麻王 (已結業)

炮台山分店剛開舖時，友人極力推薦銅鑼灣舖頭「平、靚、正」。及後我吃過好多次水煮牛、酸菜魚、自選5餸，價錢便宜、合理，雖則肉量不多，但勝在蔬菜非常足料，娃娃菜清甜，蓮藕、萵荀爽脆！（我不是食肉獸，覺得份量剛好）小小廚房若說能煮得出川菜風味，也實在難以置信吧！不強求十分出色，只盼每次都滿足一下辣味cravings，已經十分滿意！比起這些主菜，其實我更鍾清於涼拌萵荀，妹妹更喜歡麻辣蜂巢豆腐。從前每次落單一定會跟小食，或者隔三岔五又會想念涼拌萵荀的爽脆清甜、酸酸辣辣清新開胃的時候特地去買來加餸。可惜最近幾次都大失所望，要不切片太薄，失去口感，就是味道控制失衡—太咸或太酸。這次更為過份，竟是連冰塊一起上菜。（後來看到有別的人分享過照片才知道不是第一次有這樣的情況😔）涼拌小菜是煮工相對簡單、要求較低的菜色，最重要的是食材處理，要新鮮、有口感。但如圖可見，萵筍完全凍壞了，而且刀工實在不敢恭維。🤦🏻‍♀️ 切片切條切粒不一，廚師必定是個熱愛自由的人，小小廚房實在把他給困壞了。😮‍💨而且麻辣蜂巢豆腐不麻不辣，只有花椒粉的苦澀。😔😔說實話，上菜時，店員不可能不先檢查食物質素吧！而若明知如此，都照樣給客人，真

隔離期間點了麻王家的外賣，包裝正常沒有洒漏紅油抄手和米線里加的雲吞好好味，蝦很Q彈大顆，吃不夠米線點了小麻但還是好麻，麻到我了，所以吃的時候體驗沒有特別好，下次乾脆走麻好了

夜晚係炮台山區搵食, 原來經openrice搵倒麻王, 一個咁霸氣既名, 應該都無死卦.去到門口, 居然係無堂食位, 右手邊有2張櫈既, 不過咁樣坐, 好似有D尷尬. 所以決定揀外賣, 中途都有4-5台外賣客自取, 都唔見有人揀堂食.見倒牆上面貼左廣告, 應該係招牌菜啦, 仲發現原來銅鑼灣同灣仔都有分店, 可能個邊分行有堂食位呢.店員煮好酸菜魚, 跟住話我知白飯未煮好, 係咁肚餓既情況下, 唯有轉粗薯粉先. 雖然第一次試, 係唔怕辣既情況下, 叫個大辣試下.面頭雖然好多辣椒, 但係完全無辣味, 真係只能叫佢做, 只有酸味的酸菜魚, 令人非常失望, 真係揹得起麻王哩個名號?魚片係用石班, 所以唔及其他用剝皮魚或者鱸魚既舖頭咁滑.下面好多配菜, 娃娃菜, 蓮耦, 竹枝等...但真係好多...薯粉都算滑既, 但係索唔倒D湯既味道, 整體都令人強差人意.

翻翻下工心血來潮想食下啲辣野，聽朋友講天后有一間好好食嘅四川菜餐廳，同埋佢d酸菜魚好出名，咁就當然要慕名而來啦🤗🤗黎到都門口已經聞到好勁既香料味，今次叫左一碗酸菜魚飯（$68）外賣，返到屋企一開蓋已經聞到酸菜香味，魚塊嘅份量唔多，但湯底都算夠酸夠麻，但完全唔辣，唔同平時食開嘅酸菜魚嘅辣度，以$68既價錢都算幾唔錯咁啦，可以一試再試既😘😘

想試水煮蜆但售罄點了酸菜魚湯很油，不太麻，少辣魚還可以，份量不多墊底是大量黃芽白，一點海帶，一點芽菜酸菜魚的重點是湯底這個湯就是咸+油酸，麻，辣都難以察覺未算難食但有愧酸菜魚之名不值$68

