影片
港鐵土瓜灣站A出口, 步行約8分鐘
繼續閱讀
附加資料
重慶罐罐米線，絕對正宗，親手炒的醬料，變化出麻辣、泡椒、藤椒、三鮮、番茄等多種風味的罐罐米線
營業時間
今日營業
11:00 - 00:00
星期一至日
11:00 - 00:00
以上資料只供參考, 請與餐廳確認詳情
土瓜灣真係好多小店值得發掘，呢間餐廳毫不起眼，但味道非常正宗，老闆娘係重慶人，去食果陣有個熟客仔係四川人都話好正宗罐罐金湯酸菜米線 $60一上枱熱辣辣個湯係滾住🔥金湯酸菜微微辣帶酸，佢地個米線值得一讚，原來講究到自設廠房整，就算罐罐咁熱，米線食到最後口感唔會變爛，依然有韌勁👍🏻配料有豬肉、豬潤、鵪鶉蛋🥚、海帶、蕃茄🍅、芽菜等，好多料，好滿足紅燒肥腸麵 $52好驚喜，同平時食既小麵相比香好多同有層次👏🏻正宗重慶小麵一定要用糊辣殼，糊辣殼係老闆娘自己炒，炒到乾辣椒少少燶，個樣睇落好似好辣，但食落香氣更出，辣度唔算好辣，肥腸洗得乾淨無怪味，真心推老麻抄手 $48見個湯又紅又黑仲以為瀨野會辣到食唔到🥵但佢味道係以麻為主，唔會過辣🌶️抄手皮又薄又滑，中間係鮮肉餡🐷食完個口麻得好過癮酸梅湯 $20自家製酸梅湯，食完重口味清新下口腔，少甜酸酸地唔錯overall:呢間小店新開老闆娘已經做到唔停手，所有小料都係老闆娘用好多種香料自己炒，喺香港唔容易搵到味道咁正宗既小麵
繼續閱讀
土瓜灣街頭撞到寶藏米線店！👀✨ 傳說中嘅「罐罐米線」真身現形～ 四川辣妹子老闆娘坐鎮，麻辣魂直接覺醒🌶️ 必試✨老麻抄手 每日新鮮豬肉手包！皮薄餡足咬落爆肉汁💦 自家熬嘅麻辣醬邪惡到犯規... 麻香纏喉嚨 食完真係會瘋狂回味啊😭 鎮店🔥罐罐米線（揀咗三鮮湯） 老闆娘超貼心❤️ 見我拖住一家大細 主動走雞粉！以為會淡？錯！湯底鮮甜到震👏 秘密在於... 豬潤+新鮮豬肉每日現熬 飲到底都唔口渴嘅真高湯啊～ 重點‼️ 瓦煲上枱仲滾緊🔥 傳統陶罐保溫力MAX 米線索盡湯汁都唔會淋 仲要份量多到懷疑人生... 大胃王都投降嘅巨鍋！ 人情味爆燈💡 舖仔細細得十零個位 但老闆娘記性超神 隔籬枱熟客嘅走蔥走芽菜全記得！午市仲送冰鎮汽水🥤 熱辣辣啪罐可樂... 爽過坐冷氣房❄️ 睇老闆娘講佢之前喺深圳都有店舖，其實佢哋嘅食物真係好好食希望佢可以為我哋帶嚟更加多嘅四川美食🥰🥰而且傾落偈發現佢個人都好有心💓我問佢點解唔賣豬扒雞翼？佢話畀我聽唔想咁多嘅冷藏食物都想用啲新鮮食物製作畀大家食！希望大家都多啲支持你啲用心嘅小店🥰P.S. 一點半後易搵位 但抄手手作限量 晏來隨時沽清👋 ---
繼續閱讀
起土瓜灣見到一間正宗重慶米線！開頭好驚好辣，但又想試！本身我都唔係好食得辣🌶️所以就叫老闆娘煮少少辣就可以啦🌶️金湯酸菜米線$60罐罐乘着湯底米線🤭第一次食正宗慶米線口感煙靭好特別！同港式米線唔同口感🩷新鮮食材製作！酸到啱啱好 裏面仲用新鮮梅頭肉同黑木耳👍🏻 豐富營養☺️份量十足同老闆娘傾計時 得知原來係獨家技術😌自設廠房特製！半罐湯底 半罐料👏🏻！ 佢每日起身就係去街市買餸目的想用新鮮材料給客人重慶機場豌豆雜醬麵$48呢個份量十足！ 兩個人都食唔晒 老闆娘仲話唔夠飽的話免費加麵🤣太好人啦 呢個味道辣到啱啱好 糊辣殼炒辣椒乾再加埋啲花生醬肉碎 好味👍🏻麻辣豬耳$38豬耳爽口！麻油味同辣味都恰到好處總括嚟講 睇佢平平無奇 ！ 但原來都唔錯好味的！🥰
繼續閱讀
隱世小店重慶麵家土瓜灣一間隱世小店「麵麵香」，主打重慶家鄉麵食，店主係正宗重慶人，食材同做法都好有重慶地道風味。店面細細，簡單樸實，但食物質素同選擇令人驚喜。西紅柿罐罐米線罐罐端上保持熱辣辣，湯底用新鮮西紅柿(蕃茄)及豬肉熬成，入口清甜。米線選用重慶特製米線，口感煙靭彈牙。重有米線和湯底可以添加。配料夠豐富有豬潤+豬肉+海帶絲+鵪鶉蛋+木耳。清湯抄手抄手皮薄餡靚，內餡用新鮮豬肉，咬落肉餡多汁粒粒飽滿。湯底清而不淡，帶有濃郁嘅香氣。酸梅湯炎夏嘅最佳拍檔，店主自家熬製用了烏梅、檸檬及桑椹，酸酸甜甜好開胃。飲落完全唔會覺得太甜，解渴又解膩。小店食材同做法好有誠意，老闆娘仲好熱情好傾，同我哋講係自設廠房。用料執著如重慶花椒、酸辣粉、糊辣殼小麵同新鮮食材製作，味道正宗又可以叫BB辣唔會太辣，適合香港人口味。
繼續閱讀
罐罐米線—西紅柿米綫 ($58) 熱辣辣嘅砂罐上枱好吸引，西紅柿湯底酸甜，特製米線煙韌滑溜，配菜有鮮海帶絲、芽菜、青瓜片同鵪鶉蛋，肉片同豬肝片嫩滑，睇唔出一個小罐有齊咁足料，而且全部都係新鮮食材製作，湯底營養豐富重慶涼麵 ($38)重慶涼麵麵條Q彈有嚼勁，醬汁麻辣鮮香，帶花椒同辣椒嘅刺激，原來係老闆娘特製嘅糊辣殼炒辣椒乾，辣度都有得選擇，食落開胃又過癮，而且麵條份量好多，夠晒滿足蒜泥青瓜 ($28)蒜泥青瓜即場手拍，爽脆清甜，蒜泥幾香，好開胃王老吉 ($8)無糖可樂 ($8)📌麵麵香 (土瓜灣)地址：土瓜灣馬頭角道53號地舖
繼續閱讀