麺屋武蔵 (已結業)

因為想去LCX 睇菇菇, 所以搵到附近有呢間日本拉麵去試試.因為配合LCX 個菇菇展, 佢都推左個菇菇餐. 就係香濃野菌豚骨湯拉麵麵都唔錯, 唔太硬唔太淋. 流心蛋夠流心, 上面仲有菇菇 LOGO, 除左雜菇, 仲有D 肉粒, 都幾入味. 配既白菌燒雞沙律, 容器就好得意, 不過個雞就麻麻地, 好凍同好硬. D沙律菜都幾FRESH, 不過就少左D.成個餐$125, 連飲品(未連加一). 都幾貴.因為叫左另一個黑蒜油叉燒拉麵都只係 $78 (無影到相). 其實都係貪得意叫菇菇SET, 黑蒜油個湯底係好食D.同埋如果要俾多$47 係因為個個沙律同可樂, 係真心貴.

方吉主題的拉麵，賣相可愛吸引。方吉杯放滿沙律，單是賣相已加分。沙律尚算新鮮，配燒雞也不錯。拉面有少許叉燒粒，很入味。方吉雞蛋是流心蛋，口感一流。拉麵配不同型菇，也不錯吃。可惜湯底較差，與一風堂或較出名的拉麵湯底實在差太遠。面質亦麻麻，令整個拉麵大打折扣。雖然方吉造型很可愛，但論質素與價錢則不成正比。

兩個人的午餐, 今日黎到海港城, 就試下呢間未食過嘅麵屋武藏 虎洞. 麵屋武藏喺香港有好多間分店, 但虎洞就只有一間, 唔知係唔係特別好食呢?呢個就係我同朋友發覺個名好搞笑, 所以就叫左嘅爆炸男爵沙律. 上面有好多脆卜卜嘅炸漿碎, 加埋溫泉蛋同爽脆多汁嘅青瓜絲, 唔同口感加埋一齊, 好清新!我叫左豚角煮黑武骨, 姐係黑蒜油豬骨湯底, 比平時嘅豬骨湯底更加香濃. 唔會杰,但就好油, 唔係個個都鍾意, 我就覺得冇問題喇! 呢度用上粗身嘅麵條, 食落陣牙, 掛汁力都唔差. 豚角煮其實有啲似台灣嘅爌肉, 煮得好腍, 啲肉用筷子輕輕一夾就會鬆開, 亦都鹵得夠味, 好食! 溏心蛋就煮得稍為耐左啲喇, 蛋黃唔係太流質, 但食味都係唔錯的.朋友叫了叉燒白武骨,湯頭果然比較溫和, 但仍然有好香嘅豬骨味. 叉燒厚度及肥瘦度適中, 亦都煮得十分軟腍, 夠入味.都好耐冇食過一碗口味咁岩我心水嘅拉麵, 所以飲晒啲湯對廚師表示敬意~ 會再黎的

近期「方吉菇菇Mushroom Garden」真係愈黎愈紅喇!! 最近常在手機遊戲上看到它，Circle K的產品熱潮也湧到黎，就連海港城LCX內的麵屋武藏都推出左拉麵主題套餐。其實小妹並不是菇菇的粉絲，但也不禁被其盞鬼的造型和表情所吸引，所以便相約了滿喜歡菇菇的朋友下班後一同去試試嚕!!(LCX x Mushroom Garden主題套餐只供應至31/8/2014)大熱天時，從尖東行去海港城真係大汗疊細汗認真攞命，幾經辛苦終於到達啦! 而且LCX內同樣也佈滿了很多菇菇的縱影，真的係菇迷必去呀!!第一次光顧麵屋武藏想不到係為左菇菇而來! 6點幾來到不用等位真好。店門外也有放廣告牌和菇菇的紙牌呢，好可愛!.其實店內是沒有菇菇的佈置的，有點失色。.但如果你叫菇菇拉麵套餐，店員會給你一張橙色的菇菇墊檯紙，喜歡的可以靜靜的拿來收藏啊。.循例也會影一影這裡有什麼食，像二人餐，散叫拉麵和小食也有，價錢不貴。.與D小姐各叫了一個套餐，包了一碗香濃野菌豚骨湯拉麵、白菌燒雞沙律、凍抹茶鮮奶/鮮奶咖啡，盛惠$125 (另需加一)。.先來杯凍抹茶鮮奶，味道不過不失，抹茶味不太濃就是。.很快，整個套餐便上桌了