酸菜魚，魚咸配菜生。抄手皮厚汁水汪汪，其他豆腐小食都是水汪汪，套餐白飯，飯很差似隔夜。 外賣還漏單。 轉行吧！同區有一間相似對手叫川亭，真的是5星，真心推介。只是這次太太說見它自稱麻“王”就試試。出事了！跟川亭比是天與地。 大家小心。

喺炮台山覓食，心中辣癮起，好想食辣野，見到有間麻辣野，就即刻試下先🤪✔️水煮蜆 (HK$72) 🌶 擺盤一睇就知有心機，好多蜆鋪滿在面。粒粒蜆肉新鮮鮮甜，目測有十幾廿隻，好扺食。而中煮蜆中更有大量素菜🥬，例如娃娃菜，蓮藕，萵筍，海帶絲，木耳等。水煮蜆配有有一碗白飯，豐富既晚餐。✔️自選三餸加粉麵 (HK$42) 🍜魚腐，台式豆卜，萵筍配紅薯幼粉。豆卜索晒麻辣湯汁，十分惹味！麻辣湯底叫了中辣，又麻又香，辣得過癮。✔️涼拌海帶絲 (HK$26)😋海帶絲較硬身有口感，爽脆既口感而且味道酸酸辣辣，作為開胃菜最適合不過。✔️麻辣鴨血 (HK$28)🐥麻辣鴨血份量頗多，鴨血滑溜溜，唔會一夾就散，口感細膩爽滑，配上麻辣醬汁，一食上癮。

我和朋友甚喜歡光顧麻王，麻王有不少四川家常菜，道地美食供應，讓我們一口接一口。尤其是它的水煮系列，雖然鮮紅色的湯頭看起來有些可怕，但不得不說水煮系列真的味美，吃貨們不能錯過，而且在麻王不用花大錢就可品嚐到飽足的一餐。紅油抄手愛好者的我，每次去川菜店幾乎都會點來吃。紅油抄手的抄手皮薄滑，肉餡飽滿，咬下去紮實緊緻，一口紅油抄手，一口湯麵，彼此搭配和諧。水煮蜆一上桌，艷紅色的辣椒衝擊著感官，同時麻辣嗆香直搗鼻腔，光看跟聞已讓我們口水直流。水煮蜆份量給得不手軟，蜆肉極之肥美鮮嫩，飽含肉汁，水煮蜆裡頭還有娃娃菜，蓮藕等這些菜蔬，吸飽湯汁，辣中帶蔬菜的甜美，配白飯吃就對了。吃香喝辣的同時，不少得預備一杯豆漿補充營養，輕鬆解辣。每一口豆漿均可嚐出濃郁的黃豆香，順滑無比不死甜，冰涼舒暢。口水雞黃澄澄的雞皮雞肉浸泡在紅通通的醬汁中，塗上一層秀色可餐的紅油，口水雞辣麻鹹酸滋味縱橫交錯，雞肉細嫩，好不涮嘴，不用三兩下整碗口水雞已被搶食一空。四餸麵我們分別選了魚腐，墨魚丸，蜂巢豆腐肥牛配紅薯粗粉，嚐辣者能一次過嚐到辣勁和蒜蓉所點綴的芳香，紅薯粗粉晶瑩滑溜，即使原本沒甚麼胃口，都會被那股香辣挑起食慾，十分過癮。

平時都有買開麻王當晚餐，但係今次真係食到好嬲囉我晚上8:15打電話落單，叫左酸菜雞配飯x1, 蔥油雞飯x1. 佢地叫我10-15分鐘黎拎，我同朋友就8:30去到比錢，叫我地等等。個陣有位客人都錯係到等，旁邊有一個汁好左嘅外賣。等到8:40都未出，咁我行左去問，我地落左單好耐都未有，想問問幾時有，佢check單號話一早出左，再拎「汁好左個個外賣」比我，仲話我地行開左，佢有叫號，我地聽唔到？！ 我都呆鬼左，直接話我地企左係到邊有行開，佢就堅持 仲話係岩岩出。我都算數，睇睇野食齊唔齊，2個飯冇左，得一對筷子。大佬其實咁樣做生意，好唔好食都擺啦。你地連汁野食都可以汁流單 仲講大話老點客人，真心唔會想撐囉！野食味道係唔錯，不過服務咁樣嘅話，sorry囉

