麵駅

雖在中環上班, 但Lunch time總是人多難搵位但難得今日honey過來近上環見客, 一於同佢起上環食個快lunch就在鐵路站附近的一條小巷 (早前來過同一楝大廈的另一間食肆, 唔識路既其實都幾難搵)lunch 時間人流非常多, 又唔知食乜, 被樓下派傳單的吸引了, 一於上去試試餐廳環境不算大, 座位大約十多個, 整體也夠乾淨整潔侍應遞上Menu, 只得2個拉麵供應Lunch 來說, 最好是簡單, 快靚正! 而對住我呢d有選擇困難症的人, 少選擇也許是好事~同honey每人叫一款, 佢就加多$20轉套餐 (3隻餃子+汽水)等候也不需太久, 雖然短短的lunch, 但侍應是招呼周到的先送上冰茶, 很好, 不是熱, 對著趕頭趕命的中環打工人, 乜都要快, 熱茶跟本就飲唔到另外檯上也一應俱全, 紙巾都供應埋, 唔錯好了, 黑蒜油豚骨拉麵先來, 其實menu已寫上每份拉麵入面有咩材料它家的黑蒜油比平日食開的唔黑, 面頭也沒一層黑油 (有時很怕那層油呢)不過.....它真的有飄香的蒜香味隨後豚骨拉麵也來到, 看得出湯的顏色是清淡一點, 但夠味的豚肉有4大片, 很嫩雖然是趕, 但也看得出廚師也悉心的排出賣相, 唔會亂糟糟的兩款既麵質煮得剛好, 唔會太淋又唔會過硬另外套餐的餃子, honey話好好味, 煎得很香雖然是很簡短的一個lunch, 但小店的服務是做足,  也不斷為客人加添冰茶, 也都很有禮貌!至緊要起短時間內為客人送上味道唔錯的午餐…查看更多

自己很喜歡吃拉麵的fans 這間店在上環上樓，店舖面積細細，都乾淨舒適，也是個在中午，想快又想去不嘈吵的地方的好去處麵得二款 （有/無加黑蒜）在香港吃拉麵，最怕湯底扮豬骨「味精」湯，搞到沒mood 食而麵駅 的湯 並沒有犯這個問題 ，是不錯湯，麵也過得去 。…查看更多

下晝去上環整野 見到甘多😋上嚟試吓完全中伏 😑😑😑😑😑Menu 只有2個拉麵 加黑蒜油 或無黑蒜油諗住好食就得啦 唔緊要 一蘭無得你揀添但係湯唔熱 麵唔好食 叉燒好肥 無味 帶住失望嘅心情埋單 😔😔😔 …查看更多

大約今年年頭，經過上環永樂街餐廳林立的世瑛大廈，有位阿姐派傳單，原來是開了一間拉麵店 <麵駅>！見到單張上的拉麵款式，只有寥寥可數的兩款，別無他選！ 缺乏選擇性，加上相片的賣相毫不吸引！所以興趣不大！看罷便把單張掉入垃圾桶！早前，要慶祝朋友生日，攪手朋友 book 由 1:00 至晚上 8:00，我還以為有 K Lunch，他提醒我食 Dinner K buffet 由 6:00 開始，他建議我先食 Lunch 吧！公司附近的新餐廳，大部份都已幫襯，有哪間尚未幫襯呢？突然想起這間樓上拉麵店！ 於是，走上去幫襯！裝潢簡約舒適，環境開揚！ 面對永樂術及金色幕牆的金龍中心！還有種植小盆栽增添生氣！起初我坐在二人枱，老闆見星期六食客偏少，安排我轉到四人枱！ 可見服務態度好！以客為先！桌上已備有紙巾、牙簽、調味料等。拉麵款式只有寥寥可數的兩款，黑蒜油拉麵及豚骨拉麵，各 $78，別無他選！缺乏選擇性！黑蒜油拉麵 $78 + 粟米 $5黑蒜油豚骨湯底不重口味，味道很合胃口！拉麵彈牙之餘，亦無鹼水味！糖心蛋的火候恰到好處！蛋黃香滑呈軟芯！薄切叉燒富肉鮮味，略帶脂肪，令肉質不至於死實！吸收湯底精華提升味道！大約 $80 便嚐到一碗拉麵，價錢合理！ 然而，店方只供應兩款拉麵，作為食客，我只會幫襯兩次！相對地，餐廳缺乏競爭力！ 店方一定要把這僅有的兩款拉麵保持水準，才能留住食客。…查看更多

