麵の四

營業中

休息中

麵の四😘😘😘日式和風拉麪店筲箕灣筲箕灣道186號、黑框趟門、傳統日式feel拉麵店、寬敞明亮、下單快捷！沾麪🍜蟹黃沾麵$92是日本常用烏冬麵的一種、湯底和麵條分開盛放、享用時、用筷子夾麵條蘸湯食用、風味較普通湯麵湯底更濃烈、方便顧客盡享湯底、使用靚靚的蟹膏輔以蟹肉煉制的湯頭加入湯頭加入@自家製的蟹油熬煮而成、加入細稠香綿的蟹黃、更添上濃香郁滑的湯汁、香味四溢、唔定停口、舔舔脷👅、烏冬煙靭彈牙！美味一流！拉麵黑蒜和風牛肉拉麵$78黑蒜🧄重口味、味道濃郁、配上和風牛肉、風味濃郁香、互相輝映、濃郁香氣，令人食指大動、拉麵Q彈有嚼口、海苔伴碟、增添層次口感、賣相吸睛、色彩豐富！小食日式煎餃$32拉麵店必選之小食、餃底煎至金黃外皮香脆、內餡保持鬆軟多汁、蘸香醋吃、更滋味👍🏻雜錦天婦羅$45日式天婦羅🍤、賣相黃金香口、脆而不膩、沾沙拉醬、錦上添花😊金菇牛肉卷$55濃香牛肉片包裹金菇、慢火煎香金黃、淋上自家製作、炸至金黃香脆蒜蓉、披上一件華丽外肩、色澤艷麗、增添味蕾口感色合桃小魚仔32🈴️桃炸脆金香、配上日式小魚、炒乾放油輕炸金黃、再一同秒炒、淋上蜜糖、味霖、脆口不油膩、小食－流👍🏻可樂$8麵の四 筲

拉麵界即將掀起一場腥風血雨嘅決鬥，究竟湯麵同沾麵邊個可以成為我的最愛？！嚟到筲箕灣嘅麵の四，一推開門，隨即傳嚟一陣非常香濃嘅湯底味道，要知道一碗成功嘅拉麵，湯底絕對係關鍵所在，而麵の四嘅湯麵同沾麵各有特色，令人非常期待！胡麻凍豆腐芝麻醬同木魚絕對係凍豆腐嘅精髓，另外加上青蔥，令非常滑溜嘅凍豆腐，口感層次大大提升。蒜香雞翼蒜香雞翼帶有香濃嘅牛油味偏重，外皮香脆，肉質Juicy。清酒煮蜆蜆肉脹卜卜，喺鮮甜嘅味道上帶有清酒嘅酒香，非常優雅。關東煮想知關東煮好唔好食，望吓蘿蔔就知！蘿蔔夠晒深色，非常入味。其他配料仲有蒟蒻、豆腐、竹輪等等，每件配菜都大大件，索晒湯非常鮮甜。赤海鮮拉面辣度可以自己揀，唔食得太辣都無問題。海鮮配料有青口、蜆、八爪魚、蝦等，份量十足之餘，仲令湯底多咗一份鮮甜味，非常驚喜。黑蒜油白豚沾面白豚被師傅燒至燶邊，勁香呀，而且食落口會有少少外脆內軟嘅感覺。至於湯底唔會過鹹，黑蒜油味道持久，當偏粗身嘅沾麵落湯後，非常掛湯，夠晒惹味。

今日喺西灣河交收完，喺附近醫肚先。見到有間門面充滿日式拉麵小店風情嘅舖頭，就入咗去喇。赤海鮮拉麵（$88）：有海蜆，海蝦，青口同埋八爪魚。所有海鮮都好新鮮。佢用嘅拉麵係幼身嘅，所以索晒濃湯嘅味道。值得一讚嘅係佢嘅海蝦，除咗蝦頭同蝦尾冇剝殼之外，蝦身係已經為食客剝咗殼，咁食嘅時候就方便好多喇。蟹黃沾麵（$92）：蟹黃醬汁嘅味道非常非常香蟹膏味！佢用麵，係粗身嗰種。所以即使將啲面放入醬汁入邊都唔會話過鹹，而且麵質有咬口清酒煮蜆（$60）：海蜆好肥。冇一隻食到有沙。味道鮮甜。份量都算多。簡單用清酒煮，唔會掩蓋咗海鮮嘅鮮味。核桃小魚仔（$32）：幾特別嘅一個小食。估唔到醬油同合桃味都幾夾。日式炒野菜（$46）：有椰菜，紅蘿蔔絲，芽菜同埋金菇一齊炒。味道清甜。係健康之選。道地蜂蜜綠茶（$10），荔枝紅茶（$10）：拉麵都算係濃味食品，飲返茶類解膩就岩喇

