麥文記麵家

營業中

休息中

麥文出名，一早已經好想試，見今日唔係太肚餓，lunch就到此試一試，因為都出名好細碗!叫左雲吞麵$34，原來係平時飯碗咁細碗！真係好細碗！一碗有4粒雲吞，每粒有隻大蝦，幾爽口，都係細細粒，一口一隻，唔洗10分鐘就食完，我係出名食得慢，你可能3-5分鐘食哂！湯底都清甜，差不多喝光都唔會口乾！

專登由TST行去佐敦食LUNCH, 本身想食牛奶公司, 但真係太多人... 所以只好求其搵一間同事話不如食碗雲吞麵, 好啦, 見唔洗等位...入到去, 叫左一碗雲吞麵, 一碗水餃麵... 我地都覺得32蚊貴左d囉... 可能我地唔知價掛... 再加多個油菜, $20/碟, 要蠔油仲要加多蚊!!! 真係令我覺得搵食好艱難...最令我覺得"驚"喜既係, 當碗麵黎到既時候. 我同個同事都嘩一聲, 真係大碗到呢...我怕食唔哂囉... 晚餐屋企既飯碗咁大.... 我同同事都唔係大食, 但見到真係呆左... 食左曉飛架碗麵??? 定係有金箔係入面... 幾好食都假... 真心唔會有下次, 食完=冇食, 每人埋單 $42.5 , 仲要5成飽, 要買多個麥樂雞share先夠.... 其實d麵已經咁小, 好心比個d大既碗呃下人都好丫, 比人飲多兩啖湯都得掛, 蔥花都冇粒....真係小家都不得了....我會檢討下自己食量之餘希望佢地都改善下個份量囉....

忙碌的星期六，排山倒海的東西要做～到了二時許才可以喘一口氣，約一家之煮食個late lunch~所以就選了一家之煮至愛的麥文記～下午二時許，客人依然是很多很多呀!!剛好有客人離開，我倆就可入坐~ 一家之煮當然選了她至愛的雲吞麵($32)啦！最喜歡它的湯頭，滿滿的大地魚香味，加上小許韮王提味，就是讓人滿足的味道呀!!以雲吞放在碗底，麵放在雲吞上，這樣就可以避免麵變得糊口呀! 麵質爽口彈牙，有淡淡的蛋香味，小巧的雲吞就像一尾小金魚一樣，內有原隻大蝦，爽口彈牙的~ 整個組合就是美味呀!小妹則點了從未試過的京都炸醬撈麵 ($42)~心血來潮而點的炸醬麵，真的有為小妹帶來驚喜呢~炸醬分量看似很少，只有麵的三分一，但慢慢撈好就會發現，其實分量剛好可以讓每條麵條均勻地沾上炸醬~ 麵條煮得爽身彈牙，炸醬甜甜而帶點微辣，二者的味道平衡得剛好! 肉絲沒有很嫩滑，不過也不嚡身~ 很少食炸醬麵的小妹覺得，這炸醬麵很好食呀!! 雖然是Late Lunch，但少不免也要點一份菜花 ($20)來補充纖維~韮菜花翠綠鮮嫩而無渣，用了一點點豉油提味，鹹香可口~ 這樣美味的麵食，真的食多少次都願呀!

出到佐敦，黎到麥文記，出名食雲吞麵，去到要排隊，都唔算太多人排，排左五分鐘左右就有位喇！！ 入到去，店員好快速問你食咩，二話不說當然係雲吞麵！！ 雲吞麵 $32一碗細細的雲吞麵，要32蚊，確係有啲貴！ 不過當你食完就覺得抵食！ 點解？ 首先，麵條真係好彈牙，絕對好吃，沒有梘水味，只係真係好少份量！至於雲吞，不得了，內裡充滿了蝦，而且蝦肉彈牙，亦很鮮味，絕對不是霉蝦，亦沒有蝦腸，食得安心亦好味！ 皮薄及滑！ 一流！ 事實，此雲吞麵真的好吃，但份量真細，吃完沒有全飽的感覺。。。另外，環境比較迫，但大家都來去好快，所以都沒有大問題！ 下次再黎食會食兩碗！！

午飯時間經過佐敦，不想吃得太多，所以入去試一試就點左蝦子撈麵，成碟都鋪滿蝦子，蝦子非常香麵也做得不錯，沒有鹼水味，爽口彈牙韮菜花翠綠色的，好香好好味，夠鮮嫩無渣，不錯！地方算乾淨，價錢也不貴

這天要去佐敦辦事,辦好後自然來我最愛吃的麥文記.每次我都是叫"雲吞麵",這裡的雲吞麵是我吃過最好的.清湯鹼水面配上蝦肉雲吞,湯非常清，蝦肉同樣新鮮，整個雲吞非常彈牙.鹼水麵應該是店家自己製作的，跟其他家吃的有不同，非常好味.但麵的份量真的有點小,吃完只是飽了一半.

