麻吉灶咖

營業中

休息中

開心果愛好者🙋🏻‍♀️見到新推出做緊 春日狂歡開心果祭（強調非廣告）有開心果墨魚餅、開心果醬蛋餅、開心果鮮奶、開心果雪糕麻薯。其實開心果產品得4款，不過主打台食，有其他款蛋餅、牛肉麵、芋圓甜品、刈包、台式麵線等等🙆🏻‍♀️本身想去牧羊少年咖啡館食返個holiday brunch，點知見到隔離鋪招牌好吸引😍👓開心果醬芋泥肉鬆芝士蛋餅 $88價錢唔平嘅蛋餅究竟值唔值得呢？我覺得值得一試，好fusion但好食，屬於精緻。面頭係開心果醬+ 開心果碎，老實講唔太明顯開心果果仁味 反而就甘聞已經好香濃炙燒咪，食落有驚喜 似炙燒芝士壽司，餡料豐富 有生菜絲、芋泥肉鬆、芝士，餅皮薄唔粉漿，口感豐富👍🏻👓開心果鮮奶 $46+$3可升級開心果奶蓋有開心果醬+ 開心果碎，唔算太甜，不過主要係飲到鮮奶味😂其實係好難做到濃郁嘅果仁味，但如果係開心果愛好者應該會失望👓鹵肉酸菜刈包 $52刈包係台灣小吃之一，將發酵的麵餅蒸熟再夾入炕肉、酸菜、芫荽花生粉等。餅皮鬆軟，鹵五花肉唔算太油膩，不過略嫌醬汁整體上唔夠惹味，比起台灣當地刈包仲爭少少，但其實唔差的，香港亦比較少機會食！

K-11 商場行過見到呢間台灣菜~心思思就同朋友去食啦😄餐廳有個2人set，其實計落同單點差不多，不過勝在多左個前菜+甜品+飲品啦😂前菜揀左台灣腸+墨魚台灣腸，腸仔夾埋蒜片食好味道。之後再點左芋泥肉鬆蛋餅，芋泥比個醬味蓋過了，入面仲夾左生菜，可以減去油膩感。然後點左個麻吉臭臭鍋(中辣)，個湯底好正！我同朋友都覺得應該要配粉絲/麵去索曬D汁。跟餐無包麵啊🙈如果要加麵就只有刀削麵可以加(+$38)，另外我地都貪臭臭鍋入面每樣配料都有D (肥牛大腸鴨血丸類菜)，可以過下口癮。仲有個甜品係芒果麻糬+豆乳雪糕~食落都Ok飲品點左蜜桃沙芝士奶蓋&草莓沙芝士奶蓋，好飲，奶蓋咸咸地好正。一個set滿足幾個願望，食到勁飽！

朋友話想試好耐，捉埋我一齊試下，台灣野實冇衰，咪試下囉嗌左個最穩陣嘅滷肉飯，食得台灣野，有大甲芋頭嘅野飲，又點可以錯過呢滷肉同個飯嘅分量啱啱好，穩陣嘅選擇，個味道ok最出色係個豬大腸，個餐要等咁耐，都應該係咁，個面好香脆，食落又唔會有臭味，食落又唔會成口肥膏，超級推薦，等咁耐都係值嫁d前菜雖然係跟餐，但係個蓮藕好好食，可惜太少熱嘅大甲芋頭甜度適中，好好飲下次去開尖沙咀一定要再睇食佢個豬大腸，真係食一次就會上癮🤤

首先訂咗枱去到都仲要等十幾分鐘，個店員仲講埋歪理：話咩訂咗枱都唔等如來到就有枱架，只係有枱嘅話優先入座咁解⋯聽到眼都突埋，唔好話你其實冇留枱俾訂咗枱嘅客而係咁俾walk-in客入座！咁點解我要嘥時間提前訂座？嗌左新品開心果雪糕麻糬，點知落左單遲遲未上枱，上到枱竟然拎左第二樣嘢嚟—有似擦紙膠嘅芒果豆乳雪糕麻糬⋯而嚟錯嘅甜品賣相同餐牌張圖都差九丈遠！店內通風不足，食完飯成身尤其頭髮成陣油煙味！好差去過三次，一次比一次差，冇下次了永不光顧！

