麥當勞 (已搬遷) 新店位置

買左東京之夜包食下，賣相ok。食落口感覺都幾香，bbq醬好好味。直至咬到落舊雞扒，大獲啦..... 咸到痴肺，好似食媽咪面味精粉咁，勁咸得來帶點辣。買左成28蚊唔想就咁掉左去，食完之後，好似食左10茶匙鹽落肚。我一啲都無誇張過。舊雞扒口感幾好，個包配料都好夾，係啲咸味遮哂其他所有味🤢特登係到寫食評，因為半年前我都係依間麥記叫過一個飯tastic食lunch，無論係飯還是啲肉，一樣咸到痴線，又係因為30幾蚊唔想掉左佢，所以成個食哂，好似食左一個包型嘅鹽落肚。 我真係無誇張到....結果，我食完好濟，晚餐本身約左据扒，因為食哂依個又貴又難食嘅包飽到夜晚食唔落据扒...唔知為乜我經常係到買早餐，豬柳強，都普通無特別，但係遍遍食親新包就大檸樂...各位請三思再三思先買

“有Mcdonald 既morning 就係good morning” 呢句不知怎的都成為左係每次食麥記早餐不可或缺的口頭禪自己至愛既火腿扒芝士依家只係得返早餐時段先有咋為左要「親一親」你就一定要早d起床lu~~香氣四溢既氣味總吸引到人鬆軟既麵包中和了鹹香既火腿扒配埋帶點漏既芝士簡直係出神入化薯餅更是麥記早餐既靈魂，不可或缺的雖然依家有好多地方都買到現成薯餅自己炸但係去麥記食果D總有另一番滋味一咬落去既香脆，仲有D 薯仔粒， 口感超正的一杯鮮榨橙汁甜甜酸酸的，更開胃一天．好開始

我覺得麥記其中一個成功之處係佢會不斷推出新產品今期有呢幾樣:剛剛推出既和風日盛魚堡時已經想試下呢個玉米麵包但到要試果時, 經已售罄今期新春推出既黃金芥末魚堡更加吸引芝士係焦香芝士魚柳大大塊加埋芥末醬令人好滿足比起其他, 呢個算係份量較大既包了因為麥記有好多包都缩左水了~好似呢個$20一個既魚柳包餐咁雖然係廿蚊好平但個包變左超迷你版而且芝士得半塊唯一值得安慰既係個包脹卜卜好靚囉~檸香雞翼+脆香雞翼+香烤雞翼脆香雞翼一早已經食過幾次香烤雞翼間歇性出過, 食過一次檸香雞翼第一次食我比較喜歡非油炸既香烤雞翼和檸香雞翼對薯條興趣不大但加了黑椒粒増添左新鮮感麥芝蛋包重出江湖有完整一塊芝士最喜歡係麥記既蛋蛋無論係煎蛋定炒蛋都咁歡喜~只係想試下拖肥焦糖新口味但限定要mix, 所以迫於無奈要揀埋試過幾次既聰明豆味特別喜歡既焦糖糖漿

老麥記定期都會推出新產品無論係mccafe/main meal今期mccafe係橘子朱古力系列橘子朱古力泡沫咖啡+橘子朱古力蛋糕$23+15=$38橘子朱古力蛋糕蛋糕頂係一硬朱古力層海綿朱古力蛋糕夾著橘子慕斯橘子+朱古力一向都係好配搭所以唔會差得去邊橘子朱古力泡沫咖啡Sikm milk+ less sweet凍冰冰既天氣下喝了真舒服以往mccafe之產品大件, 味道一般似Nut feel唔算好濃朱古力味, 且個人對海綿蛋糕興趣不大記憶中好似係法式泡沫咖啡

Very Very Very Dirty ！！！！未見過個地下乾淨過常常都好多rubbish，薯條看見都吃不下去過咁多見M記都未見過！服務態度又差，又慢D包 打開後成個包散曬，見到包個個人hea到爆我一定不會再去，估唔到M記都會差成咁，失望！

今朝心血來潮想食麥當勞，特登行過天耀買，買野個陣，系一個後生仔，我叫完野之後，發現比佐早餐我，因為岩岩好撞正11點個陣，我就話你比錯我，佢就話 你系咪玩野呀，我就話好次你玩我咋，佢就系緊老bear我，有個師奶服務員過佐黎話你地唔好吵啦，佢就冇講野走左...講真呀你千奇唔好去師奶櫃檯，D師奶會比少D你，雪糕中間都空既，多數D後生服務員都滿D

