麵麵棧

營業中

休息中

每當想在土記內出街吃"清"，簡單一點的話，小弟伉儷毫不猶豫就會來到這裡幫襯....都已有一段時間沒來了。很記掛住這兒的牛腩及水餃，今晚就豪華一點，來一碟蝦籽牛根腩水餃撈....是一碟水準很高的撈麵 ---- 麵條爽身彈牙走鹼走得蠻徹底不見有太多苦味跑出來；蝦籽味鮮濃郁，而且最重要是份量下得重手，讓每條麵條盡皆沾上了蝦籽，食起來鮮味就更突出明顯；牛筋軟淰起膠，而牛腩亦炆得色水足軟熟入味；水餃饀內筍絲及木耳絲依舊健在，咬起來鮮甜中滲出嗦嗦聲的爽脆聲；伴湯有極濃的大地魚香，甜得來而不覺澀口....劉森記公子處理的麵，始終是有幾度散手的....說吃得清的是太太。她點的肉丸粥，質地綿滑夠漿口；肉丸就平凡一些，稍嫌打得不夠實淨，不過肉味倒是ok的....只得一粥一麵，似乎不太夠喉。侍應阿姐大力推介今晚的貴妃蚌好正，當然就依她說了....蒸出來的蚌肉火喉剛好，肉彈牙厚肉鮮甜；不過舖面的蔥蒜及粉絲就略嫌調味太重手，味鹹得很令人負擔太重，而且亦因而搶奪了蚌肉應有的甜味....阿姐又推介話今晚的豆苗好食，鬼迷心竅底下又不知飽叫了一碟....去街市買一斤豆苗，閒閒哋都要幾十大洋。在這裡，滿滿一大碟都是賣這個

好耐冇食牛肚河，今日收工諗住食好啲就嚟點味下，點知出事囉......一飲啖湯，竟然水溜溜到咩咁，完全唔係以人期食嘅濃味，惟有加啲辣椒油啦。再夾啖河粉，一咬落去嗰吓已經唔想食，因為河粉唔滑又發脹，真係想問究竟預先浸咗幾耐......

麵麵棧係樓下已經開左好多年，但食粥食粉麵總係感覺清淡，食慣重口味既我往往係呢區搵食既時候都唔會諗起呢間野。直到近來減肥，終於醒起麵麵棧，因此呢排晚上經常落樓下買粥同油菜。點知每次食都有驚喜，第一次叫魚腩粥外賣自取，返到屋企至發現佢俾錯左碗超級鮮甜既蟹粥（而當時餐牌上係無蟹粥哈哈）。第二次終於食到魚腩粥，又係有驚喜，魚腩係食得出既新鮮，可能調味不重又無咩味精，每件魚腩都鮮味到不得了，雖然都幾多細骨，但都默默決定一定要常encore。今晚又係一人外賣既晚上，突然好想食豬潤。其實從來都唔覺得豬潤好味，但唔知點解隔一段時間又會想食下，聽人講好食既豬潤係起沙，食落好粉，但總覺得個陣粉味怪怪地。最後好矛盾既我都係叫左碗魚腩豬潤雙拼，豬潤唔好食起碼仲有魚腩嘛。食完，好肯定呢碗豬潤係我暫時人生食過最好食既豬潤。首先佢調味剛剛好，豬潤係非常之咁爽脆，但又不失豬潤既甘香。如果水準穩定，絕對係一間令人愛上豬潤既小店。

細個嘅時候呢成日媽咪都會買一啲蝦子麵喺屋企煮， 喺我心目中你蝦子麵呢啲蝦子係喺面裏面嘅。 自從食過麵麵棧 做嘅蝦子麵 先發覺原來 蝦子 可以 係喺麵的表面 灑落去。我叫咗 一碟 薑蔥鮮牛肉撈麵， 味道相當唔錯面亦都好有質感， 整潔面都鋪滿咗蝦仔 再加上蔥薑蔥賣相惹味， 36蚊嘅價錢可以食到咁高質素嘅麵呢我非常滿意， 下次再去土瓜灣嘅時候 我一定會再來幫襯。

本來唔想吃堿水面的，慕名也試試吧😋首先這個湯值得大讚，味道濃郁、湯色澄清，是飲過最好的雲吞面湯之一！面真是吃出了師傅的功夫，爽滑、彈牙！雲吞只有三只，味道很好…鎮店之寶南乳豬手，味道也很純正。

這間食店曾經是我家的食堂，當時因為對他的竹昇麵是極欣賞的，所以來這裡吃的，不是豬手麵、水餃麵，便是炸醬麵，甚至簡簡單單的薑蔥撈麵…但來這裡必須要接受：座位太窄，坐得不舒服😖，加上侍應的不友善態度🙈，所以都是外賣好過買了牛腩麵，分湯，牛腩炆得入味，麵條煙韌，湯是鮮甜的大地魚湯，好味隔離麵舖都新裝修啦，要落D本呀老細！

土瓜灣番工，夜晚一個人OT到個人謝謝地，想番碗清清地嘅魚蛋米。個湯底好清淡，味道唔多。魚蛋係少少彈牙，略嫌淋左D。之前可能食開沙爹牛肚魚蛋米，重少少味。今晚就覺得一般般。

路經土瓜灣 見到呢間傳統麵店有我至愛豬手係門口做宣傳 當然試一試店鋪比一般傳統麵鋪干淨 光猛蝦籽併南乳豬手撈竹昇麵豬手好林南乳味岩岩好 冇多冇小食左2件之後仲想再食阿姐話原來唔雙併豬手有3件蝦籽都唔錯 幾香（當然冇澳門既好味）竹昇麵麵質很好 好彈牙 傳統既好味麵鋪好回味個豬手重點南乳豬手分開上 個汁仲可以撈麵鐘意撈幾干幾濕 都可以自由選擇食完之後覺得好食 蝦籽同埋竹昇麵相比之下呢間比劉x記既好味但後來發現原來係劉x記分枝

