麥當勞 (星光行)

營業中

休息中

尋晚7點半有場CONCERT響文化中心睇因為比較早開場同埋好長... (起碼10點先完)所以是旦去了麥記解決是日晚餐見佢新出左個和風芥末雙層魚柳包就試下吧然後加$6.5可以有周打蜆肉湯咁我又加了我先飲湯味道還可以只是我實在是找不到蜆肉薯仔粒就食到幾舊我諗係咪切到超細... 一點點果D可能就係蜆肉以前賣龍蝦湯時也不至於咁蜆肉會比龍蝦貴嗎????然後就開個包嗯..... 個賣相實在是.....2塊魚柳也太黑了吧平時食正常既魚柳包絕對唔係咁囉味道呢平時既沙律醬換左做WASABI汁效果不是很好呢個餐... 試了一次就夠

九月五日(星期五)老公說想吃美祿麥旋風,但是,要我陪他吃.........好吧,吃完難吃的所謂日式料理後,到了附近的麥當奴吃......lunch時間人很多,分開了兩邊都等得比平時耐!........老公說美祿的味道不夠濃呢!而我都是吃oreo味,仍然的好吃~~!!

近期功夫熊貓大熱，行完harbour city之後坐低食杯黑芝麻新地先。原本諗住試新product珍寶黑椒漢堡，但係太飽諗住下次先試啦。黑芝麻醬夠濃稠，不過略嫌甜咗d，如果加埋d花生食會更加正。通貨膨脹，要成$7.5一杯都幾貴。

星期三晚到麥當勞吃了個黑椒漢堡餐,同上次玉子將軍漢堡一樣,係新product,不過呢個好好多!€漢堡扒係兩塊牛肉夾埋一起,但係薄一點,不明點解唔用一塊厚扒做?洋蔥切得碎好多,但係份量比普通漢堡包多好多!味道幾好,黑椒汁唔錯,不過唔夠咸!廿二個半,幾抵食!

星期日同老婆行街前，黎試試 Kung Fu Panda 既加大黑椒漢堡餐！黑椒漢堡其實就係雙層漢堡扒既漢堡包，加上濃濃辣辣既黑椒汁。漢堡扒和包身皆略乾，算係試左啦。旁邊有一外籍人士一個人食左三個包，睇到我地O晒嘴呀！

一向都鍾意食芝麻糊, 所以見它新推出就立即試試, 果然ok喎, 好香芝麻味, 好好味, 有機會繼續再試.

星期三晚, 尖沙咀人不多, 在海旁特別舒服. 差不多11時, 走至天星碼頭, 想吃東西已無他選, 便光顧一下久遺的麥記吧.要了個麥樂雞餐, 轉mc cafe即磨咖啡 $26 兩人分. 薯條和麥樂雞都是新鮮炸, 滋味! 可是比起小時候的真的縮水了. mc cafe即磨咖啡 很嗆啊.

雙層芝士漢堡$10 ~ 好扁,塊牛肉薄得很豬柳漢堡$8 ~ 好似縮了水,食一個真的不夠飽

招財板燒雞腿包,今日一試!同普通板燒雞腿飽分別唔大但係辣左好多,辣到我要飲可樂,不過算幾好味,起碼好過淡!扭扭薯條就真係唔係太掂,因為實在太咸,而且唔脆,熱度無普通薯條咁夠,所以我寧願食普通薯條!

有shake shake薯條,加深嚟麥記既衝動!可惡, 最好味既紫菜味已經無,好火!!選左法式蒜味,都ok,但已經無咁好了!不過值得一讚係近來麥記既薯條真係好食左好多,唔知係唔係無用反式脂肪既原因..個麥樂雞好乾,唔係咁熱!!

睇完2齣天象電影就同朋友仔黎開餐，要左一個麥樂雞餐+朱力聖代+將軍漢堡。食物大致上沒有問題，除了將軍漢堡的生菜絲大部分都是生綉邊，相信是很多個小時前切定。另外，服務方面卻有待改善，是源我突然心血來潮想食"走鹽薯條"，等了將近10分鐘才炸好，不知是否工序較繁複，員工是掛上不大情願的樣子。後來朋友仔走去counter問他「薯條炸好未」，他卻只顧其他客人，完全ignore我們。

近排轉工要響碼頭落車,果頭無乜野食,於是幫襯麥記的早餐,食物OK,但d STAFF d 服務真係吾得,今朝一落樓梯就見到個女經理打個大喊路,吾係下化,咁都算啦,買野果時我發覺個個收銀好似黑面神咁,問你要D咩,望天望地都吾望你,成個由ORDER到收錢的過程佢可以一眼都吾望你,成班執野食D速度勁慢,朝早有時吾係好多人,但都執好耐下,我見過多人排隊要頂到後面Ｄ坐位,但佢地照舊慢吞吞,幫襯過咁多間,其他分店都好NICE, 係呢間先至咁衰

早幾日黎開尖咀做野要快速方便當然係食麥記見人地食雙層芝士漢堡又要一個但發現麥記d包包越來越少汁d包越來越乾因為係外賣關係無得自己加番d茄汁最慘係呢個咁悶熱天氣下d芝士溶晒落包裝紙食得好狼狽奉勸各位熱天都係堂食好又或者唔好食多cheese既包包朋友仔試過新出既至尊漢堡都話一般同我一樣覺得個包乾身唔夠汁無mos咁好食

帶小表弟去環太空館睇天象電影後，亞少爺仔居然棄Pizza ，而選擇要食麥當努！？小朋友理所當然地吃他的Happy Meal，玩他的玩具。我呢個老人家只求其點碗「磨菇粟米忌廉湯」（$9）。味道猶如白開水般淡而無味，而且料少。忌廉湯理應係濃稠的，但這兒的稀到用飲管飲都無問題！簡直係「餿水」！絕對無下次！

上星期六第一次飲，很讚！(TST3星光行店)不過建議堂食，今天再試(家維村店)，外賣，雪糕都不見了…失色不少…/.\(跟餐+2蚊)