麥當勞 (秀茂坪商場)

營業中

休息中

依家天氣太熱啦🥵所以都有啲懶得出街 所以嗌外賣喺屋企食係最好嘅選擇😌🍽️人數：3▪️自選飽二人餐-脆辣雞腿飽同平時食開差唔多 size都正正常常👍🏻-巨無霸個人覺得入面嘅漢堡扒比較乾 如果可以juice小小就更加好😚-麥樂雞（6件）覺得太過乾身 如果冇咁乾身就好啲😗-脆香雞翼（4件）個皮夠脆👍🏻 但係入面就唔係好juice 所以食落都有啲乾-shake shake薯條（BBQ蜜糖味）呢個味真系取替唔到 一如既往咁好味😝▪️板燒雞腿飽黑椒味都幾突出😗⭐️需要讚揚一下係打開都仲係熱辣辣😆

見到香港麥當勞終於推出呢款「滑嘟嘟奶昔（雜莓味）」，即刻諗起之前日本出過，紫色嘅外表真係幾吸睛！買套餐加幾蚊就有（朋友話原來有$1優惠，不過我懶得研究，有興趣自己Google啦😂）。 酸酸甜甜嘅雜莓味好開胃，唔會假甜，仲保留到麥當勞奶昔一貫嘅「雪糕質感」——夠滑夠綿，入口即化。夏天啜一啖，真係由喉嚨涼到落肚，爽！❄️ 美中不足： 最大遺憾係——冇飲管！以前最鍾意用飲管「啜吓啜吓」，奶昔直衝喉嚨嘅感覺先係靈魂啊！但而家為咗環保，硬食杯蓋啜口，風味即刻打折扣⋯⋯試一次就算唔會再飲 總結：如果鍾意奶昔嘅濃滑同莓果酸甜，呢杯值得一試（尤其加錢唔肉赤嘅話）。但懷念「啜奶昔」儀式感嘅人，可能要自行腦補童年回憶了。 #香港麥當勞 #滑嘟嘟奶昔 #雜莓味 #冇飲管唔安樂 #環保的代價

今日黎到麥當勞，見到個雪糕位好多人買雪糕，一睇之下原來麥當勞出左福岡草莓雪糕筒，只售$9，非常底食，雪糕外形圓轆轆，粉紅色的，食落有香噴噴的草莓味，雪糕軟滑，估唔到$9有咁好嘅享受。

今日食咗McDonald's嘅McGriddle，呢個真係值得一試。第一口已經俾個甜香嘅楓糖漿味俘虜，夾埋煙韌嘅鬆餅，口感真係一流。鬆餅表面煎得微微金黃，咬落去外脆內軟，帶少少焦糖嘅香氣，再加上香濃鹹味嘅火腿同雞蛋，甜鹹交替，味道平衡得啱啱好。入面嘅芝士熔得啱啱好，唔會太多，但又足夠令口感更豐富，同其他食材融合得好自然。雖然成件嘢份量唔算大，但食完之後都有滿足感，唔會覺得太膩。如果你鍾意食甜同鹹味嘅結合，McGriddle一定唔會令你失望。呢個早餐三文治唔單止可以喺早上俾你嚟一個好開始，仲會令你對甜鹹配搭有全新嘅體驗。值得推薦！

見到廣告推介，好似好好食！即管試吓！其實幾好食，充滿「芝」味，仲超飽肚！可惜⋯賣相⋯可唔可以唔好咁難handle，咬右邊跌左邊，咬左邊跌右邊🫱總括而言，呢個三重芝士包，喺屋企食穩陣👍🏻

服務態度好差一杯雪糕起碼要有半杯以上吧？佢淨係整咗半杯都冇就畀我，我望住佢整，半杯都冇跟住就擺蓋，仲搖1搖畀第二個男服務員睇，跟住擺低，成個過程我睇住佢整，到到我個餐點執好曬，叫我去攞嘅時候我仲問執嘢嗰個而家啲雪糕係得半杯？佢冇理我。我就大聲啲問入少少嘅嗰個幫我整嘢嘅嗰個女仔，佢點頭，我問多一次，你確定而家啲雪糕係得半杯？佢答我係啊。跟住我就攞咗我個餐點去搵我屋企人，我同我屋企人講我係有問過嘅時候，我屋企人攞起杯雪糕去問，個女仔先唔出聲，第二個男服務員攞起杯雪糕抌咗，整個杯畀我，佢整過杯嘅時候就證明件事就係嗰個女仔做錯咗，但係佢依然可以係我問佢嘅時候，理直氣壯同我講，係啊，純粹睇人落菜碟？而家麥當勞係唔使培訓？雖然係打份工，但係我唔係要求佢要做啲乜嘢，起碼你態度好少少同我講下，我都冇所謂，但係理直氣壯同我講你係啱嘅時候，真係火滾，而且我都唔係算細粒嗰啲，高高大大，攞住杯嘢正面問佢，佢都可以噉樣，但係另外一個畀我在大隻啲嘅，去問佢嘅時候佢就唔出聲，如果畀我細粒嘅咪任佢講？