依間樓上鋪，中午都幾多人黎，今日好好彩唔洗等位就有得上去食。中午主打拉麵，喊左個黑蒜油豬骨拉麵，黎到既湯底佈滿蔥花，色澤頗濃。飲一啖，溫度幾高，好有豬骨鮮味，唔錯。叫左有溏心蛋既版本。兩片溏心蛋流心度約六十%，只能說是合格，都幾好味既。叉燒就有幾大塊，肥瘦個比例都幾岩，咬落去有韌有軟，味道唔會過咸，幾好。我覺得依碗拉麵都幾好食。…查看更多

係上環哩楝大廈, 好多餐廳中午做普通SET LUNCH, 晚上就轉做私房菜, 哩間"麵駅"都唔例外, 中午賣拉麵, 晚上就轉做私房菜, 私房菜就未試過啦...今日就黎試左佢既拉麵!樓上舖, 座位不多, 好在有訂枱, 但只限訂十二點半前, 時間啱啱好! 拉麵亦只得兩款選擇, 一款豬骨拉麵, 另一款係"黑蒜油豬骨拉麵", 其實可以咁講: 一款有蛋, 一款冇蛋, 因為我想食蛋, 所以楝左黑蒜油豬骨拉麵那款....再加左一客餃子同朋友SHARE等左好耐先有得食, 起碼超過二十分鐘, 可能廚房只得一位師傅, 所以大家要耐心等候!碗拉麵分量一啲都唔少, 絕對夠飽, 隻蛋做到溜心效果, 唔錯, 叉燒起碼有四至五塊....仲要唔係話細細塊個隻喎...都唔錯架..不過不失啦! 個湯就一般般啦...但係個麵我好鐘意, 粗度可以掛起啲湯,  雖然佢冇得好似出邊個啲日本拉麵舖咁, 可以自已選擇麵既軟硬程度, 但係硬度剛剛好, 唔會好淋, 好坦白講, 好多時出面個啲所謂俾你選擇軟硬度, 到頭來黎到, 我都覺得太軟! 餃子夠熱, 有肉汁係入面, 煎得好香, 不過略嫌個餃子汁太吝嗇左, 係隻碟啲一格仔放左係度, 完全唔能夠將整隻餃子都沾都餃子汁, 我建議可以俾隻碟盛起餃子汁俾客人會較好!…查看更多

今日過海見客，之後就四圍搵野食醫肚，上網Serach見到呢間拉麵店都幾近我既位置，同埋估計上左樓應該易d搵位卦，所以就膽粗粗一個人上去食。叫左碗黑蒜油豚骨拉麵，78蚊，一上枱自然係試試個湯底先，濃郁唔過鹹，豬骨愛好者肯定大愛。之後就試下拉麵，偏粗身，雪雪……爽口有彈性，有口感。見到溏心蛋半生熟既蛋黃令人食指大動。叉燒係肥瘦適中既豬腩位，juicy得黎又無成口油，煎到微燶好香口，忍唔住額外Order多一客， 盛惠15蚊。…查看更多

來這裡吃了一碗豚骨拉麵, $78, 呷一口湯覺得十分香濃, 但勝在膠質感不重, 不會很漿口, 飲落不油膩, 喝完不會口渴; 吃一啖麵, 麵身帶輕微鹼水味兼有蛋香, 彈牙有嚼勁, 很容易掛湯; 叉燒淋滑入味, 經過輕微烤香, 脂肪入口有融化之感, 餘韻悠長, 叫人回味無窮, 加15元便可追加一客; 另點了一份香葱, $12, 有點像平日食魚時媽媽用熟油爆的香葱, 這裡當然是日式的做法, 香口惹味, 令整頓午餐生色不少。…查看更多

香港拉麵店多到同便利店有得揮，今日經過上環黎呢間拉麵小店，食左個黑蒜油風味的豚骨拉麵。湯底：當拉麵上枱時已隱若聞到黑蒜香，因為黑蒜既緣故，湯底帶啲烏卒卒，不過飲落去就香甜，蒜香突出，濃厚仁唔油膩，飲完唔會好口渴。蛋：溏心蛋白似豆腐花咁柔滑，蛋黃係液體狀，蛋味香。叉燒： 鮮嫩好腍，油花入口即化。麵底：有咬口，煙韌有彈性。紫菜：係湯浸左一段時間都仲脆口。整體評價：中上級數!!!!!@@…查看更多

近日瘋狂迷上拉麵，無論去到邊區，都係搜尋拉麵店黎幫襯，今日盪到黎上環，就揀左呢度食左碗豚骨拉麵，望落湯頭濃得黎唔算好肥好油，飲落幾入味， 而拉麵煮得剛好， 爽口彈牙，叉燒鬆軟，入口即化， 水準唔錯！另外見到有小食香蔥都幾得意，試下新野無妨，炒得香口惹味，唔覺唔覺好快就清晒。…查看更多

