麻辣舖 (已結業)

平時lunch都會食麻辣鋪尤其喜歡佢個combo set每份餐有兩款主食，小食沙律涼拌小菜各一每次打開外賣有滿滿三盒共六格食物隔離同事睇到都話好豐富😎我今日就食水煮牛肉餐牛肉睇得出咁嫩滑辣度可以👍但個擔擔麵先最正開頭以為好乾其實個醬汁係偏乾身嘅有肉碎花生同菜脯又香又好味！沙律有藜麥沙律同薯仔沙律成個套餐菜蔬量足夠又飽肚食物無味精真係辦公室上班族恩物！除左飯餐麻辣鋪仲有多款麻辣小食麻辣鋪脆脾大大隻雞脾皮脆肉軟仲有啖啖肉汁加上麻辣味真係令人欲罷不能😋椒點牛脷粒粒份量頗多將牛脷切成一口size偏爽口有嚼勁送酒一流👍

朋友話公司附近有間好抵食嘅外賣店，主打港式同麻辣系列嘅美食，最緊要平靚正，方便又快捷。全部即叫即整，需要等候一段時間，建議先落單，差唔多時間再去攞就OK👌飯有焗、炊、蒸同蔥油，款色比一般嘅快餐店仲要多選擇🤪 和風三文魚野菌炊飯賣相一流，五顏六色，未食已經覺得吸引。調味適中，感覺健康，飯粒粒分明，搭配嫩滑嘅三文魚，讚。蒸飯好hit，賣曬就無。要咗士魷同鹹蛋肉餅各一，鬆化好味，肉嫩多汁，容易咬開，老少咸宜，唔會好鹹，配飯一流。另外加點雜菇，用香草炒開，都幾入味，值得一試。

呢間鋪頭只有外賣，人唔多，但出餐都好慢。飯量抵食，但價格都唔算評價，茶餐廳50蚊左右呢度要70第一次揀咗濃咖喱牛脷焗飯很好味 牛脷很嫩 咖喱味都夠濃比較推薦第二次揀咗蔥油雙扒煎蛋飯有雞扒同豬扒蔬菜少的可憐豬扒肥膩 只食咗一半總體講 去茶餐廳冰室更加抵食好味仲有水煮牛肉 石斑魚d套餐 睇著好味 但都要90蚊

服務態度麻麻地就算了，始終比較平，唔好要求太多。味道方面，不適合川菜，辣味好奇怪，調味唔正宗。玉子正常，但沙拉竟然食到半隻烏蠅！！勁想嘔！！沙拉食到烏蠅！沙拉食到烏蠅！（湊80字）

中環新開一家主打麻辣食物的外賣店這次就試了兩款十分豐富的麻辣套餐😍除了包括主菜之外，還會包括沙律🥗和小食 (木耳、薯仔沙律)和白飯🍚《Set B》 ($88)‣ 水煮牛肉‣ 自家製玉子燒‣ 擔擔麵牛肉片厚度剛剛好，吃起來很夠軟味道是麻麻辣辣的，很過癮！玉子燒吃起來滑滑的不錯擔擔麵伴以榨菜等吃起來很夠辣，滿足辣癮😍《Set C》 ($82)‣ 麻婆豆腐‣ 辣子單骨雞翼‣ 麻辣涼皮 麻婆豆腐同樣夠辣豆腐吃起來是比較硬一點的那種雞翼就炸得脆脆的透亮的涼皮配上辣汁非常開胃😝‣ 檸檬薏米水 (+$8)‣ 無花果蘋果雪梨茶(+$8)吃完辣的食物最適合喝點溫和的飲料兩款都很好喝，可以解辣😙💭 C͟o͟n͟c͟l͟u͟s͟i͟o͟n͟在這家餐廳不僅可以品嚐到各式各樣的麻辣美食 (很夠辣🌶️🌶️)更驚喜的是一個價錢可享有6種食物，感覺很划算呢喜歡吃辣的朋友不要錯過呀～💰Total: $176 ($88pp無服務費)📍麻辣舖Ma Labo｜@malabo_hk中環士丹利街50號信誠廣場地下A號舖觀塘成業街19-21號成業工業大廈1樓32室🚩更多同類餐廳 #foodstep_中菜 🚩更多同區餐廳 #foodstep_中環 #foo

