麵尊

營業中

休息中

今日返工經過銅鑼灣又唔想食貴餐所以就揀左車仔麵喇成個登龍街一到中午就排長龍我6個等左20分鐘左右店面幾靚呀！又坐得舒服咁佢一個餸$10我叫左咖哩魷魚同咖哩柏葉同腩汁湯~加個可樂一共$40不過唔知佢有冇落味精呢個湯底好清嘅食完唔會覺得好口渴都辣嫁wor~咖哩魷魚同咖哩柏葉個人個得d辣有d cover 左魷魚柏葉本身陣味偷食左同事既豬皮同大腸覺得好正~!!!我叫左米線炸😛因為我真係好怕頂胃嘅感覺原來同事話油麵仲match😻下次試下先....

自從朋友介紹麵尊車仔面，我一星期都會食一次。因為位置係登龍街，好近office，車仔面店黎講算坐得舒服。我每次都會點河粉，因為我覺得佢d河粉好新鮮好滑，同買乾河粉係屋企煮係完全唔同口感。我點牛腩，覺得稍微啖味左d，芝士腸/墨丸果d就大路野，冇乜特別。個麵尊辣醬有好香果陣四川麻辣鍋既香味，少少已經好辣，配埋腩汁湯底，正

經銅鑼灣住既朋友介紹黎食，佢話地方乾淨、味道又唔錯喎。外面個燈牌好搶眼，入面企理，坐位唔太迫既。叫左兩碗車仔麵- 咖哩牛柏葉、牛孖根、酸齋、伊麵底+麻辣 -蘿蔔、牛孖根、蠔油冬菇、魚皮餃、幼麵底 推介牛孖根同蘿蔔！牛孖根好淋好入味，夏天難得食到蘿蔔又甜又無根！酸齋同魚皮餃正常野，咖哩牛柏葉就無咩咖哩味啦，好一般呢。朋友話冬菇好食，不過我無試呀。伊麵底超大個囉，食極都重有咁自家制個麻辣醬都幾香，不過唔夠麻同辣！

想食呢間車仔麵一段時間🍜 寶寶去食過一次話有點普通 所以就無放佢上腦 到今日要出銅鑼灣醫肚仔 寶就話帶我黎食 其實唔係咁差🤪$10一個餸/粉麵 最低消費 $38 我叫咗粗面 咖哩牛栢葉 蘿蔔寶叫咗幼面 豬大腸 豬皮 咖哩魚旦 豬頸肉佢啲咖哩超級入味🔥 一定要叫定杯野飲👅豬皮+蘿蔔都幾入味 😋 豬大腸好fat fat 🐽分量唔算多 我覺得啱啱好 不過男士未必夠食🤪炸魚皮 好正👍🏻 好脆 好新鮮📜Overall：1點幾 黎到 門口有條小人龍 應該都頗出名🤓 欣賞佢一點就係一定要人齊先可以入座👏🏻 地方唔算大 但係勝在樓低高 環境好光猛☀️ 係廚房慢少少 通常車仔麵都係5分鐘內整好一碟的 但係我地等咗10分鐘以上呢 🧐最鐘意就係佢舖頭好乾淨 無一般車仔麵檔的local local感覺😂

係V point既地下，個人覺得唔覺眼。。。😅我轉左兩個圈先搵到。聽聞都多人排，幸好當日少人，前面都係得兩個，好快到我，可以排住隊點住野食先😁入到去坐左d酒吧櫈，本來都同朋友兩個人坐冇咩所謂，坐坐下就大煲啦。。因為我地都唔係高人，全程屈住腳坐，其實真係有d唔舒服😅腳前又冇欄杆可以踩，有d辛苦。。。仲要個日著左短褲，都有d唔好意思😵一入去其實都見到d防蚊既野係到，坐多一陣真係中晒招，勁多蒼蠅，飛飛，係咁飛黎飛去😰好麻煩丫。。。。。環境真係一般般。。。食lu。。。都等左兩三個字，唔算快，但對比一般車仔麵，其實依間野幾高溫啵，似剛剛整起出黎既，我嗌左四餸~😁全部都正路既，大腸好入味，不過就幼又薄，唔算林，一般般，以十蚊餸係貴既，牛栢葉都爽口，但佢個咖喱味得個香字，味唔夠，同都超辣，係咁流鼻水個人算食得辣既。。。不過就唔係好食既辣。蘿蔔丫個d都唔差，腩汁幾好整體就食得過既，價錢偏貴，但係cwb黎講你揀兩餸一麵都係三十就算係咁啦

又係探索周邊食晏地方既時候，本身打算食譚仔，見呢度有間新既車仔麵，鍾意試新野既我認唔住就走左入去試😂😂店面四四正正，幾有風格，而且店面都有咁上下空間，大落地玻璃加強左空間感。呢到都係圈紙仔落單，可選既配料都有三十幾種，我就叫左兩種配料加米粉，跟麻辣醬，加配無糖可樂。*紫菜牛筋米* $30+可樂$10同一般車仔麵一樣湯底偏甜甜地，紫菜唔少。牛筋份量就幾多，而且仲幾大舊下，夠淋入味既，附有少少肉。米粉正常，麻辣醬其實幾香，不過正常份量對我黎講唔夠，我係另加左辣椒油，辣椒油都ok既～整體感覺還好，間中應該會食下。

