麥當勞 (已結業)

記得上年有藍莓蜜桃乳酪,我好鍾意食,一星期都食好幾次,今年佢又番黎,梗係要食番下,不過原來係縮水版,上年無咁細杯架!唔講size,論味道就依然係咁好味,佢d乳酪係比較甜,但係我覺得配藍莓醬食好岩,可能因為d醬有少少酸味,反而我唔係好鍾意蜜桃,我覺得太甜,如果唔要蜜桃,但係俾多d乳酪同藍莓醬,我都會食!講開又講,以前出過薄荷朱古力味麥旋風,我都好鍾意架!可惜出左一次就唔出,希望有機會出番啦!

謝謝KC的回覆..... 聽完你詳細的介紹下,先知自己誤會你地先前提及的嘉頓英式鬆餅, 就係這兩款, 初頭我以為係麥記賣$5一個果隻添~~ 現在明白啦! Thanks!

原本不打算在食評這邊再講嘉頓鬆餅，不過你/妳有興趣問我亦可以答，而找不到你/妳的專頁，所以就唯有在這裡post，再想談請移步去Hot Gossip，那邊會適合一些。嘉頓的英式鬆餅有兩款，一種有提子，一種沒有，前者產品編號3279，後者產品編號3278，價錢一樣，都係八個幾，百佳惠康都有，華潤及小型的超市就唔知有沒有。你/妳在那間超市找不到呢？不用問我，問番超市的人，並說出以上資料，找不到再出聲啦！不過個數量我就記錯左，唔係6個，亦唔係你/妳說的3個，係4個。回應的原意是見一些牛奶君求老麥的鬆餅若渴，想吃的程度甚至是買個早晨全餐只為鬆餅咁緊要，我至提供番可以超市一包包買番屋企吃個夠本的資料。

麥記的提子鬆餅($5)= 超級市場買到的嘉頓一包3個提子鬆餅(大概$10),覺得味道一樣。但唔知KC提及一包6個的英式鬆餅=麥記早晨全餐的鬆餅... 在邊間超級市場買到呢? 因我冇見過呵!

我都係勁鍾意佢個鬆餅塗上士多啤梨果jam(我本人覺得提子無士多啤梨咁正啦), 但如果麥記早晨全餐內的鬆餅係有提子乾的話,仲正,因為嘉頓除左淨鬆餅外,也有出有提子的,我食過提子o個隻,好好味呀…唔知你地有無試過呢?

鬆餅在拆包裝後就放入焗爐烘三至四分鐘，而麥當奴亦沒有增值位，同樣產品相似製法，沒道理有不同味道。果醬方面，沒有研究，亦少吃老麥的產品，可能老麥的果醬真係好味D都唔定。可以去hot gossip再詳談。

KC Gourmet,其實你所講我知道,不過我試過自己番屋企整,都整唔番咁好味,唔係個種味道,麥當奴既鬆餅用佢既方法烘過,比一般好食,而且個隻果醬同普通羅拔臣士多啤梨果醬都唔同味,又係麥當奴呢隻好味d!一些牛奶,我都想佢有一個淨鬆餅既餐呢!

如無記錯，老麥全線採用本地名牌~ 嘉頓的麵包，那個早晨全餐的鬆餅是超市賣緊一包6個的英式鬆餅，並不罕見，可以買番袋慢慢嘆。

麥當奴既早晨全餐,我都係最鍾意食個鬆餅加果醬, 但可惜佢冇淨鬆餅加果醬既餐,所以我每次只好叫一份早晨全餐,但就只食個鬆餅加果醬, 其他既食物就只好搵人share!

雖然之前見到Cathie既食評話麥樂魚柳早餐只係一份將豬柳改為麥樂魚柳既早晨全餐,但係因為成份早晨全餐裡面,我正正最唔鍾意塊豬柳,而且鍾意食魚,所以見琴日星期日,都夾硬拉埋阿媽同我去食(我一個人食唔晒成份早餐)。魚柳都幾脆喎,有三塊,幾好呀!不過,如果個三塊麥樂魚柳改左係一件魚柳包個塊魚柳就仲好,我覺得咁樣會多d魚肉食!話時話,麥當奴早晨全餐個鬆餅加上佢d果醬,真係好鬼正! 成個餐我最鍾意就係佢!

麥當當又再出返魚柳早餐啦!hehe...其實只不過係將早晨全餐o既豬柳轉做魚柳,之不過我都係會傻呼呼咁專登去幫襯!haha...

我絶對同意Cathie既講法,我成日食朱古力脆筒,因為覺得真係比普通軟雪糕筒好味,朱古力醬一落即被雪糕凍至凝固,一啖同時食到朱古力又食到軟雪糕,個種感覺真係好正!不過食到底就變左同普通軟雪糕無分別lu!$5個都算有少少貴…如果平番少少就好喇,咁我就我會食多幾次!

第一次食麥記o既朱古力脆筒. 分別要左兩個cones, 由兩個o靚仔整, 我o個個有成5個圈, friend o個個就得3個圈, size又會爭咁遠o既!!!anyway, coat左朱古力脆漿o既軟雪糕又真係唔錯o既!令我諗返起細個o係7-11都成日買呢種朱古力脆筒嫁!

這間老麥有露天座位的，如天氣好，都幾舒服架!

今朝食左紅豆批, 紅豆餡似紅豆沙咁,唔太甜, 幾好味!