麺匠 真武咲弥 (已搬遷) 新店位置

香港，係無好食既味噌拉麵。雖然各大拉麵店都會增加哩個口味，不過整得好食而又唔遷就香港人口味既就真係少之又少。噤真武既味噌湯好食嗎？好可惜，我覺得佢會做唔住。現炒既味噌湯頭的確有焦香味，但如果一同日本焦香湯頭代表既五行一比，就立即高下立見。話時話，大家又唔好用IFC 果間香港五行去比。食過日本五行既，一定會見過拉麵師傅放火去燒焦個湯底。無錯，係放火！個火舌係整個廚頭都係。香港基於消防條例既問題，基本上無可能做到相同既效果。所以回歸主題，真武既味噌湯雖然有炒香，但要講層次就真係同日本名店有所不同。其二，日本人食拉麵其實係相當重口味，一般香港人其實應該係食唔慣。而真武既湯頭，唔可以話因為話夠重手就係正宗。我覺得實際上，應該會係十個人食完十個都會話咸。之但係佢咸之餘又有無相對純厚既口感同層次呢？我可以答你，係無既。佢既路線，兩個字，好__咸。其他方面嗎，麵條就係正路配置既曲麵，咬口正常，掛湯力佳。叉燒淡味且量少，有放等於無放。個筍，料頭味過強，唔係我杯茶。係，仲有最得人驚既係$80一碗但佢唔跟玉子，要散叫先有。哩一點，我真係接受唔到囉。😂

收到灣仔地頭蟲通知春園街開左間新拉麵店,二話不說就第一時間去試啦~一間以味噌湯底做賣點0既拉麵店,每一碗湯底都會加上肉碎,味噌,芽菜猛火炒過先上,所以真係會有好香既火灸味(即係你去板長食果D火灸壽司0既香同味),由於店家採用開放式廚房,所以每當炒湯底時都會見到火光熊熊,鑊氣十足!麵底係採用一般味噌湯底都會配上0既粗身黃色攣麵,其實哩種麵底好適合味噌湯底,因為味噌湯底味道通常都比較強烈,太幼0既麵食落會比較咸.叉燒都係好一般,唔知點解香港拉麵店0既叉燒都係好普通同份量偏少,唔通香港D肉好貴?流心蛋做得很好,極流心而且充滿醬油香味.另外最唔好0既地方係環境,基本上佢係一間雲吞麵格局0既拉麵店再以賣雲吞麵方式去經營,估計老闆應該係香港人,因為哩間麵店原全感覺唔到日本人做事一絲不苟0既態度,枱面調味品擺位凌亂,枱面有水不過唔係冰水,原全無冰0既,店員制服唔整齊,精神面貌唔醒神.最驚訝0既係一個筷子筒入面竟然有兩款筷子,裝修簡陋,之前去過0既任何一間拉麵店都無哩個感覺,EVEN味千都無哩個感覺,真係好覺得自己去左一間好雞好舊雲吞麵鋪食緊雲吞麵,收$99真係要俾返D好少少0既質素俾消費者.不過佢味

真武咲弥係日本既連鎖店，係tabelog既分數大約3.2-3.5不等，一蘭都大約係呢個分數，其實即係一間係日本好普通既拉麵店。但一入店內見到咁大大火既，以為係火燭，睇真啲，原來係女師傅係到炒緊味噌同埋芽菜。38蚊(加一 42蚊)真係抵到爛，仲包埋野飲，係2:30到5:30先有既下午茶時間。SIZE係平時既一半，但以呢個價錢食到真正日本過江龍拉麵仲想點呢。麺匠 真武咲弥 @ 灣仔炙味噌拉麵(6.5/10)($38)湯底係味噌湯，係香港比較少有，個湯底真係真係會有鑊氣架，個湯會比較濃味少少，講真味道就唔算係好好食。但都係果句加埋一$42包野飲仲想點。麵係粗面夠彈牙，沾湯力強。义燒超普通，其他配料都無乜特色之處勝在性價比真係爆燈。香港拉麵排名 (只供參考耶)~BB ramen=漁場台風(拉麵)=>鳥華亭>銅鑼灣一蘭>黑龍>武士=富士山55(TST)>TETSU哲=俺之沾麵>黑鉄屋>台風>神虎>拉麵Jo>周月>漁場台風(沾麵)=豚王>麺匠 真武咲弥>豚骨一休=尖沙咀一蘭=松壱家=三田製麵所&

