麥當勞 (秀茂坪商場)

營業中

休息中

壞蛋獎門人就黎上第3集，老麥一如以往食住小小兵推出套餐。當然呃我唔到啦，舊酒新瓶，傻蛋牛堡同芥末雞堡一早已經出過，只係改左個名姐。細佬今次食雞堡，味道唔錯，不過雞塊有d乾。新地香蕉批又好似係新組合，香蕉批幾好味，呢個配搭幾好。不過最驚喜係minions 薯塊，套餐要加3蚊，呢個推廣套餐就唔使，個樣超級可愛，食落應該係薯泥，幾好味喎。鍾意老麥薯條薯餅既朋友仔可以一試，不過得6舊仔，唔夠喉。最後，食完呢餐口渴左成夜，熱氣野都係少食為妙。

就是夜晚餓餓地想食宵夜的時候，屋企附近得返老麥，沒吃一排，又差了。豬柳旦漢堡，無限縮水。牛油粟米，牛油味得丁點有點兒似清水白煮的。麥樂雞，直情是只有微暖的温度皮是軟，有點懷疑是不是整了好久。

我食左個20蚊既脆辣雞腿包餐但係唔知係未20蚊既關係佢個薯條係小左好多個底係突登托高左...因為我同bf買左2份2盒薯條都係咁...個盒個底d紙直頭托到爛爛地"好"小薯條咁都得既= =....我係到諗洗唔洗就係因為平左小小就縮骨都咁....仲有上次叫外賣加大左...但d薯條.....小到冇得再小真係得丁咁多

電視又出了三兩包廣告,買了一個舊版的,即係一塊牛肉的那個款式.三兩包的牛奶和其它包的牛肉又真是有點不同,牛肉味香一點,只是肉有點兒乾,夾埋洋蔥我又唔太喜歡,包入面有芝士和茄汁,感覺好像吃漢堡包抹茶紅豆新地的抹茶味好香,又唔苦喎!只是紅豆粒唔算多,如果多點紅豆更加好味,

見到又有新包出,當然又要試下啦!食過後覺得味道不錯,可能我唔太食得辣,這個包又唔係太辣,幾啱我食.雞肉唔會好乾,汁又夠多,麵包又熱又軟熟,不錯.今次的薯條新鮮炸起好熱,忍不住一路行一路食,下次要食埋麻辣豬柳包才可以呢

上次 M 記的雙層魚柳包，已深受主人與奴隸獸的歡迎，所以剛推出的和風芥末雙層魚柳包，當然要第一時間去試試。我們買了套餐（HK$28）四份（哈哈！！奴隸獸包辦了兩份半），再加一份（3條）脆魚手指（HK$10）。魚柳包應該是即叫即製，食落還是熱烘烘的。Wasabi 醬與炸魚柳的味道頗為配合，辣辣地，偶然有些嗆鼻，好刺激呢！今次食脆魚手指 ，已用了 Mayonnaise Sauce 代替了 Tartar Sauce，味道由一般變成非常一般。

天氣太熱 沒可以抵受到冰涼雪糕的誘惑二話不說走進m記買杯軟雪糕頂頂癮~$2.5 1杯 幸好果個職員給我超大杯的!(看她的樣子是新手 還不熟操作機器吧? 下次再找她XD)大口咬下去 凍得牙齒也酸了-.-不過雪糕也很香滑啦~不過這香草味雪糕令我抗熱成功!!!!