本身諗住食下午茶經過沿途嘅餐廳都排隊諗住食少少嘢就去咗呢一間，冇人排隊絕對有原因我同屋企人兩個坐低先，第三個人未嚟，行入去見到佢哋嘅侍應着杏色T恤，所以同路人差唔多根本認唔到，其中一位男侍應叫我等一等安排一張枱俾我，好快就有一張大枱應該可以坐到六至八個人去到張枱仲未清潔好都唔緊要，俾咗一本Menu，隔咗陣帶位各位男士幫我哋落咗兩個餐先，然後就冇人理我哋啦🤣第三位家人到咗我哋想叫一個甜品，一舉手見到個中年女侍應行過，佢望住我然後走過，來回咗兩次，我問可唔可以幫我落單，呢位中年侍應轉身大叫其他同事幫佢落單。之後有位四眼嘅男仔過嚟，行咗一半佢轉身返去攞部卡機去我後邊張枱埋單，都唔緊要。我再舉手，後邊有個女仔過嚟幫我加單，同佢講想加個甜品，佢好有時問我係唔係即刻上我話係唔使等，之後就冇之後。我哋食完嘢個甜品都未到，搵返頭先嗰位女仔幫我跟一跟，我哋叫佢，佢仲好開心同隔籬個同事傾偈，之後好輕盈咁樣跳過嚟，好天真咁樣望住我。我問佢個甜品大概幾時嚟佢去吧枱望一望，再同我講唔好意思我唔記得咗落單。我真係瞬間爆發呢間乜嘢垃圾餐廳？大腸米線米線個湯比較鹹唔建議刈包入邊嗰嚿鹽酥雞同埋Menu嘅size大概一半

係K11art mall見到間新開幾個月嘅台灣菜餐廳門面幾吸引，即管入去試試。服務員安排卡位梳化坐得好舒適，先黎杯手打鳳梨檸檬茶醒醒神，唔會太甜有鳳梨香味幾好飲。蛋餅佢都有唔少選擇，軟殼蟹肉鬆蛋餅有大大隻炸軟殼蟹，加埋肉鬆同醬汁，令人非常滿足麻辣鴨血夠麻，可以再辣少少，但都唔錯。半筋半肉麵湯底好濃，牛肉好彈牙夠腍，牛筋麵都好入味，個人喜好再腍啲更好。後加左小食墨汁鹽酥雞配三文魚籽同蛋醬，幾新奇有趣嘅配搭，比想像中好

5pm經過呢間餐廳，當時約左朋友就黎要去食晚飯，但係又覺得好肚餓。經過見到呢間有開心果奶蓋牛奶，問服務員一位坐低飲杯野得唔得，男服務員幾有禮貌，好歡迎咁話可以。杯野飲好得，奶蓋好多，好咸香又甜甜地。飲到一半，都仲係好肚餓，忍唔住叫左個小食，蘿蔔絲拉餅。唔錯！幾好食！係我飲晒杯野，又叫左小食，當想叫佢比杯水我時，男服務員已經主動比左杯水我🥰服務好，環境好，台灣歌好聽😆好快會再正式幫襯食dinner👍🏻

收藏了至少半年的一家店，終於去了，選了一個臭豆腐，味道真的不錯，豆腐乾乾辣辣的，吸滿湯汁。另外芋頭肉鬆蛋餅不甜不膩很好吃。麻婆豆腐軟殼蟹撈麵味道也還可以，不過價格略高，差的是奶茶和檸檬茶！都非常普通

做完嘢去食晏，咁啱經過K11呢間台灣菜好吸引，咁啱佢另外賣有八五折優惠，諗住買個外賣返公司食。本身諗住嗌set lunch食，不過見到佢哋有新款，係開心果Menu ！於是就叫咗個包同埋杯嘢飲特製墨汁鹽酥雞刈包佢係即叫即整嘅，大約等咗10分鐘到，一打開望落去有少少失望，因為比較細，不過味道幾OK ！佢個醬係好惹味嘅辣汁，雖然令到返公司有一段時間，但係都仲保持到鹽酥雞個脆度，值得一讚！開心果鮮奶加奶蓋我真係好鍾意開心果，所以一見到就即刻想嗌！以餐廳嚟講呢杯嘢飲唔算貴，而且都算幾濃開心果味，而且奶蓋都算濃郁，不過個開心果糖漿有少少甜，略為減咗少少分。價錢嚟講係有啲偏貴，不過而家咁貴租都預咗，雖然佢啲嘢食幾啱我心水，但係如果冇外賣八五折可能唔會優先考慮呢間。不過值得一讚嘅係店員知道我響度等我刈包，會先俾咗杯嘢飲俾我慢慢飲住等，算係幾細心。

去商場行街行到攰，有陣時都真係好想搵一個地方飲杯嘢同埋食少少嘢。呢間台式餐廳裝修新淨、環境舒適，平日下午茶時間人流不多，仲有下午茶餐。下午茶餐唔算便宜，但係份量十足，有一般嘅台式食品。當日揀咗芋頭肉鬆蛋餅配飲品。蛋捲裏邊除咗有肉鬆同埋芋泥之外，亦加入一些蔬菜增加口感，芋泥軟滑，唔會過甜。肉鬆份量適中，蛋捲嘅蛋皮富有彈性，夾起蛋卷上嚟唔會太過鬆散唔易難。飲品揀咗鳳梨綠茶飲品，揀咗少甜，就係一般台式飲品嘅味道。

