麵掂

營業中

休息中

平時放飯會去開附近冰室，今日試吓食其他，行行下見到呢間舖頭門外有花牌，八吓係咩嚟，點知原來係新食店，下午條街唔係咁旺，坐低就睇吓食咩，呢間鋪係有面同糖水小食，今次試咗面先，揀咗6個餸，湯底有分清湯bb小中大辣，咁我唔係太食得辣，所以揀左bb辣，同小麻，同翼尖一份。店主好cool但係都有問有答好禮貌，講返啲嘢食，上枱未食聞到都覺得好香，碗面份量好足，而且仲有包2個配菜，湯底唔係好覺有味精，但係都幾惹味，翼尖就有酒香少少辣，覺得可以再咸返少少🤏，總括嚟講個人覺得好食，下次會同同事一齊嚟食過。感謝店主送咗罐野比我解渴🙏🏻🙏🏻