這間位於北帝街的食肆，出名的是豬手、雲吞麵，就連蔡灡先生都介紹它的豬手，所以南乳蚊豬手是必試之選👍我就試過吃豬手湯河，豬手大約有三舊，伙記另外會放個空碟俾你放骨，豬手好入味又淋，真的不錯，記得要試😍雲吞麵－麵是用鴨蛋＋麵粉，再用竹昇壓打，所以叫手打竹昇麵。麵身彈牙又爽脆，如果加紅醋就更加好吃。而雲吞用半肥瘦豬肉＋蝦＋大地魚粉，這個都要一試👏蝦籽麵－蝦籽好香好多，正👍魚腩粥－粥底好綿，魚腩新鮮有膏😍咸蛋瘦肉粥－瘦肉唔得，有怪味😱可能唔係多人叫😂總括都算好味，不訪一試

因為今晚和媽媽吃完齋之後，覺得一般，好似未吃飽，回家後就再想吃東西，我提議去吃雲吞麵，老婆揀了雲吞麵，我就要牛腩河。雲吞麵係傳統味道，麵都算彈牙。雲吞就係多肉少𧎚。牛腩係好淋同入味👍

我很久沒有在這𥚃吃飯，今晩因為很多野做，十一點才吃晚餐。今晚很多遊客到這裡，有大陸，也有日本。其實這𥚃出名不是牛腩，而是豬手，可惜我怕豬手太高膽固醇，所以吃牛腩，牛腩用柱侯，八角煮的，味道一般。

見到間舖蔡蘭都去食過應該點差極都有個譜掛...所以我去到坐低就嗌咗個墨丸雲吞麵...仲話雲吞麵都算係其中之一嘅招牌...碗麵一嚟...見到啲雲吞細細粒...墨丸個size有大有細...已經有啲失望...再食粒雲吞落口...裏面隻蝦係霉㗎...真係估唔到會食到霉咗嘅蝦嘅雲吞...跟住再食粒墨丸...唔夠彈牙都算...從來未食過粒墨丸係過咸㗎...個湯底仲要淡茂茂...一啲味都冇...而個麵我覺得硬咗啲...我諗應該無下次㗎喇...失望

那晚跟朋友來到土瓜灣，因為她是地胆，她跟我推介了這勁出名的豬手麵～其實已經不太多吃豬手了，因感到現時的豬手味跟以往的好不相同，不太好味；但這次一坐下來在餐牌上已寫著‘鎮店招牌，蔡瀾讚好’；所以怎樣也要試一下這個馳名的南乳豬手我跟朋友也點了南乳豬手麵 （＄28，真的不貴），而我則再點了菜心（＄17），每人也是三十多元，很平～豬手味跟我所期待的真的差不多，好好味，口感很好，而且一碗中有兩大豬手亦毫不欺場～ 湯的味道配搭很好好，好惹味，不過麵便普通不點，但也不錯～ 因為豬手的美味已蓋過一切了，所以吃得很滋味～ 菜心便跟其他店的差不多，算很大碟～唯一美中不足的是坐位麻麻，但服務員的態度非常好，而且生意不斷，證明這店的實力～ 若有機會的話我會再去的

那位姓林的旅遊局主席，一句：（如果我話畀你聽，有一間雲吞麵店係全香港最好嘅餐廳，你會唔會服氣？）作為香港人，雲吞麵是香港美食的核心價值之一，不需要甚麼星星的加冕，只要本土風味。價不一定廉，城中出色的細蓉，三十多元一碗，份量之少只能滿足口腹之慾。一碗麵的背後心血，又要鴨蛋加麵粉搓成麵團，再拿起大碌竹，坐在上面來來回回壓了不知多少遍。。。未算，湯底呢？你估那一口清澈鮮甜，盡是大地魚的香氣，是很容易熬出來？雲吞呢？正宗的雲吞，肥豬肉與蝦肉比例恰當，以雲吞皮緊緊地包著，外表有如金魚呈現小散尾，是藝術的一種。林生，這個世界可以拿獎的食店，不一定是要米芝蓮的高級餐廳，可能你經常在你自己的8 1／2開餐，並不明白民情，但是，可會記得當年你先父，最愛吃的，是老麥的魚柳包？土瓜灣的麵麵棧，是我常去的雲吞麵店之一，原因很簡單，近我居所。劉森記的二公子主理，其麵條當初是由父親供應，就算在這裡也可以吃到大碌竹壓麵，聽說現今不再靠父蔭，這碗價值＄25的雲吞麵，沒有鹼水味的麵條，依然爽滑可人。賣相無疑是差一點，椰菜不是雲吞麵的常規配料，不過仍保持著湯羹在底的傳統。湯頭清鮮，大地魚味不算很強，當然要與我最喜歡的永華

劉森記好多人都識，麵麵棧就相對無咁多人識。但係麵麵棧係劉森記二公子開既，位處土瓜灣。以南乳豬手竹昇麵馳名！是夜天寒地凍，豬手雖然唔太有益，都唔理得咁多，整碗高熱量食品驅一驅寒。麵條爽口彈牙，有蛋香，沒咩鹼水味，有水準，兼且份量唔細，最重要係食到尾都一樣彈牙。豬手三舊，好似唔係好夠食，但係三大舊都多肉，好怕食到豬毛，不過呢三件都幸保不失，而且入味得黎唔會淋，有咬口，南乳味亦都好重下！用埋佢個南乳汁搆麵仲正。佢D煲仔粥品都食過，不過同南乳豬手一比…差太遠，不愧為鎮店之寶。