麥當勞 (已結業)

有人話 McDonald's 都好寫 個個都知咩味道.　但我只係想講... 香港個豬柳蛋漢堡真是特別好味的, 又呃多個食評, 包比較軟身啱香港人口味, 豬柳比起外國的其實少了酥味也濕多少少但偏香鹹. 蛋就全世界都差不多吧.但加加埋埋, 這個香港版豬柳蛋漢堡 真的會食上癮!薯餅就唔寫了, 同外國一樣味道.

今日要在做facial前吃點東西, 又不知食什麼好, 於是就去試新出的CBD紐約特級煙肉雞堡. 怎料, 結果是, 這是我二十多歲以來, 食過的最差的一個麥當勞包包裡面的雞肉, 是一塊炸了的雞扒, 是炸到沒有了肉汁, 很乾很乾的雞扒 包內的煙肉, 細得可憐, 而包內應有的沙律汁, 芥末汁, 都只有一丁點芝士, 無芝士香味, 生菜, 有點苦, 還有那一塊蕃茄, 不新鮮的因此, 用"乾噎"來形容, 最合適不過了. 不過我聽聞有一些麥當勞分店是整得好好味的. 但我也不會試了, 怕怕. 這個套餐盛惠$28.5, 如果我加多幾元也可以去burger king食得更好喇.這個CBD, 不會有下次了.

其實唔係我買的,有人請我飲.好像有啲像 Fruit Punch 嘅嘢,咳葯水味都唔算重! 幾解渴, 下面啲水果都幾好食.不過再叫的機會唔大. 去都去 Joda's Cup 或 貢茶好啲

又有2個鐘時間,又未食晏就!!梗係去m記ee肚先!!電視一有廣告我就已經飛奔去食lu,太掛住喇!order左喇不過點解唔同左既,d汁少左,片肉又好薄wo唉,又一次失望喇下次再試下其他間先,睇下係咪都仲係咁差!!

自從轉了落完單晌旁邊取餐這個方式後，效率差了很多，次次去都慢到無輪。等侯取餐的客人積了大埋人，亂到不得了。今晚我去外賣了個田園沙律，企晌到等了15分鐘，但當時成個 counter 共埋都只得 3-4 個客人，都要等咁耐，落單時個職員告訴過要等 4 分鐘，我說無問題，之後個職員就行開跟其他職員 social，完全好像忘記了我等緊！回家打開一看，田園沙律不是應該有些橙色和白色芝士嗎？！怎麼會沒有了？？我最鍾意就是那些芝士，竟然沒有，好唔開心！！

講緊麥記, 也講緊我。麥記這條和風橋今次都算駛到盡, 賣完魚柳就到賣蝦堡。大大個盒, 裡面個包雖未至於幾啖就食哂, 但離飽肚也真是有相當遠的距離。個蝦餅是值得一讚的, 雖然蝦無蝦味但總算見到一隻隻蝦仁, 食得到有點點爽的, 只是搭上了我不喜歡的千島醬, 倒令我有點為難, 而且也不能擺脫醬汁多到個包水浸的流弊。可我未食過日本麥記的蝦堡, 究竟真正的味道該是怎樣, 還得靠想像。又, 這邊廂才環保地重用和風概念, 那邊廂已來個一箭雙鵰, 整個 double 魚柳包大家歎! 真的不是江郎才盡是什麼? 我也真不知寫什麼才好...

趕時間既關係，同朋友仔叫了芥末雙層魚柳包餐上車食。一打開個啡色外賣袋，wow，魚柳包個盒好靚呀~haha，講返d野食先。由於當時巴士上實在太多人，幾乎full曬。我地決定首先食薯條，無他的，因為係1點既時候，大部份人都仲未食lunch，係巴士呢撻密封既地方食住咁香既野食，一定俾其他人心中咒罵。據朋友仔講，佢買既時候條人龍勁長，所以薯條新鮮製，即使焗係紙袋十幾分鐘都無損佢脆口並香口，即使唔點茄汁都夠曬味。最後終於食個包喇，噢...雖然係兩層魚柳，但size都仲係好細。朋友仔食左半先輪到我食，可能因為咁，芥末汁流曬係另一邊，所以佢話無咩芥末味，而我就幾次都好攻鼻，不過我幾鍾意呢款醬汁。或者係隔左咁耐先食既關係，魚柳焗到稔pat pat，無黎生氣，一d都唔似炸魚柳。

尋日新出了朱力批，我這個朱力迷點可以唔立即試。外表個子小小成一三角形，有d似印度餐廳既小食。批皮勁厚，但見到有好多層，幾鬆化。入面既軟心朱力漿只得少少，但再多可能會膩，只係略嫌不夠流質。值得一試。p.s. 多謝您

22-6-08 (日)九點後的Double足三両，一點也不便宜，勝在牛肉份量多，但味道沒有怎麼特別，看來除了廣告外，還需要改進食物的質素，推出更多新品種。

我唔知係唔係成日去親都係夜晚關係.....他們員工工作時,可以在客人面前,一面落單一面玩,玩還玩,都唔好係個客面前玩丫~!!我之前在這買了外賣(至尊漢堡餐),食完返屋企肚痾~~~>w<自從肚痾一事後,以後我也不會再去這間幫襯~!!

今日食mcdonalds做dinner,麥樂雞餐加多個new product, 意式朱古力新地杯$10.woo!! 好味呀!!雖然佢唔係一杯滿, 不過份量都okay!係vanilla 雪糕, 加d咖啡味gei sauce, 仲有多好oreo餅碎, 真係好多好多. 加多仔蛋卷.好味道!!! 比想像中的好食. 下次試下杯milkshake 先.另外麥樂雞比起以前細到真係一口size... 薯條亦... no good!