📍 【麻辣川菜🌶】唔知有冇人同我一樣咁鍾意食川菜同食辣呢😋 呢間位於炮台山既川菜小店都幾多唔同款式既小食提供，而且價錢都幾抵食🤓 如果同fd子gathering，買黎做外賣都幾正🥰水煮蜆 💰$72份量十分之多🥸 啲蜆冇沙又鮮甜！記得食之前要撈底 ‼️ 個底下面超多配菜，有蓮藕，海帶，娃娃菜etc。佢個湯底仲要超惹味超好食！就算飲咗啲湯之後都唔會覺得口渴😋 重點係價錢十分親民！出面食呢啲麻辣海鮮至少都要過百起跳，呢到一百蚊都唔洗就有了🥸口水雞 🐥💰$32呢個我覺得都嗌得過。雖然佢味道偏酸，但啱曬我呢啲重口味人士😂🤣 而且啲雞肉幾嫩滑，japjapjap🤓🤓紅油炒手 💰$30 6 粒幾夠鮮蝦味，啖啖肉😋 鍾意食炒手嘅，呢個應該都會幾啱😳另外佢仲有自選配料粉麵 三餸麵同四餸麵都係分別$42同$45，買黎做lunch又好dinner又好都相當抵食🙈整體呢度啲嘢食重口味得黎又唔會覺得好口乾，無重味精。而且店員們都很nice😚 推廣大家幫襯小店🥸👍🏻📍INFO評分🚥: 9/10價錢: 人均$50-80地址📍: 麻王 (天后)天后炮台山宏安道2-12號宏輝大廈地下6號舖

今晚係附近做完野又落雨, 所以就打算係E頭睇下有咩食! 見到E間食麻辣野🌶嘅小店好似幾抵食咁, 於是就入去試下!😆🌟麻辣魚蛋（5粒）魚蛋口感彈牙, 就咁食都夠辣, 拎嚟沾下水煮湯亦不錯!🌟手拍青瓜👏🏻🥒非常足料, 上面鋪滿辣椒, 青瓜口感爽脆多汁, 幾開胃🌟四餸加麵底(BB辣)E到嘅餸好多選擇, 亦可以揀淨餸, 最後我地揀左肥牛, 娃娃菜, 海帶, 蟹柳配薯粉, 餸同薯粉一樣惹味好吸湯!🌟招牌水煮蜆配飯水煮蜆勁大碗, 辣度幾夠🔥, 蜆大約有十幾粒, 隻隻都開哂口有蜆肉, 底層鋪有大量海帶絲, 娃娃菜, 芽菜, 腐皮同蓮藕片, 十分豐富!

去探完朋友，我地就落左黎買野食朋友要左新出既水煮大蜆轉配紅薯粗粉，而我就要左粉麵餐既淨餸，另外要左兩款小食一齊share其中一款小食，我地要左紅油抄手一份有六顆，每粒都皮薄多料，加上麻香味重，令人食得過癮！！！另一款小食就要左口水雞質素亦不錯，雞肉嫩而爽，加上辣度不輕，是很刺激的開胃菜朋友既水煮大蜆係超重量級！！！！表面佈滿大蜆，下層更有旺菜、芽菜、海帶絲同蓮藕等配菜呢再配上煙韌有咬口既薯粉，正而我揀既淨餸可揀六款食材，因為怕食太多辣會頂唔住，所以要左唔辣既豬骨湯底雖然湯底唔辣，但好重蒜香，好惹味白蘿蔔清甜無渣羊肉同肥牛都唔錯，有肉香之餘唔太肥最後飲埋可樂，爽！！！！

