇、豆卜、芽菜，而酸菜爽脆，湯底混合酸菜嘅酸、花椒嘅麻、辣椒嘅辣同魚肉嘅鮮，最後連個湯都飲埋😂，回味無窮啊！▶️涼拌雞絲粉皮($68)爽滑嘅粉皮、脆口青瓜同個濃郁嘅麻醬哩個組合，不知不覺就清盤。▶️糖醋排骨($68)啖啖肉之選，有小朋友就一定要食佢，肉係純瘦肉，減肥人士一定大愛，不過我個人更中意肥瘦相間，不過酸酸甜甜好開胃。▶️四川擔擔麵($68)份量合適，不過麵身煮得軟咗d，我中意食爽口d嘅麵🤷🏻‍♀️。▶️黑糖脆炸糍粑($58)作為甜品非常合適，糍粑軟糯，煎至外脆內糯，黑糖醬增添絲絲甜味，食埋捧住個肚走😆。總結：想食辣主打酸菜魚必食，炸饅頭淨系打卡夠

今日嚟咗麻辣風雲度食川菜，呢度嘅裝修格局全部都係以古典中國風做素材，大部份嘅顏色都是用咗紅色。除此之外牆身仲有好多別具特色嘅水墨畫。秘製麻辣炒薯粉，薯粉炒得好香，軟硬度適中，唔會話太濕！乾乾地口感非常好👍🏻黑松露煙燻糖心蛋係我最愛叫嘅餸菜。平時都係食開糖心蛋，今次竟然可以有黑松露再加埋煙燻。感覺非常特別，口感味道一流。霸王蝦球係一個特色嘅小菜，我認為旁邊嘅辣椒多好友川菜風味。當中嘅蝦球製作得幾好，炸粉唔會太多太厚。食落肉質彈牙非常可口。紅糖糍粑作為餐後甜點確實係不錯，除咗擺盤好靚之外，我覺得味道都真係幾正宗。由糯米粉製作而成，即叫即炸熱辣辣。外皮脆口，紅糖將黏黏稠稠味道好香好甜㗎。

水煮牛肩肉:牛肩肉除咗係啲牛出色之外的寬粉亦都非常出色。首先講吓佢嘅寬粉，煙煙韌韌份量超級多，由於吸晒啲湯汁所以已經好惹味。酸菜魚:要讚嘅係佢個豆腐卜，因為已經吸晒成個酸菜湯底嘅味道。我會建議大家先飲一啖湯再食佢啲魚。佢啖湯真係非常濃郁！酸菜味好重㗎 ！麻辣雞翼尖：好食過B仔雞翼尖1,000,000倍，首先佢嘅麻辣香融入於雞翼尖當中。雞翼尖喺烹調嘅過程煮得非常入味。而且已經煮到骨肉分離咁滯，一放落口就已經可以食晒啲肉了！非常方便。酸菜炒肥腸:又叫酸菜魚又叫酸菜炒肥腸，初頭諗過會唔會記得太多，驚後悔叫咗呢碟酸菜炒肥腸又食唔晒，點不知我一個人已經食咗大半碟我哋兩個人清晒成碟肥腸。因為呢兜肥腸真係好入味！

見雜誌吹到咁大，就即刻去試下Book 左19:30到場都要等多10幾分鐘先入到場接待安排真係幾差下，門口一大門班人等入去，入面又一大班人排隊比錢，侍應都係得個3,4 個，明知新開張加上出左廣告，一定多人去食，都唔安排多幾個人(接待、收銀、執野都係一個人做)一坐底就奉上2碟前菜，後尾先知係需要收費🫣雖然每碟都係$9水煮魚+薯粉$298 配菜就真係幾多下，但係魚肉份量真係好少麻辣湯底應該係幾熱下，但係呢個湯係微熱，味道一般其他野食都係一般般，出餐慢，仲要90分鐘限時，食一次就夠了🤭

