麥當勞 (禮頓中心)

營業中

休息中

全港好似得幾間麥當勞有create your taste既自選漢堡包服務，而銅鑼灣仲好似係全港第一間？入到去麥記有三部直立手觸大屏幕跟住指示揀選材料材料選擇上，我覺得蔬菜同芝士種類都算豐富係麵包同肉類可以再多啲選擇而付款既方法就只有八達通同信用卡完成點菜，轉入側邊既號碼牌，就可以拎住號碼牌係𥚃面隨意坐低等食我地點左材料有軟包，安格斯牛肉，小酸瓜，番茄，生菜，大啡菇，菠蘿，蘋果煙醺煙肉，松露醬，香蒜蛋黃醬等左幾分鐘就有得食，漢堡嚟到既時候都有一部細iPhone 6s 既高度，其實男仔都好難一口咬哂成個包😂咬落都幾爆汁，除左菠蘿，番茄本身比較濕，好想讚下佢地大啡菇，同樣係好juicy牛肉就簿左啲，mayo sauce配truffle sauce都夾既，有松露既香味薯條就凍左少少，不過食落都仲算脆既出面食個似樣既burger都要過百最後以$88埋單係幾抵食！

麥當勞新出既蛋黃哥系列，蛋黃哥既小粉絲一定好開心啦！試左親子蛋飯堡，一拎上手好重，果然重量級！飯堡入面有栗米炒蛋，一塊炸雞，仲有兩款醬。一款白色應該係沙律醬，一款係黃色既醬。食落其實又幾好味，有d似泰國既味道，炸雞仲脆脆地幾夾，但飯堡就有小小油，整體都幾好味既。另外跟餐+$6蚊有尼個芝士薯波，一盒有六粒。入面係薯仔再有芝士粒粒，好似炸耐左唔係幾夠熱，我諗食到岩岩炸既應該幾正，食落有小小油啦可以接受既，味道就一般吧飯堡餐仲有跟薯條或轉栗米

（雖然美式手撕雞漢堡供應期已經完咗，但係我都想記低）麥當勞早前出咗個期間限定美式手撕雞漢堡，嗰日買咗份餐，攞上手係室溫唔算好熱，不過麵包算鬆軟，加入咗特製醬汁嘅手撕雞食起來微辣，配上蛋黃醬雜菜絲同車打芝士片，都幾惹味，只係略嫌炸洋葱圈已經被啲醬汁搞到頗腍、無脆脆口感。整體嚟講呢款係近年麥當勞新推出漢堡之中，比較好食嘅一款。

今日係公司開會,開到瘋狂,連食午飯都無時間,老闆話我搵人落樓下買麥噹噹,我就無所謂,因為我平時都食快餐,茶餐廳多,無法la..我依個跑行業!haha!我話要食麥樂雞,好快就買左返黎,食落外脆內軟,因同事好快買到返黎,所以外皮沒有因時間長變林,香香的炸物,配合酸甜醬,食落越想食,雞肉味1定係不足的,點都有d雪藏味,可以接受

睇廣告睇左咁耐,終於食到手撕雞漢堡啦,等左好耐啦雞肉真係幾滑,而且幾大份下,加埋個汁都幾惹味,手撕雞雞肉好平均,唔會無啦啦一舊大一舊細,所以口感唔錯不過個包好似無咁香口,平時D包脆D好味D薯條都幾好味,依間分店有信心D,唔似出面咁求其都幾好食,30幾蚊一個餐,正常啦

今日去咗麥當勞試自選漢堡，其實想試好耐，一直都唔得閒，等到今日先有得去。麵飽揀咗法式甜飽，牛肉係安格斯牛肉，醬要Big Mac醬，加埋酸瓜，蘑菇，烤蘆筍，燒甜薯，最緊要加埋香濃車打芝士同燒菠蘿，都好豐富，等咗十分鐘，終於有得食，有專人送到，好心急，即刻要咬一啖，試吓先，個甜飽幾鬆軟，牛肉都幾香熱熱地，但係其他配料就好似唔夠熱，少少暖暖地，無乜香味，而且成個飽好似好淡，唔覺得特別好食，其實單睇個樣都幾吸引，但味道真係一般，試過就夠，可能對佢有太大期望，所以有D失望，原來食麥當勞都係食返佢地D傳統飽會覺得好味D，用依個價錢去食一個自選飽，其實有好多仲好嘅選擇。

放假一早肚痛起左身,之後訓唔返,唯有起身刷牙洗面之後肚餓所以落街買早餐,好難得會咁早起身活動買左個M記既扭扭粉餐,火腿扒我覺得係M記最偉大發明,又唔肥又健康又好味,D肉都幾爽口扭扭粉就麻麻,林左小小薯餅緊係好食,好脆,熱辣辣好味道不過橙汁好似無以前咁好飲,都係鍾意以前既鮮炸橙汁

係銅鑼灣,真係幾時都甘多人,就連麥記都甘多人,根本爆到7彩,卒之都係外賣拎走算!賣左豬抑蛋漢堡餐配薯條,係我最鐘意食,因回家路程都要行15分鐘,所以薯條林了,食落不脆口,薯條都有薯仔味,豬抑蛋漢堡食落,芝士味特出,豬抑味濃!個人...我覺得是麥記,最好的配答