春園街新開的拉麵店，吃拉麵，第一步當然試試湯底，一試就知係伏，一入口好咸！超重味精，食完個口好乾好咸！麵底彈牙，可是個湯太不濟了！幸好我吃的是下午茶餐，不但價格較正價平而且份量小，令我唔洗食咁多！

主打炒味噌。激辣偏不夠辣。原味則夠滋味。推介原味。 登龍街又有異軍突起。這次是從日本過來的真武咲弥。真武主打炒味噌湯底。這店在日本Tabelog平均分是3.5，屬於中上。有數間分店，但網頁未載有香港分店。店內約有20多個位。在門外排隊是可見日本女師傅在炒味噌，芽菜和湯底。火光紅紅，令人期待。由於是新開的關係，店方只提供原味炒味噌和辣味。炒醬油湯底還未供應。炸雞和餃子亦要2:00pm 後才有。很適合有選擇困難症的朋友。友人分別點了原味和大辣。我則想會一會真武的激辣，再加半熟蛋。不一會，拉麵到達。我試了友人的原味。以味噌湯底來說並不算很鹹。鹹香適中，亦有很濃郁的炒芽菜和肉香味。很不錯。比「函館」，「扎幌」和「梅光軒」更有特色，但又沒有IFC「五行」那種油膩感。吃罷登時對自己那碗拉麵滿有期待。點了大辣的友人試了我的激辣。試了後便說應該點激辣，因他的幾乎完全不辣。聽到後有點動搖。立即試一試湯底。試後心裡立即涼了一截。辣味非常小兒科，任何一間拉麵店的小辣都會比這辣。真「冇癮」。既然辣味不足，香味應該不會被蓋過。可惜不然。這比原味鹹，但不算很協調，亦沒有原味的香味。只有「函館」的鹹但沒有它的香。

路過春園街諗住食平價權記，但個位原來變左呢間拉麵店，上網查一查，原來係黎自日本札幌既品牌，主打灸味噌拉麵，應該新開無耐，下午茶都有特價，咁見新開就試下啦！舖頭唔算大，一眼睇晒，大概二十幾個位，設計簡約，算舒服，檯面都有飲用水供應再望望餐單選擇一眼睇晒，三款拉麵(包括炙味噌，炙辣味噌同炙醬油)兩款小食(唐揚炸雞同餃子)及幾樣飲品，同其他拉麵舖一樣都要填紙仔落單我諗左陣食個味噌拉麵同餃子，填好後俾店員，店員同我講無餃子喎(有啲怨氣既態度)，宜家只係得少味噌同辣味噌拉麵兩樣有，咁就只食味噌拉麵囉，都無得簡！！(其實無咪劃左無果啲，或入黎果時同人講清楚嘛)入左單等果時，見新開咪望多兩野個餐單同張選擇紙囉，睇完個店員就叫我睇完擺番原位啦，我眼凸，自己算係做飲食，我打既文字未必完表達到個態度，但個下係不友善既 ！！等多陣拉麵送到，因我無加其他配料，睇落唔算豐富跟拉麵既配料有芽菜，筍，兩小塊日本叉燒，薑蓉，香蔥等，飲左啖頭啖湯，濃，味噌味夠，油脂量都剛好，很濃郁香氣！無食錯既話仲有一點胡椒味，可能味噌經過灸(意思好似係烤)處理，湯都較香！而且其他配料芽菜等都有炒過，係門口都見到，而面既拉麵師傅好