麥當勞 (已搬遷) 新店位置

放假同3隻馬騮睇戲，睇戲前得半小時食早餐，麥當勞係一個好選擇，地方大樓底高，光猛乾淨！叫兩個餐比3隻馬騮分享！店員好快手執好比我！賣相乾淨企理！珍寶套餐（$32.5）好豐富，香甜熱香餅鬆軟，豬柳鹹香，炒蛋幾滑，鬆餅好鬆，煙煙韌韌有咬口！好味豬柳蛋扭扭粉（$29.8）揀咗雞湯，通粉彈牙，雞湯雖然係味精湯，都幾好味！蒸蛋蛋白彈牙，蛋黃太熟太粉！一般，豬柳姨甥食！跟餐薯餅：一貫香脆好味！仲要唔油膩！跟餐細橙汁：肥髀飲落單男經理好忙同後面嘅店員吹水，都無眼神接觸！快快快餐

豬柳蛋漢堡堂食真係好傻豬，但係真係做嘢之前唔知可以係邊度食，抓住佢係行街度食又奇奇怪怪。漢堡中間嗰蛋係比較老嘅，一食個蛋黃就知道好鞋颯颯，漢堡調味到連係豬係牛係雞都食唔出，但係佢個調味都算唔錯嘅。但係包個皮就好乾，一定要飲水先可以一齊食。芝士就係麥當勞最出名果隻芝士，濃郁味道但唔係高級。＄10可以醫飽肚來講都算值得嘅。

麥記新推呢個牛油果雞堡，吸引左好多#牛油果 控黎捧場😊包括我🙋麵包都幾軟熟，同平時魚柳包/漢堡包啲包系吾同啲嘅~炸雞就略嫌炸得吾夠脆身啦🤔雞肉都幾大件嘅！仲有塊芝士，所以食落都幾香口😀主角牛油果都有半個倒，入口綿綿，配埋沙律醬🤓味道都幾特別！

兩個人點了兩個餐，包括雙層芝士漢堡餐($23)和美式手撕烤豬堡餐($39)。雙層芝士漢堡餐就不需多說，評評那個美式手撕烤豬堡吧！果真好味道，豬肩肉不會嚡，加上燒烤醬汁，很入味和惹味。套餐加$4可把中薯條轉成厚切薯條，可惜與普通薯條沒多大分別，味道一樣，所謂「厚」也不見得粗很多嘛！

晏晝去完實惠買野，食杯雪糕唞一唞先再返公司，咁就去咗麥當勞食咗一個焦糖新地雪糕，＄8，食落去啲焦糖好暖粒粒，加埋啲凍嘅軟雪糕上面，有一種冰火交溶嘅感覺，雖然整體味道唔算話有咩特別，但係都不過不失。

為食的詩詩，每天都愛嘆一杯咖啡！什麼都可以，沒有特定口味~今次想推介McCafe 所沖既咖啡，我飲既係榛子鮮奶咖啡一向好甜的我連飲咖啡都愛較甜，榛子味香，咖啡沖得很細滑，不過泡沫過多，及咖啡沖調員所沖咖啡水準參差，有些好，有些不過不失，有些好淡，有些太濃，但是次呢杯沖得不錯，中杯裝都不過30元，比其他咖啡連鎖店定價較低，但要提一提McCafe中杯裝咖啡份量較少，相等於別的coffee shop "tall"size另外，McCafe最留住我的心非這麥圈不可，甜甜的，外脆內軟，咬在口裡有麥的粒子，好有口感，又感覺健康，如果唔嫌heavy,可配隨圈圈附送cream,塗上一樣好吃，口感更豐富飽肚定價方面中，如果想嘆杯咖啡食件餅，此處確係不錯選擇，這樣四十元有找，抵！

正藉小朋友放暑假，就同阿仔去megabox玩波波池，阿仔話想食雪榚，甘好啦，就同佢去左地下個間麥當勞，叫左個菠蘿雪糕新地。最近minions甘hit,我估因為菠蘿係黃色，所以就用佢做 minions 系列的雪糕。麥當勞的軟雪糕是好味的，加左菠蘿醬和花生，感覺清新，菠蘿味重，又香又滑。感覺比平時的新地好食，平時食叫開士多卑利，有時候食到最後會感覺有點"漏"',但是這個因為菠蘿醬係酸酸甜甜的，感覺比較清新，食到最後不覺得漏，感覺份量剛剛好，不錯。下次如果再叫雪糕我也會叫菠蘿新地！

今日反工吾知食咩好，唯有選擇麥記，又吾想食熱氣野，所以未選擇左cafe.因見到個鹿仔公仔甘可愛，未選擇左一柸小鹿布朗尼熱朱古力，和龍蝦芝士蛋意式飽·小龍蝦-蛋沙律意式飽，底部有小小濃左，熱度就一般，味道也可接受朱古力不夠熱，圖案美麗價錢合共48元，太貴，應該劃分cafe 同食麥當勞食物位置。地方清潔，仍需改善，大堂員工欠缺。

周四早上因為買快達票開售飛，但又怕網上和電話買不到飛，只好去通利排隊買。一早7時多就到了megabox，這個鐘數開了的餐廳不多，便決定買麥當勞外賣邊排邊食。本想買14蚊熱香餅餐，但又怕又牛油又蜜糖食的時候不方便，最後決定要14蚊火腿扒芝士漢堡餐，餐飲加一蚊要了黑芝麻豆漿。因為没有人排隊，所以2分鐘不到就拿到食物了。先食火腿扒芝士漢堡，新鲜整起熱辣辣，兩塊包很鬆軟，火腿扒則進步了許多，塊扒夠juicy，咬落去真係有肉汁。但芝士就有點過咸。成個份量也不少，輕盈早餐來説已經足夠。看來食麥當勞只要選啱時間和分店也是不錯的。黑芝麻豆漿已成了我食麥當勞早餐的最佳拍檔。黑芝麻味夠香，豆漿又夠滑。一邊食住早餐，一邊看新書，終於等到10點開售，雖然最後也買不到想要的位置。

