影片
電話號碼
90848687
營業時間
今日營業
12:00 - 16:00
18:00 - 00:00
星期一至日
12:00 - 16:00
18:00 - 00:00
以上資料只供參考, 請與餐廳確認詳情
有關獎賞計劃
之前一路都好傷心，因為麻甩爐撤出咗大埔，只係留返旺角嘅舖頭，但係近嚟見到IG，佢哋提及會重新考慮返返嚟大埔，結果期待已久佢哋開張營業，終於等到，而且食物質素仍然維持好高水準：喺呢度嘅食法，係好多元化，首先會有前菜刺身，可以有三文魚食，開咗個胃先；然之後可以去選擇雞煲嘅整法，有花膠、藥膳、甚至乎呢度最出名嘅麻甩炒法，由於只可以揀一樣，所以我一定會食花膠先；一嚟到嘅時候，個煲熱辣辣，而且花膠味好香濃，雞湯亦都呈現先黃色，便用咗好足料去熬製。-食完雞煲之後，就開始正式打邊爐，呢度有好多唔同套餐可以選擇，我自己個人就比較喜歡佢哋嘅海鮮盛宴。大大粒嘅鮑魚，大大粒嘅貴妃蚌，所有都係新鮮喺水箱度拎出嚟，貴妃蚌簡直係一絕，食完之後，就算要俾錢，我都會繼續加。-呢度飲品係任飲，我自己另外會加多$48去飲佢生啤，一路食住雞煲，一路打邊爐，一路飲住生啤係一件好開心嘅享受。-總括而言，麻甩佬今次返嚟，令我非常開心，作為大埔人，甚至乎作為區外嘅人，都會欣賞佢哋嘅堅持同埋獨特嘅雞煲味道。
繼續閱讀
約咗班老死食飯，專登入到大埔咁遠，諗住有餐好嘢食，點知食完個個都一肚氣。人均四百幾，完全唔知食咗啲乜，食完好似冇食過咁。牛肉薄過張紙，仲要係雪咗好耐唔新鮮咁，刺身又冇味，海鮮好一般，食物選擇又唔多，完全唔值呢個價，覺得比四百幾蚊好似係去食丸咁。一開始嘅時候個雞煲叫做好少少，但係佢收得人哋呢個價錢，火鍋嘅牛肉係咪可以做好少少？如果佢收二三百我覺得都叫做合理。你可以想像吓比四百幾蚊去食德興火鍋，你覺得會唔會值？服務態度又唔好，冇人收碟，張枱都唔夠位擺，都唔知佢憑乜收人四百幾蚊
繼續閱讀
我哋嗌咗麻海鮮盛宴（$368）呢個套餐就包括咗一份時令刺身拼盤、豪華動L時令海鮮拼盤其他嘢就可以任飲任食（包括三文魚刺身）雞煲可以5選1 + 湯底可以8選1我哋就揀咗要香濃椰子雞煲/蕃茄豬骨湯我想講佢哋嘅雞煲同埋湯底都真係好濃郁😍😍（椰子雞煲應該係我食過最濃嘅椰子雞煲）飲落去真係超香椰子味🥥呢個湯配娃娃菜簡直一流同埋佢哋嘅雞肉食落去都好嫩滑😋😋蕃茄湯飲落去都好甜咁之後就講吓佢哋嘅肉類/海鮮啦美國精選肥牛食落去紋路都幾唔錯😚😚頂級牛版腱食落去嘅牛肉味比較濃郁美國黑豚肉食落去比較爽口😘😘黑豚豬腩肉就比較乾身全部海鮮食落去都好新鮮🥳🥳我自己就最鍾意帆立貝同埋鮑魚因為食落去真係好煙韌咁之後就講吓其他配料啦不得不提嘅一定係我最鍾意嘅三文魚刺身‼️‼️食落好新鮮之餘亦都好厚肉（我好似Encore咗三四碟🤣🤣）除此之外佢有啲炸物亦都係新鮮滾熱辣炸起嘅😉😉所以食落去真係好酥脆我自己最鍾意食嗰個因為嗰個一咬落去就爆曬啲漿出嚟
繼續閱讀
「麻甩爐」在大埔重開了！餐廳改用了放題套餐。新推3款主題任食（海鮮/和牛/烤魚），今次點了「牛肉盛宴」套餐（$328/位），由雞煲食到火鍋，重點係有A5豐後牛🐮登場！ 🔥 頭盤：椰子雞煲暖胃必飲揀咗椰子雞煲，雞件嫩滑無雪味，湯底清甜到連飲3碗！🥩 重頭戲：7款頂級牛肉拼盤（每款1輪）▶️ A5豐後牛：油花靚到發光！入口即溶牛油香 ▶️ 封門柳：厚切有嚼勁，牛味濃郁▶️ 安格斯牛頸脊：肥瘦均勻，涮5秒最正 🍲 養生火鍋：金華火腿冬瓜翅鍋原個冬瓜挖空釀滿素翅、火腿同紅棗，湯底越煲越甜，仲可以有冬瓜肉食～ 🍤 任食區重點推介✅ 無限追加肉類：美國肥牛、黑豚肉、黑豬片 追加嘅肥牛都唔錯，性價比依然高！ ✅ 炸物：章魚小丸子、香酥單骨雞翼、荔枝型蝦球等✅ 自助配料區：手打丸、鴨血、響鈴、蔬菜等✅ 飲品：啤酒/清酒/汽水任飲✅ 甜品：經典甜筒+韓國雪條.【麻甩爐海鮮雞煲私房菜】📌大埔舊墟直街4-20號美新大廈地下A2號舖
繼續閱讀
出面食雞煲火鍋通常都係得兩個鐘左右就要走人，每次都食到趕頭趕命，最近朋友就帶咗我嚟呢間火鍋雞煲，呢度有三個小時食，時間可以食得鬆動少少。餐廳環境幾寬敞，店內有 CCTV 俾客人睇到店外情況，泊車都安心啲，飲品雪櫃雖然得三格，但係種類都唔少，而且啤酒仲可以任飲。餐牌提供海鮮、牛肉、烤魚三款套餐，自己係海鮮控當然食痛風餐，打邊爐之前就要揀咗雞煲先，雞煲有五種味道選擇，我哋揀咗招牌麻甩味。每個套餐都會送嘅刺身拼盤，三文魚可以無限量添食。雞煲打開蓋後香味即刻湧晒出嚟，味道唔算太辣不過幾惹味，而且雞嘅份量都唔少。食完雞煲就到揀湯底，湯底有八種味道，揀咗出面比較少見到嘅蜆湯底，先食完蜆肉再加火鍋湯。海鮮套餐嘅一次性拼盤有扇貝、鮑魚、花甲、蜆同蝦，蝦同蜆之後都可以任叫。套餐提供二款牛肉，肥牛雪花紋幾靚有牛味。
繼續閱讀