菇菇真係勁可愛呀。呢度搞菇主題拉面，一定要一個set咁叫，都幾貴，拉面略硬，不過都彈牙，掛湯能力都足夠，湯底夠濃，菇味ok,最大塊的最吸湯，沙律只有兩塊雞，都ok，不過吾算好雞味,飲品唔錯。流心蛋有足足一隻，烘菇個到比較hai ,流心程度ok.不過朋友叫左"黑"話湯底較淡

老實說我個人不太熱愛吃拉麵但這個拉麵實在是忍不住想要試試看，是我最愛的菇菇！店就在海港城LCX內，「方吉菇菇拉麵餐」價錢$125(有加一服務費的)已包一杯凍鮮奶Latter/凍綠茶latte，雞肉沙律跟一碗菇菇拉麵餐紙也找得到方吉菇！menu選項方吉菇菇拉麵裡面有三款菇,本菇,秀珍菇跟雞脾菇，跟少許豬肉粒湯頭看似厚重，入口卻沒有任何油膩感，而且湯頭味道蠻濃郁的，我蠻喜歡的！還有造型滿分的流心蛋一隻麵條軟硬適中充滿Q彈性可愛的杯子是用來裝著燒雞沙律很可愛。很可愛！！！雞肉很滑嫩，帶點胡椒味沙律汁也蠻清爽的，很不錯跟餐的鮮奶latter就比較普通咖啡味欠奉這個套餐不包這個杯子喔，問過服務生也沒辦法加錢買只有在商場內滿費滿$2000才能夠得到！這個菇菇拉麵是期間限定的，只賣到8月31號不是菇菇粉絲的朋友們也可以來試試看！

首次食呢間野 ! 好靚既海景! 拉麵幾彈牙! 我食黑湯豚角+赤湯豚肉+炸雞(汁幾特別有wasabi)! 湯底飲完唔口渴! 溏心蛋好味 ! 每人食左100蚊左右! 價錢ok ! 幾滿足

我於Blogger的介紹看到尖沙咀LCX這間拉麵店推出菇菇拉麵套餐，相信大家都對這個種植菇菇遊戲一點也不陌生，身為菇菇粉絲的我，當然要捧場囉~由於我一下班就去拉麵店，大約7點，所以等待時間不算太久，入坐後目標明確~即時與友人落單2個菇菇拉麵，而待應亦笑言果然大賣哦(指菇菇拉麵)~等候時間不用太久，菇菇拉麵登場~果然~好可愛呀!!!!! 這個拉麵有大量的菇菇，亦有少許豬肉粒，所以不算素食，而碗中的溫泉蛋上燙有菇菇圖案，真的捨不得吃掉>.< 這拉麵當然不只有外表，湯底及麵質也很好吃~~真的值得一試哦~~最重要是期間限定~菇菇拉麵只賣到8月31日哦~快快捧場吧~菇菇套餐專用的餐桌紙哦~好可愛~~~(≧∇≦)