住筲箕灣的朋友推介呢間拉麵店，離西灣河地鐵站好近，記得行到筲箕灣道186號，轉上斜路幾步路就到。這間小小的店舖，好有日本小店feel。有幾款拉麵都係老闆特別推介，我哋揀咗:✨赤海鮮拉麵$88，加咗小辣，辣味冇冚過海鮮湯底的鮮味，配料都算豐富，有蝦、青口、蜆八爪魚仔和糖心蛋，全部都新鮮好食。✨黑蒜豚肉拉麵$72，豚骨湯底湯味濃郁，兩大塊厚厚的豚肉，一啲都唔吝嗇，還有我最愛的糖心蛋，好好味😋✨鹽燒鯖魚$48，魚肉的鮮味和鹽的鹹味完美融合，令人食指大動👍總括嚟講這間湯底味道唔錯，鹹淡適中，餸料好多，價錢大眾化，大大碗好抵食，但係三點至六點係落場時間唔開架🙂

位於筲箕灣的日式料理餐廳，家庭式經營小店，地方不大，座位有限。餐牌提供各款拉麵、沾麵麵食，還有定食、小食及日式炒飯，選擇繁多，價錢親民。拉麵：赤海鮮拉麵海鮮有青口、青口、蝦、蜆、舖面，很豐富、足料。湯底帶辛辣，不過辣度不高。拉麵是幼麵，很掛湯。這個價錢真的很親民。沾麵：黑蒜油白豚沾麵濃郁豬骨湯底，黑蒜油香。沾麵麵條粗身，口感爽彈。滾湯裡面浸著幾片厚身的豚肉，肥瘦均勻，燒得焦香，還有溏心蛋、紫菜、芽菜、冬筍、蔥花。溏心蛋蛋黃半生熟剛好。紫菜、芽菜都吸收了湯底精華。小食：清酒煮蜆蜆肉大粒，湯底清淡，帶出蜆肉之鮮甜。小食：日式炒野菜各款雜菜，跟蒜蓉炒香，還加了味醂及胡椒粉炒勻，簡單卻很惹味的一道日式小菜。小食：鹽燒鯖魚鯖魚外酥內軟，細骨不算多，肉質結實。

在西灣河的某橫行內，有一間不是很起眼，但好味又抵食又有heart的拉麵小店有多款抵食午市套餐、拉麵、小吃等供應❤️午市套餐黑蒜豚肉拉麵+金菇牛肉卷（半份）+蜂蜜綠茶～黑蒜湯底非常香濃又足料，麵質硬度適中，有兩大片煎過好香的豚肉，最驚喜係有隻流心蛋，鍾意食半生熟蛋的絕不能錯過😋金菇牛肉有3大條，仲細心地幫你剪開，淋上自家製作的金香香脆蒜蓉，添加不少口感😍蒲燒鰻魚～香濃美味，魚肉厚實，油脂豐富👍

呢間拉麵小店我由佢開業幫襯到而家，都係咁好食🤓見到呢間小店越來越多人幫襯就戥佢開心😊我都介紹咗好多朋友過嚟食架，好多朋友食完都話好食！食得出廚師既心機☺️-黑蒜豚肉拉麵 🍜 $72佢有濃郁嘅湯底，但又唔會太過膩又有香香哋嘅黑蒜味麵條爽而彈又掛湯我最最最鍾意食佢嗰個糖心蛋真係整得好好食！雖然本身個碗都一粒糖心蛋但係我都要加🤣🤣同埋啲豬肉都好嫩差啲以為佢係肥牛😅無論芽菜洋蔥芝麻紫菜都好好食🤤-蟹黄沾麵 $92同埋我覺得佢哋嘅份量真係幾多所以我呢個有叫到小麵佢個蟹黃膏真係好濃郁蟹黃味超正！跟住佢嗰啲蟹黃湯醬好濃稠真係條條麵都包住晒啲汁，不得了🥹隔籬枱見到我食佢哋都忍唔住叫多個試😂同埋我都好鍾意食筍加左荀浸埋呢個蟹黃湯醬入邊😍-胡麻冷豆腐 $35呢個作為前菜一流好清新味蕾嘅感覺佢個豆腐雪到凍再配上麻醬蔥同木魚好咸香-清酒煮蜆 $60佢啲蜆超新鮮脹卜卜超鮮味👍🏻連啲湯都想飲埋爭啲😁-波子汽水$16、烏龍茶$10而家好多地方都冇波子汽水啦飲嘅係回憶啊🥹