今日同朋友經過銅鑼灣想搵啲野食 見到車仔麵好似幾好味 於是入去試下 我嗌左白蘿蔔 豬紅 牛筋 油麵 牛腩汁🤤🤤第一啖試完啲湯 覺得幾得意 偏甜幾好味 但真係愈食就愈膩😥蘿蔔本身都甜 幾好味 但加埋啲湯就過份甜 而豬紅幾好味👍🏻👍🏻推薦 最唔推薦叫牛筋 有啲過肥 同埋口感一般 而呢間油麵煮得偏硬 最後都係食唔晒收場 真係太膩

雖然我十分愛吃拉麵，但有時候也是需要支持一下港式食物。數到港式食物，我實在有點意外的是，這間車仔麵竟有膽量在充滿拉麵店的登龍街內。晚飯時間，我看到店內的食客人數絕不比旁邊的拉麵店輸蝕，在門外我也被它光亮簡潔的環境吸引，於是驅便我入內光顧。跟其他的車仔麵店一樣，這店要在紙張上圈下自己想要的食物。我點了最飽肚的魚皮餃、墨丸、跟惹味的咖哩魷魚、幼麵配床麻辣汁。不用等多久麵就來了。魚皮餃不腥，有三粒，墨魚丸十分彈牙。要數當中最突出的一定是咖哩魷魚，真的十分彈牙爽口，配上咖哩汁真的令人慾罷不能。麻辣醬十分不錯，帶少少麻辣，但又不會太麻。吃過麵後，有別於其他車仔麵般會感到喉乾舌燥，抵讚。

朋友帶我今日去上麪尊， 麪尊好得意， 比起其他車仔麪唔同， 可以有紫菜、酸齋、美味齋等素食食材選擇，素食者又多一個選擇。🥰仲有一些常見於街頭小食的常客， 如咖喱魷魚、豬頸肉等可選擇。 每款$10， 最低消費每人$40 。 但CWB 都算係經濟的。

呢間鋪頭嘅總店喺上環已經開咗好多年，上環嗰間任何時候都係人山人海，係依個幾月之前終於開到嚟銅鑼灣啊，可以去試吓同上環總店味道會唔會爭好遠。今日遲左出嚟食午餐，所以去到間餐廳都等左十幾分鐘先有位，不過好彩車仔麵都係大家都食得好快。俾大家睇吓這間新餐廳嘅環境先。鋪頭嘅店每個餸$10，我就叫咗四個餸加埋面底，所以買單就$50，佢啲朱紅同埋豬腸都非常入味，魚皮係非常脆。呢个係我同事叫嘅，佢每樣餸都都唔算比得太少，佢都覺得幾好味。總括嚟講如果趕時間就出啲好味啲嘅嘢，都會推薦嚟呢度食。

3點幾做完facial有小小餓行過見到登龍街有間可以平平地食小小野既餐廳🥰環境幾好 一個人就選擇坐高椅每個送$10 係名符其實嘅豐儉由人我叫左3送1面 再加杯凍豆漿賣相靚！個腩汁比想像中更入味！幾好味個人認為都幾抵食。會encall😬😬😬

麵尊係銅鑼灣開左分店！店面既裝修同一般既車仔麵店有好大既分別，店面新穎同埋播放最in流行歌！唔講真係唔知佢係車仔麵店。但銅鑼灣已經有好幾間歷史悠久既車仔麵舖，要突圍真係唔易。依日做完gym, 我就同左男朋友泥麵尊醫肚，佢就叫左個咖哩味湯底，而我就叫左個麻辣湯底。咖哩湯底 （7/10）我試左少少個湯，認為個味道係特別既，但睇開我地食評既朋友都知道我地好鐘意食麻辣（成日食譚仔小辣）相較之下我覺得佢個麻辣味更好食！麻辣湯底 （8.5/10）另外不得不提就係個蘿蔔！好淋好入味！必推薦！

路過見到裝修幾靚，啱啱開業冇幾耐的車仔麵店，就走入去試一試一，點不知中伏。每一款餸就$10 ，以為好抵，點知丸就得兩粒，生菜就得就得三片。嗰日就食咗$40 ，但係一啲都唔飽。麵嘅份量不算太多但係湯嘅份量就真係好少，少到好似撈麵一樣。其實應該關湯碗嘅問題因為好淺所以不能夠放太多湯。講到味道就真係好一般，湯顏色好濃但係就冇乜味道偏淡。我自己需要加調味料。蘿蔔味道就OK，雖然對我來講偏甜但係，係嗰碗麵最好食嘅一樣野。講到服務就真係需要檢討一下，呢一間餐廳連水都不供應，紙巾亦不供應，只係喺餐廳後面有一卷公家用嘅廁紙，但係就並非每一張枱都有紙巾供應。依家真係冇乜餐廳連水都不會供應，就算茶餐廳都有水啦！講到尾，雖然價錢算好平喺銅鑼灣來講，但係真係不值得一試，因為味道真係不太好，而且$10一款送得兩粒真係好唔值！試過就真係算啦$40當冇咗

自從兩星期前食過第一次後⋯宜家每兩三日都keep住要去食，最好味係豬紅，唯一挑剔嘅係每次去都發現餐具洗得唔太乾淨，希望餐廳可以有改善嘅空間。另外如要求辣醬另上，建議醬料放在豉油碟上，取替現在放在匙羹方式，因為食食吓條匙羹會沉落碗麵度，越食越辣，因為客人要求另上就係想自己調校辣度。

今次已經第三次光顧，總算在銅鑼灣數一數二的車仔面，它的湯底，咖哩醬，辣醬都一流，仍然保留左中上環總店的味道，這是十分難得。它的材料十分用心，全部都是手工用心製作，特別是它的牛筋，牛腩，都入味，軟硬適中。而麵底都唔差，還可以無限續湯，不用排很久，不像深水埗x記，要排很久，值得一吃再吃......