住瑞典既4姨返左黎, 出街食飯次數真係提高左好多! 今日就放工個時已經打黎話今晚係尖沙咀食飯, 3姨提議食拉麵, 所以就山長水遠行到去lcx食飯~睇到呢個special menu已經好想食, 同埋食菇好似健康d嘛睇相見到個菇頭以為係噱頭假既, 點知真係黎左個菇頭, 好可愛呀!!!  係個沙律杯既頭黎既~ 心諗唔知係咪送埋比我架呢xd 個沙律幾新鮮, 有2舊燒雞肉, 夠晒大又香! d菇細細粒我都唔知食到咩味, 但個2塊雞脾菇就又大又滑, 幾爽口! 碗碗麵都係得半隻蛋, 唯獨呢碗有足一隻, 仲印埋菇頭添~ 咬落去真係好流心, 蛋黃汁流晒出黎!  正雖然d送感覺好健康, 不過個湯真係好油, 睇到成層油係面, 連埋麵食落口感覺好肥呢>~< 而且有d salty, 即使明白日本人都係咁食, 不過唔係好岩低油主義~  杯抺茶奶就無咩味, 好淡, 唔係包埋都唔會特登order...表弟個碗黑湯底仲勁, 層油成幾mm係面... 食到佢夾起晒d麵分開食~叫左幾個小食, 餃子普普通通啦, 都係略油啦...  肥牛年糕就幾特別, 不過個sauce好濃~第一次食辣既魷魚, 有d似麥當勞個甜酸醬

 LCX 有磨菇展覽,麵屋武藏就推出磨菇拉麵餐~同事一知道約我放工一齊去食~可能時間尚前,唔駛等好耐就有位啦~一入到去好多人都係叫哩個set~個set包括,一碗野菌豬骨湯拉麵,燒雞沙律,一杯抺茶鮮奶拉麵入面有三款菇,本菇,秀珍菇同埋雞脾菇,最好食係二片薄雞脾菇,因為索晒D湯汁,如果碗拉麵走左舊牛油會感覺健康D~個蛋都幾好味,流心的~重要有個菇係面到,好得意~初時重以為哩個菇頭係可以拎走既忝,原來係係LCX購物滿$2000先有既杯黎~-_-"指定信用咭食滿$200有炸雞送 

老老實實，尖沙咀OL中午搵食越來越難，一係好味但好貴，一係貴夾唔飽，一係平但唔好味，或者坐得唔舒服⋯呢度就係性價比較好嘅地方，即係唔算貴、好味、坐得舒服。叫左個「赤虎豚角煮」，赤虎即係辣，但如果食得辣嘅會覺得好輕微，不過又好惹味，湯底好濃，個蛋流心好味！但最正係個豚角煮，分量比好多拉麵店大份，好滿足，而且五花腩的肥瘦比例好好～搵位好易，因為好多位，但侍應唔算多，點菜同埋單要俾啲耐性。

行完街…去LCX揾食…因為LCX裝修中…好多鋪頭(食野)都唔見左…得返3,4間可以揀…呢間唔駛排隊…就食呢間喇本身諗住食二人餐($220)有1個沙律…兩個拉麵…1個小食…兩杯drinks…但計落都係散叫抵d~未入到去已經見到有個牌寫住匯豐卡滿$150送炸雞送嘅炸雞…無咩特別~個汁有d wasabi味…幾好味…叫左兩個拉麵…男朋友嘅黑虎 (豚角煮)…即係黑蒜油魚介豚骨拉麵…比較濃味…有啖啖嘅魚介味…仲有豬骨湯果種黏口嘅口感…黑蒜油味就唔太夠~拉麵就一般…坐係bar台…睇住佢拎d packing麵出黎…都無咩期待我食嘅白虎拉麵…即係魚介豚骨拉麵…呢個味道較淡…我覺得同黑虎嘅唯一分別就係…黑虎多左黑蒜油…其他嘅應該係出自同一個湯底… 呢個牛肉年糕卷…即係肥牛包住韓國年糕…個汁好味…食落都幾特別…但應該無下次…因為可以自己整 呢餐加埋一都仲平過二人餐…仲可以自己揀想食咩~