Homey small shop in the alley; good for families eat-out time.🦀 Crab roe tsukemen (沾麵) ($92)(+$10 for char siu - pork)Other ingredients: coddled egg, roasted seaweed sheets, bean sprouts, bamboo shoots, spring onionsA block of crab row on noodles, plenty of sprouts, spring onions 👍🏼 coddled egg in the soup to absorb more sauce🥬 Fried Vegetables ($46) incl. cabbages, bean sprouts, golden needle mushroom, carrot slices🧄 Garlic Golden Needle Mushroom ($32)Both abundant spring onions and white sesam

喺大街䁽眼見到呢間喺橫街嘅小店，見個名幾得意咁就好奇入去試吓，估唔到小店又幾好食喎🤣$46「日式炒野菜」：基本係椰菜，加少少金菇菜、紅蘿蔔絲、香蔥，全部蔬菜都新鮮，兼且幾大碟，簡單炒已經幾好食😋$42「關東煮」：有大根（即係白蘿蔔）、蒟蒻 こんにゃく Konjac、魚糕、豆腐 等，おでん 係日本人嘅 soul food 😋$72「黑蒜豚肉拉麵🍜」：湯底味道濃郁有黑蒜香味😋；日式叉燒甘香得嚟有少少charcoal 味😋；仲有一隻好溏心嘅「溏心蛋」😋$35「角燒豚肉」：喺香港耐唔耐會見到一啲我唔識嘅食物名稱，「角燒豚肉」係一個例子，我當然知道乜嘢係「角煮（かくに）」，所以非常有興趣試吓「角燒豚肉」，原來係類似「炆煮豬肉」，豬肉形狀有一片片亦有一件件體積比較大嘅，豬肉偏瘦只有少少肥，炆煮得幾軟熟😋$8「無糖可樂」：凍冰冰就梗係好飲啦🤣

昨晚以『步兵』身份替某外賣平台到該處取餐，當餐預備好，準備取走時，廚房有位女職員聲稱店鋪冇人識英文，叫我幫佢在電話跟對方溝通，但當時距離送餐限時只有8分鐘，我就婉拒，並表示趕送餐，而且遲到會扣錢，所以唔好意思了，幫唔到，佢話唔緊要，叫我繼續送餐吧。但負責收銀落單嗰位女職員即刻黑面大罵，話我講大話，送餐有20分鐘，不滿我唔幫忙，我話只有8分鐘送，仲比埋手機屏幕版面佢睇。好啦，我送餐啦，我差唔多去到目的地，佢打電話來話食物未齊，叫我折返（其實我剛到取餐時，都聽到佢在電話同另一送遞員講漏左食物，叫佢折返）, 但唔夠4分鐘，又打電話來催我，大鬧，收銀真係好癲（大姐，我行番轉頭都要時間啦），我返到去，佢放回食物，一句『唔該』或『唔好意思』都冇，仲黑口黑面。講真，我幫佢是人情，我自己有工作在身，要盡快送餐給客，亦有時間限制，我都禮貌婉拒，唔好意思都講埋，對方仲要『發爛炸』。（如果時間情況許可，我絕不介意幫忙）呢間鋪頭，我一定唔會惠顧，如果大家有機會叫這店鋪外賣，一定要check 清楚有冇遺漏食物，因為短時間內最少兩單執漏食物 （當時店鋪並不算太忙）, 都不太理想。

每個月都總會心思思想嚟呢度食拉麵，就係為左辛海鮮拉麵，my comfort food😮‍💨每次啲蜆肉都無沙勁鮮甜，海蝦仲幫你剝埋蝦殼，食得好方便🥰原隻流心蛋仲好入味，每次就係為左佢個湯底而黎😋食到心心眼。由開業到而家食咗起碼20次。但一直都無寫過食評，但見到前面有幾個負評，真係忍唔住要寫一寫😵小店幾十蚊就食到咁高質既拉麵，真係好難得。蟹膏沾面雖然不是最愛，但個人覺得都好好味，如果要挑剔，係食到最後個湯底唔夠熱😫