今日一早起身,諗住去試下個芝士扭扭粉一路嗌果時個中年女人都冇出過聲,完全唔知佢聽唔聽到/有冇聽錯到收錢果時發現貴左幾蚊,問佢點解....佢都冇講過落左咩單,淨係自己del左佢由頭入過點知入多次都係咁,佢終於開聲話『都係咁貴喎,我已經冇收你一蚊咖啡喇喎』我想講我個餐係包埋杯咖啡,同埋佢係收多幾蚊,而唔係一蚊佢既然咁堅持唔講落左咩,我就講多次我要d咩原來佢真係落錯左,仲要大大聲話『大家誤會左』我見神早流流真係費事同佢嘈....佢哩d咁ge服務態度真係岩做死一世m記

中秋夜除左食月餅之後，食雪糕都係唔錯既選擇呀。呢日就呢度買左杯新地，就要double既朱古力新地。double朱古力新地其實同普通既朱古力新地無乜分別，只係份量多左。個奶味都幾夠，新地都算幾好食既。要彈既係，個朱古力漿甜左小小，整體都唔差既。算係咁啦，下次都係食普通新地啦。

M記之前出左隻新既野飲，類似係梳打飲品配上軟雪糕。價錢都係十幾蚊到，我就試左杯係可樂味既。可樂軟雪糕特飲軟雪糕都算幾滑既，溝埋可樂味既沙冰，感覺上好似飲緊黑牛。個味都唔錯既，又唔算太甜。而呢隻飲品分大杯裝同細杯裝，我呢杯好似係大杯既。飲呢隻野飲最好就係同fd吹下水，而且呢間野之前裝修過，坐得比以前舒服好多。雖然位小左，但都無乜影響既。

炸魚柳雖然唔係老麥ge新產品(老麥成日將d舊換過d醬再換埋包裝紙/盒就當新野)但呢個魚柳手指雖然都係魚柳,口感就比魚柳包ge魚柳實,我覺得好食過魚柳包law~每盒魚柳手指都跟一包魚柳醬,其實應該係麥香雞醬來的;食完魚手指再將蛋+入法式鬆包,原來都幾好食哦~~ 以前食早晨全餐食慣豬柳+鬆包的

之前同數位同學仔食m記..天耀間m記裝修完..光鮮同好坐d個境都吾差本身吾想食蝦堡ge..但係佢地一個2個話好味..吾錯..好多蝦我耳仔軟..就試左naumm..睇相就好靚+好宏偉咁款但實物就細d <--預左可能佢地評語高掛..食落覺得好一般吾會吸引我食下次,但哩餐真係好飽

本身吾係幾想食mc記ga ..但俾linna同ho long既威逼利誘下我投訴linna哩排猛咁慫恿我去試新果個烤汁豬柳包~今次如佢所願na -.-我跟左薯寶!!睇落滿哂個杯但其實可能得9-12條度..但都滯wor..好過薯條好多~~之後試個包..我同linna都食到好"呢"hea又跌汁又跌瓜咁講真個包好麻麻 ..無下次~食番雞腿好d

同朋友仔、細細佬做完運動，我同朋友仔早就決定出元朗食，可憐細細佬就要買外賣。佢2個返屋企既同時，我就走去M記等。無無聊聊唯有又叫個朱力新地。今次我醒目，唔敢再搵師奶(我無年齡歧視架，想知原因就睇返我之前係度既食評)，走去後生女既counter買。難得今次既新地唔會中間空，而且淋左好多朱力漿。其實應該係滿意，不過唔知係咪食得太多新地，好厭，所以決定以後要減少食喇...

清明節晨早出門,十時已回程,去麥當勞買杯雪糕及薯餅休息下>_< ~雪糕好怪, 有少少冰, 似未造成.雪糕筒"淋"嘅~薯餅又係"淋"的, 只有少少脆~~獨市生意, 的質素就是差~

被老闆騙左去公司門市, 結果由文職變左做咕哩,由五時開始,搬搬枱枱,走來走去,到十時頂唔住要食晚餐,超口渴, 去最近的麥當勞,食脆辣雞腿包~味道OK!呢間店啲包賣相, 永遠都係咁醜陋!