無辣不歡既我, 之前經過CWB已經留意到依間麻王, 上次拎左佢張MENU睇後都就唔岩時間去食, LUNCH TIME過去又遠左D, 然後今日竟然比我發現佢係天后開左新店!! 今日做完野LUNCHTIME過條街就係啦, 即刻過去一試~~依度主打麵餐, 水煮同酸菜菜式, 價錢都幾貼地, 4餸麵都只係$45, 仲有好多配料同小食揀。水煮蜆配烏冬話明無辣不歡, 水煮一定係第一個吸引到我, 面頭鋪滿蜆, 再灑上爆香左既辣椒同蔥花, 賣相幾靚仔! 蜆肉雖然唔大粒, 但係浸滿水煮湯, 入口香麻惹味, 食埋粒辣椒粒仲香口! 辣度對於我黎講係BB辣, 下次會揀再辣D, 但佢既麻香確實做得唔錯, 係好味架! 蜆下面係滿滿既菜底, 我所講既滿滿係真係好多, 食極都有, 食下食下又有D蓮藕, 又幾爽脆! D菜索哂水煮湯變得好惹味, 幾中意佢唔會辣到哽喉個種。鳥冬係另上, 而我就梗係要食盡佢既精華, 倒埋入水煮湯度食啦 涼拌萵荀萵荀好嫩, 涼拌汁好濃郁好香, 而且醋味突出, 用黎撈乜都好食! 我仲將d蓮藕放左落去撈, 一樣咁好味!豆漿本身問店員有冇無糖豆漿, 不過餐廳得一種, 好彩飲落都係豆味重過甜味, 唔會太

鍾意食辣既朋友有福了，麻王暫時係我食過麻辣當中既王者，基本上都係無對手，緊係啦…對手係我自己到呀麻，嘿！📌招 牌 水 煮 系 列 - ▪ 水 煮 蜆 飯 - $72▫ 先黎個水煮蜆先，淨係賣相睇落蜆既份量唔錯，每隻都夠肥美；入口反而無想像中咁辣，反而麻香夠突出；蜆肉口感非常煙韌，配上白飯一定係最好不過！📌四 餸 粉 面 - $45▪ 雲 吞 -▪ 肥 牛 - ▪ 雲 耳 - ▪ 墨魚丸 -▫ 揀四餸麵既過程真係幾痛苦，事關佢地配料既選擇係超多，對於選擇困難症既我最後揀左雲吞、肥牛、雲耳、墨丸配上薯粉。要讚既薯粉滑得黎又夠咬口；而且湯底辣辣地，份外惹味又開胃，非常滿足。📌熱 門 小 食 - ▪ 麻 辣 鴨 血 - $28▪ 紅 油 抄 手 - $30▫ 小食亦係重點推介之一，前者鴨血嫩滑爽彈，咬落紮實得黎唔會好易夾散，又夠入味，唔錯；後者紅油抄手掛湯力十足，食落辣中帶甜，加上每隻抄手夠哂大隻，食到啖啖餡料非常滋味。

之前上網見到炮台山嗰邊新開咗間麻辣嘢，今日難得嚟到呢邊就去試吓先。近排天氣又熱返，飲返罐可樂嘆吓先。麻辣鴨血雖然望落好多辣粉，但食落其實唔算好辣。鴨血厚切，食落好嫩滑有口感。紅油抄手辣味夠重，食落好刺激，中間餡料十足，咬落好爽口。水煮蜆鋪滿成隻碗份量十足，味道好鮮甜。粗紅薯粉比較厚身，食落有點黏口，仲好煙韌有口感。另外有啲類似車仔麵方式嘅粉麵，今次我哋揀咗三餸配一幼紅薯粉。白蘿蔔用湯煲過，食落好清甜。雲吞餡係用鮮蝦整，咬落爽口彈牙。鴨血依然都係嫩滑好juicy。