✨水煮牛肉意粉裏面有🌶️薯仔粒、🌶️麻辣牛肉、意粉❤️，薯仔粒就類似開胃菜咁，食完幾開胃，仲要少少辣😙。牛肉都幾多舊，又入味，呢個麻辣唔會太辣太麻，覺得呢個辣度好適合香港人食，啲汁撈意粉食 幾配🐽✨熱咖啡咖啡味偏淡，不過接受到👌🏻

【衝擊味蕾。麻辣】早前士丹利街新開了一間麻辣為主題的外賣店, 價錢比較親民, 店鋪採用進口食材，天然新鮮，無味精，無激素，無額外添加防腐劑,喜歡嗜辣的中環上班族可以試下。 ❈ 水煮牛肉意粉 Poached Beef in Fiery Sauce with Spaghetti HK$78融合左傳統麻辣既精粹, 水煮牛既麻唔會令你失去味蕾,但又香辣入味。❈ 椒點牛脷粒粒 Hot Spot Diced Ox-Tongue HK$28牛脷粒粒一啲都唔細粒,肉質爽脆彈牙,香口辣味會令你停唔到口,有驚喜。❈ XS辣牛牛Hot Spot Mala Beef Slider HK$32芝麻包裡有羽衣甘藍.番茄,酸瓜增加漢堡爽脆。牛肉漢堡肉汁豐富,加上麻辣汁係口腔融合, 幾滋味。❈ 麻辣舖脆脾 Ma Labo Crispy Fried Chicken Leg HK$38大大隻雞髀即叫生炸,外賣都唔會影響雞皮香脆,味道帶點鹹香微辣

今日係行經中環donki買完野，朋友話想食麻辣嘢周sir附近有冇，見到呢間寫住麻辣舖，睇一睇餐牌見到好多麻辣嘢啱晒朋友就去食。麻辣舖脆脾$38即叫即炸，雞髀炸到外皮脆卜卜，入面肉嫩多汁，炸漿唔算好厚。辣子單骨雞翼$28 呢個朋友最喜愛，辣子嘅味道10分香口惹味，單骨雞翼一口一啖，方便進食。麻辣三寶$28有豬皮蘿蔔魚蛋，醬汁10分惹味，豬皮吸收晒醬汁的味道，10分好食，魚蛋爽口彈牙，蘿蔔咬落多汁鮮甜。椒點牛脷粒粒$28牛脷粒咬落煙煙韌韌，幾有咬口。紅燒牛肋條飯$78另外，我哋叫咗一個飯一齊share ，牛肋條炆得10分入味，送飯一流，另外跟咗四款前菜，有薯仔，麻辣木耳，蕃茄莎莎和酸甜蘿蔔，我最鍾意麻辣木耳好爽口。

依間位於士丹利街嘅外賣店，係以麻辣味為主題嘅， 喺附近嚟講都比較少有😲。 見到店面嘅麻辣炸髀poster好吸引，所以就入去試一試🤗。 呢度嘅lunch box價錢都幾親民，60~70幾蚊一份，一份主菜附送幾個涼拌小菜，分別用兩個盒裝住，就好似日式便當咁，乾淨企理。 ❤麻辣舖脆髀飯炸脆髀果然係好香口， 麻香味十足，雞皮好鬆脆，咬落有聲😝。 餐廳已經先將雞髀分成一件件， 唔使成隻攞住嚟咬，方便食用👍。另外附送嘅小食就有涼拌番茄粒同埋雪菜炒豬肉碎， 雪菜炒豬肉碎酸酸辣辣咁，撈飯食真係唔錯。 ❤麻辣炒飯麻辣炒飯賣相好靚🤩，一開盒見到飯粒係粒粒分明同埋金黃色嘅， 加咗一啲蔥花、炒豬肉同炒蛋， 麻辣味比較明顯🔥，但其實又唔係太辣， 應該係好多人都接受到嘅辣度。隨餐附送嘅涼拌小菜有四款，分別有麻辣涼拌蕃茄粒、木耳絲、酸蘿蔔同埋薯仔粒， 全部都係開胃小菜。 ❤XS辣牛牛XS size其實都唔細， 漢堡直徑係麥當勞size嘅一半左右，但係成個包好厚身，主要係牛肉漢堡夠厚，有肉汁😋。另外仲用咗羽衣甘藍做伴菜，增加爽脆口感。 ❤XS辣豬豬個人就比較鍾意辣豬豬，因為餡料係麻辣手撕豬肉🐷。手撕豬肉嘅本身嘅肉汁，