第一個post就寫m記。至從麥當勞可以自己選包😍今日終於去試下😝選左意式軟包 牛肉 生菜同松露醬 仲有粗薯條😜其實真系幾靚又有人拎餐黎😚第一啖咬落個包 咬多兩啖 塊牛肉濃味超重😞好似食緊濃哂既牛肉甘😭個醬又咸😢冇下次😔

最近m記出左既烤手撕雞炸洋蔥圈漢堡包，難得見到好多都好評，令我呢啲平時只係買$23餐既人都有啲心動，所以尋日宵夜就去左試喇~睇睇個價原來都要近$40，絕對唔係平呀！叫左唔洗一分鐘即刻有（即係唔係即刻整），貴包果然係貴包，個盒都靚過人一打開，咦...點解又係咁細既，同平時魚柳包果啲平包差唔多大細，同想像中有啲分別喎。咬啖食，涷既睇黎都整左一段時間，食到第3啖先食到啲雞肉， 客觀咁講個手撕雞醬的確係野味既，同平時既包都好唔同，烤醬既味道加埋雞絲好配合，但可能因為果晚十點幾宵夜去食，個炸洋蔥圈係完全林架，炸野最緊要係咩？係脆呀因為本身個包係雞絲而唔係雞排，所以口感上應該係靠個洋蔥圈去比，但因為佢林左，結果成個包食落得隻汁既味係最出但無口感可言，以近$40呢個價我唔覺得值..無論大細同咬口都唔合格啊結果要食返個雪糕滿足自己 唯有搵次再試下睇下會唔會新鮮整完好味d先幫佢平反啦~

M記雖然被標籤為不健康食物，但其實佢地ge早餐又不至於好像其他常餐那樣不健康。我好少食M記。真的好少。但M記的早餐，真的令我食完又食。這熱香餅餐，配有一塊最愛的豬柳漢堡！簡直是一個美味又享受的早晨！雖然M記係中央工房式生產，但出到黎的品質不會差，是可以接受。這款熱香餅好香，再配合一杯熱朱，整個早上醒晨過黎！我係一定要食早餐的人，早餐對我黎講太重要，我真係會感覺到有食早餐同冇食早餐的分別，真的好大！

麥當勞不時推出新包，今期就出左呢個手撕雞包，餡料相當創新。要近貼潮流，就即刻去左試。醬汁豐富，甜甜辣辣既。紅蘿蔔絲、椰菜絲、紫椰菜絲，混上蛋黃醬，為快餐食物增添一份健康。但係手撕雞肉質好霉，同脆到微硬既洋蔥圈唔夾，其實抽起洋蔥圈仲好食。唔知期間限定到幾時，一試無妨。

即時點，即時砌嘅m記，大家都成日食，但差到咁，平時我一定要求換過架，但今日趕時間就算啦魚柳包一個魚柳淋，唔脆，叫小醬，但又勁多醬，好酸呀包，硬，似再烘過，so sad

create my taste😏.......… 推介: 大啡菇田園堡$49 👍👍👍👍（5分滿分）.............今日食完牛排晩餐吾太飽 所以黎食個包包先😝麥當當create your taste 我都未玩過 今日一於試下😂咁下咁下個mon落單又幾有趣喎好似日本既松屋咁大啡菇堡係新岀品😁食左成塊排，吾想食肉，想要點澱粉飽飽肚此包包無肉嫁！但有大菇一塊，生菜似乎較一般m記餐fresh 😍面包係set好左的，似衞星包的包帶有面包香，果然貴d係有道理既😂提提大家，post上facebook會有貼紙一張😁..........👧 銅鑼灣禮頓道77號禮頓中心地庫B02.........

結婚，是人生的一件大事，傳統的人，喜歡隆重，需要大排延席，廣邀親友；有的簡單隆重，只是親友幾圍食下飯仔；更有的是旅行結婚，教堂/婚姻註冊署做了儀式就算，總之，求的是開心，求的是一個快樂的回憶。近年來，搞婚禮/婚宴的場地，不再是千篇一律的酒樓/酒店了。早在年多前，我已經收過一張《麥當勞》的宣傳單張，說可以在《麥當勞》舉行結婚派對，當時我更有朋友在微博回覆，說痴L線。誰知，事隔年多，我真的有朋友決定在《麥當勞》宴請大家，好讓大家體驗一下，《麥當勞結婚派對》是怎樣的。先講返當年....我收到的宣傳單張是這樣的.....是日的宴會派對，假銅鑼灣禮頓中心的分店舉行。一到達間開做 party 婚宴的場地，就同一般婚宴一樣，來賓請先在名冊簽個名。佈置，就好童話式，大部份都是用扭扭氣球扭出來的東西，當中，兩個大囍的擺設，感覺上是既可愛又有心思，當然，也同是次的《麥當勞結婚派對》好合襯。同酒樓/酒店的婚宴一樣，大會提供了一個假蛋糕，以蛋糕是以一系列紅色的蘋果批盒砌成的，而所謂的切蛋糕儀式並不是用刀切下去，而是把兩個吉的蘋果批盒放在頂上，由麥當勞姐姐說了一些傳統的祝賀說話，儀式就完成了。宴會的司儀全程由麥