有幸安排小包廂座位，位置寬敞而隱蔽。 (1) 鹽酥雞芝士蛋餅鹽酥雞、蛋餅，都是台灣的熱門小吃。餡料有芝士、肉鬆、沙律菜及沙律醬，整體味道非常「夜市」，唯芝士沒有拉絲口感。 (2) 小砂鍋三杯雞有一小段時間，火力仍在蔓延。雞腿肉的油脂依然與麻油、紅蔥、九層塔等材料燘煮。 (3) 紅燒牛肉麵（半筋半肉）(4) 麻吉芋圓愛玉配自製黑糖汁底部有一個矮半圓柱體的芋頭蓉，不算十分綿滑，是有顆粒感的質感；頂部則有一球奶油色的雲呢嗱雪糕球。圍繞著主體的兩側，分別有：雙色芋圓、愛玉、紅豆蓉、珍珠，以及鳳梨肉。當中愛玉帶酸的清新香甜，是整道甜品比較出彩的地方。 有些話不急，可以慢慢說。有些肉易冷，必須立刻吃。（不知為何食物很快變涼，會令原本的味道打了折扣。

Lunch time呢間都幾多人排，我地拎飛大約等咗15分鐘。午市套餐選擇都幾多，跟餐都配前菜同特定飲品一杯。我地叫咗一碗牛肉麵，一個拌麵，一份蘿蔔絲拉餅，另外加錢叫咗杯檸檬愛玉冬瓜茶。紅燒台灣風味半筋半肉麵牛肉好淋，麵亦都好煙韌，份量黎講都有3大舊肉同埋3舊筋，配菜有蘿蔔同酸菜外，亦都有好少可係牛肉麵出現嘅蟲草花。香蔥脆皮豬大腸配麻婆豆腐拌麵脆皮豬大腸好好食，外皮炸到啱啱好脆卜卜，面頭有足夠嘅調味。麻婆豆腐就正正常常，都夠撈飯食。千層蘿蔔絲拉餅呢但就有少少失望，食落有啲似普通薄餅中間夾住啲菜脯，食唔出有好多蘿蔔絲同埋冇乜味。雖然唔係好平，但Lunch套餐都算係咁，選擇種類都算多，見隔離枱啱啲鍋都好吸引。但有朋友食過佢晚市嘅麻吉鍋話麻麻地，所以如果想試呢間嘅，揀lunch/下午茶黎食啦，以係商場嘅台灣菜，呢間都ok。

Weekday 的lunch time來到，我們一行四人要等位，很欣賞店員會叫我們在等位時先看餐牌，先落單，可以更快上餐！同事是常客，推介鹽酥雞，套餐的組合是配肉燥飯，賣相不錯，味道也屬中上水平。另一推介是墨魚餅，黑色的墨魚餅應該是加了墨汁吧，交換了一件來吃，爽口彈牙。除了肉燥飯，麻婆豆腐飯也很好味。除此之外，附上的台式漬物也很很好味，只是略嫌份量太少。值得推介的是這裡的店員勁有禮和細心，禮貌地和我們對單，上餐時又小心翼翼，讚！

打卡一流，環境裝修小清新🍀台式餐廳📌由尖沙咀D出口直達就見到一間亮麗嘅台式餐廳，以輕食及牛肉麵為主。午市套餐$82起💓以紅燒牛肉麵最吸引，有半筋或半肉選擇，根據個人喜好揀埋紅燒及麻辣湯底。隨餐附上鳳梨及香橙綠茶一杯。另外再單點一個麻辣臭豆腐，香氣撲鼻，用上蜂巢豆腐盡吸湯汁，入口就感受到臭豆腐味道🫰🏻但唯一不足之處係唔夠麻辣🌶️🌶️蚵仔煎不得不叫，不論醬汁及味道，還原台灣正宗味🇹🇼大愛😘對於心思思想食蚵仔煎，係一個唔錯嘅選擇！每人平均消費$100，尖沙咀嚟講差唔多。服務都幾體貼，侍應都會問客人對食物意見，又對我哋要求有求必應👏🏻值得一讚😁

所有的服務員都很有禮貌，主動和我們聊一下。食物可以看照片，我們覺得味道不算好吃。蚵仔煎 4/5魷魚筒 1/5 (因為成條青瓜在裡面，用來蹭起條魷魚筒，但係兩者味道唔夾)麵線 1/5(好鹹，只有醬油味道，無台灣麵線應有的香味)劉包 3/5 這個的豬肉味道可以，不過張紙stuck係和包上下兩面，拔下來就唔咗一大部分的包面。蛋卷 2/5 來到唔係好熱，裡面三文魚是生的，但是菜單上沒有注明。味道淡，食唔到蛋香。環境乾淨舒適，晚上8.15坐低，9.15截單，之後都無趕我哋。可以慢慢食。