好多公司已經係五天工作周，奈何本人星期六仍要返長短週，so sad!!!算，唯有拉住個同樣咁灰既同事黎呢度食得星期六先會有既豪lunch，$350一位，出左糧先得黎豪一次咋！話晒星期六都仲要返工，點可以虧待自己？呢個set lunch總共有4道菜：北海道野生帶子刺身→刺身級帶子好豐厚，肉質肥美，食落彈下彈下，夠鮮味夠甜。牛肝菌野菌忌廉濃湯→一睇就知個湯好濃味，菌香撲鼻，飲落滑溜，味道好豐富好多層次咁，即係足料囉。緬因州龍蝦配蟹肉龍蝦汁意大利飯→大大隻新鮮龍蝦肉放係面前，龍蝦肉下面係鮮甜蟹肉，Risotto充滿龍蝦汁味，完全值回票價。冰酒雪葩→將甜酒整成雪葩，啜下啜下相當清新，食完成個人refresh晒，又可以繼續返公司打仗。…查看更多

眨下眼就到左同女朋友拍拖6週年既大日子，平日佢成日有意無意咁開到口話我份人無心思、無情趣，所以今年慶祝紀念日我真係唔敢鬆懈，點都要搞得好好睇睇，食返餐好，等未來老婆大人可以放閃！經同事介紹，就黎左呢間樓上餐廳歎左個Wine Dinner Set($990 for 2)。佢地安排左我地坐係一個窗口位，望到少少街景都幾有情調，亦可以享受到私人用餐空間，最啱談心，唔錯唔錯。首先黎左個西班牙辣腸芝士蘑菇批，香噴噴熱辣辣咁上枱， 將辣腸釀入大蘑菇入面，表面鋪滿芝士焗香， 口感層次豐富。 跟住係普羅旺斯鹿肉番茄盎，我同女朋友都係第一次食鹿肉，所以心情都有少少戰戰競競，原來食落帶D肉燥味，但未致於好似羊肉咁羶，味道比較似牛肉，但就更加鮮嫩，配埋酸酸地好開胃既番茄汁入口，鮮甜味美。主菜係牛肝菌烤雞配意大利飯，烤雞皮脆肉嫩又juicy，牛肝菌既濃味滲晒入雞肉入面，相當滋味，軟淋淋既意大利飯索晒雞同牛肝菌既精華，點可能唔好食呢？甜品係冰酒雪葩配火焰橙酒班戟，前者果香濃郁，都幾甜下，係一款口感非常好既果味甜品，後者吸收左橙汁同酒香，香甜軟滑，出面唔多地方可以食到，正！美酒配佳餚是常識吧！呢支Chianti Classico Riserva 容易入口，唔好飲酒既女朋友都覺得好味。見女朋友笑住走，一切都係值得既！…查看更多

知道呢間拉麵都新新地，睇左D網上食評話OK先敢黎食，驚中伏嘛！食左個黑蒜油豚骨拉麵，湯底係豬骨湯加黑蒜油整成，顏色沒想像中咁黑，飲左幾啖湯，都好濃郁下WOR，叉燒肥瘦適中，同埋好淋好滑，仲有溏心蛋，成碗麵食落唔覺滯，值得回味。跟餐加20蚊會有多三隻餃子同汽水，餃子好脆口，入面既菜肉餡好飽滿，係一個唔錯既午餐。…查看更多

好耐無見既朋友因為要派帖，所以約我去上環食個快lunch，仲話請我食添，我就揀左食拉麵，價錢合理，慳住準新郎哥個荷包。先黎一人一碗豚骨拉麵，湯底充滿豚骨香味，飲落清清地，唔會好油膩；至於麵質都幾彈牙同爽口；至於叉燒呢，脂肪分佈平均，好似入口即溶咁。大食d既朋友就可以好似我地咁跟餐加$20，歎多3隻餃子連汽水，餃子皮香脆可口，餡料菜肉份量平均，放耐左都唔會油淋淋，keep到脆身口感。…查看更多

唔少打工仔返工既原動力，就係為左捱到午餐，跟住感覺好快又過一日，真係爽！今日同個同事黎呢度食拉麵，上到黎見到勁多人，全院滿座~ 20分鐘後終於有位，坐低一人叫左一碗黑蒜油豚骨拉麵，再每人加20蚊追加每人3隻餃子同可樂~拉麵上枱時首先最吸引既係隻蛋，睇落郁郁下非常糖心；之後試個湯底，飲到濃厚焦香同甘味，層次幾豐富；至於拉麵呢，都算彈牙煙韌，叉燒就肥瘦適中，入口軟嫩，所以呢個lunch都幾滿意既~   …查看更多