最近同朋友係中環試到呢間唔錯嘅外賣店😘佢哋主打係食辣野，仲要好香好好味🤤所以kk試完即刻想推薦俾大家麻辣舖脆髀飯($78)呢個麻辣舖脆髀飯真心幾正🥰佢嘅雞髀炸得真係好香好脆，但啲雞肉都仲好嫩好滑😝加上佢外皮鋪滿麻辣粉，所以食落又香又辣👍🏻真係夠曬惹味🥰用黎配飯食真心一流香菇牛肉醬意粉($78)佢呢個香菇牛肉醬意粉我好推薦大家要試😘首先佢嘅意粉煮得啱啱好，所以食落唔錯👍🏻軟硬適中😝但真正好食嘅係佢嘅香菇牛肉醬🥰佢牛肉碎嘅份量好多，而且食落幾香牛味同香菇味，加上佢落左辣粉，所以食落好香好惹味🤤配埋意粉真心好正XS辣牛牛($32)呢個牛肉漢堡都唔錯😋麵包食落好香牛油味，配搭埋帶點辣嘅牛肉肉餅同蔬菜😋真係好香好滿足18味薯條($18)薯條食落一樣都好正😋炸得外脆內軟👍🏻而且薯味又好夠香，配埋香辣惹味嘅辣粉，真係好好味

近排鍾意咗食辣嘢，增進食欲之餘更加可以去濕。今日就試咗呢間位於中環士丹利街開咗冇幾耐嘅麻辣外賣店。位置相當方便，喺正石板街corner 位。店舖整齊整潔。紅燒牛肋條飯：呢個係唔辣嘅，啲牛肋條走哂骨，肉質鬆軟，整得好入味。配菜都好豐富，有木耳、醃蘿蔔、薯仔同蕃茄。小食試咗幾樣野，份量都唔太細。麻辣舖脆髀，可以揀辣或者唔辣。雞髀幾大隻，外層香脆，鋪滿左麻辣粉，香辣又惹味。XS辣豬豬：一口漢堡包，雖然只有手掌咁大，但係一啲都唔馬虎。有手撕豬梅頭肉、牛油生菜、自家製辣芝麻醬。辣到適中，可以接受。麻辣三寶：有魚蛋、豬皮、蘿蔔。街頭小食冇得輸。椒點玉子粒粒：呢個都幾特別，佢哋係用蜂巢狀嘅豆腐嚟炸，食到唔停口🤤

我自問絕對是辣野的愛好者 🌶️經常無辣不歡 尤其香港天氣溫暖潮濕 有時都要排排毒素同濕氣其中一個方法就係食辣野！😆😆呢間位於信誠大廈地舖的malabo 麻辣舖岩晒我 個店員好靚女 成個李嘉欣咁 😍😍好積極幫我落單 叫晒成個袋裝滿曬外賣都係用左$200！🙀🙀麻辣三寶 有魚蛋豬皮蘿蔔 真係好辣喺中環食到呢啲街頭小食已經好難得辣到想即刻飲番罐可樂降溫！👍🏻👍🏻😻XS辣豬豬 佢係微型版嘅漢堡包 只有手掌一樣大 有牛油生菜、自家製辣芝麻醬同手撕豬梅頭肉 辣到仲接受到 份量啱啱好仲有椒麻肉丸意粉同紅燒牛筋條飯兩者跟餐都伴咗個沙律涼菜 但係呢個涼菜有個特點 就係芽菜蘿蔔泡菜都係辣㗎😹😹另外佢嘅意粉同埋飯都係熱辣辣椒麻肉丸意粉加上肉醬同埋新鮮紅青椒碎紅燒牛筋條味道濃郁 加上白飯一齊食 正到爆！

