麥當勞 (莊士大廈)

營業中

休息中

麥當勞新出芝士奶蓋水果凍飲，為食成性既我，仲要見到免費有得試，就食完飯就衝過黎呢間麥當勞，揀左芝士奶蓋菠蘿黎試。另外有提子味，又有芝士奶蓋珍珠茶。因為全日免費用app可以換，所以唔洗點排隊就落到單，等兩分鐘左右已經有。麥記行環保政策，所以唔會自動波比飲管，要問先有。第一啖要打開杯蓋大啖飲先飲到帶鹹香即奶蓋，之後就視乎個人喜好撈埋或者就咁飲啦。今次個奶蓋濃郁過，又厚過上次個奶蓋四季春好多好多，幾有驚喜。個菠蘿果汁味都幾自然，唔算太甜，但當然再少啲糖就最好啦，可惜呢度係無得選擇甜度既。

來到中環5點45，剛好趕得及可以點個A+B下午茶餐🤩只有星期一至星期五，兩點至六點供應～其實像早餐的價錢啦一個漢堡包加一杯飲品$16元～我選了芝蛋脆雞包（怕肥所以我例牌走醬了～～）然後飲品加$3選了凍咖啡（不加糖漿）這次咖啡好淡味🙈🙈咖啡一時好濃一時好淡要看運氣呢😂😂😂芝蛋脆雞包我第一次吃像以前的麥香雞包！下午茶好抵吃性價比好高！下次想試試mc cafe的下午茶set!!好像也很不錯🤩

朝早要中環開會，唔知開到幾時又費事捱餓去，去麥當勞叫咗個平平早餐，豬柳蛋 +奶茶，$18。快靚正個飽雖然熱，但係烘得好燶，而且豬柳有啲硬，唔知係咪又轉咗供應商。麥當勞奶茶都幾有茶味，因為係公式做沖製，水準間間都keep到差唔多。 重可以加一蚊轉即磨咖啡。中環黎講$18分分鉝月飽都買唔到，惟有捱麥記

Lunch time同個同事去試下個18件麥樂雞餐，因為我地唔大食，所叫叫個餐加大兩個人都夠食！我地簡左一套4隻醬諗住試下⋯點知真係伏黎！個南乳得個咸字，個咸蛋勁談咸蛋味！檸檬算係好少少，不過隻酸味都係怪怪地唯一無事好食既得隻舊有既蜜糖芥末！

返工嘅日子幾乎每日早餐都係食m記， 因為逢星期一至五都有"醒神套餐" 優惠， 一杯奶茶一個包都只係十幾蚊， 非常低食。最近m記新左出奶醬熱香餅， 當然要試一試啦！將糖漿和牛油換成花生醬和鷹嘜煉奶。 香濃的花生醬加埋甜甜的煉奶，搽上去熱香餅，味道好似港食西多士咁， 口感比西多士鬆軟， 但缺點就係比較乾身，食到兩啖就口渴， 而且花生醬太濃味，蓋過熱香餅的雞蛋香味港式熱奶茶，抗睡意，茶味香， 奶味濃！熱香餅醒晨套餐 $16Skippy花生醬 + 鷹嘜煉奶

大少今日提議下午茶去老麥到試飲新出嘅奶蓋飲品。其實已經見到個廣告好幾日，一直心大心細都想去試，好彩今日大少提起,咁就去試啦。個廣告一共有六款飲品,簡直花多眼亂。大少叫咗黑咖啡奶蓋，我就叫咗四季春奶蓋走甜小冰。個奶蓋唔係太厚、第一啖飲落去個味道好假。簡直係一個伏字。個感覺好似用奶蓋粉打出嚟咁。個四季春就一般啦，普通青茶嘅味道。大少嗰個黑咖啡奶蓋，佢第一句就話，好似普通黑咖啡咁。跟住就冇再比其他意見啦。個奶蓋,浮喺面，搞極都唔溶，啲芝士一粒粒。飲到一半，只係聞到好甜嘅香精味。總括嚟講呢杯奶蓋簡直唔合格佢仲要收成$30，我寧願出去飲普通黑糖鮮奶奶蓋吖。

麥記虽然不断加價，但同時都推出了許多优惠，如$24套餐，$11飽等，近日更推出了星期一至五下午2-6pm的A+B$16下午茶餐。是日我選擇了芝蛋脆雞飽+朱古力新地，兩樣加埋$16，真係平到笑。順便一提，用麥記的app落單，可以直接手機支付，喺office叫定食物，落去可以免去排隊時間，直接領取食物呢！個app仲可以好方便咁customize食物，如多醬，走醬，走洋蔥，走酸瓜等，對口味有要求的朋友，不需要再同職員浪费唇舌喇

如果要數麥當勞最好食嘅食物，炸雞翼一定係其中之一！今日下晝好想食炸雞，第一時間竟然唔係諗起kfc，而係麥當勞嘅炸雞翼！所以立刻叫外賣，一共叫咗16隻一齊share。麥麥送都好快手半個鐘唔洗就送到，非常快速

今次呢個McCafé同Lindt合作推出全新玫瑰系列好pink好有少女心啊！有玫瑰朱古力同埋玫瑰鮮奶咖啡(冷/熱) 玫瑰味啱啱好唔會太濃，每杯飲品仲會跟一粒幼滑既Lindor軟心朱古力。加埋淡淡玫瑰花香味真係夠晒sweet，仲可以加$18配玫瑰芝士蛋糕架。粉紅色仲要有D玫瑰花瓣，好味得黎夠晒有少女心