年初趁有個悠閒嘅星期六，同老婆嚟到海運嘅麵屋武藏食晏。今次，又喺星期六，不過，唔喺食晏，而喺食晚飯，更唔喺悠閒，因為佢開完整日OT，所以先「專燈」出嚟一齊食餐好少少。晚市較多人，要輪5個籌，不過，都好快有位。但喺，就坐唔到對維港嘅窗口位，我哋志在食，又唔喺要晌度迆（hea嘅正字，最近睇報紙學識），所以，咩位都唔緊要。上次嚟，試過「蕃茄水牛芝士米紙卷」及「牛肉年糕卷」，又撞啱出咗款新拉麵「二刀流拉麵」，幾樣嘢都著實好食。今之又遇到有新拉麵「豚骨魚介醬油拉麵」推出，貪新鮮當然要試吓。再加兩款小食，及一個小碗炒飯，應該差不多。爆炸男爵沙律 $38第一次試嘅時候，覺得好得意，所以，今次叫嚟俾老婆一試。送到嚟，點解唔見咗隻蛋嘅，追問侍應查個究竟，原來放咗晌下底，真喺奇怪，個賣相當堂普通晒。以沙律菜、青瓜絲、車厘茄為沙律底，配以柚子油醋汁，將所有材料撈勻即可，整體味道跟上次差唔多，入口清爽，又帶有蛋黃嘅甜香，只喺，炸北海道男爵薯仔絲落得太少，卜卜脆嘅口感就差咗啲，層次未夠豐富。明太子薯仔球 $38老婆一向好鍾意食薯餅之類小食，所以，佢揀咗一客明太子薯仔球，可惜，對佢嚟講都幾失望，因為唔喺印象中嘅薯

之前試過佢觀塘apm店,麻麻哋,見佢再係LCX 開新店,作為日本之一,就即管俾多次機會佢。今次揀左:豚骨魚介醬油拉面 => 湯底應該係用左幾種魚熬制成,配以濃郁豚骨味道,更能突出魚鮮味,反而湯上附的魚介粉就冇乜特別。麵條彈牙粗身,可以更容易吸收湯汁,叉燒,糖心蛋,京蔥及荀就中規中矩,大路野。點左兩款虎洞限定小吃:蕃茄水牛芝士伴紙卷 ⇒ 越南米紙包住蕃茄, 水牛芝士,沙律菜,如果唔係配左日式沙律,差D以為食緊越南野! 牛肉年糕卷 ⇒ 肥牛包住日本年糕,好煙韌,不過多食會滯,總係覺得只要把面做得出式,又何需攪咁多花巧呢?

天氣持續凍凍，拉面mood也越來越強烈，終于在38婦女節拉男朋友過來試麵屋武藏，原本計劃去佐敦拉面城，不過拉面城的價錢實在不是太吸引，之前試過一次亦並無特別，遂來海城城試試麵屋武藏，又有多款小食選擇。餐廳座位都算寬落，我們兩個人也有sofa位可以坐。早已決定試試豚骨魚介湯底加入黑蒜油的黑虎，于是我倆一黑虎一白虎配豚角，另外點了3個小食－玉子福袋，炸雞及餃子(太多了？不要懷疑我倆的"食力").小食首先來到，炸雞其實是一解我對韓國炸雞的思念，尖沙嘴韓式炸雞最近已是日日長隊，即使到12點還是不變，實在沒有耐心排。不過這裏的炸雞也不錯，如坊間日本炸雞一樣，都算juicy，芥末沙拉醬亦不膩口，搭配起來挺開胃。玉子福袋賣相可愛，一片浸在汁裏的叉燒上放著新鮮熱辣脆口的福袋，輕輕一戳，蛋漿四溢，流淌的蛋液遇上香脆的福袋，趣味十足，唯叉燒不算十分入味。餃子只只飽滿，雖然餡料普通，不過餃子皮口感不錯，底部亦煎得脆口。接著，黑虎白虎配豚角相繼來到，兩大條豚角看得我們很是興奮。當然試湯底先！口感豐厚，豬骨味濃郁，黑蒜味倒不是很突出。面方面我喜歡軟面，麵屋武藏的面是粗面，口感不錯。豚角賣相好過味道，雖然大而厚，