今日同埋男朋友去咗呢間川菜餐廳非常之出名叫做麻辣風雲。佢嘅餐廳設計都崇尚復古風。我哋就叫咗幾樣特色野試吓係咪真係咁好食！水煮牛肩肉:牛肩肉都唔可以用一碟去形容其實應該係一兜！係好大好大好大嘅兜！牛肩肉肉質鮮嫩，非常滑溜，唔會話好鞋！我覺得真係煮得幾好唔會好老。當中仲有寬粉配埋水煮麻辣湯極為入味。酸菜魚:酸菜魚就更加唔使講啦真係好好食！因為佢嘅薯片厚薄適中。當中唔會有細骨。酸菜嘅濃湯被魚片深深吸入。仲有佢個豆粕都係充滿咗酸菜湯！一咬落去啲湯汁就已經別晒出嚟！紅糖糍粑:食過之後就已經決定下次要再叫！紅糖糍粑煙煙韌韌嘅口感真係令我一是難忘，唔怪得知咁多人鍾意食啦。旁邊仲已經有紅糖醬汁同埋黃豆粉。配埋一齊食真係好甜好好味！秘製麻辣炒薯粉:呢個炒薯粉亦都一讚，因為麻辣味香濃，薯粉炒得好乾身。

因為見到呢個OpenRice優惠, 所以就食左呢間人氣店平日晚7:00黎到又唔係好多人播! 不過到左食晚飯時間就開始滿座, 最近興起既酸菜魚熱潮開到成行成市, 平時都比較少食酸菜魚係因為好怕會食到有泥味/腥味, 都係朋友介紹呢間好食先黎試下叫左人氣首選既酸菜魚(小辣), 酸辣程度好似有啲唔岩比較, 因為本身怕中辣會太辣所以就點左小辣, 酸菜魚既湯明顯比辣度比例高, 個人覺得有啲難單飲呢個湯底🤭🤭🤭酸菜配料好多好多, 相信係呢個原來影響到湯底咁酸掛~本身酸菜魚入面已經包左薯粉同蒿荀, 不過蒿荀份量明顯比較少, 如果好似我咁咁中意食既就建議多加一份酸菜魚既魚都幾多, 而且食落啖啖肉, 雖然湯底比較酸不過唔影響魚既味道, 魚肉帶點彈牙, 真係唔錯除左酸菜魚之外, 仲叫左呢個炸饅頭, 以船既造型示人, 真係幾有氣勢! 炸饅頭外脆內軟, 而且中意佢細細粒, 食多粒都唔會好過份, hahahahaha小食叫正常野，不過排骨我唔係咁中意個肉質一絲絲，可以忽略佢😂兩個人食一份酸菜魚同炸饅頭都已經好夠, 好滿足的一餐!

⭐【旺角】人氣打卡酸菜魚+炸饅頭⭐一直Bookmark已久的人氣川菜餐廳〔麻辣風雲〕，它的招牌菜諸葛亮草船擺盤的炸饅頭，近期都在很多社交平台給洗版，今次知道餐廳在旺角瓊華開了新店，馬上訂位去打卡😍🎉。六點半入坐都幾乎已一半滿座，可見人氣極高企，店裡裝潢都用上中式設計，配上很有小清新氣息的湖水綠坐椅，環境舒適又簡潔，餐廳是用手機QR code點選菜式，而招牌酸菜魚，可以在系統中選取不同的辣度及酸度，方便省時又快捷。🍲【招牌酸菜滑魚片】(HK$268) + 薯粉(HK$30)麻辣風雲長期最受歡迎招牌菜之一，酸菜魚很大碟，熱辣辣上枱，賣相亦非常吸引。鍋裡鋪滿了魚片，魚片入口非常嫩滑，每一片魚都已起了魚骨，所以可以很放心地吃，配菜亦有酸菜、芽菜、豆卜、筍絲、金菇、辣椒、芝麻、萵荀、菊花瓣及加錢追加的薯粉，而湯底酸味較突出，有微微麻辣味道，因為跟同行朋友都叫了少辣少酸湯底，所以愛吃辣的人士，不妨選擇其他辣度及酸度，相信麻辣味道會更突出。【炸饅頭】 (HK$58)上菜出場方式非常有氣勢，炸饅頭放在有諸葛亮及旗幟帶領的船上面，船身用乾冰噴出煙霧登場的效果，這菜真的可以瘋狂地打卡，漲卜卜的饅頭炸到香脆

