影片
港鐵香港站 C 出口, 步行約6分鐘
繼續閱讀
營業時間
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
招牌菜
🥇榨菜豬肉手工餡餅餡餅每日限量供應，有幾種辣度俾你揀。餡餅唔係一般麵團質感，係200層酥皮，有啲似印度薄餅嘅外皮，非常酥脆。裡面的榨菜豬肉好香頗油，雖然肥膩，但就好香口！粗麵口感好硬，重粉嘅感覺，不爽口，不太建議食這個。寬麵比起刀削麵，寬麵比較扁平，唔會有刀削麵微曲嘅小裙擺，所以冇咁掛湯。清湯有啲似譚x個味，食得出有少少味精。不過其實佢有五種湯底俾你揀，選擇都算好多！下次會試吓佢個水餃，同埋涼麵！
繼續閱讀
因為我好鐘意食莞茜，所以比門口寫既新出莞茜豬肉餃吸引左😂 1個人坐低，叫左莞茜豬肉餃寬麵湯底叫左胡椒湯，食落同譚仔個胡麻湯好似🤔 個麵正正常常無咩特別，佢有樣既幾好就係有4款手工麵揀，我覺得都算多選擇既個餃子都大隻既，個餡都係正正常常，有莞茜味但唔重，整體黎講就係普通一碗麵😂 不過加野飲好貴，我加杯凍檸茶要$13😂😂😂
繼續閱讀
我&同事都好中意食自家麵原因係佢有好多款麵條粗度選擇（寬麵、粗麵、中麵、幼麵）湯底都有6種（原味清湯、麻辣、胡麻、酸麻、胡椒、酸辣）可以視乎心情揀選適合自己當日口味的配搭而我就最中意食佢既胡麻湯滑雞中麵,香濃的胡椒湯底配上吸晒湯既極彈牙的中麵，真係好開胃好味。湯底唔會好油膩、死咸，亦應該無落味精，因為食完唔會好口渴要飲好多水～美中不足的係，佢既配料份量唔夠，好多時食左2/3碗已經無晒雞肉/其他配料P.S. 佢既餃子都好多人食，但我食過一次略嫌皮太厚
繼續閱讀
呢間鋪頭嘅洋蔥牛肉餡餅係每日限量供應嘅, 通常晚市時段就會賣曬。 今日中午路過中環，專登上嚟威靈頓街幫襯佢。 牛肉餅攞上手熱辣辣， 餅皮嘅酥油香味隔咗成米都聞得到， 令人垂涎三尺。 餅皮係千層酥皮，非常酥脆， 咬落去發出卡啦卡啦嘅聲響。 佢嘅牛肉唔係沙爹牛肉或者菜心炒牛肉嘅嗰種牛肉質感， 而係有少少似牛腩碎咁嘅感覺， 食到一絲一絲嘅 纖維。 牛肉同洋蔥粒嘅比例啱啱好， 食到牛肉同埋牛肉嘅肉汁之餘，又食到洋蔥爽脆嘅口感。 一個牛肉餡餅36蚊， 我覺得物超所值。
繼續閱讀
平日星期五7:30入座，見仲有三檯客食緊就照入去。點知嗰啲啊姐7:50就等收工咁，不停叫「收工啦收工啦」，8:00即刻熄冷氣，我碗麵仲出緊煙㗎大佬。有人叫外賣啊姐就話截單，係廚房叫出嚟話照接order先肯接。叫咗碗麻酸辣牛𦟌湯手工麵$88，加杯熱菜蜜$8，盛惠$96，湯底食落係味精，叫微辣都係俾譚仔三小辣我。牛𦟌過得去唔韌，但真係薄切五塊。成件事完全overpriced。總結係呃鬼佬國貨味精湯麵。
繼續閱讀