麥當勞經常都有不同的推廣優惠，以保持新鮮感。今次係18件麥樂雞回歸，配上四種不同風味的麥樂雞滋味醬。有兩款醬汁係全新的，包括「川式甜酸燒汁醬」同埋「四川宮保風味醬」。個人覺得甜酸燒汁醬酸酸甜甜，同麥樂雞的味道幾夾。四川宮保風味個人認為都係一個幾大膽創新的嘗試。當然少不了最經典嘅「蜜糖芥末醬」同埋「星洲咖喱醬」，味道一如以往跟麥樂雞十分合拍。18件麥樂雞係奢侈嘅，一次過俾你點晒四款唔同嘅醬料，咁花心。可能因為呢個18件麥樂雞餐太多人點，等候時間有啲耐，但值得嘅，因為出餐時啲麥樂雞係熱辣辣，新鮮炸起的。配上薯條、可樂，真係三點三下午餐最佳享受。

麥當勞呢種連鎖式快餐，有乜好寫呢？事原就係為左紀念呢個今生未必再有既日子。當小弟睇到有張5蚊現金卷可以用，咁就屎忽痕地試左佢呢個芝士磨菇安格斯，真係有今生冇來世。點解咁講呢，大家都知麥記既圖同實物係兩個世界的分別。唔知點解硬係要整到個包成堆垃圾咁。就好似你網上約條女出黎，網上誇啦啦，真人小喇叭！完全係兩回事！落妝認得叫化妝，唔認得叫穚妝，完全唔係果樣野叫偽裝。相信大家都知麥記咩料，但今次唔係喎！8成似，我相信圖文與實物相近的機會率比中六合彩更低，真係要影低佢！淨係似圖片呢個已經夠我紀念，做左咁多年人，從來未試過食一個餐係似廣告架，感動到眼濕濕。睇下個包先，呢個包仲要好食喎！芝士牛肉生菜都係果d，但個醬同磨菇出奇地夾，整體感覺良好。呢個死肥仔既my signature 又幾好食，40幾蚊唔平，由十幾蚊個餐食都家下四十幾蚊個餐，感觸良多⋯⋯⋯總結係，味道間間差不多，相信呢個公認既，個圖片與實物相近呢下，相信有今生冇來世！

相信M記承載著不少人的童年回憶。猶記得我與同窗在放學後總會流連街頭，走走逛逛後，便想找個地方吃下午茶。學生哥荷包有限；囊中羞澀下， M記便成為了我們中小學時期的最佳蒲點。時至今日，我依然是M記的忠實粉絲。本人酷愛雪糕，所以到M記必點它的招牌新地。雖然M記多年來致力推陳出新，推出了不少新穎的口味，但生性念舊的我仍是對它的士多啤梨新地情有獨鍾。百年如一日的order：士多啤梨新地  多醬、走花生 誠然，M記的軟雪糕並非是雪糕中的名牌，奶味當然說不上有多香濃； 但勝在入口順滑，並有香甜的士多啤梨醬搭救。偶爾亦會咀嚼到粒粒士多啤梨果肉，為滑膩可口的新地增添了另一種口感。近年香港通脹加劇、百物騰貴，M記的新地亦已加價至$8! 但以此價格而言，味道已算是不俗，同時亦能讓人重溫童年滋味，何樂而不為？

放工後到中環大會堂欣賞一套法國電影，途中已十分肚餓，一直忍到完場。都已經晚上十點了，附近餐廳都應該關門。倒不如吃個美國大餐反正是24小時的。此麥當勞未有如其他分店般將收銀區與取餐區分開，因此深夜仍會有大排長龍的情況。今日同時試了幾款新上場食品三文魚堡餐加大了，可享用shake shake薯條。shake shake粉揀左黑松露。 可感隔離飯香，之前同檯朋友食時我覺得好香好大陣黑松露香味，但自己食落既感覺就冇咁強烈。三文魚堡和三文魚牛肉堡內的三文魚炸粉偏厚，而牛肉亦同一般麥當勞的漢堡扒一樣，總括黎講味道不太匹配。

完咗concert跟朋友去M記宵夜 專誠試下疏乎蛋系列食物 影下相都過癮嘛！首先散叫一杯荔枝特飲 $14.8 套餐可以加$4將汽水換做呢個... 裡面係荔枝疏打 仲有好多(應該係 除非唔係)地moon牌雜果... 加$4換都okay嘅 散買就唔太抵lu朋友買咗個餐 小妹黐佢加錢買咗芝士薯波 有5粒 講真 一定唔會用正價每粒大概一隻麻雀牌咁大啦咬開同早餐啲薯餅好似 都係入面好多薯粒 又加咗芝士粒味道都嘅唔錯只係 加咗少少花款就賣咁貴.....

麥當勞新推出左美式手撕雞堡，今日下午茶叫左麥麥送送黎。佢同麥香雞包其實分別唔大，在於塊雞扒厚左。手斯雞堡其實食唔出手撕雞的質感，似一堆碎雞肉整成一件雞扒，肉質好鬆散。好在佢個醬辣辣地好惹味，而且有蘿蔔絲生菜絲增加口感，彌補左雞扒的不足。不過新產品黎講，呢個雞堡可以一試，試完就算了，食返麥香雞包仲好。