身為女仔一定唔可以放過食紅糖糍粑嘅機會！今日離開麻辣風雲一定要叫。呢度除咗Menu有好多唔同嘅款嘅菜式任君選擇之外呢度嘅裝修風格都極為特別。好多唔同嘅中國風畫作、同埋以復古紅色作餐廳主色。一入到嚟門口就知道呢度係食咩菜。水煮牛肩肉味道香濃，主要是用花椒和乾辣椒黎突出川菜中嘅麻和辣，獨特嘅風味。 煮完出黎上枱的顏色雖然紅亮，好似很辣，但其實辣味屬於中級辣，辣味不會在嘴裡停留太久🤫火爆魷魚鬚 水煮牛肩肉，唔知大家知唔知道川菜中對食材係非常講究，唔好睇呢啲魷魚鬚好似平平無奇其實佢當中除咗紅辣椒同埋青椒之外仲加咗韭菜入去一齊爆炒。增加左魷魚鬚嘅香味，零親切感再度提升。而魷魚鬚煙煙韌韌非常可口👍🏻紅糖糍粑係糯米打糕製作而成，相比起韓式年糕更加重米香同埋較為煙韌，夾埋香脆嘅外皮，感覺十分過癮。黃豆粉＋紅糖漿亦係不敗組合，女孩子一定要食多啲，因為紅糖對身體好。

今日同好友共進晚餐，決定了食川菜。麻辣風雲嘅旺角店係近來新開嘅餐廳。我哋喺附近行開街最後就嚟到呢間餐廳品嚐我哋嘅晚餐。首先叫咗一碟水煮牛肩肉，上枱時我非常愕然。因為真係好大兜唔知根本食唔食得晒😝入邊除咗有大量嘅牛肩肉仲有豆卜同埋寬粉！我覺得個寬粉超級入味煮得好好👍🏻我身份已經吸晒水煮牛肉嘅辣湯。每一啖都煙煙韌韌之餘仲可以連埋湯汁一齊食用。牛肩肉就更加唔使講啦因為超級好味㗎 ！點解我咁講係因為牛肩肉厚薄適中。有咬口唔會話太過生硬。酸菜炒肥腸真係我第一次食。因為朋友同我講呢間嘅炒肥腸係超好食。我初頭都唔信㗎點不知原來佢哋真係可以炒到啲肥腸充滿酸菜味。真的不能不寫個服字比佢。

係旺角行街，想食酸菜魚，知道附近新開左麻辣風雲，一於上去食lunch 🌟炸饅頭佢地既炸饅頭真係世一，賣相擺盤超特別，有諸葛亮乘風破浪坐住船帶住乾冰現身。炸饅頭熱辣辣，炸得外脆內軟，點埋煉奶食真係無得輸🤩🌟酸菜魚超大盤的酸菜魚，份量十足。揀左少辣，味道酸中帶麻好過癮。魚片嫩滑無骨，寬粉煙韌。配料有蘆筍，金菇，芽菜，豆卜，寬粉豆卜索晒D湯汁好惹味。最緊要係唔會有層油係面，食得健康超滿足🥰🌟辣子雞雞肉口感鮮嫩多汁，唔油膩唔乾身，非常惹味。勁多乾辣椒，鍾意食辣既朋友啱晒😋🌟涼拌雞絲粉皮雞絲肉質嫩滑，青瓜絲好清新，粉皮煙煙韌韌，勁多麻醬，正🤤🌟洛神花茶酒埕打卡一流，裝住既係洛神花茶，酸酸甜甜，解辣一流😍📍麻辣風雲 (旺角)旺角彌敦道628號瓊華中心10樓