來到佐敦白加士街吃澳牛太久了想換一下口味, 反正薯也不太餓正好這條街有兩條麵店, 一間麥文一間麥奀兩間薯也去偷望了一下麥文比較像老店所以就進來試試看了~因為正常麵店流轉率比冰室還快才兩下就吃完跟本不用等啦~為甚麼揀手油菜有兩個價格? 人在老店還是不要多口問好了...大概是蠔油 +$1 吧?就是麵條放最上湯匙放中間壓箱最底的是雲吞這細蓉給薯的感覺就是, 一切都恰到好處麵條沒皂味也夠彈牙雲吞大小剛好, 蝦夠大也沒粉團, 湯頭也很清唯一不平衡的就是... 價格雖然還沒追上那間富貴連鎖店池記但以小店來說, 完全沒有價格優勢也許如果店家要留在九龍旺區這就是必然的代價呢

所有事情辨好後，一家之煮又饞嘴了~~她想食麥文記，所以我們又陪她去食啦~我跟一家之煮都點了雲吞麵小金魚般的雲吞，蝦味十足!麵爽口彈牙，美味又滿足!米飯班主則點了豬手麵，咁heavy 的東西如果是我跟一家之煮是一定不會點的~米飯班主點了就實在太好啦~ 可以讓我們試試又不用一個人K.O. 這一份~原來豬手又蠻好吃的~炆得軟滑入味有咬口，很不錯呀!!另外我們又點了一碟韭菜花分食翠綠爽甜，略帶豬油的香味~ 好食!!

這夜跟友好於血拼完後，本來是約好了另一個好友來個3人火鍋的，怎知他來電說肚子不舒服，不出來了，剩下我們倆個..."吃怎麼"這個大難題即時令我倆皺起眉頭，我建議到佐敦一帶看看吧，很幸運的先找到個車位，解決了停車的問題，我們倆就在附近的街頭走走看看，來到麥文記這條街上，幾間相連的食店，有麥X記、澳洲牛奶公司，原本是想到澳牛的，已經是晚上10時多，店內人頭湧湧，我們放棄了，隔壁是麥文記，看到裡面還有卡座，我記億中好像未吃過(雖然已吃過幾間麥氏)，就決定試試。店內陳設很有舊式雲吞麵店的風味，兩旁盡是硬板卡坐，店的前方當時是煮麵的開放式工作枱，餐牌貼了在牆壁上，主要提供傳統的廣東派雲吞、水餃麵類，有湯麵亦有撈麵裡，本想一心嚐嚐它們的雲吞麵的，就在侍應準備下單時，看到它們有叉燒麵，就跟侍應說要個雲吞叉燒麵，侍應用很不俏的眼神，冷冷的對我說: "這裡沒有雙併的! 餐牌上有寫明!如果雙併，都唔知收你幾錢好!!!"...好友即時提點說，餐牌上確實有很小的一句寫著" 不設雙併"  心情即時有點納悶，就要了個雲吞麵，友好叫了水餃麵及一碗淨雲吞。先來的是淨雲吞，用個飯碗盛著的，雲吞是廣東派的一口小雲吞，份

對上一次幫襯, 已經係4個月前。 每次都叫碗細蓉加支可樂, 今次亦唔例外。唔食唔知, 麥文記簡單裝潢過, 以為比以前衛生整潔啦, 原來舊酒新瓶... 再加上, 門口企左個無著制服既UNCLE幫手, 大大件塞住個門口, 仲要比佢ee unun左幾句。"大佬呀, 食碗細蓉ja, 甘都要睇你面色做人?"好彩碗面都依舊好味, 雲吞有原隻蝦仔, 上湯濃郁鮮味, 面都好彈力。條氣順返曬...借位分享:飲食業屬於Service一種, 食客除左花錢, 仲有non-monetary costs花掉了, 依啲種種因素/成本非常影響食客既評價同感受。食市除左花心機係食物, 亦要花心思去照顧客人感受。 起碼, 唔好似過個光光頭地既大叔, 企係自己鋪頭門口話個客先。

今日下午要陪一家之煮去佐敦睇醫生還好不是太多人，好快搞掂~搞掂之後，一家之煮心情愉快，所以肚子都餓起上來Lu~~所以立刻跟她食她至愛的雲吞麵啦~~麥奀記竟然開了在麥文記隔離但黎到佐敦，當然要食正宗的麥文記啦~點了兩碗雲吞麵剛點了不久，麵就上枱啦~成品是小小的一碗，作為下午茶，剛剛好~是麵在上，雲吞在下的組合，很好，這樣麵就不會糊先喝一下湯，很香的大地魚味，配著幾顆韮王，合格麵條爽口彈牙，不會有鹼水味，反而有陣淡淡的蛋香味~~雲吞是小巧的一口size，像小金魚一樣，大大的尾巴，一口咬下去是爽口彈牙的原隻大蝦，鮮味十足~這碗雲吞麵雖小，但食完真是令人很滿足~~