近日同一班喜歡食野既朋友， 一齊去試新野， 比我地發現到有一間外賣麻辣舖， 當然要買番抵份試下。（5⭐️最高）紅燒牛肋條飯 （5⭐️）可選辣與唔辣，牛肋條同羅白煮得好冧亦好入味🤙， 燒汁帶有少少甜味😍將汁加入飯中， 真係好yummy。檸香慢煮雞胸意粉（5⭐️）檸味唔算好重， 相反麻辣既感覺比較重。意粉份量都適中同埋彈牙， 雞胸肉每件都有麻辣醬。 食落會有少少麻痹既感覺👍🏻椒點牛脷粒粒（5⭐️）我比較喜歡這款， 牛脷粒好有咬口， 食落煙煙韌韌既感覺， 而且好入味， 辣椒只有少少有外， 提升味道😘18味薯條（5⭐️）鹽份比較少， 而且炸得好脆口🤩

一連4日假期香港遊港九新界到處走😎去完大館賞花落嚟嘅時候 想食漢堡包 望望左邊就見到呢間小店：麻辣舖招牌麻辣漢堡包每日限量供應 XS size辣牛牛豐富麻辣味😋牛肉份量唔少麻辣炒飯睇落炒飯平平無奇，其實麻辣味十足♥️麻辣舖脆脾鍾意香口嘢嘅，一定要食呢個脆炸雞髀，少見炸雞髀有麻辣味，咬開雞髀好多汁🤤買慢煮麻辣雞胸沙律做宵夜，宵夜就唔邪惡🤗#麻辣舖 #麻辣 #中環美食 #迷你漢堡包 #香港好去處 #香港美食 #food #hkfood #foodporn

今日同朋友經過中環士丹利街，見到呢間走型格風嘅麻辣舖，決定試吓呢度嘅速食麻辣。麻辣炒飯$68炒飯另外跟了四種不同嘅前菜，有芽菜、酸蘿蔔、芝士薯仔及蕃茄洋蔥粒，非常醒胃，亦可中和辣度。麻辣炒飯塞得滿滿，炒得夠乾身，開頭食頭一兩啖唔覺得辣，跟住食到中段係越食越辣，越食越想食。甜辣嫩牛肉沙律$68🥗呢個牛肉沙律表層有滿滿嘅甜辣嫩牛肉，沙律入面有沙律菜，青瓜及蕃茄，仲有半隻糖心蛋，份量夠兩個人食。XS辣牛牛$32辣牛牛漢堡係佢哋嘅賣點菜之一，細細嗰漢堡包，但塊漢堡扒勁厚，配上自家製嘅麻辣醬汁，一啖咬落去不但Juicy, 漢堡扒嘅質感柔軟鬆化，好少食到有麻辣汁嘅漢堡包🍔。涼拌雜錦絲$28盒內有豆干、海帶及粉絲，咬落口爽脆之餘，帶着絲絲嘅麻辣味，清新爽口，最啱夏天食。木村汽水-完熟白桃及信州蘋果味$26@呢支包裝到有少少似迷你香賓的其實是完熟白桃味及信州蘋果味汽水，冰涼清新唔太甜，食辣嘢飲汽水爽晒。食物嘅包裝精美，紙袋內彷彿擺放着精緻的藝術品。食完呢間麻辣店後，佢顛覆了我對傳統四川麻辣的印象，菜式創新前衛，以後lunch time又多一個選擇。