小編其實比較少食川菜🤪個人喜好偏向西餐同韓國菜～所友朋友帶小編黎到瓊華食酸菜魚🐟朋友話bookmark左好耐人氣好高🔥okay then let’s try👣📍酸菜魚($268）第一眼望到個大碗已經好有古代feel🏮除咗酸菜魚之外 仲有芽菜、紅薯粉、豆卜、萵筍小編嗌咗小辣但係唔算食到辣味🤭但係都有辣椒同花椒吊味hahaha成個湯底偏酸多 唔會好油分量十足 大量魚片比大家食🤣魚片都好滑身、無骨、大片適合一班人share 果然係招牌菜👑📍炸饅頭 ($58）omg炸饅頭個look係非常震撼😎係用一大架船去裝6舊炸饅頭⛵️仲插旗寫返自己叫「麻辣風雲」💛最勁嘅係架船噴煙🤣仙境一樣炸饅頭真係好出色 外脆內軟咬落去又唔會覺得好乾一堆麵粉嘅感覺個皮真係超脆 點埋煉奶真係冇得頂👍🏻唔好以為唔飽但係連埋酸菜魚食都好夠～必食之選‼️📍糖醋排骨 ($68）糖醋排骨酸酸甜甜 啱大眾口味☺️而且佢啲骨好大舊 好易lun骨不過肉質就偏乾 好彩有sauce balance 🙂📍黑糖脆炸糍粑 ($58)呢個係口痕所以想食個甜品🍮就嗌咗川菜好出名嘅黑糖糍粑～質感好黏糯 外脆內軟 夠熱小編稍嫌覺得黑糖唔係好夠🥲但係黃豆粉又好足所

其實我已經嚟過麻辣風雲好多次㗎啦，但係次次都掛住食唔記得咗影相。今次再同同事食嘅時候就決定要影低相寫食評！首先門口有雞乸咁大隻字寫住掂！初頭你嘅人以為佢呢個字係攞嚟呃人嘅，其實佢真係好掂㗎食過你就知！今日因為得兩個女仔去食所以我哋叫咗一碟粉同埋一個酸菜魚！首先係秘製麻辣炒薯粉，你試過佢個薯粉就會一試難忘。雖然佢嘅份量唔算話非常之多但係我覺得兩個女仔啱啱好夠食。佢嘅薯粉炒得好香，同埋好乾身啲辣味入晒去薯粉入邊。每一啖都係麻麻辣辣！酸菜魚簡直就係我哋兩個嘅至愛。我哋成日都會去試唔同嘅酸菜魚淨係麻辣風雲呢一間我哋已經食過好多次啦！因為佢嘅酸菜魚真係非常出色首先係佢個魚唔會話有骨，可以放心食用。酸菜嘅味亦都好香濃！呢個酸菜魚真係我次次都嗌㗎 ！

今日好熱呀，我哋雖然諗住嚟食川菜但係第一樣嘢叫嘅係嘢飲！呢度嘅嘢飲賣相別具特色，因為我哋嗌咗椰汁冰同埋洛神花茶。你見到佢哋嘅茶杯用咗酒壺去盛載。水煮牛肩肉係不叫不可，因為呢個水煮牛實在太大兜啦。仲要超級野味。我同男朋友都食到出晒汗🤣呢份水煮牛賣相紅卜卜，配料亦種類繁多。最好味嘅除咗係水煮牛肩肉片之外我仲覺得係豆卜同埋寬粉。因為豆卜同埋寬粉都吸晒辣油同湯汁😍秘製麻辣炒薯粉係多重味道集於一身，搭配各種調味料製作而成，集麻、辣、鮮、香、酸等等。佢嘅薯粉炒得好香，偏向乾身唔會話好濕👍🏻