近來M記時不時有新攪作, 早前才推出了吉列豬扒漢堡, 這次又來個玉子蝦堡本來平時不太喜愛吃M記, 不過當午飯越吃越悶, 越想不到吃什麼, 就越多機會接觸M記了.這次來個玉子蝦堡試試其實外型有跟像早前的吉列豬扒漢堡, 不過一咬下去吉列蝦扒就明顯濕潤得多, 脆漿不會很厚, 咬下去都幾脆身的, 而內裡的蝦膠未算彈牙, 有點一PAT PAT的情況, 但當中不時吃到2,3隻蝦仁仔, 算是OK吧.反而最愛的仍是M記的各款甜批, 其實宅女最愛是紅豆批, 不過這款香芋批味道其實也不錯內裡的芋頭都幾多而且味道帶粉棉, 甜度適中, 吃一個巳夠滿足了.

放工一丁友又唔想食太貴, 所以就去附近的麥記食, 呢度七點過後人流不多, 好多位.叫了魚柳包餐加蘋果批, 因為平. 之後搵個好位坐, 魚柳包很細, 不過就是喜歡他的沙律醬, 魚柳也鬆軟而熱.蘋果批多汁蘋果也多, 薯條好似放得太少, 感覺是細包份量的, 而且放太久油已經入曬去不脆, 橘子汁一般.

最近M記推出了全新的朱古力香蕉蛋糕麥旋風宅女好奇之下又買來試試不過說是香蕉蛋糕, 原來只是內裡加了2小片乾到不行的蛋糕鋪面就算吃起來香蕉味的確幾搶, 跟朱古力醬果然搭配但那2片蛋糕好鞋口這個應該也算是試一次便算之物.

相信，介紹麥當勞是多餘的。這間進入香港多年的老外快餐店，可謂陪著無數香港人成長。多年來，食品推陳出新，為我們帶來新鮮感。但對我來說，最好食的依然是麥樂雞。近日，麥記推出的十八件麥樂雞，除了送四款混醬之外，更有可愛風的 Hello Kitty 盒包裝。因為抵受不著誘惑，決定外賣一盒回家。今次的麥樂雞是即炸的，到手時熱辣辣。回家途中，已忍不住偷幾件來吃。外脆內軟，酥酥的，不點醬都很好食。炸物果然還是要襯熱食才好味。　　回到家，先舖上麥記的 Hello Kitty 餐紙，然後興奮地開箱。打開藍白色的盒子，將麥樂雞和混醬放到白瓷碟上享用。四款醬分別是：韓風辛辣醬、星洲咖哩醬、味噌芝麻醬、蜜糖芥末醬。　　我和安娜都比較喜歡韓風辛辣醬和蜜糖芥末醬。可能為了迎合大眾口味，四款醬都是偏甜的。在這個情況下，星洲咖哩和味噌芝麻醬便失卻了原本應有的特點，較為失色。略略點評每種醬： 　韓風辛辣醬：韓式泡菜的中辣，辣中帶甜，味濃，搭麥樂雞來食幾刺激。 　星洲咖哩醬：含有星洲炒米那獨特的香味，可惜偏甜，辣度不足，感覺不似咖哩。 　味噌芝麻醬：甜味蓋過芝麻味，我們要看包裝說明，才知道是芝麻醬。 　蜜糖芥末醬

想起童年時候, 閒時最喜歡便是入厨房, 拿起媽媽買回來一大樽的好立克或阿華田粉, 拿隻匙一大口粉就送進咀裡, 其實味道不怎麼樣, 吃起來好似大舊粉漿似的, 不過小朋友沒什麼零食之下, 能吃到這個甜甜的就巳經覺得十分過癮了.而現在人大了, 當然就不會再這樣吃好立克粉了, 不過最近反而麥當勞推出了這個好立克新地, 本來聽名字以為是在雪糕加上好立克糖漿, 怎料去到看看圖樣原來是直接在雪糕放上粉!!好奇之下也買了個新地試試 (HKD$7)雪糕仍是奶味非常重, 加上了大量的好立克粉在頂部, 入口帶點甜甜的, 味道也有著陣陣好立克香味, 不過其實整體不太甜也不太突出, 味道好單調, 吃得不過癮. 我還是覺得上一期的綠茶紅豆味道重一點更美味.這個好立克味我想如果做成漿會比粉更能配合雪糕吧. (DOUBLE新地其中一層就是漿來的)

自小便很喜歡喝好立克，不過，只喝自家製版本：就是將數茶匙的好立克粉加入一杯熱牛奶中，沖出來的好立克特別香滑美味!因此，一知道麥當勞推出了新的「好立克新地」和「胚芽好立克麥旋風」，就匆到附近的麥當勞，率先試試這兩款雪糕…灑滿了好立克粉的軟雪糕，估不到味道和口感跟「木糠布丁」很相似！而且甜度比朱古力同士多啤梨湧都要低，好正呀！而麥旋風加入了胚芽，感覺更健康，可惜甜膩之餘，好立克味又不夠香濃，令人失望！由於供應期有限，呢段時間我應該都成日光顧麥當奴，好立克新地<3