影片
更多
2024-04-04
38 瀏覽
其實我自己都估唔到，竟然會有一日入去沙田馬場竟然係為咗試食一包麥當勞嘅薯條。事緣係咁嘅，有個平時食嘢都好奄尖嘅朋友，叫我一定要試下沙田馬場麥當勞嘅薯條。咁我就同佢襯沙田跑夜馬就入咗去睇下啦，我哋五點半入到去（朋友講到明要呢個時間），食到「頭輪」嘅麥當勞，薯條果然係好新鮮好熱辣辣好好味。我諗應該係咁嘅，因為馬場淨係一個星期開一兩日，所以廚房一定每晚都大清洗，每一次開爐都係用新嘅油，所以頭輪嘅薯條會係特別好味。同樣道理，麥樂雞都應該係好食嘅，但係我今日就冇食到喇，我哋真係淨係嗌咗一包薯條咋。或者呢個理論應該都可以應用喺跑馬地馬場或者香港大球場之類嘅地方，下次去試埋先。
竟然會有一日入去沙田馬場竟然係為咗試食一包麥當勞嘅薯條。
事緣係咁嘅，
有個平時食嘢都好奄尖嘅朋友，
叫我一定要試下沙田馬場麥當勞嘅薯條。
咁我就同佢襯沙田跑夜馬就入咗去睇下啦，
我哋五點半入到去（朋友講到明要呢個時間），
食到「頭輪」嘅麥當勞，
薯條果然係好新鮮好熱辣辣好好味。
我諗應該係咁嘅，
因為馬場淨係一個星期開一兩日，
所以廚房一定每晚都大清洗，
每一次開爐都係用新嘅油，
所以頭輪嘅薯條會係特別好味。
同樣道理，麥樂雞都應該係好食嘅，但係我今日就冇食到喇，
我哋真係淨係嗌咗一包薯條咋。
或者呢個理論應該都可以應用喺跑馬地馬場或者香港大球場之類嘅地方，下次去試埋先。
張貼