食完晚飯片刻後，心絲絲想食宵夜，有時忍得住唔食，不過萌起心絲絲嘅心，係好難抗拒唔食😂，所以好多時忍唔住。究竟食咩嘢當宵夜最多？？一定係麥當勞🍔🍟🥤，餐裏面三樣嘢都有其他功能，首先包類可以止胞肚感，薯條可以止口痕，而飲品飲落去就係暢快爽！有時宵夜還會放肆下食多啲野，是晚就放肆下麥炸雞。🍗麥炸雞分享桶6件（蜜糖BBQ味）🍗麥炸雞肉好juicy ,肉質好嫩，好入味，表面嘅蜜糖味重，偏甜。🗯️🗯️🗯️感覺$90 6件雞，無飲品無薯條，唔算平，但間中食下都幾回味。

得閒無聊，想食個宵夜去咗秀茂坪商場個麥當勞買咗二百零蚊 嗰餐就好快出到 咁一向我喺呢間麥當勞買開 我比佢哋嘅員工足夠嘅信任 我就冇check到入邊嘅內容物 點知返到屋企 打開個袋發現 少咗個巨無霸包 打過去問佢 又話自己當時檢查好 冇Pack漏 意思，即係我食咗la 我又有冇必要呃佢一個巨無霸包攞餐嘅時候 個店員一路用緊個奇怪嘅眼神望住我 叫佢俾個膠袋又等咗成兩三分鐘先有 我真係唔知究竟係咪夜晚個個人太攰 服務質素差到咁 呢次直接推翻我以前對呢間嘢嘅信任

請看圖片：原本情況應該是：牛奶是凍的。薯條是熱的。麥樂雞是熱的實際情況卻是：牛奶是暖的。薯條是凍的。麥樂雞是凍的。今天是22度天氣。很想問一問，這是什麼原因？是認為經濟差，麥當勞都做唔掂，極度需要節約成本？還是說你們公司的培訓嚴重不足？最後還是故意培訓到這樣？？？當然也不排除人的問題，希望你哋好好正視一下，最後叫佢俾個膠袋還一面唔高興咁，唔知你哋覺得係乜嘢問題呢？如果你哋咁環保，係唔係以後啲汽水你都擺落個紙袋度？？但我又唔見你哋咁做喎！如有下次，就換過一份啦，否則報警報食環。

今日唔想開火，打算食外賣，行到商場見到超耐冇食嘅老麥，決定買個包返去食算。M記晚上七點唔太多人，用手機App落單，大約3分鐘到就出餐。叫左Double安格斯餐，包中薯，飲品就Coca cola，埋單約$50，呢個價錢係觀塘區只買到一個淨手工漢堡，雖然質素麻麻，但頂下Burger癮都ok夠用。佢同芝士安格斯嘅最大分別，只係佢多一塊安格斯牛肉，價錢相差$10，個人認為Double抵食過單層。可惜牛肉肉汁唔夠，太乾身，而且有少少Overcooked，額外再加啲茄汁/芥末會好食的。題外話，老麥營養資料似乎冇Double Angus嘅數據，芝士安格斯卡路里係580kcal，再加一塊Angus beef patty 約300-320kcal，成個包估算卡路里係880-900kcal。要小心食

真實食評😌🙏🏼外賣同堂食都等得有啲耐(rush hour)，希望可以改善一下。薯條唔熱，麥樂雞還可以，麥旋風嘅份量都幾多，味道可以。廁所感覺成日壞，今日去就話冇水，體驗有啲差。坐靠窗果一邊，衞生有啲差，食物殘渣都冇掃走(睇落去都放咗好耐)，希望老麥可以改善下，但我覺得整體都可以。

等左咁耐，麥當勞終於出返個黑糯米批😍所以即刻去買個來食下😌😌😌黑糯米批外皮同蘋果批既皮一樣，同樣麵係咁脆身🤣唔知點解食落會有少少辣辣地個批一咬開，熱辣辣嘅黑糯米餡既刻流出來，味道就好似紫米露咁👍🏻正

凌晨時段feel到肚餓，好想食宵夜，所以走左去McDonal 買左個脆辣雞腿包餐。個包塊雞已經唔脆，軟曬，唔知係咪已經擺左一段時間，不過啲薯條就好好味，唔會落得太多鹽或者冇味，唔係岩岩炸起，但仲係脆的

無論大朋友還是小朋友都喜歡麥當勞，最近很少去吃，今天特地去吃發現有好幾款優惠餐，低至25港幣就有一個套餐，所以價錢十分平民。麥當勞的餐可以健康一點的，例如沙律餐，也可以選高熱量口感好的，例如炸雞翼，今天選的餐算較為健康，把薯條🍟換成玉米，汽水換成鮮榨橙汁。麥當勞也與時並進，可以上APP或到現場自助下單。

夏日炎炎最好就係食雪糕🍦🍦🍦消暑，麥當勞今期限定既雪糕口味係呂宋芒。而家麥當勞好好，有一個櫃面係專賣雪糕，可以減低排隊既時間。 呢杯雪糕 🍦非常之抵食👍🏾👍🏾👍🏾👍🏾價錢只係$5蚊，一d都唔貴😆性價比非常之高😱😱$5蚊雪糕除左有呂宋芒揀，仲可以揀雲呢拿。如果2隻味都想試，就一定要食扭紋喇。我今次試左呂宋芒，未食落口，已經有好香既呂宋芒味，食落去，呂宋芒味會今留在口腔入面一陣，會令人一食再食🤤🤤