麥文記麵家 佐敦白加士街51號地下今日黎左依到食雲吞,一黎到當然要先叫番個淨雲吞,如果係傳統既雲吞大多數都唔會係大粒既,成粒都有少少似金魚嫁,食第一啖,咬落去就已經食到好濃既蝦味,佢個餡料真係好多蝦,不過真係無豬肉係裹面,佢話如果有包豬肉既就係水餃,唔係雲吞,雲吞都係無豬肉的,只有蝦,同埋依D大地魚末,所以食落去個味道先會咁新鮮,當然好既雲吞只會令你食到鮮味既料,之後就叫個雲吞麵食下,依到係雲吞係下面, 麵係上面,咁樣先會爽口,麵就會係用鴨蛋做既,食落會有種特別既香味,依到食落去係無鹼水既味都可以好放心咁食,之後就叫多個牛腩河,依到既牛腩係用五香既做法去做,但佢肉質唔算太軟身, 食起上黎食少少韌度,口感唔錯,牛腩都唔算太肥,肉其實算係瘦,不過佢個腩汁個味道真係好好,整得非常夠味 

今日夜晚十點揸車出佐敦搵野食，去到白加士街啱啱好有位泊車，一落車就正正係依間四年無食過既老牌麵店門口，就決定入去食之前仲係面書打卡，入到去就坐低，一個年輕朋友覆我既面書話依間野晤好食，咁就更加要試下，一間唔好食既麵檔有咩法寶可以生存到超過半個世紀咁耐。          平時聽人講麥文記主打「細佣」同「豬手」，不過你想食其他既，種類之多，絕對係有一樣啱您口味，當然我今次係食「細佣」，加「菜心」        先講下菜心，眼望落去已經可見，菜葉全部都係嫰葉，菜莖太過粗既位置都切去，食落爽，嫩，而且唔會起渣難咬，可見擇菜，切菜既細心。     再黎係雲呑麵，同數年前一樣，要飽肚最小食兩三碗先得，份量絕對地小。食一口麵......麵質同一般麵檔唔同，無滑得過火既口感，更無重口味既梘水味，麵條易咬，唔會死咬唔斷，更有陣陣蛋味。再咬一口雲呑，雲呑蝦肉爽口彈牙，絕對新鮮，雲呑皮夠薄，咬落去唔會有黏牙感覺，而且雲呑落左麻油，令香味更甚。湯底夠清而唔淡，香而唔濃。    食完比我既感覺到同幾年前食完全無分別，老牌子果然係信心保證，而且食野千祈唔好信人，自己咩都試下，鍾意食下次再黎，唔鍾意就以後唔好黎，

端午假期的最後一日在九龍公園打完波 已經九點幾簡簡單單 點了一個豬手撈麵,一個韭菜花 上湯不俗大地魚煲好鮮我飲晒 豬手入味皮軟肉滑亦有質感 其次佢既麵份量雖然細真係好爽好彈,好有質感 韭菜花淋上豬油,爽脆連蠔油亦可以不沾 略帶豬油香味係我最喜歡的 再加支裝汽水,都好滿足啦

我常以為食物菜式是應該有性別、性格，甚至身份，銀芽肉絲炒麵是慧質蘭心的婦人，亁炒牛河就是豪邁不凡的漢子，懷石料理是高雅寡言深居簡出的仕女，爐端燒就是跑慣江湖兩肕插刀的俠客。如是雲吞麵就必然是一位心思細密的女子。少時愛魚蛋牛丸牛雜牛腩粉，伴辣椒醬吃，是天下美食，每次在海外的日子，他們都令我最是思念。年紀大了，開始懂得欣賞雲淡風輕、有層次的滋味，雲吞麵現在總是首選，愛她精緻, 由碗的大小、上湯、韮王、雲吞的形態、麵的硬度，乃至雲吞、湯匙和麵的配置，時間温度的拿揑，全都是巧奪天工、天衣無縫，這樣一碗雅緻的雲吞麵，簡直是藝術品，如果涼茶是中國非物質文化遺產，她就更應是世界級文化遺產。吃遍灣仔永華銅鑼灣利苑何洪記旺角新旺記佐敦六座太子興記深水埗坤記荃灣彬記，有些店已不在人間，和我吃麵的一些親人也不在人間，回憶中每間都總有瑕疵，水準不穩，甚至言過其實，不應在論述之列，眾裡尋她，祇有中環麥奀最完美。立意要為雲吞麵作一個論述，故今天決定先試佐敦麥文，再試隔壁的麥奀。麥文是六七十年代老舊粥麵店格局，一入門令我想起兒時常去的北角新興。留肚，祇叫一碗$32雲吞麵:碗: 不成，是最煞風景最不文明的膠碗配置: