麵屋一平安

營業中

休息中

叫左2個拉麵餐:迷你鼓油拉麵配迷你牛舌飯 & 火山拉麵配迷你豬腩肉飯.迷你鼓油拉麵好細碗,拉麵得好少,個湯底好清淡,拉麵麵質好好味,幾軟.火山拉麵加大,要加$10,大碗好多,個湯底濃,有少少味噌味.迷你牛舌飯個汁係好濃既黑椒汁,牛舌好爽口但好易咬,好好味.迷你豬腩肉飯個肉硬左少少,而且冇咩汁,只有味菜去送飯,一般.

今日下晝食咗個好難食嘅炸魚柳蝦咖哩飯，好擔心粒食神隱身ing… 但放工好餓，而且要等待教練到21:00，所以食嘢先。一路撘地鐵一路搵嘢食，原本諗過去其他區，但唔知做乜突然叮一聲諗起靚仔髮型師介紹過呢間好味，仲要行到老遠嘅尖東店先得，反正同區仲方便，於是就去咗。要咗豬腩肉豬骨湯麵，加埋炸雞軟骨。湯底唔係濃稠gel口但好重豬骨味，啲麵唔係自製但好爽亦當然冇最憎嘅鹼水味，豬腩肉雖然嚡嚡地，但肥膏位又真係入口即溶，而且有麵豉味，配菜有椰菜芽菜木耳蔥花都幾多。炸雞軟骨熱燙又夠脆。成間店啲客除咗我其餘4枱都係日本人，質素差極有限，服務又唔錯會主動適時收碗碟。最蝕底可能係位置難搵裝修舊，但真係超平，個麵只係$54，炸嘢$22，連加一都係$84。

帶個外國朋友去歷史博物館遊返轉，差不多兩點幾就喪諗去邊度吃好，咁岩比我地見到幸福中心地庫有間食日本野既餐廳，見咁餓不妨試試。其實間鋪有點兒難搵到，要搭lift落樓下地庫，一轉右就會見到 因為個時間係下午茶時段，所以好快就入到去搵個位坐低，幾難得星期日仲有set lunch，原本睇到價錢差不多要$70-80，以為真係好唔抵啦，點知黎到個份量都多，而且小食配料都足夠，最重要係一碗大拉麵可以配一碗細鰻魚飯，超划算! 比大家睇下d野食，幾精緻 個日見到好多一家大細過黎食，不錯的選擇喔!

朋友以為在幸福中心的食店都會少人光顧是晚星期五，由於坐位不多7點半入內剛好也只剩2人座場內員工不多，勝在大家有禮貌地招呼而且效率很高食物方面: 凍豆腐~其實只是一板加木魚碎的冷豆腐，靠醬油調味，普通。親子丼~滑蛋做得不錯，味道剛好。雞扒過份咸，而且是半生，我真的不太敢食。最終，因為飯太乾沒汁，送飯的蛋也食完，剩下的飯都不能吃下去了。

其實已經唔係第一次食一平安, 不過上次係去美麗華分店, 今次黎左尖東幸福中心分店, 呢間分店比較唔同既係套餐選擇比較少, 同埋多D日本人黎, 而且店入面的裝修比美麗華分店更似日本拉面店, 氣氛環境不錯!一入店坐低, 店員二話不說捧上熱茶, 服務態度比起美麗華分店更殷勤!叫左醬油拉麵+滑蛋豬扒飯SET醬油拉麵:份量比較小, 相對美麗華分店細碗, 湯底比較清, 而且唔夠熱, 相對上次食豬骨拉面既湯比較濃郁, 下次識揀揀番豬骨湯, 叉燒不錯, 入口即融滑蛋豬扒飯:新鮮熱辣, 蛋汁剛好沾上豬扒, 唔會整淋哂豬扒, 好食!

今日喺呢頭做完野~所以就近搵個地方醫醫肚~呢期心儀拉麵,一心諗住睇下附近有冇收穫!咁啱路經此地~就決定入去一試~入到去餐廳門口見佢門半閂咁,唔知佢開門未~眼望望比服務員小姐見到~就歡迎我光臨..喺入面十個客人都冇~只係見到一班疑似高層的人喺到開會,真係有少少担心~之後服務員熱情地帶我到一個埋邊位,張枱好大,坐得都好舒服~第一次黎呢到食野~唔知佢有咩招牌,所以望完又望~樣樣都想食,服務員見我病發~(選擇性困難症)所以過黎幫我一把,係咁咦介紹左兩個招牌拉麵比我~我就決定要佢其中一個最出名的~長崎拉麵同自己制餃子~~我本身有心儀的拉麵,但係服務員小姐話呢個係主打招牌出品,我當然要一試~!長崎拉麵 - 鷄湯底的雜菜海鮮肉絲拉麵,拉麵出品一般,食唔出有咩特別, 雜菜海鮮肉絲感覺就咁連埋D湯一齊烚熟~清新得覺得不經任何調味~可能我一直都唔知道''長崎拉麵''有這特色...我個人覺得真係好一般..自家制餃子 - 經了解,服務員話係自家製~我最欣賞自家製的出品,所以決定一試~!等左好耐先上枱,熱騰騰的,餃子質感好飽滿~肥嘟嘟好正~睇得出真係自製的~!外皮煎得好香脆,唔似係灯熱貨色,一口咬入去~我的天~

當晚原本去BBQ, 但因為黃雨關係取消了,一行11人去完科學館後又大雨,唯有係附近求其搵間餐廳醫肚,下次再慶祝母親節啦,原本諗住去譚仔既,但見到B1有呢間鋪頭,因為我去過美麗華個間分店覺得都可以,所以11人就決定去呢間!鋪頭都幾冷清,除左我地之外得三枱客,我地話左比職員知我地係11人, 但職員安排我地坐四張泊埋既二人枱,我地見到另一邊可以拍5張二人枱,於是我地要求過去坐,我地轉過去之後,一名啡色衫短髮職員(似係高級一點)堅持只願意拍四張二人枱,要我地頭尾都坐埋人,即係最頭同最尾個張都係三人坐,我真係唔明白點解要坐得咁迫,你覺得我坐得到,咁你有無諗過放唔放到野食呢?如果同時候三人都叫定食,都已經放不下,仲要成間鋪都坐唔到一半人,如果唔係出面咁大雨,我地一定會走,結果我同我男友都情願唔叫野食,等其他家人食飽我再出去搵野食都唔想比咁多錢佢地賺,成百蚊一個定食都唔係平,仲要我坐成咁,你真係想我再去都好難!家人叫左7個拉麵,加左3個飯仔,叫左一個明太子蛋,小食,當中有四人都話湯底好普通,麵又少,結果我地要再出去食野,咁既價錢,咁既份量,咁既服務態度,不可一不可再

首次幫襯「一平安」是位於美麗華的分店, 由於該次食品味道好, 剛好經過幸福中心門外見到其大大張海報標示為【總店】, 那當然要去嘗嘗吧~可是令人覺得倒胃又倒霉, 人生可怕經歷之一! 先講環境, 光猛開揚, 雖然不是很大(用鏡來營造空間感), 座位算舒適, 但很嘈吵, 幾乎每枱都高談闊論, 想跟朋友好好交談都得側頭才能勉強聽到. 食物方面...... 豬骨湯拉麵 ($58) : 與「叉燒麵」相差2元的分別就是少兩塊肉?! 實在看不透!!! 湯隱約有滾水味, 一碗普通豬骨湯連「豬骨」味道都沒有, 和朋友不停取七味粉胡椒粉還是淡而無味! 叉燒麵 ($60) : 味道同上, 只是多了$2. 味道一樣(無味), 麵質一樣(淋軟). 說不出的差感. 就算連鎖經營, 一般小店的拉麵也做不出這樣沒味道的拉麵湯底, 何況一家聲稱「最先登陸香港的拉麵店」?! 一平安炸雞肉 ($58) : 小食... 無味拉麵以外用來撐撐肚子尚可, 是日也許來錯了時候, 廚房欠缺調味品, 連炸雞都是連半點咸味都沒有.

麵屋一平安這個名字已在市場上一段不短的時間, 而且分店亦有四五家, 可以說是拉麵風發展之前的一員。然而尖東這店卻比一般的分店有所不同, 一, 樓面人士多是日本人士; 二, 餐廳裝潢及作風比較傳統及低調。而且望著餐牌, 感覺上總是跟其他的店有些不同。不過不嘗試考究, 車停在尖東, 來吃個麵試試看。要的是一個簡單的叉燒拉麵, 湯底用上現在屬於少眾的麵豉湯。現在香港盛行濃味豬骨, 其實在日本, 不同的湯底也有其特定的捧場客。什麼麵豉, 昆布, 牛油, 鹽湯等等, 其實都很不錯, 只是不知為何香港會只側重一邊。明顯, 這個拉麵屬於些近九州風格的拉麵, 以麵豉為湯底, 湯清而淡香, 有淡淡的麵豉鹹香。它不是那些轟轟烈烈的極濃極強拉麵, 但是清淡委婉, 可惜未有扣人心魄的幽怨感。湯底 -- 6.5/10麵身屬圓形偏淡黃色的中度幼麵, 味道不多, 拉湯能力一般。只是要求著要硬點的麵身, 能感覺些彈性, 算是滑口, 但沒有過份好的感覺。麵條 -- 6/10用料方面, 兩片叉燒, 不薄亦不厚, 口感可以, 不過味道略淡。瘦肉較多, 所以感覺有丁點嚡口。除叉燒之外, 就只有兩片魚旦及一堆昆布, 也許昆布給

其實隔左半個月先打呢個食評。隔左半個月都打係因為呢間野實在太唔掂!!! 當日落雨，同男朋友冇帶遮，企左係個unknown商場外面唔知去邊食好就咁岩見到呢間野個燈牌。反正就係樓下地庫，Openrice又有咁多笑臉，我同男友又鍾意食拉麵，咁就興高彩烈咁行去試下。先講地理位置，係一個死氣沈沈既商場既地庫。行樓梯落去見到2隻死左既強哥，衛生情況令人卻步，但因為餓同落雨，冇計。去到門面，見大半間店都吉左，我地問可唔可以俾個menu唻睇下先，個侍應呀姐粗聲粗氣話: "入唻坐低咪有得你睇囉!!" 佢一路講已經拎住2杯茶行左入去。呢D咁既service已經令人炆憎, 行到埋去…嘩!! 呢條路唻架?? 我真係當場黑左面，你條"路"係咪窄左少少呀?? 對比地下真係一個磚位都冇喎。算，坐低揀野食。印象中D拉麵都唔係平，碗碗60幾，湯底有幾款。小妹見有人話佢d麵豉湯掂，小妹就叫唻試下。男朋友叫左個咖哩湯拉麵加迷你腩肉飯。D野唻得算快，拉麵好快就到左。呀姐一放低就知出事，乜咁既樣既??! 一睇個湯就知唔濃得去邊啦!!點知飲一口先知出哂事!! 青紅蘿蔔湯咁既味既?!  咩事呀?!!D麵呢....硬到好似岩岩放落

星期六，由於5天工作，稍為瞓晏少少，故此早餐又相對食晏少少。同老婆要出尖沙咀搞銀行嘢，搞完都接近中午，其實大家都未喺好肚餓，不過，醒起「麵屋一平安」，講咗好耐要試要試，總要會一會。店子位處尖東幸福中心，個商場本身無乜人流，已經頗靜，仲要開晌地庫，兜完又兜先搵到，成個商場黑沉沉，得佢一個鋪位稱得上燈火通明。無無聊上網睇吓「麵屋一平安」嘅往史，原來自1984開業，心算一下至今都成29年，依家啲老店一間一間咁執，而且近年拉麵嘅戰火燒得幾紅，周圍都喺，唔再局限三幾區，所以能夠晌拉麵市場屹立29年唔喺一件易件。佢前前後後仲開咗另外5家分店，依間元祖店保持開業原貌，所以感覺有啲老套，又無乜好日式嘅裝修，但都幾企理整潔。而近門口有個闊而矮身大書櫃，好易走漏眼，擺滿好多日本漫畫及雜誌，充滿日式小店風格。打開餐牌第一頁，有多張拉麵大相，屬店中重點推介。雖然以豬骨湯配多種海鮮、豚肉、野菜嘅長崎拉麵喺店內招牌，紅足多年，不過，我哋就無打算點。因為見有個麵定食，賣$80已包咗一碗拉麵及一碗迷你飯，上文都講過我哋都唔喺好肚餓，但叫一碗拉麵兩份又好似有啲唔好意思咁，所以依個麵定食正合我哋心意。除咗拉麵，依度都仲有

今日好開心, 因為朋友仔在德國Exchange完返黎.一年冇見, 今日終於都見到喇.我地冇咩變過, 依然鍾意出去食飯, 吹水.不過朋友仔話唔食西餐, 唔食Pizza, 唔食熱氣嘢...咁可以食咩?!諗諗下, 就諗到依間日本餐廳: 麵屋一平安其實我之前食過, 但係係另一間分店食.上次食過咖喱拉麵, 幾好食, 所以今次都介紹朋友仔黎試下其他拉麵.今次食咩好呢?鐵板豆腐熱辣辣上枱, 好香呀.豆腐配埋木魚絲, 我覺得好好食呀.不過味道鹹咗少少.麵豉拉麵朋友仔話湯底好濃.叉焼豬骨湯拉麵拉麵質地唔會好軟或好梗, 岩岩好.但係我覺得個湯唔係好濃, 不過又唔係淡.成個拉麵好似普通咗D.整體黎講, 食物味道都ok嘅, 不過依間餐廳的地點就難搵d, 我朋友仔搵咗好耐先搵到.餐廳的人唔多, 係度同朋友傾計吹水係唔錯的.

數年前去過一平安的銅鑼灣店，印象頗佳。今日經過尖東，在外面看見招牌大大的總店宣傳海報，心血來潮決定再試。點了午市套餐：豬骨湯面加大，拼炒飯。炒飯是微波爐翻熱的，不大有誠意，但我主要是吃麵，所以不談了。湯底欠缺香氣，有點失望。第一個感覺是好像加了水溝稀了，但喝多了還可以。這湯給我的感覺是較舊式的柔和而不會像一些潮流拉麵店的一味越濃越好。較柔和的拉麵湯麵才能常吃，反而潮流派的試過一次就夠了，因爲每再想起只覺得很滯膩。拉麵質量不錯的，但芽菜令湯底感覺更淡，不加也罷。總體不知是不是午市套餐關係而令質量下降。服務員也不是很專業。希望下次會有較好水準。

喜歡這裡多少有點感情分，只是「一年一會」，然而多年不變的伙計還是笑著說：「拉麵已上市好耐啦，為啥咁遲才來？」心情放鬆的喜悅，食物亦倍覺滋味。是的，我是很喜歡小店的中華冷麵，尤其在大熱天穿外套通街跑，一杯冷烏龍茶，然後一碟冰涼的冷麵定食，沒甚麼比此更感「幸福」吧？畢竟是拉麵居酒店，賣相未及味十味般仔細，然而麵條粗而煙韌是九州那邊的風格，在繁忙的午市嘗到入口夠冷的冷麵真不易，這裡便做對了，而論配搭今年亦較往年細緻。配料非特別，卻花了點心思，比方雞絲雖為冰鮮，但以上湯處理後肉鬆而味道不單調，木耳爽口亦健康；回心一想廚師正為繁忙的午膳疲於奔命，而這裡卻有你想不到的Open face溏心蛋，怎不教長龍店一風堂汗顏？吃得滿意，而店員見我的烏龍樽「吉」了，便主動建議為我添滿自家沖調的冰烏龍，是老店四十多年保留下的「文化遺產」。

午餐order 了一個 迷你拉麵豬骨湯拉麵 + 迷你滑蛋豬扒飯。 食物方面係ok , 湯底好好味, 麵好彈! 個飯都唔差。但最失敗係服務態度, 我朋友一食完, 佢個男服務完就拿拿聲收碗。 係, 快手收野係好。但當我剛食完飯, 口裏啖飯都未吞完, 朋友叫佢加茶時, 個男服務完一見我食完, 就茶都添左一半, 就叫收銀黎埋單。 咩態度?? 我都冇叫埋單, 趕客呀 ??? 食完飯, 抖一陣先走都得掛。 我同朋友唔服氣, 坐多左一陣, 5 分鐘左右。佢見我地唔走, 就走埋黎叫我地走喎。 知你地多客好巴閉喇, 但當時門口都只係得番2個人等緊o者。 味道好, 但服務唔好, 都唔駛指意再食你。 食完包你一肚氣 !