唔希望有人受害中伏依間劣食店🙂唔明點解OpenRice有正評出現 入到去叫咗一碗‘蟹黃沾麵‘ $92 同埋一碗’魚介白豚拉麵‘ $69👎🏻依區黎講 價錢又貴 食物質素又差 唔知憑咩定價咁高 但比啲垃圾人食 等咗20分鐘都算 黎到兩碗味道勁淡無味 沾麵好稀完全唔掛汁 蟹黃無蟹味 拉麵湯一樣淡 湯底無味好淡 似味精湯+水🤮🤮當場即刻同姐姐反映講勁淡 佢仲話無可能 好濃郁😓唔知自己食咗咩落肚 食到一肚氣 近期食過最劣食係依間 永久blacklist!!

見到openrice入面冇負評，就諗住去試下，入去之前都覺得伏伏地，啲裝飾勁似淘寶買番黎。放飯時段1點幾，入面竟然得2個人，諗住唔洗排隊咪入去trytry佢。見到個蟹黃沾麵（$79）好似幾吸引，點知黎到個湯底勁x難食，個麵又唔掛汁，40蚊都唔值。🤮第一次見溏心蛋係浸落個湯到，就知到個廚師真係唔識🙂因為個餐冇肉，所以額外加左2塊叉燒（$16），塊野薄過張紙，廚師刀工好勁。薄都唔緊要，仲要係超難，超市買個啲都好食過佢唔會再去blacklisted

放飯諗唔到食乜諗住喺附近搵間普普通通嘅店舖坐低食個晏，一坐低見到個價錢都唔普通🌝心諗唔通有驚喜？😃點知啲嘢食一嚟到，有驚無喜👎🏻叫咗碗「黑蒜豚肉沾麵」$69，難食到傻😵‍💫碗麵一嚟到，見個溏心蛋浸喺個湯*入面*已經心知不妙，我從來都未見過有一間舖頭會將糖心蛋**浸喺個湯入面**。試埋個湯底……個湯底勁稀，質地係水……個湯底嘅味，係溝淡咗嘅出前一丁湯底🤢我俾$69食溝淡咗嘅出前一丁，真係有啲倒錢落海嘅感覺😕另外，佢哋個叉燒好薄，完全唔係嗰回事……係OpenRice一定要比星咋，我真係一粒星都唔想俾佢👎🏻總之，完全唔推薦哩間嘢，唔會再俾機會佢！大家唔好俾啲好評呃到！全部都係打手😠

🍪【#筲箕灣】麵の四 💥西灣河低調日式餐廳 意外捕獲蟹黃沾麵💥.🍪唔係好多餐廳有得食蟹黃沾麵，上次食多賀野$188蟹黃沾麵，平一半嘅麵の四 $92蟹黃沾麵又點呢？~~~~~~~~~~~~~🍽蟹黃沾麵 $92 (4/5)(已包括溏心蛋、紫菜、芽菜、筍、蔥)湯底唔輸蝕，蟹黃甘香濃郁，又唔會太鹹，食到少少蟹肉。溏心蛋出色，蛋黃熟度同甜度都滿意。不過湯凍得好快！下次食會問店員可唔可以加熱。麵上有蟹膏，但凍身易腥，最後冇食晒，要快啲加熱湯食。另外冇咩餸，感覺好齋，如果可以加軟殼蟹就正喇！整體嚟講為湯底可以一試，有多啲餸嘅話會諗下再食！.🍽 鰻魚蛋飯 $69 (4/5)✧白飯略嫌煮得太濕，個口感有啲似飯糊。有大約半條鰻魚的份量，鰻魚汁調味剛剛好，不會太過甜。雞蛋煮得香滑，口感不錯。~~~~~~~~~~~~~味道 Taste：🍪🍪🍪🍪/5環境 Ambience：🍪🍪🍪/5💸消費 Spending：$81 /人 Person🔥推介度 Recommendation：4/5.📍 麵の四筲箕灣筲箕灣道186號永裕樓地下 (西灣河站 B 出口)G/F, Wing Yue House, 186 Shau Kei